رتـوووووووش

[ديم]

:



إذا صحىّ غروري جرح سيدي والتواضع نام

فَعذري غلطة الشاطر بعَشره مالها أعذاري



فـ/آمان الله يا مفارق / ولا تنسى شمـوع العام

تضويها شهر،، خمسه ،، إذا للحب تذكـاري



وأنا ببقى أنا / لأحباب قلبي،،والرتوش،،أوهام

ترى ثـوبٍ لبسته للعيون يبان لك عـاري



أنا ماأجزم بأني صرت إنسانه بلا أحلام

أنا أجزم بأني،،حلم،، في عيون الملا ساري



:

[ديم]

:


لا حياه على هامش الورق




لاتفرح

تظن أني أحترق




عود الثقـاب غير ُمشعـل


وأنـاااا


في حـالة غـرق


:

[ديم]

:

كل يوم

أفتح معك صفحه جديده

حشمه لدمعك / وتقـبيل الكفوف



وكل يوم

أقول أنا / وش مستفيـده ؟

غير جرح ٍ جنب جرح ٍ فالرفوف



ياولـد عمـي

معك ماهي بفيـده

الدموع اللي تنّوخ بالكتـوف !!


:


2007

[ديم]

..



... وش رجعّك!

ماهوب هذا سؤالي ؟؟


... الا سؤالي

وش تبي مع رجوعـك؟



..

[ديم]

،،


سحقا للذاكرة

تئن من جديد

لا مهرب من قدر

أسترسل ويبكي

الورق



// لا صديق للضيق //



لكن !!

لدي صندوق

أظنه أمتلىء

وشارف التخلي

عن أمانته

و



// محالفة الصمت كرفيق //



سـ/ أفيق

سـ/ أصرخ

سـ/ أُنعت بالجنون


لكن

سـ/ أكون في حال أفضل

لأني لن أسمع أنين الذاكره

وستصمت الوجوه




،،

[ديم]

الحظ يخطيني وأنا أحالف العـوق

وجيبي من الحظ الردي عمّر بنوكه


لا عاده الله طاري (دبي) والسـوق

ماعاد أباها وصافي الربح دوكه


المربح اللي ينخسر فيه مخلـوق

أدعي عليه ويقفـل الشمع بـوكه





:

[ديم]

ياليـل من مثلك غطاء جرح والآم .. ؟

قلي / وأنا أقول الموالي موالي ..


:

[ديم]

ياليتني أحيا بدون إحساس/ أو حسي تبلّـد

،، ،، عشان لاقلت ( آه ) مايولد وسط صدري يتامى


أو ليتني مثل ( الهبيل ) اللي إذا لـزّم تعنّـد

،، ،، عشان ما يشره عليّـه فالقعـود وفالقيــامى


أخطرت بالي ماخطر لي/أني في يوم اتعبّد

،، ،، للشوق/وأدعي سيدي/ ياسيدي سيد الانامى!


أرخى الوله جفني/وأنا جفني على العالم تسيّد

،، ،، وسيّرت عزي باختياري من غرور اليا عدامى!


والحاصل أني ماحصدت الا الألم فيه اتجيّـد

،، ،، الظن أني قد بنيت!! لكنّا /هل يبنى العدامى ؟!




:

[ديم]

/


أبي اموت وضحكتي تقبر الدمع


وأبي أودّع في يدينه ح ي ا ت ي

/
أبي أجتمع به في ثواني بلا جمع !


تسمح بها روحـي واحقق مناتي

/
قبـل الفتيـل يموت ماذوّب الشمع


وقبـل الزمان يبيـع من ذكريـاتي




/

[ديم]

/



رسمك قلبي من وهـم


والعقل طاوع مامحاك


ياصدفة أيامي (نعم) !!


قولي بقى لي شي وراك ؟





/

[ديم]

/


الخطايا في يديني / والخطأ ماله حدود ..

