فـاطمــــــــه [الأرشيف] - منتديات أبعاد أدبية

ماجد صخنان العنزي

08-21-2006, 03:41 AM

فاطمه \ فتاه عراقيه كانت تسكن حارتنا قبل حرب الخليج
بعدالحرب ذهبت مع عائلتها الى مخيم اللاجئين بمدينه رفحا
.
.
.
.

فاطمه
الحارة القديمه
حارتك
تسأل عليك
يذكر اسمك كل بيت
وكل حي ٍ عاش فيها
طفل ٍ وشايب وطفلة
خايف ٍ والله عليك

فاطمه
لو ترجعين
ادري بك ماتصدقين
كل شي فينا تغير
الاٌ شي ٍ ماتغير
هو سؤال الناس عنك

تذكري ذيك السوالف
عن بطل خاض المعارك
كنا كنا
فيه نفخر
يوم تقومي وتصرخين
(ريٌسي) هذا مايقهر
شوفي اليوم اش مصيرة
اسجنوة الله يعينه

كنا اطفال ونسولف
والسوالف يوم راحت
ارجعت بالامس ساعه
في محاكمه الامير

فاطمه لك صاحبات
تذكريهن
كلهن متزوجات
الاٌ انتي
مدري عنك
دايم اتمري ببالي
وتاخذيني في خيالي
وابتدي بالاسئله

فاطمه
ياااااااااااااااافاطمه
ليتني بس ادري عنك
لاسئلتني النفس عنك
ابتلش بالاجوبه

فاطمه
هو بس سؤال
ماذبحني الاٌ هو
( هي تدوس الدرب رجلك ولاٌ تحته نايمه)

فاطمه الحريه جتكم
بعد مالحرب ادمرتكم
ولاٌ مثل السنٌه انتي
عن هواها صايمه

فاطمه
هالحين حرة
ولاٌ مثل السنٌه انتي
تضربون وتقصفون
وباقي الشعب العراقي
عايش بــ امن وامان
مايعرفون الهوان

ماهتفتي بالورود
مثل مالشيعه تسوٌي
ومثل مالاكراد سوٌت
ياهلا بجند البواسل
بقوة التحرير اهلاً

ياهلا بالامريكان

ماجد صخنان العنزي

01-17-2007, 01:46 AM

ارسمك رسمه لعيني النظـر منهـا تهـوٌل
’’’’’’’’’’’’’’’’ وكيف ابكتب لك قصيدة والقوافـي غافيـة

سرب فكري طار مني بالسما راح ايتجـول
’’’’’’’’’’’’’’’’ راح يمٌك يوم جانـي قـال فعـلاً زاهيـة

السنه والعام واللي صابني في عـام الاول
’’’’’’’’’’’’’’’’’’صار بالنسيان مرمي يـوم شفتـك آتيـة

والعبوس اللي بوجهي عند بسماتك تسـوٌل
’’’’’’’’’’’’’’’’’’مـد يـدٌه 00قـال لله اضحكـي ياغاليـة

ذيك تضحك/ذيك تبكي/ذاك يرقى/وذاك حوٌل
’’’’’’’’’’’’’’’’’’’’وش علينا عاد منهم ذيـك نـاس ٍ فاضيـة

اتركي مجرى حديثك في مصالحنا ايتحـوٌل
’’’’’’’’’’’’’’سولفي لي عن بعضنا في سوالف حاليـة

ننتظر ونقول غايب حجتـه معـه لاطـوٌل
’’’’’’’’’’’’’’النصيب اللي انحلم به فـي ليالـي هاديـة

ارسمك واكتب قصيدة منهٌا الرسم ايتهـوٌل
’’’’’’’’’’’’واكتبك وارسمك رسمه في قصيـدة دافيـة

