المساعد الشخصي الرقمي

مشاهدة النسخة كاملة : بانتظارك ..!

إبراهيم الوافي
03-29-2008, 07:04 PM
بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!

***

بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...

**

اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!
محمد السالم
03-29-2008, 07:12 PM
ياااااااه


هنا شعور ومشاعر

فعلا لن تتحمل الجريدة وطئتها


الأستاذ إبراهيم الوافي


كلي سرور بوصولي في المقدمة

لهذه الباذخة
العـنود ناصر بن حميد
03-29-2008, 07:22 PM
آه .. لو تدرين وش معنى انتظارك ...

أعتقد أن المساء أراد مصالحتي
فأهداني المطر
.
.
دمت بسلام
عادل بدر
03-29-2008, 07:32 PM
ياابراهيم الوافي أنت وافٍ للشعر .
أتمنى أن لا تخونه ذات يوم لا بغياب ولا بحضورٍ أقل من هذا الحضور .
لم أكن أنوي الدخول إلى أن قرأت هذه الفاتنة .
فدخلت لأقول الله عليك .
ميــرال
03-29-2008, 07:51 PM
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!







يامطر .. عيّت سحابة لاتفرط فيه والدنيا ظما ..!
ياسما ضمّت سما

يارب سترك
إبراهيم الوافي
03-30-2008, 08:58 AM
ياااااااه


هنا شعور ومشاعر

فعلا لن تتحمل الجريدة وطئتها


الأستاذ إبراهيم الوافي


كلي سرور بوصولي في المقدمة

لهذه الباذخة





وهنا يورق الصباح بالأصدقاء ..
ما أجمل أن أكون معكم أيها البهي ..
إبراهيم الوافي
03-30-2008, 09:00 AM
آه .. لو تدرين وش معنى انتظارك ...

أعتقد أن المساء أراد مصالحتي
فأهداني المطر
.
.
دمت بسلام






ودمتِ فاكهة الصحو وشريعة البياض
إبراهيم الوافي
03-30-2008, 09:01 AM
ياابراهيم الوافي أنت وافٍ للشعر .
أتمنى أن لا تخونه ذات يوم لا بغياب ولا بحضورٍ أقل من هذا الحضور .
لم أكن أنوي الدخول إلى أن قرأت هذه الفاتنة .
فدخلت لأقول الله عليك .




نحضر بكم حتى بالغياب ياعادل ..
فشكرا كثيرا لروحك
إبراهيم الوافي
03-30-2008, 09:03 AM
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!







يامطر .. عيّت سحابة لاتفرط فيه والدنيا ظما ..!
ياسما ضمّت سما

يارب سترك



ثمة تعبير خاطف ..مشع .. يختزل الكلام دهشة ..
هو ما لمسته هنا .. وهو خير من ألف سطرٍ مما يكتبون يا ميرال !
إبراهيم الوافي
03-30-2008, 09:08 AM
( 2 )




لاتغيبي ..!
يوم قلتي لي : ( حبيبي ! )
كنتَ اداري عنك هفواتي واصونك
كنت َ أخاف اني اخون الصدق ..من حزني واخونك ..!
لا تناديني بدونك
أيْــ ...ـه ..حبيبك
لو عجز حظي يجيبك ..!
يكفي إن الدرب ... توصفها عيونك
صدقيني ..
هي ثلاث حروف يجمعها حنانك
( شِ عْ رْ ) والرابع زمانك
قاف عاشق ..
أو ( ألِفْ ) شاعر مراهق ..!
خلي الرابع عشانك ..

***

آه يانجمه بعيدة ..
لو قريتيني قصيدة
تقدر تخمّ المشاعر .. بالمشاعرْ ...!
عاصفة هزّتْ سكونك ..
كنت كاتب .. صرتْ شاعرْ ..!
يانصيبي ..!
لاتغيبي
وين صوتي .. وين صوتِكْ
آه وشلون اتخيّل .. شوق ها الليلة يفوتكْ ..! ؟
غيبتك صارت مساحة ...
يجتمع فيها حنيني مع غيابك
لاتهجيت الصراحة ..!
في عتابك
ضاعت افزحمة سكوتكْ ..!
عاتبيني ...
واسمعيني لابديت أقول من طيبي الحقيقة ...
عاقبيني ...
ان طراك الشك فيني
بس لاتغيبين عني بها الطريقة ..!
يا غريبة ...
هي صحيح إن السما صارت قريبة ...؟!
وانْ .. ها النجمة حبيبة ..!
وانها غابت .. عشان تشوف طيبي ..!
وانْ كل اللي أعَرْفُهْ عن غيابك ما أَعَرْفُه .. !
وان كلاًّ .. يمنعه لا اشتاق ظرفه ...!
بس مادامك .. ــــ ومن حظي ــ رضيتي بي (نصيبك )
لاتسافر بك ظنونك
ولاتناديني بدونك
دامني من أول الصفحة ..
نسيت اسمي وسمتني سوالفنا ( حبيبك ..! )
العـنود ناصر بن حميد
03-31-2008, 02:32 PM
هنا
حيث يكون السفر متعة
نُحلق
ونكاد نلمس السماء
نتذكر حينها
أنك سألت
[هي صحيح إن السما صارت قريبة ...؟!]