،، ،، والخطأ نصف الصواب ونصفه الثاني حداد


أعترافي بالمحبه لا وعود / ولا جحود

،، ،، مثل ما نكتب بنمحي والجهل ضد الرشـاد


العقل أكبر من أنه يصرخ لقلبٍ جمود

،، ،، والخفوق أصغر من أنه يمتطي خيل السداد


قوتي ماهي بقوه/حتى لو كثر الصدود

،، ،، وصدي عن بعض المواقف ينحسب بس للعناد



/


/

[ديم]

ليت كل البيـوت دافئـه


والشبابيكـ تئـن




:

[ديم]

http://pic.jro7i.com/data/media/4/0d9e6064281.jpg




السماء تمطر

عطـا

من زمن تروى عطاشى



السماء تمطر

عطـا

من زمن تروي عطاشى




آآآه
/ آآآه

آآآه
/ آآآه



اااااااااااه ياهم العطاشى




مركبي تبحر لوين

وانت عارف وين ترسي

وأنت عارف من يصونك

بأختصار تعرف عيونك

باختصار تعرف عيونك

تعرف عيونك من تبي !

بس الغرور


بس الغرور


بس الغرور


بس الغرور جا بينك وبيني


وجيت تتحدى غروري


جيت وعيونك تقول

جيت وحروفك تقول


يا انا ياانا

يا انا يا انا ياغرورك !



لحظهـ / وش تبغا أقول

لحظهـ / مافيها عقـول


مات منها معنى وصل

وانتفى درب الوصول


ورحت وخليتك لحالك

وأنت ساكت

وأنت ساكت


بس

جوعـكـ


صاح و ناداني تعـالي !!



/





السماء تمطر عطايا

من زمن تروي عطش

ماتكدر لون ماها

وطعم ماها ماتغّير

ماتغيّر زي ماهو

ماتغيّر فيها شي


لين مازاحت كفوفك

بالغباء تثير أهتمامي !

مدري تتغلى علي ّ !




وش بقى لك حينها

دورّت عيني لباب

هزت غصون الجواب


وهزت غصون الجواب


وهزت غصون الجواب



ومابقى في عيوني شي

[ديم]

http://pic.jro7i.com/data/media/4/9055_11672845651.jpg



الشمس ماتغرق / ولا تحضن المـا


حتى

لو نشوف أشعتها

،،

تمـوت !

،،

[ديم]

غريبه تهنئة هالعاااام

،، تجينـي ،،

" بس لي عودي "

،، والآقي ،،

بالأسم أرقااااام

[ديم]

http://pic.jro7i.com/data/media/4/ndes_391.jpg


بدت شمس النهار تميل


تراني / ظلها أبكي ..


تعالي

لاتغيبي ليل

وأنا قلبي يخاف الليل !

يخافه .. لو يزوره سيل

بحكم الما وش أسوي ؟!

وحكم الما يهد الحيل ..




بقى مجرى

عَـذر ساقي



نـده له سيد الوادي

وقلنا له / فمان الله

[ديم]

شفني " مثل غيري من الناس "عادي

... ... وأنا بشوفك " غير عن كل هالناس "

[ديم]

http://www.mzaeen.net/albums/93/normal_anuchysss3.jpg


يُمـه / أنا صدري من الهـم ضـايق

،، ،، اضلوع صـدري مايشيـلن همـه


يُمـه / أريد أبكي واهـد الغلايـق

،، ،، ازريت حتى الجـو مأقـدر اشمه


تكفين لمينـي ترى المـوت سايـق

،، ،، يسوق روحي بين لمـه و لمـه

[ديم]

http://pic.jro7i.com/data/media/4/t-dame_en_noir1.jpg


إن كان حبي مزعجكـ قول : كافي
والله ماتلقى لأثر صوتي ... حروف


وإن كان في رد السـؤال متجافي !
خل الجواب يمر قلبي ... ولااشوف


اما أني أسكن جمر / والجمر طافي
هاذي حرام أنك تساوم بها ... الخوف

[ديم]

(( ........



جيتني كف ٍ يشيل شموع والدنيا عتامه

..... صح شيعت العتامه بس ما شعيت نور!



جيتني والشوق يمك من حمامه لـ حمامه

..... سرب وأشواقي تحلق في فضاء حبك طيور



جيتني والعمر بسمه و بت دمعه فـ إبتسامه !

..... ماكفاك اللي حييته / ليه تودعني القبور ؟!



ليه تاخذني عزيز ٍ ماعرف طعم الندامه ؟

..... ثم تذوقني الندامه من يديك ابلا شعور



لو يلوم الموت ميّت / كان لي حق الملامه

..... كان يمديني اتساءل ليه إجاباتي تجور!




..........))