ماجد صخنان العنزي

01-17-2007, 01:48 AM

منت الوحيد اللي تغيٌر معايه
’’’’’’’’’’الفين وجه ٍ غير وجهك تغيٌر

ماجد صخنان العنزي

01-17-2007, 01:50 AM

اببتعد / وابترك الشعر للناس
’’’’’’’’’’’دامي بليٌا (ناس ) وش ينفع الشعر

ماجد صخنان العنزي

01-17-2007, 01:56 AM

ابوتركي اخي الاكبر

لاتنذهـل مـن دمعتـي صـد بالله
’’’’’’’’’’’’’’كبيره ادري ان شفت رجال يبكـي

والله
يلـولا طيحـه الـحـظ والله
’’’’’’’’’’’’ماشفتني من حـر مافينـي احكـي

ولولا سـوات الحـظ والله يلـولاه
’’’’’’’’’’’’’’’’’’ماهزهزت ثـورات حزنـي بملكـي

انا ادري قلبـك مـل بلسانـي الآه
’’’’’’’’’’’’’’’وانا ادري ماترتاح الاٌ لـو اشكـي

وانا ادري همي غير كتفك مايقـواه
’’’’’’’’’’’’’’’’’’’’’وانا ادري حبك لي زي حب (تركـي)

لكـن ردي الحـظ سـوٌا سوايـاه
’’’’’’’’’’’’’’’’’’عجـزت ارده يـوم عـزٌم بهلكـي

ولامن ظمير ٍ حي لاظقت انا القـاه
’’’’’’’’’’’’’’’بالعكس اشوف الناس تحزن لضحكي

انا ادري كل انسان يشكـي بدنيـاه
’’’’’’’’’’’’’’’’’ولاني ترا اول شخص بالوقت يشكي

ومن شاف انا بلواي يرضـا ببلـواه
’’’’’’’’’’’’’’’’’’’صدمه / لاشفت ارجال بالوقت تبكي

ماجد صخنان العنزي

01-17-2007, 02:06 AM

الساهر: معربا: الشام

بلحظةٍ فيهـا الشياطيـن ارقصـو
’’’’’’’’’’’’’’’’مع موسيقى / مع جسـم متحايلـه

يوم طبت زينـب البسـت اهتفـو
’’’’’’’’’’’’’’’’’’’’’ياهـلا باللـي بغـلانـا نايـلـه

بعضهم يرقـص معاهـا لاشربـو
’’’’’’’’’’’’’’’’’’وبعضهـم يكشـخ لهـا بعمايلـه:0062:

