بدر عبدالمحسن

[ميــرال]

http://www.elbader.net/life/images/bader_reading.jpg

بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله

و له من الإخوان كل من :

- سمو الأمير سعود بن عبد المحسن بن عبد العزيز أمير منطقة حائل.
- سمو الأمير وليد بن عبد المحسن بن عبد العزيز.
- سمو الأمير فيصل بن سعد بن عبد العزيز.
- سمو الأمير عبد العزيز بن سعد بن عبد العزيز نائب أمير منطقة حائل.


و له سبع أخوات



و له ثلاثة أبناء هم:

- سمو الأمير خالد بن بدر بن عبد المحسن بن عبد العزيز.
- سمو الأمير سلطان بن بدر بن عبد المحسن بن عبد العزيز.
- سمو الأمير سعود بن بدر بن عبد المحسن بن عبد العزيز



و له عشر بنات و هن

- سمو الأميرة نوره بنت بدر بن عبد المحسن بن عبد العزيز.
- سمو الأميرة لمى بنت بدر بن عبد المحسن بن عبد العزيز.
- سمو الأميرة العنود بنت بدر بن عبد المحسن بن عبد العزيز.
- سمو الأميرة صيته بنت بدر بن عبد المحسن بن عبد العزيز.
- سمو الأميرة بسمه بنت بدر بن عبد المحسن بن عبد العزيز.
- سمو الأميرة لين بنت بدر بن عبد المحسن بن عبد العزيز.
- سمو الأميرة سلمى بنت بدر بن عبد المحسن بن عبد العزيز.
- سمو الأميرة مشاعل بنت بدر بن عبد المحسن بن عبد العزيز.
- سمو الأميرة الجوهرة بنت بدر بن عبد المحسن بن عبد العزيز.
- سمو الأميرة وضحى بنت بدر بن عبد المحسن بن عبد العزيز.


حفظهم الله جميعا.

و لسموه ثلاثة دواوين هي :
http://www.elbader.net/daw/images/ma_pic.jpg
http://www.elbader.net/daw/images/bad_pic.jpg.

http://www.elbader.net/daw/images/law7a.jpg
وله العديد من الدواوين التي لا تزال تحت الطبع و هي تحتوي على الجديد من القصائد و اللوحات

[ميــرال]

قصائد البدر

[ميــرال]

جمرة غضى


جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب

[ميــرال]

اكذب



صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد فـ خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..

2

لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..

3

أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

[ميــرال]

انتي اللي وحدك لي



كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..

[ميــرال]

أنا إنت



انا إنت .. يا إنت أنا ..
لو سألوا حبيبي .. عن إسمي حبيبي ..
قل هذا أنا ..
تشبهني عيونك .. سميني المدى ..
غطيني برموشك .. عن عين العدا ..
ظفرني جدايل .. واكتبني رسايل ..
وانسى من أنا ..
واعدني المدينه .. أوقات الغروب ..
امواجي سفينه .. ورمالي دروب ..
بأمشي لين أشوفك .. لين أقرا بكفوفك ..
إسمي .. ومين أنا ..

[ميــرال]

اترامى



اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه..

[ميــرال]

ظامي هوى


ما أقول أنا لبيه .. وما أقول سمّى = ياعيونه اللي ما صفت لي وتكدّرت
يا صاحبي بكفيك مدحي وذمّي =كان الجفا تقصير يا زين قصرت
يا من نثر برماح الأهداب دمي = لو للجروح ضماد وصلٍ تصبّرت
لا شك ما انته يا دعج العين يمّي = لا والذي اطغاك زين وَتكَبّرت
ظامي هوى وشربت من فيض همّي =ويوم ارتوت روحي من الدمع صدرت

[ميــرال]

ظل وطباشير




اشاره .. تعقد الحاجب
نوقف طوابير
الليل في الشارع ..
ظل .. وطباشير ..
ووجيهنا لوح
اشاره .. نعقد الحاجب
توقف نوافير .. النور ..
وتجري نوافير ..
ويدور .. الشريط يدور
وسيارةٍ قبل الأخير
اتعيد نفس الأغنية ..
نفس الأغنية ..
ويمر الوقت ثقيل .. ثقيل ..
على القليل .. من الجلد ..
اعد حبات العرق .. في جبهتي ..
وفي مرايتي .. يصرخ ولد
وينعس كبير ..
وسيارةٍ قبل الأخير ..
اتعيد نفس الأغنية ..
نفس الأغنية ..
يصرخ نفير ..
اشارة تطلق الحاجب
وحبلٍ يلين ..
اطلق يدي .. من الشعور ..
اني سجين ..
اشارةٍ تطلق الحاجب
وتركض نوافير .. النور
آه .. السؤال ..
دربي شمال .. والا يمين ..
شمال .. يمين
انا وين اروح .. وين اروح ..
ظل .. وطباشير ..
ووجيهنا لوح ..