.
.
ياااااااه
هي قريبة فعلاً
عبدالعزيز رشيد
03-31-2008, 02:51 PM
الأستاذ:ابراهيم الوافي
وعبر انطلاقتك في سبيل شعرٍ مموسقٌ بكلّ ماهو جميلٌ نغمة وحلوٌ حرفه تخلّلت تلك الانطلاقة أيقونات مدهشة , وكأنّها أتت بعد صقلٍ زمنيّ في داخل مكنوناتك لـ تخرج أيقونة كالجوهرة الثمينة فأتينا نلتقطها ونحن نتبعك\نقرَؤك
شعورٌ ممتع ونحن نقرأ ونكون على علمٍوموعد مع مقاطع ذات جمال آسر
تحيّاتي لك
إبراهيم الوافي
04-02-2008, 04:34 PM
هنا
حيث يكون السفر متعة
نُحلق
ونكاد نلمس السماء
نتذكر حينها
أنك سألت
[هي صحيح إن السما صارت قريبة ...؟!]

.
.
ياااااااه
هي قريبة فعلاً






ربما فقط لأنك غيمة نبيلة ..
شكرا لك ما تآخت الحروف
إبراهيم الوافي
04-02-2008, 04:36 PM
الأستاذ:ابراهيم الوافي
وعبر انطلاقتك في سبيل شعرٍ مموسقٌ بكلّ ماهو جميلٌ نغمة وحلوٌ حرفه تخلّلت تلك الانطلاقة أيقونات مدهشة , وكأنّها أتت بعد صقلٍ زمنيّ في داخل مكنوناتك لـ تخرج أيقونة كالجوهرة الثمينة فأتينا نلتقطها ونحن نتبعك\نقرَؤك
شعورٌ ممتع ونحن نقرأ ونكون على علمٍوموعد مع مقاطع ذات جمال آسر
تحيّاتي لك




إنما تتكاثر بحضور النبلاء .. لتكون أكثر عذوبةً بهم ياعبد العزيز ..
شكرا كثيرا ياصديقي لكل هذا النبْل ..
صالح الحريري
04-02-2008, 04:43 PM
حرفك شريعة بياض ...
وشِعرك أبجدية تهدينا العطر مدنية انتظار ...

أيها الوافي ...!
القراءة لك ارتواء بعد عطش ...


تحياتي
إبراهيم الوافي
04-02-2008, 04:46 PM
لو رسالة ..
لاتعثرتي بحالة .. أو كآبة ..
صدقيني .. كلنا في ضيقة الخلق نتشابه ..!
كلنا نحتاج .. دايم نبتعد ..
حتى عن طقوس الكتابة ...!
بس ليّه قلب ..
ما يقدر يشوفك غايبه .. ويظل عادي ..!
والطبيعي ... !
قط سمعتي يوم إنه فيه شاعر كان ( سادي ) ..؟!
صدقيني .. والذي يحفظك تكفيني رسالة ..
لا تعثّرتي بحالة ..!
***
يا مسافة .. !
جاوزت ظلي .. وما منها حسافة ..!
يكفي إن الدرب مع صوتك مدينة ...!
يكفي .. اني .. والشوارع لاتغيّبتي حزينة ....!
آخذ احساسي ..معاي .. !
واترك الشارع وراي ...
واتضيّع ...!
علّمينيْ ...!
كيف ادلِّ الحين دربي ...
والشوارع ..كلها نادت عليك ..!
صدقيني ..
كان صوتك ..!
دربي اللي في يديك ..!
أصدق اللوحات ( في ) كل الشوارع ..!
كنت احس انك ..معي .. ما اضيع .. لو ضيعت فاتن ...!
كل أفعالي .. ( مضارع ) ..!
كنت بارع ...!
في ( أحاديث ) المفاتنْ ...
بس هلحين ( الحبية ) حلم أسمى ..!
غربتي .. ( مسكين أعمى ) ..!
ايه احبك .. واتهجابك مكاني
أسبق الهرجة ..فبالك ...!
وأفهمك .. واكشف خيالك ...!
ونتعادل ...!
اسمع الدهشة بصوتك ...
وانتظر شهقة سكوتك ..!