[ديم]

حقـك : على قلبي ، وحقـي : على الله



ماهمنـي تخطـي



ولا همي اتووووب !

[ديم]

:

أشتاق لك .. وأغيبـ

....................وأرجـع لك أشتاقـ




مدري !
طفولة حس
والا
نضوجـهـ



بس الأكيد أني أنا فـ/حاجة
عنـاقــ


لأنك جنين الحبـ

.................وارجو خروجهـ

[ديم]

http://pic.jro7i.com/data/media/4/651712121.jpg



الحب من يعطي بليا حدود




الحب تحرير وجداني



الحب إن جيت أعّرف زود



بقول :




أنته وأنا الثاني

[ديم]

http://www.w6w.net/album/51/w6w_2005080319231046c09d92.jpg



:



ماغاب عنّا لو تغيّـب عن العين


موجود حي ومسكنه شعب و قلوب






.........)

[ديم]

من ترف هالحزن يولد بين كفينه قلم = لو تنفس صمت روحه ذوّب أطراف الجليد!


كل مامره شحوب الحـظ لبى له نعم = فـز واطرافه تمجّد عثرة الحب التليد


سم/ ياعم المشاعر وش بقى لك من وهم؟! = تنتظر رجعة مسافر/ كل ماانـده له بعيد


ماسمعك الا المسافه و المسافه تتهم = رجفة آه ٍ لوحت له في ليال العيد بيد

[ديم]

http://elexa20.e.l.pic.centerblog.net/so2pdcje.jpg



سراب .. دقيتي في هالنعش مسمار!=وأنا .. حسبت إن الأمل حي ما مات


ليتك .. تكتمتـي على مر الاســرار=اللي اودعتنـي في يدين المتاهـات


عين العمى فزت تدور لك أعـذار=خطوة عذر تلهث بطول المسافات


يحمل رزين العقل وينجب لي أفكار=أفكار خانتني (... وحطت خيارات !


نفسي تخاصمني .. وأنا فيك احتار=وقناعاتي تنفي ... وجود الإجابات !




http://www.al-wed.com/pic-vb/1.gif



باطفي أنا الموضوع وأستسمح النار =وأقول .. للشعـله تبيـح المنـارات


كل العمر زفره .. وذكرى من غبار=يعني بيجود الوقت لصار .. ذرات !


سراب يكفينـي في النعش مسمـار=( مسمار للذكرى ونعي الوفيااااات )





:

[ديم]

تنويهـ

:



نفسي تخاصمني .. وأنا فيك احتار
وقناعاتي تنفي ... وجود الإجابات !


:

الألف بالرغم عن قراءتي حضرت لا أعلم كيف ولما ؟!

قصيدتي : عذرا قارئي :)




نفسي تخاصمني .. وأنا فيك احتار

وقناعتي تنفي ... وجود الإجابات !

[ديم]

http://pic.mothhelah.com/data/media/7/m-7.jpg



طال عمر الليل مدري صبحي أبطا ماشرق ! = والسهر يلعب بطرفي ، ياخذ النظره ويعود


ياسهر خل المراكب مالك ومال الحدق = موج من فوقه يموج الموج ، وتحكره سدود




كل ماسولفت ورده ، ثارت السيره عبق = والله إن العطر فاضح / دون عين ، وله شهود

[ديم]

http://www.al-wed.com/pic-vb/17.gif







شريت بعينه الدمعه وبعت لضحكتي آآآهات=عشانه مشعله روحي ولو نور الأمل طافي

تقاضى الياس أيامي واشوفه بمهجتي يقتات=تحّضن طفل ٍ بصدري حضنته والأمل غافي







.

[ديم]

:




لبسّتني من جور حبك اساور = وطوقت روحي لين ضاقت حياتي

صارت جروحك وسط قلبي تشاور = من الذي يجني غنايم وفاتي ؟!









.

[ديم]

/
\



/
\




وش فيه ليلي يدنـدن به عبادي ؟

________عيا يروق الجو والصوت ينعاد




الوحده اللي خفتها شي عادي !

________أقراب في ساعه ومن بعدها بعاد !





ماعاد بي شي ٍ فرض حكم سادي

________وهم ٍ ولبسّني من ثيابه اجداد !





ترحل / تجي ماعاد تغوي عنادي

________دامك تجي راحل / وترجع بمِيعاد





\
/



\
/

[ديم]

\
/


وش


فيه


ليلي


يدندن


به


عباااادي


؟؟









عيا


يروق


الجو


والصوت



ينعاااااد



!!