واذا شدت زينب الرقـص اخربـو
’’’’’’’’’’’’’’’’’ليـن توٌريهـم نجـوم القايـلـه

ولارفعت عن ساقها/ الناس اصرخو
’’’’’’’’’’’’’’’’’’’’’هايلـه يازينـب انـتـي هايـلـه

يلعن ام الرقـص والجسـم الحلـو
’’’’’’’’’’’’’’’’’’’والشعـر والقـذلـه المتمايـلـه

والله انـك مـوت لكنـه مـهـو
’’’’’’’’’’’’’’’’مـوتٍ احمـر والجميـع ايخايلـه

وصدرفيه عيون خلـق الله سهـو
’’’’’’’’’’’’’’’’’’’وباللعـاب افواهـهـم متسايـلـه

وخصر عـاري/ ماتغطيـه بكسـو
’’’’’’’’’’’’’’’’’’’’’بـه تويلهـم ولاحــدٍ طايـلـه

وكل واحد/ يشكي للثانـي /يابـو
’’’’’’’’’’’’’’’’’’’’’وش بلانـا والحظـوظ المايـلـه

شف حياة الراقصة زينـب/ لهـو
’’’’’’’’’’’’’’’’’’وانـت شايـل هـم دنيـا زايلـه

يوم شـد الرقـص والعالـم طفـو
’’’’’’’’’’’’’’’’’’’’’قمـت مـع هـمٍ بكتفـي شايلـه

ماجد صخنان العنزي

01-17-2007, 02:15 AM

يامي هاتي جره الماء يامي
’’’’’’’’’’’’’’’’’’’او اخلقي يامي ضحك لعبوسي

الغيم لو بي حس بللني بمي
’’’’’’’’’’’’’’’وان مت انا ماقول حن ليبوسي

صعب لغبار الارض انزٌل ايدٌي
’’’’’’’’’’’’’’’’’’الاٌ: ان سجدت لله تهنى بلموسي

حتى المجالس ما اجيها وانا حي
’’’’’’’’’’’’’’’’’’’اذ بالمجالس ناس تكره جلوسي

ماشوف نفسي بينهم : ليه وش بي
’’’’’’’’’’’’’’’’’’’’’او انهم اسلام وانا مجوسي

الله عطاني نفس تبسط لي الفي
’’’’’’’’’’’’’’’’’’’بها اتقي من شر حاله طقوسي

لي نفس لكن مالها نفس في شي
’’’’’’’’’’’’’’’’’’’ماتنتكس بي وخابره حد موسي

امرتها بالغصب لين ايئست هي
’’’’’’’’’’’’’’’’ابسط مثل : حطيت حد لهجوسي

الاٌ هوان النفس هذا مهو لي
’’’’’’’’’’’’’’’’هذا ترا عنوان كامل دروس

اما امسك نجوم السما واقطف الضي
’’’’’’’’’’’’’’’’ولاٌ اعتكف بالليل واهجر شموسي

ماجد صخنان العنزي

01-18-2007, 12:43 PM

بصدري شاعر كم كتب

وش كتب
مدري
ولكن
ادري بس انه كتب

كان واقف في رصيف
’’’’’’’’’’’وفي يده كسره رغيف
وكان في موقف عنيف
’’’’’’’’’’’’’’’وباين بوجهه غضب

جيته اسأل00منهوانت
’’’’’’’’’’’’قال انا اللي عاد كنت
كنت شديد وثم لنت
’’’’’’’’’’’وشخص من ذيك العرب

وثم رحل
’’’’’’’’’’’وابتعد عنه النظـــر
ذاك البطل
’’’’’’’’’’’’اللي ماجاله خبــــر
راح طفل
’’’’ وجا شايب لاعبٍ فيه الكبر

كان يجلس ثم يحلم
’’’’’’’’’’’’’’’’’’’’وكنت انا معاه احلم
وكل مافاق من حلمه اعلم
’’’’’’’’’’’’’’’’’’’’’انـــه لحلمـــه كتب

وش كتب
مدري
ولكن
ادري بس انه كتب

كان اذا هام لسفر
’’’’’’’’’’’’’’’’’’’’ مايتعفى في طريق
غازل عيون الفجر
’’’’’’’’’’’’’’’’’’’’وكل نجم ٍ له بريــق
يصحى لازان السهر
’’’’’’’’’’’’’’’’’’وبالضحى نومه عميق
الوطن عنده شعر
’’’’’’’’’’’’’’’’’’’وبالشعر حزنـه يليق
يابني آدم اثر
’’’’’’’’’’’’’’’’’صدركم مافيه ضيــق
قالها وراح وعبر
’’’’’’’’’’’’’’’’’وسافر لحزن ٍ عميق
بعدها كتب سطر
’’’’’’’’’’’’’’’’’وشب بالدفتر حريق

وش كتب
مدري
ولكن
ادري بس انه كتب

يمكن بمي الحبر
’’’’’’’’قام يكتب له شعر
عن حبيبه والعمر
’’’’’’’’وذكرياته بالتعب

وكان يحب وحده بلطفه
’’’’’’’’ان شافهاجت فيه رجفه
حطها ملكه بوصفه
’’’’’’’’’’’’لكن افترقو غصب

وكان يحب وحده وقالو
’’’’’’’’’’’’’’’اسمها يمكن عنود
قلت انا بس لاتزود
’’’’’’’’’’’’’قلت لي يمكن عنود