( بس قلِّي :
كيف تدري وش ..بقولْ ، بجد ..
تذهلني ... وتسبقني بـ ثواني ) ..!
لا نتجادلْ ..!
صدقيني شي عادي
قط سمعتي يوم إنّه فيه شاعر كان سادي ..!!
***
لو رسالة ..!
لا وطتنا الاستحالة ..!
من تعَبك .. ومن ظروفي وانشغالي ...
لو رسالة ...
دامْ للإنسان ( مهما كان ) حالة ..!
عن ..خيالي ...!
ودي اسولف كثير ولا طرالي ..!
إني البارح .. تخيلتكْ بعيدة ..!
وان تاريخي معك .. ( يشبه ) مواضيع الجريدة ..
وانك أكثر من حبيبة
نجمة .. الحلم القريبة ...!
بنت .. ابوي .. اللي على اخواني ..غريبة ...!
قلب أمي ..
بنت همّي ...
( بحّة ) ( الحاء ) العجيبة ..!
لو رسالة ...
بس تكفيني رسالة ...!
لا تعثرتي .. بحالة أو كآبة ...!
صدقيني ...!
كلنا في ضيقة الخلق نتشابه ..!
زينب الشهري
04-02-2008, 05:00 PM
( بس قلِّي :
كيف تدري وش ..بقولْ ، بجد ..
تذهلني ... وتسبقني بـ ثواني ) ..!
لا نتجادلْ ..!
صدقيني شي عادي
قط سمعتي يوم إنّه فيه شاعر كان سادي ..!!
***
لو رسالة ..!
لا وطتنا الاستحالة ..!
من تعَبك .. ومن ظروفي وانشغالي ...
لو رسالة ...
دامْ للإنسان ( مهما كان ) حالة ..!
عن ..خيالي ...!
ودي اسولف كثير ولا طرالي ..!
إني البارح .. تخيلتكْ بعيدة ..!
وان تاريخي معك .. ( يشبه ) مواضيع الجريدة ..
وانك أكثر من حبيبة
نجمة .. الحلم القريبة ...!
بنت .. ابوي .. اللي على اخواني ..غريبة ...!
قلب أمي ..
بنت همّي ...
( بحّة ) ( الحاء ) العجيبة ..!
لو رسالة ...
بس تكفيني رسالة ...!




ربما تغنيك رسالة لكني لن يغنيني هذا الحضور الاستحالة لشاعر له مع الشعر وللشعر حكايا :)

فـ حين مسكنا طرف الحب مسكت أنت طرفيه

لذلك تملك قلب أكبر بكثير من أن يسعه صدر إنسان عااادي

أنت غير عادي وبس يا إبراهيم

http://www.600kb.com/uploads/2adcd68ce2.gif (http://www.600kb.com)
العـنود ناصر بن حميد
04-02-2008, 06:24 PM
يالله
من الممتع
أن تكون على موعد
مع هكذا .. مطر
ياسيدي
فقط رجاء
لاتخلف .. مواعيد الهطول
العـنود ناصر بن حميد
04-02-2008, 06:28 PM
أدركت الآن
لم كان الإنتظار عنوان النص!!
ميــرال
04-02-2008, 07:07 PM
وبنتظارك ياوافي

الشعردخون
إبراهيم الوافي
04-02-2008, 10:03 PM
حرفك شريعة بياض ...
وشِعرك أبجدية تهدينا العطر مدنية انتظار ...

أيها الوافي ...!
القراءة لك ارتواء بعد عطش ...


تحياتي







أيها الــ صالح فينا ..
وحضورك شريعة نبل ..
شكرا لأنك هنا
إبراهيم الوافي
04-02-2008, 10:07 PM
ربما تغنيك رسالة لكني لن يغنيني هذا الحضور الاستحالة لشاعر له مع الشعر وللشعر حكايا :)

فـ حين أمسكنا طرف الحب أمسكت أنت طرفيه

لذلك تملك قلب أكبر بكثير من أن يسعه صدر إنسان عااادي

أنت غير عادي وبس يا إبراهيم

http://www.600kb.com/uploads/2adcd68ce2.gif (http://www.600kb.com)



وحين أمسكنا بطرفيه .. وجدناكم أجمل الأطراف وأنبلها .. ليس إلا أنتم أيتها الرائعة .. أعظم النصوص وأعذبها ...
شكرا لغمامة تظللني وتترك في آثار ظلالها العشب ...
إبراهيم الوافي
04-02-2008, 10:10 PM
أدركت الآن
لم كان الإنتظار عنوان النص!!