\
/
\
/

[ديم]

http://jha5.com/photo/ph73.jpg




لو بقى ليله بعمري

بنتظر فيها منام

علني

احظى بطيف ٍ

من حبيبي واحضنهـ

[ديم]

/


/



الوقت بغيابك له بجلدي حروق=وشلون بنعس والسهر من لحافي؟

ماتمسي القمراء ولا تفرح شروق=وانته تقاسمني بلقمة كفافي


اللقمه اللي عيشّت فيني عروق=مع قلها تحيي العديم وجفافي







\


\

[ديم]

ياكم وقف شوفي على السيِِف حاير= قبل الحكي يبذر على شف الأنفاس
وقفت أحايل نفسي اللي تعافر= اترابها ماعاف بي حلم ينداس
مشيت ولي عين ٍ بها الف عابر = ماباقي ٍ فيها من الناس لي ناس !
اسمع أحاديث البشر (حظ عاثر) = (أََخفى جواهر روحها در والماس)
وشلون كبر الجرح تقدر تكابر ؟! = دام الزمن يكسر على شفته كاس!
مجنونة الحلم الطفولي تباصر ..! = (صندوقها مقفول لو صاح الإحساس)
أما يجي لروح ناصر و أناصر = والا بلاش انحط في عروقنا فاس

[ديم]

:


لو الدجى ماجار والنور يغلب = ماكان شفت الليل يغتاله الصبح !
قلّه : حقوق الروح بالروح تسلب = لكنها تَرجع على الروح بالجرح
أوجعتني لين الجسد صاح يطلب = سجده على سجادة النوح والشرح


:

[ديم]

:




لو زعلنا من غبا = مازعل معنا أحد
ولو رضينا بس هبا = ماضحك وجه البلد









.

[ديم]

ما أحب دمعي ينسكب لاتكلـمت
.... .... أخاف من كثره يصير أمر عادي

وش فايده ؟ لو قلت لك كم تألمت
.... ..... وأزيد همك والهموم بفـؤادي

ليـله تـروح ولاعليها تنـدمّت
.... .... أهون من أنه يندب الليل غادي !

[ديم]

.


.


.


.


.


جيت أسئلك (عفو ٍ طهور) ولاعرف جور النوايا=وأخذتني (ذنب ٍ يجور) ولاعرف غيرك خطيه

[ديم]

" لو حصل لك
اسرق الفرصه وتعال
أبغى صدفه
ماأبغى .... و .... "


كلااااااام
كنت أحكي به زمان
كانت عيوني تشوفك
بس خيال
طيف واقف فالظلام
ماأذن لي به قدر
وكان حظي يعتذر
وكنت أسئل

كنت أسئل

كنت أسئل هالصبر

عن حبيبي
لو يجي لي ؟

وأحتفل

[ديم]

لو بصّروا لي وقيل

في يوم بتحبين


قلت :

اكذبوا هالحين


وبكره

القدر كذاب !

[ديم]

مالي عن دروب الكلام
أما تعلمني الحكي
والا تعلمني أنام

قبل أشتكي
من كل أصبع للملام


أو أسكت
ويجرحك السكوت


أرجوك
افزع بألف صوت
لا تخليني أموت
وصدري أمتلى بك
من ( وحشتيني ...
إلى ( "....." أحبك ...

وتسقي الليله عقابك
قبل ماتسكر بتوت

أقول

أهابك

[ديم]

.







ماهي سوى أصابعك ، لو قلت لي والله سوى=وأن بانت فعينك سوى عساه يلبق خاتمك !
مامرني من جرح ليل /اختار له بعدك دوى=حتى لو نجوم السهر تجي علي وتنادمك
لصارت عيوني مرايه لك ودمعي محتوى=بسكر عيوني : عبث ، مر الزمن في عالمك








.

[ديم]

قبلك
أحاسيسي أسيره
أو أنا أصلاً فقيره

قلبي بحر
والمشاعر بي جزيره
والمراكب ناسها أقزام و صغيره

وأنا ماأملك طموح
أكون ديره


لين جيت
والتفت قلبي إليك
مره أمواجي تجي بك
ومره هي أصلا تجيك

وقلت لك :تراي (ماأملك)
وقلت لي : الفين خيره

وصرت بأحكامك (أميره)
من بعد ماني فقيره
والمشاعر بي أسيره


شفت كيف أن المفارقه جدا كبيره ؟!