اكيد
هو عنها
كتب

ماجد صخنان العنزي

01-20-2007, 12:58 AM

ذكرياتي نبتدي في ذكرياتي
’’’’’’’’’’’’’’نبتدي من وين / من عند الطفوله

الطفوله اسئلي عنها حياتي
’’’’’’’’’’’’’’’’بس حسافه مرت بلحظه عجوله

والشقاوة كانت اروع ما بصفاتي
’’’’’’’’’’’’’’’’’’’كنت طفل ٍ لوتشوفي كيف زوله

كنت اغني وكانت الدنيا غناتي
’’’’’’’’’’’’’’’’’وكانت العابي هي اروع مانوله

ومن خيوط الحلم كنت انسج عباتي
’’’’’’’’’’’’’’’’’’’وكنت ابرسم لوحه ايامي بطوله

ماجد صخنان العنزي

01-21-2007, 09:48 AM

صوتك مثل صوت العصافير بالصبح
’’’’’’’’’’’’’’’’صوت ٍ يخلي عالم الصبح سكر

اشم
بعطرك
موت مايعرف المزح
’’’’’’’’’’’’’’وبانفاس فمك انفاس وعطور تبهر

يسعد صباح الفقر ياقسوة القمح
’’’’’’’’’’’’’’’’’’يسعد صباح الحال والوظع الاقشر

لاتطعنين الحال يكفيني الرمح
’’’’’’’’’’’’’’يوم انغرس في وسط ظهري تكسر

ولا تعوضيني دام / خسارتك ربح
’’’’’’’’’’’’’’’مع اني يوم اشريك داري بك اخسر

ولاتصالحين القلب / ماينفع الصلح
’’’’’’’’’’’’’’’’’’دامك عدو بعداه وعناده افخر

ولو تجرحيني قلت الله على الجرح
’’’’’’’’’’’’’’’الله عليه
الله
الله واكبر

لو تذبحيني جاز في مثلي الذبح
’’’’’’’’’’’’’’’’حلالك انت الروح يالموت الاحمر

ماجد صخنان العنزي

01-21-2007, 09:50 AM

من رداة الحظ / حظي طاح بي
’’’’’’’’’’’’’’’’’’عند ناس اعوذ بالله منٌها

ماجد صخنان العنزي

01-22-2007, 09:28 AM

الصديق والعدو
(يخلق من الشبه اربعين)
7
7
7

ماجد صخنان العنزي

01-22-2007, 09:35 AM

منهم اعدائي وكم واحد معاي
’’’’’’’’ومنهو اللي يفرش بصدري غلاه

ومنهو بفراحي تمنى لي اذاي
’’’’’’’’’’’’ومنهو اللي يشد في ظعفي قواه

البلا اني ماعرفت انا اش بلاي
’’’’’’’’’’’ذا (سؤال ٍ ) يحرق الكبد بلضاه

لاصديق ٍ واقف بضيقي معاي
’’’’’’’’’’’’’’ ولاعدو ٍ عارف ٍ سبٌة عداه

كم خوي ٍ مايخالفني براي
’’’’’’’’’’’’وكم خوي ٍ طيٌب النفس برداه

بعضهم لبى قبل يسمع نداي
’’’’’’’’’’’’’’’وبعضهم يوم ٍ سمعني قال هاااه

قوت ايدين الزمن شدت حشاي
’’’’’’’’’’’’’’’كافره ماكبرت يوم لصلاه

ماجد صخنان العنزي

01-24-2007, 06:53 PM

ياجروحي

ماتروحي
ولاٌ يعني ماتملي

اتركي لي شي مني

اتركي لي بس قلب
’’’’’’’كان باقي لي عمر

واتركي لي اخ درب
’’’’’’’’’’مايغيٌــره الدهــر

واتركي لي ظهر صلب
’’’’’’’’’ماياثر به كســــــر

انتي لو بك طبع كلب
’’’’’’’’’’’ما اخذتيني غدر

ماجد صخنان العنزي

01-24-2007, 06:56 PM

مدري كل الناس تخطي
’’’’’’’’’ولاٌ انا اللي كنت صح

ولاٌ كل الناس تعطي
’’’’’’’ولا انا اللي كنت اشح

كان هذا(شك)يبطي
’’’’’’’’حتى لو ابطا يلح

ماجد صخنان العنزي

01-25-2007, 06:51 PM

ياجروحي وين ربعي
’’’’’’’’’’’’’ وليش اخوياي اتركوني

اذكر ان الوصل نبعي
’’’’’’’’’’’’’ واذكر ان الحب لوني