فقط لأنكم هنا ..
شكرا لروحك
إبراهيم الوافي
04-02-2008, 10:17 PM
وبنتظارك ياوافي

الشعردخون




وسأبخّر روحي بكم دائمًا :)
إبراهيم الوافي
04-02-2008, 10:23 PM
بانتظاركْ ..
صارت الساعة دقيقة ..
والدقيقة ..الف ساعة ..
كانت الظلمة افـ ـــقاعة ..
تلعن غبار الأثاث ..!
دقت الساعة ثلاثْ ..
قلت تصحى ..
تكتب ارقامي وتمحى ..!
واتصدّد ..!
صدقيني ..
يوم ..ماجيتي كأنّ الموت داهمني بلحظتها
وتردّد !!
كن حلمي فيك من يأسي ..تبدّد .!
***
في غيابك ..
كانت ( الرنة) الغريبة ..صوت بابك ..!
كنت متخيل .. عتابكْ ...!
أفتح كتاب الحقائق ..!
واجمع احساس الدقائق
واعتذر لك ..!

***


كنت مخطي .. !
دامك تغيبين .. لازم ..
كنت مخطي .. !
يمكن انك يوم ..
تعطيني وأنا ما كنت معطي ..!!
صدقيني ..
صعب اكون انتي .. أوَ اني يوم اشوفك في مكاني
انتي اكبر من زماني
صدقيني
صعب اصور لك شعوري .. وامتناني !!
غير هذا ...!
انتي اكثر من سواليف الغرام ..!
وانتي أكبر من تفاهات الخصام ...!
انتي احساسي بخطوات الثواني ..!

***

ياحريئة في غيابك ...!
يابريئة .. !
من عذابي ومن عذابك ..!
وينك انتي ..
الصباح اللي تحرانا ..على باب الحنين ..
يصدّ بنتي ..!
شافت الدمعة بعيني .. وتركتني ...
سآلتني .. واربكتني !
كنت اقول اني سهرت اكتب قصيدة ..!
بس ..
كيف اكتب مدام انك بعيدة ..؟!
يا عنيدة ..!
ذنبي اني في غيابك ..كنت ذنبي ..!
ذنبك انك تتبعين الظل جنبي ..!
اتبعيني ...!
صدقيني سيرة الظل المشتّت تفتريني ..!
اسمعيني ...
افتح كتاب الحقائق ونتخانق ...!
احتويك وتحتويني ..
ونتعانق ...
صدقيني
صدقيني
كل شي يهون لا جابك حنيني ...!
غنج نجد
04-02-2008, 11:15 PM
الشاعر المدهش

ابراهيم الوافي


الإنتـظار

هنـا

متعـه


بحق متعـه .. وليتها مجتمعه تلك المحطات
متسلسله هنـاك / الهدوء
لنستمتع بهدوء ..


جميل انتظار هطولك يـا / ابراهيم
ومفيد جداً
فـأنا هنـا بمدرسـه شعريه كبيره


مدائن جوري لقلبـك ومحطاتـه الفاخره

اختك

غنج نجد
هـيـفـااللاّفـي
04-03-2008, 10:35 AM
آآآآهت لو تدرين وش معنى إنتظارك

,’

,’

مؤلم هو الانتظار:(
ابراهيم

نص جميل

صح نبضك
العـنود ناصر بن حميد
04-26-2008, 01:30 AM
.
.
مازال للإنتظار دهشته الأولى
ولذا لابد لهذا النص من العودة لـ مكانه الأول
شــمــ نـجـد ــس
04-26-2008, 03:25 PM
:

بعض الاشعار تغني عن الكثير منها ..
سأحتفظ بها وأمضي


شكرا شاعر ابراهيم
خالد الداودي
04-26-2008, 06:32 PM
بانتظاركْ ..
تجمعين الوقت .. فـ..ـشفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
ياسما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!

***

بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة ابـ..ـغفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...

**

اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبـْ تشتريني ..!!
واشتريْتِكْ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!







هذه التفعيله غنائيه
ما يميزها انك اقرب الى لحظة الصدق في ذات القاريء والشاعر
كثيرا ما اجد قصائد تفعيله طويله
ولكن يعيبها ترابط الفكره والموسيقى الداخليه للنص
هنا انا امام شاعر جميل يعرف العزف جيدا لدرجة انك لا تحس بطول القصيده
وانت في ذهول تام امام خيالك وانت تقرأها

ليس ثمة اطراء هنا بقدر ما هو انطباع قاريء اعتاد ترك عينينه على النصوص

شكرا لك بحجم الغيم
جُمان
10-23-2008, 12:20 PM
شعرٌ كـ هذا ../ لا تَغفل عَنهُ عينُ الدَّهشة ..

بانتِظارك ..!


.

.
ميــرال
11-13-2008, 11:41 PM
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة افــ..ــداري ..!
آه لو تدرين وش معنى انتظارك ...
مثل ما تدرين وش معنى انكساري ...


مطر مطر مطر