[ديم]

.








قدمني العبد لأكفاني=وأخرني الموت بالنيه !
تشهدي باسم وحداني=الله وقبـله / مهو ليّه








.

[ديم]

.






طاح الورق واصّفر والدنيا غروب = وأنا الملم دمعة البعد بأكمامي
أقول: بصبر / والصبر عاد مغلوب = وشلون بصبر وأنت كل إهتمامي
ماقلت لك ( لاتأخذك مني دروب ) ؟ = والا تعال الحين ( وأنسى كلامي )





.

[ديم]

.





ياوتين الحزن / وش جد وطرى = كل ما تنبض تمّوت بي حياه
ترمي أحزانك على مركب سرى = مالقى مرسى على شط النجاه
قلبي اللي صار من دمعك ثرى =كل مايـِسجد على صدره صلااااه
أرتويت الحزن وأطرافى عرى =ماأزهر بفمّي سوى حرفين ( آه )
أفرك اكفوفي وليته ينشرى = حظك البايع عجزت القى دواه
ممتحني هم طرفك / مابرى = كل ما أمد الفرح / يرجع وراه
ملتوي في طيف أقداره ورى = ماتصادف خطوتك سكة اخطاه


.

[ديم]

مدينة شاحبه
بس
الوجيه تتلون
شوارع معتمه
لكن
تنوّر
إذا مريت
ومرت بي ملامح
في شوارع
أسمع اسمي فيها
مع كلمة
أحبك

[ديم]

يارب : ضقت وماعلى الأرض مخلوق = يقدر يعزيني ويقدر يواسي
يارب : منك الغيث يردم بي فتوق = شابت سنين العمر تسكب لكاسي
يارب : مالي ذنب يؤخذ به حقوق = وش حطني في درب كله مآسي !

[ديم]

وتقبل تقطف الورده .. وتقفي غصنها بي ليش ؟!
ــــــ أنا ماأحتاج لي غصن ٍ كسير ٍ وسط بستاني

خذه مثل الطيور اللي تشيل الغصن تبني " اعشيش"
ـــــــ عساه إن دارت أجرام السماء يدفيك تحناني

وأنا ماني بباقي لك .. ولا باقي للقمة عيش
ـــــــ أخذت اللي كفاني من حياة الغبن لأكفاني

من أول وردي الفاجر لآخر تمتمات الطيش
ـــــــ وأنا أذوق الحياه بطعم توت ونص رماني ..

[ديم]

.





ياليت لك قربى / ولي مقدريه = أدخل عليك وارتمي في كفوفك
وأفنّد همومي وابيح القضيه = احط عن كتفي وتحمل كتوفك
والكسر بي وجبر كسري عليه = وشلون ابا انخى واعتزي في صفوفك
تعبت أدوّر للحلول السويه = حي ٍ يموت وحي غبنه يحوفك




.

[ديم]

/




راضي بحياتك ،، وش تبي زود مني ؟ = دام أهتمامك مايوازي أهتمامي
ريّح حنانك ،، وأبعد الشوق عني = ماأبغى غرام ٍ ينوجد من غرامي
لازم تجيني وأنت قبل امتمني = زي ماأنتظر سمعك ليالي كلامي ..






/

[ديم]

كان ودي اطير بك من فرحتي =واثر ماعندي جناح اصلا واطير

مادرى عن حزني الا طرحتي =كيف أنا ملهاة جرح ٍ له أسير

[ديم]

.............





أدري بغيب ،، وغصب عني غيابي
لكنّي ،، بترك من بعد غيبتي شيّ
لامن رحلت ،، وسكّر الموت بابي
يبقى لي أسمي/ من بعد غيبتي حيّ






...............

[ديم]

تمنيت ليلي ينتهي بك
كثر ماأبعد بك يجي بك
قبل ماتنعس عيوني
وبعيون الحلم أشوفك
لوعيوني
ماتشوف
وأنا
مليانه بخوف
بين كفين الظروف

ياأضمك لي وأبعد
يامالاقي فيك موعد
وأنتظر
وأبقى أنتظر
يمكن تنادي مطر
من بعد ليلة رعد
ليلة مافيها أحد
ومابعد
بُعدك
بُعد

[ديم]

.