من عطشهم جف نبعي
’’’’’’’’’’’ حلقي جف ولاسقوني

كنت انورٌهم بشمعي
’’’’’’’’’’’’ بس في ليلي نسوني

يوم نادو ثار سمعي
’’’’’’’’’’’’’يوم انادي ما اسمعوني

كنت اواسيهم بدمعي
’’’’’’’’’’’’ وبالنهايات اخذلوني

ماجد صخنان العنزي

01-25-2007, 07:14 PM

حبيبي اللي ماهمله يوم فكري
’’’’’’’’’’’’’’’’’مايفهم بشرع المجانين ايه

لوادري انٌه ماهو اللي بخبري
’’’’’’’’’’’’’اشتته واحرق معه كل غايه

مدري ولادري ..وادري اني مادري
’’’’’’’’’’’’’’’تغيرت اشياءء مثل اخويايــه

ماجد صخنان العنزي

02-02-2007, 02:04 PM

اذهبي

طالما انه اختيارك

ان عدتي ستجديني بـــــ كرمي

وان لم تعودي ستبقين ذكرى

احكيها

لعكازي عندما

اشيخ

ماجد صخنان العنزي

02-02-2007, 02:10 PM

باقه ازهاري وانا امسكها قزاز
’’’’’’’’’’’’’جرٌحت يدٌي وصارت بي رموز

كنها بعد السهل / جتني غراز
’’’’’’’’’’’’’’’’’’كنها عكاز ماساند عجوز

من وفايه : كنت دايم بعتزاز
’’’’’’’’’’’’’كنت واضح في زمن كله غموز

اوهمتني وقلت يمكن لي تجاز
’’’’’’’’’’’’’اثر طعم الحب عنده مايجوز

ماحلمت احيان مره بالمفاز
’’’’’’’’’’’’كيف ابحلم : واجمل اعدائي بروز

وين ابلقى لخامة اثيابي طراز
’’’’’’’’’’’’’’’كيف ابفهم سر اجابات اللغوز

واللي اصعب من اجابات اللغاز
’’’’’’’’’’’’’كيف وبــ ايٌه طريقه فيه افوز

راحت الفرصه بدون اي انتهاز
’’’’’’’’’’’’كان حلمي بس في قلبه احوز

بوحدتي/مع ضيقتي لي انحياز
’’’’’’’’’’’’يوم قلبي عيٌا عن طبعه يجوز

ماجد صخنان العنزي

02-02-2007, 02:19 PM

شعري هذا من خيالي وكله اهداء لخيالي
’’’’’’’’’’’’’’كيف اجل لو هي حقيقه ترقص بشعري فتاه

يمكن اكتب من جنوني:من هبالي:وانفعالي
’’’’’’’’’’’’’’’’’’’’’’بس انا رجال طهر نفسه بمي الصلاه

خلني اكتب بشعري كل مايطري ببالي
’’’’’’’’’’’’’’’’’عن ضياعي والتياعي وفقري اللي بالحياه

ايه انا لي كل خطوة تمشي بقاع الليالي
’’’’’’’’’’’’’’’لي معاها الف نظره والف بسمه والف آه

وايه انا اللي لاجلست اجلس مع الظلمه لحالي
’’’’’’’’’’’’’’’’وابقى اكتب في قصيدي واشعل الليل بضياه

لاونيس:ولاجليس:وناقص ٍ حيل اكتمالي
’’’’’’’’’’’’’’كيف اجل ارتاح لحظه وابقى في فترة نقاه

لي حقدي:ولي غيظي:ولالي احساس:ولاابالي
’’’’’’’’’’’’’’لي طيشي:لي وقوفي:ولااستند على عصاه

وطيش ماضيي تركته بعد ماضيعت حالي
’’’’’’’’’’’’’’كنت احسبه فخر لاسمي ان قيل هذي هي سماه

مادريت اني خطا والثمن ادفعه غالي
’’’’’’’’’’’’’’’’’’وينتظرني طيش قادم جا يكمل مابداه

بس هذا الطيش جا من ضيق صدري واحتمالي
’’’’’’’’’’’’’’’’من الفراغ اللي ذبحني يوم صبري ماقواه

وجت ظروفي :وغيرتني:واعزلتني مع ظلالي
’’’’’’’’’’’’’’’’’’فوق مافيني جروح جابت جروح وغثاه

ولايهم لوفيه بنت ٍ جت تصير ام لعيالي
’’’’’’’’’’’’’’’’’المهم الحين ابفضى بس لوقات الصلاه

