كشكول:شعر

[عبدالعزيز رشيد]

كان الحكي
وشافت وسط عيني حزن
عيّت تكمّل واسكتت
حاولت أخبّي-داخلي
حاكيتها عن أكثر الأشياء فرح
ثم قاطعتني تقول:
ف عيونك حزن

[عبدالعزيز رشيد]

http://www.kuwaite.ws/uploads/79f58bee47.jpg (http://www.kuwaite.ws/)

مرجحي روحك على روحي
تمرجح ضحكتي قربك
وياخذني هيامي ويبتعد عنّي الكدر.
تتلوّن الدنيا زهر
و
طارت من غصون الوله كلمة
رست يمّك
تقل تبغى تلمّك
استحت تنقال
وانقالت
من شفاه السكوت
بـ صوت من لهفة نظر
طارن فراشات الفرح من ضحكتك
كحلٍ تطاير
زيّن عيون المكان
وصارت الضحكة نظر

[عبدالعزيز رشيد]

أمتطي صهوة خيالي
جيت أدوّر عن شعر

[عبدالعزيز رشيد]

إلعب على قلبي
تلاقيني ألاعب ضحتك
إضحك
تفتّح داخلي زهرة افراحي
تبي شمسك
بعد ماغيم همّي زادها برد وبلل
قرّب أبدفا
مابقى فيني دفا
حتّى الحزن
كائن ومات ف داخلي
برداااان

[عبدالعزيز رشيد]

من يرسمك؟
غير الخيال

[عبدالعزيز رشيد]

بـ عين الطفل هي:
زاوية
خبّيت فيها دمعتي
هذي
زوايانا
حضن مبكى
ومخبأ
يحتوي اسرار الحزن

[عبدالعزيز رشيد]

من فتح بابي؟
وحيد وكنت هادي
ماعَلَيْ إلا الكدر
ساكن
وساكن حيّّ روحي بآخر النسيان
أسالكم أنا
احدن قرب يمّي
وغدى ف قلبي
بعد ماهو فتح بابي
ولاسلّم علي!
ف منهو فتح بابي؟

[عبدالعزيز رشيد]

ارسمي الفرحة
جداول من فرح
تسقي عشب روحي
وماها يسولف لـ صوتي
وصوتي يمتلي ضحك ومرح

[عبدالعزيز رشيد]

كانت معي ذكرى
أخبّيها عن النسيان
مالي غيرها
وخايف عليها تضيع
وياخذني الضياع

حتّى خدوش الوقت
استانس بها
واونس بها أمسي

ألاعب خاطري الولهان
ياخذني بعيد بعيد
ومايدري
أخاف أرحل
ويسبقني الزمن

كلّ الجروح تموت
ف ليت آلامنا تموت

[عبدالعزيز رشيد]

ابتسمت اطرق على باب اللقا
ناديت سمعي.. انتظر صوت اللقا
لكن أثاري مابقى
غير الندم ولهان فيني ينتظرني!


شالت يديني غبار الباب
ياكم غابوا احبابي
وبقى لحاله
غبار الوقت يحسب
ويتراكم
مثل مالشوقّ يتراكم علي

[عبدالعزيز رشيد]

نادم
على مافات من عمري
أبي أرجع
وأشيل اسمي
ومكاني
ومسكني
وكلّي
ولو هم خيروني
صرت ظلّك للأبد

وانبت زهر
من عطرها تنادي:
تعالي
..اقطفيني
و..
اقطف الزهر ليدينك
ثم أصوّت لك
تعالي لي أنا
..ثم اقطفيني

[عبدالعزيز رشيد]

طلّت من الغرفة
مثل السبب
من شرفة جروحي تطل
لو مليانه ألم
يبقى..
العِذْرِ السبب
ياهي
أحلى سبب
قلنا:
من يجرح التربه
ثما تطيب ويزهرها العذر
مثل جروحي
تطيب وتنبت لي عذر
معذوره
لو أصير بكلّي جروح
راضي باغلى سبب
وارضى ..
أكثر
لَوُضْمادي
قطعة من يدينك

[عبدالعزيز رشيد]

لو ماسقى روحي حبيبي
كيف روحي ماتموت؟

دايم اجاوب صبري شويّ شويّ
يرجع لي ويجيني

ماملّت عيوني غروبه
جالسه تنطر شروقه من جديد
.. يجي ويرجع لي حبيبي

وينه
يدي تصافح يدينه
ماأخلّيها يدينه
مايروح إلا ويديني تعانق يدينه

شفني
"حبيبي...
ذابت عروقي
تعال وشوف صدّقني حبيبي"

[عبدالعزيز رشيد]

نامي
بوسط العين نامي
.. والسما جفني
ونور العين نجماتي
مَشَاهد نظرة عيوني تصير احلام
في عيني أنا نامي قريرة عين
في عيني أنااسمك نظر عيني
بغنّي لك:
"أحبّك ..
ممتلي بـ حبّك
وأجي قربك
واقترب
واملى عيوني بك"

[عبدالعزيز رشيد]

أرسلت لك ديمه
تظلّك..
وين مارحتي

[عبدالعزيز رشيد]

روحي
معك روحي
تروح وتحفظك
شوفي السما ونجومها عيني
تشوفك
.. تسالك
ليله ورى ليله عن احوالك
تظلّك غيمة اشواقي
وانا كلّي ينادي
اذكريني
اذكريني
وارجعي
واحلى هديّة رجعتك (:

[عبدالعزيز رشيد]

روّحي عن خاطرك
فوق السما قمرا
تناظرنا
وتساءل
من هي القمرا؟!

[عبدالعزيز رشيد]

ضاقت الديمه
وضاعت بالسما
ظلّت وحيده
ثم بكت
ثمّ انبتت أعشاب
طالت
واستطالت
ودّها توصل


ألا ياكثر الأيادي
ودها توصل
وماتقدر
بعيده والأمل أبعد

أبي أقرب
وأقرب
والرجا يقرب
ونوصل لك سوى
...وصرنا سوى

[عبدالعزيز رشيد]

سافرت
بـ عيونك
ومدري وين راحت بي عيونك؟!
خفت أبعد
حيل عنّي

[عبدالعزيز رشيد]

كلّ ماشفتك
تلالت بسمتي

وقلبي
يمتلي
حبّ ومحبّه

التفت كلّي
أبي دربك
اجيه وابتدي كلّي سفر

مرّه سوى
شفنا
السما
ونجمة تطيح
وقلت أنا في حينها
"هاتي يدينك
فيه نجمة بالسما
طاحت "
وانا بس كنت
أبي يدينك معي!

[عبدالعزيز رشيد]

وانا معك
أسمع صدى قلبك
وهو
يسمع صدى قلبي

[عبدالعزيز رشيد]

نفسي
بـ حلاوة عيد
..من همسك

[عبدالعزيز رشيد]

ع البحر إنسيت نفسي

وزالوا الناس من عيني
وياخذني وانا موجود!
يبعدني..
يشوفوني
ولكن مايحسّوني )":
دخيلك لاتغيّبني وانا حاضر
أشوف الناس مالقاهم
ويلقاني المكان ومايلاقوني

أكرهك..
مايغنّي بك أحد خابر
على اليابس يناديلك
ومايدري كم غاب في جوفك

[عبدالعزيز رشيد]

تودّيني دروبي
ومادروبي
بتّ ليل البارحه أسأل
صحيت ومالقيت إلا السؤال
وأسأله..
شفت الإجابه أمس؟