ماعمري جيت أضايقك وأشتكي لك
........ عشان لاجيت أشتكي لك تحمّل
حوشت الآمـي / ماأبيها تجـي لك
........ محلها قلبي / وياماااااااا تجمّل



.

[ديم]

.



طارت به أحلامي إلى كورة الشمس
وكم فرحةٍ ما وصلت الشمس تحلم


وحاولت أطير وأخذه من عناء الأمس
أمس الذي قبل التقي فيه أظلم


ووصلت لكن أحترق ريشي بهمس
لو يدري أنه كفن الشمس " معلم "




.

[ديم]

.







أي ادمي لضاقت الدنيا بعينه


.. .. .. ركض لحضن اللي يحبه ويغليه


وأنا الم أقسى الوجع في سكينه


.. .. .. لاهو مخليني ولا أقوى أخليه







!

[ديم]

,,





مشكلتي



أني

أعرف أحب / ماأخون




عجزت مع قلبي



وماأقدر

أخونهـ





,

[ديم]

عصفور ياللي غرّد بسقف جاري



..... ..... لاتزعجة ماعاد بيته يواريه




ماعلموه يهز لون الغــداري



..... ..... من خلف جنحانه لعين ٍ تباريه




روّح وأنا غصب ٍ عليّه اداري



..... ..... حتى ولو تكثر علي المشاريه

[ديم]

شكرا ً لأنك تحبنـي

وتحبنـي مره كثير

وأنا فحُبك ماأشك

بس والله أشك أنه كبير

[ديم]

.






http://www.6rby.com/listen/15592/1/3abdo..layali-nagd.html (http://www.6rby.com/listen/15592/1/3abdo..layali-nagd.html)








.

[ديم]

طلبتك أكثر .. وجيت تمد حرماني


ودك تعاتبني .. والا أطلبك أكثر


كانكـ تشوف شعور قلبي أناني


علمني من وين أطلب قبل لاأشعر !

[ديم]

مليت تأنيب الضمير ودمعتي ورف الهدب


.. .. مليت أهندم دمعتي مع دمعتك فأحلى الثياب


مليت أدلك للمتاهة وأنت ماتشكي التعب


.. .. ياأنت قلي وش جنى المشوار من دوس الركاب

[ديم]

http://upload.7bna.com/uploads/715117aeb5.jpg









اعقل من امس وخبرتي كبرتني
واهدأ كثير وكل حكيي ركاده


ابعد عن احلامي إذا اجهرتني
واصير عمياء واحتمي في وساده


وأهد في صدري ليال قهرتني
" نامي العمر كله / ماأبي لك إفاده"

[ديم]

http://www.6rby.com/listen/10407/1/hany-shaker_bet7eb-leih.html (http://www.6rby.com/listen/10407/1/hany-shaker_bet7eb-leih.html)

[ديم]

دخان


و


شمعة



من يسبق الثاني ولا يخليني أشوف

[ديم]

آمنت بك من قبل أشوفك وأقسمت
أني لاصادف بالمشئيه حنانك

مشيت لك كلي ولا أذكر تندمت
الا على وقت ٍ يخالف زمانك

أعلمّك من طيحتي / وش تعلمت ؟
قلي وش اللي ماأنكتب في كيانك ؟

الشين بيّن قيمة الزين في صمت
والدر لاصنته مع العمر صانك

والدعوه اللي كم عليها تكتمت
بين الدجى والنور دلت مكانك

لو تبكي عيوني بعمري تبسمت
لأني فمان الله وبعده فمانك

[ديم]

أصبحت ما أرحم وأنانيّة
فيك أنت كثرت أطماعي

حيّه وماني ترى حيّه
الا بصوتك على أسماعي

أما تجي بالرضا ليّه
والا أبادلك الأوضاعي

ماأبيك تزداد حنيّه
مليت من كثرت أوجاعي





.

[ديم]

للبحر أحكي ولو يصرخ الموج
ماأخذت منه ولا عطيته حياتي

بادي الليالي ياحبيبي عوج
لو الثرى يحفظ خطيط لعصاتي

[ديم]

..