ماجد صخنان العنزي

02-02-2007, 02:29 PM

يمه ادري انك بعمرك كبرتي
’’’’’’’’’’’’بس جناحي عيٌا بحلامي يطير

وادري اني قبل اسولف لك فهمتي
’’’’’’’’’’’’’’’’’’’بس تراه الجرح ملعون وحقير

على شاني قولي انك ماحزنتي
’’’’’’’’’’’’’’’آآه لوشفتك حزينه كيف اصير

اشعله هالليل يمه لانظلمتي
’’’’’’’’’’’’’’’’وافرش من النور لك يمه حصير

يفضحك وجهك ترا كل مابتسمتي
’’’’’’’’’’’’’’’ان سألت وقلتي انك بالف خير

من ثياب الليل كل قمرى لبستي
’’’’’’’’’’’’’’’’’’ومن ثياب الصبح يلبسك الحرير

يمه والله لامشي الدرب ان سمحتي
’’’’’’’’’’’’’’’وان لمحت الموت والله ماستدير

واضرب بعصا ضياعي لازعلتي
’’’’’’’’’’’’’’’’واشرب الاوجاع وانثر لي غدير

والبعيد اجعل له حضور ان اذنتي
’’’’’’’’’’’’’’’’’’والقريب اجعل له غيابي يسير

وش خبرتي غير مافيني خبرتي
’’’’’’’’’’’’’’’غير احلام وجناح ٍ مايطير

ماجد صخنان العنزي

02-02-2007, 02:32 PM

كل ماتطعني : يد
’’’’’’’’التفت واقول : ليش

وما الاقي اي رد
’’’’’’’’’وكلها من شان ايش!

طبع : ولاٌ قل ود
’’’’’’’او نفاق ٍ به تعيش

بعدها عنهم : اصد
’’’’’’’طز فيهم : ماعليش

ماجد صخنان العنزي

02-02-2007, 02:39 PM

ارقصي ماجيت لليل ابغى انام
’’’’’’’’’’’’’’’واحضنيني بحزة الليل الهدي

علميني كيف لذات الغرام
’’’’’’’’’’وان شكيت الصيف تكفين ابردي

ان ضميتك ارتوي بسمع الكلام
’’’’’’’’’’’’’وان ضميتي لي تعالي واوردي

للسما ارقى على عند الــ حلام
’’’’’’’’’’’’’وارسمك نجمه يغازلها الجدي

بعثريني مايهم الانتظام
’’’’’’’’’’’’’’’خلي من يسمع جنوني يهتدي

العقل (ياعاقله)بك مايلام
’’’’’’’’’’’’كيف وانتي من جنونه تنشدي

والحزن لويسكن بصدري زحام
’’’’’’’’’’’لايهمك (ياحزينه)وارقدي

انتي اللي ماخلق مثله حرام
’’’’’’’’’’’’’’وكل بنات الكون منٌك تقتدي

كون جيتي حرب او جيتي سلام
’’’’’’’’’’’’’’’’حالف ٍ غيرك فلا تمسك يدي

ناديه انتي او اني باحتلام
’’’’’’’’’’’’’’او هو طيف ٍ في عيوني وارمدي

ناديه وان شفتك بغفوة منام
’’’’’’’’’’’’’’’’’’’’لاتصحيني ببعدك يابعدي

ناديه وان جابك الله بالسلام
’’’’’’’’’’’’’’لاحتفل في عمر توة يبتدي

لك بصدري مملكه حب وغرام
’’’’’’’’’’’’’وكرسي ملكك في ضلوعي اقعدي

قصتي وابغى لها عندك ختام
’’’’’’’’’’’’’’اختميها يمكن ارجع وابتدي

ماجد صخنان العنزي

02-02-2007, 02:41 PM

اشتقت لك واخاف اذا جيت مشتاق
’’’’’’’’’’’’’’’’تقول توك رحت : ياسرع ماشتقت

ماتدري اني بعد حضنك والاعناق
’’’’’’’’’’’’’’’’من بعد حضنك : حضن الاحزان عانقت

ماجد صخنان العنزي

02-03-2007, 06:32 PM

تدري اني ماحترم هالناس : ليش
’’’’’’’’’’’’لاني شفت الطعن باعظم : محترم

كن وحيد لتكن سعيد
حتى لاتخذل باعزاز اصبحو بذل
اخوة سوٌد وجههم القبح

لا كذا ياصاحبي مقدر اعيش
’’’’’’’’’’دام وجهي طيب : وايديني كرم

وانت تدري الطيب مايوكلك:عيش
’’’’’’’’’’’’’’’’’موت جوع : ولانبي عيشه خدم

كيبورديه:o