ما غاب عقلي .. و أمنياتي غابت


لو احجب الدمعة .. وأثنّي كاسي




ضيعتها شمس النهار و ذابت


وسط البحر يوم أنت من جلاّسي




ما طبت منك ولا جروحي طابت


مثل البحر لو أثقله بأنفاسي




حزنك رماني بالرصاص وصابت


روح الأمل .. وش فيه يحيا ياسي !




عذرك معك و نفوسنا لو هابت


بقبر بها إحساسك ورى إحساسي




وإن كان كل همومنا ما شابت


بشرب ولا أدري وش يجي من كاسي !









.



.

[ديم]

،


ضاعت علومي وبان بي حبك
.. .. وأنا اتثيقل واحسب اني على علومي

دورت لي عذر ولاعرفت احبك
.. .. من يعتذر عن حب بالحب / منجومي

ماهي بزله وابادل كذبه بكذبك
.. .. الا صحيح وحالتي تكسف نجومي



،

[ديم]

أنتظرتك




وأنتظرتك





وأنتظرت





لين قال الليل لي من تنتظر ؟





وقلت ياستر الليالي لوسهرت


ماعرفت من الثواني أختصر





آسفه برحل من أحبابي زعلت


كل ضحكه في غيابه تحتضر





قبل أروح احبيبي ماقد سألت !


ليه أنا في كل ليله أنتظر.... ؟

[ديم]

حبات هيل








صوته مع أحبك على آخر الليل


.. .. وهمسه وهو بعيد فالدم يجري


وأنفاسه اللي عدها حبات هيل


.. .. من قبل أذوق أحسها بي تسري


إذا ضحك أمطر لضميانه السيل


.. .. كنه يقول أشرب من السيل بدري


وإذا سكت غصني على صمته يميل


.. .. كني أغرد له/ وأضمه لصدري


أبيه / وأحبه / ولاعاد بي حيل


.. .. الله يجازي الحضر وشلون مدري ؟!


ودي أقبل رأس أمه بأكاليل ..


.. .. عشانها حطت ولدها بحجري ..








14/3/2009

[ديم]

يانوف كِثروا الحبايب

وأنا بدونك وحيده





يانوف بأسم الوهايب


اقلوب خضرا جديده





وأنتي بطرف الذوايب


لو نجد عنا بعيده

[ديم]

كل الحزن فيني إذا غبت عني

ارجع طفل تايه ولاحوله أحضان

ماتدري عن وحدتي والكل مايغني

ياطير لاطرت ماباقي بي أغصان

[ديم]

رعشة جسد/ضحكة ألم/دمعة إيمان


شرّع لها باب الوجع ماأحتواني




حين اقتِرب لهفه ، ولا القاه ولهان


ويموت وردي بالضمى ما سقاني




ماأشتاق لي ، والوصل كان ماكان


" وشلون اقول بجرح بعده كواني "!




وأنا أحاسيسي علشانه ( إنسان )


من كثرها حسيتها شخص ثاني !




لو كان باقي فيه لي ذرة إحسان


ماكان خلاني مع الليل أعاني

[ديم]

....


إنك تعيش ويغيرك يموت عادي

وإنك تموت وغيرك يعيش ممنوع




..

[ديم]

يافيصل الدنيا عتيم




لاتقول لي وش ضايقك !




يا أخوي أنا مالي نديم




فالكون إلا خالقك




بعدك انا كني يتيم




يوم الغلا في خافقك

[ديم]

سامحني لوقلت لك ماعاد أنا أعرفك


ماهو بحضنك من يقربك ليّـه




أذكر سلبت العقل والقلب يصرفك


وأبطى أجتهادك ماحصدني هديّه




في وقتها خفت أني في يوم ماأنصفك


وجاد أنتظارك والأماني شقيّه




ولا دريت أني مع الوقت بنزفك


من يوم سموني ليوم المنيّه

[ديم]

كثر من غابوا عن عيوني على مر الزمان


ماانثنى رمشي بدمعي ولا ترجيت الغياب




الا بك تسرح عيوني بالوله ويا الحنان


وأفقدك، ماالقاك، وينك؟ صاحبك ذاق العذاب




أيه مبطي ماحضنتك، أيه أبي ضمه عشان

أشعر أني فوق الأرض ، ولاني بتحت التراب

[ديم]

والله ماعندي نوايا ولا شيء



غير


إبتسامه


تنسرق


من شفاتي

[ديم]

أكثر من اللي اسويّ ، وش أسوي لك


وأنا أهتوي قربك ، وتبغى بعادي





بينت لي غلطتي يوم أني أجي لك


أجمع لك الحب ، ويغرد بك الشادي

[ديم]

كن الهموم تشيل جسمي وأنا اطيح

من ثقلها ماعاد أحس بوجودي

[ديم]

فتات خبز وعيشة ٍ ميسوره

ولا قصور ٍ بور ماتعرف النور


يا تايه ٍ باتت أمانيه مأسوره

حزنه تنهد آخر الوقت للسور

[ديم]

http://img.visualizeus.com/thumbs/08/06/04/girl,scenic,sea,composition,photo,woman-56b3691e2e9d030bf89db72c9b3a1431_h.jpg





غيّبت شمسك وافتري كذبة الليل
.. .. .. ماعاد أشوف الصدق لو كنت عيني
قف للصدف والقلب يلهى بتهليل
.. .. .. ولا تجي واغفى على الحزن فيني
كم موج بحري أغرقك بالمواويل
.. .. .. وجاني بحر جده يجاذب حنينـي
لامد جيته منهكه ما بقى حيـل
.. .. .. واخذ همومي .. ياطهر راحتيني

...........................

[ديم]

خطوة ...




اعذَّرك والعذر ماينجي .. ولو أني سبب


.. .. لك فهقت الشمس باليمنى وغطيت العذاب


أنت ياللي لك ضمير وكل أزاريرك لهب


.. ..خذ من اضلوعي عوج بس لاتقول أنك مصاب


كل ماسولفت ذابت شمعتي وصمتي أدب


.. .. لو تطاول لك حروفي يمكن اخسربك رقاب


هات مولود الحزن عندي يمهّده الهدب


.. .. دام عيا لا يشيب و رأيي اللي فيه شاب


فكرة ٍ تصلب بعودك هم وأفعالك نُصب


.. .. تسجن الخطوة وترثي حق وتركز له نصاب


وأنت واقف عند شباك ٍ يدثره العتب


.. .. ودك يقول "إيه" لك صمت ٍ ولايشّر لباب


تدري أنك لانصيته في أحاسيسه نشب


.. .. ماشكى من لحظة ٍ تشكي بها لو كان ذاب

[ديم]

.


.
ماني في حاجة واجب ٍ مثل الأجناب
سلام مثل الناس يلمس ايديني

وشلونكم/ وأحوالكم/ كيف الأصحاب
ومع السلامه لين تلقاك عيني

لاتحسب أن العمر يبقى لك أبواب
(ضيعتها) وشلون ترجع تجيني !

مع السلامه طحت مع ناظرن ٍ ذاب
وبعض أهتمامك لاتمنيِه فيني..

[ديم]

خذها مظاريفك مع الأمس عادت



ماكنها في يوم نادت عيوني





اسهرتها في وحدتي ما أستفادت



الا أنها خاوت بدونك ظنوني





كل الليالي في غيابك تمادت



أحسك بجنبي وتعصي جنوني

[ديم]

ياكثر من ياخذ ولا يعطي


.. .. .. مني خذوا ماقلت : رُدو لي



ياسديس هالعالم نست مبطي


.. .. .. عليهم النسيان يتلو لي



قربتهُم والجرح بي يسطي


.. .. .. وابعدتهم والجو يحلو لي



صّفاهم الوقت في مشطي


.. .. .. وأقفيت ماقلت خَلو لي



وشلون بنسى أنا مخطي


.. .. .. عدو صادقني ويعدو لي

[ديم]

متجاهله / و أسوي له غبيّه


.. .. .. كم مرة ٍ سويتها ما حس

[ديم]

.
.
.
.
.
.
استغفر الله ، كل ماجيت اصلي
أسمع أنا محبوب قلبي .. والبيّه
يالغرب لا يسجد مع الشوف خلي
أخاف اصلي له واسلم على يديه

[ديم]

تحبني والجرح منك لقلبي
كذاب هذا الحب والله كذاب

جرحتني/ مدري وش أسباب ذنبي؟
جرح الكلام أقوى من جروح الأنياب

ظنيت (أنّي فيك) ماأنته بجنبي
مثلي مثل هالروح مادونها ثياب

وحسستني أني وحيده بدربي
اعيش في غربه ولا حولي أقراب