[ميــرال]

صوتك يناديني



تذكٌر .. صوتك يناديني ...
تذكر ... تذكر ...
تذكر الحلم الصَغير ...
وجدار من طين وحصير ...
وقمَرا ورا الليل الضرير ...
على الغَدير ...
لاهَبٌت النسمَة تكسر ...
جيتي من النسيان ...
ومن كل الزمان ...
اللي مَضَى ... واللي تغٌير ...
صوتك يناديني تذكٌر ...
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...
ليله ... أَبَدْ عيٌت تمرٌ ...
ياجمرة الشوق الخَفي ...
نسيت أنا وجرحك وفي ...
يتذَكر الحلم الصغير ...
ريانَة العُود ... نادي ...
نادي الليَالي تعُود ..
بشوق الهَوى ... بوعُود ...
بوجهي اللي ضيعته زَمَان ...
في عُيُونك السٌود ...
ياالضحكة العَذبة ...
عَنك الصٌبر ... كِذبه ...
وفيك العُمر موعود ...
اشتقت للحلم الصغير ...
واشتقت لجدار وحصير ...
وقمَرا ورا الليل الضرير ...
على الغدير ...
ان هبت النسمَة تكسر ...

[ميــرال]

من الحزن الى صديق الضجر


..




بين الحنايا 00 ذيب 00
مكسوره انيابه 00
شقق عواه القلب 00
تحت الجفن شوكه 00 تسهرني كتابه 00
وهذا الزمان الصعب 00
لو غاب 00 في غيابه 000
قمر الحزن بيغيب 00
بيني وبين الآه 00
اني اطلق ضلوعي 00
تركض في هاالشارع 00
بيني وبين الدمع 00
اني أسأل خضوعي 00
ليه الشجر فارع 00
بيني وبين الناس 00
آكل الم جوعي 00
وما بيعهم إحساس 00
يبكي ورى الألواح 00
ناي للحزن مجروح 00
يا اللي نبي فراقه 00
ويا اللي تبينا نروح 00
ليه تقفل الابوب 00
حنا سكنا دروب 00
وما للألم سارق 00
ونعاتب الاحباب 00
وما بينهم محبوب 00
نلقاه 00 ونفارق 00
اصبر معي 00 لاباس 00
روزنامه في صدري 00
ويمضي العمر انفاس 0

[ميــرال]

المرايه

..




كلنا عشاق لكن ..
إنتي لا ما انتي معايا ..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا .. وشوفي غيرك
اظهري من ليل كحلك ومن أساورك وحريرك
افتحي الشباك مره .. شوفي الناس والشوارع
وش كثر هالغربه مره .. للي وسط الزحمه ضايع
انتي مشغوله بروحك .. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه ..
كلناعشاق لكن
كلنا نحبك.. نحبك
وأنتي جرحك في ساكن .. وأنا جرحي برا قلبك
أمشي لو نصف المسافة .. وقفي بينك وبيني
أكسري كل المرايا .. أنتي أجمل وسط عيني
يا للي مشغولة بروحك من خذا قلبك وروحك
هو أنا .. ولا سوايا
كلنا عشاق لكن
كل واحد له حكاية

[خالد صالح الحربي]

:
مقطوعة طويلة جداً بعنوان [ سوالف ليل ] .

سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنا ..
يا انتي .. لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد ...

[عطْرٌ وَ جَنَّة]

.

.

.




http://www.elbader.net/daw/images/ma_pic.jpg

../ هَذا [ الديوان ] لايبرح الجيب اليمين فِي حَقيبتي يا مَيرال
شُكراً لكِ شُكراً

http://www.qamat.net/vb/images/smilies/a36.gif

.

.

.

[ميــرال]

خالد الــ شعر
عطر وجنة

يسعد اوقاتكم

[ميــرال]

بس أحلم


..




صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنـــــــــون...
من تفاصيل الحكاية..الاساور والمرايه..
عندي همــــــوم القصيده غامضه صعبه عنيده..
وانت عاشق للوضــــوح ..
ودك بسري ابوح..و انا اخر همي بــوحي
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقــول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كســـــروا العشـــاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احـــلم بـــس احلــــم ..

[ميــرال]

شعاع

..



شعاع ٍ .. يدخل الغرفة ..
بعد العصر ..
يزحف فوق سجادة ..
ويطلع فوق هالكرسي
ويمكن يلمس وسادة ..
ولحظة ما لمحته خاف
تراجع .. طاح من الكرسي ..
وركض قبل النهار يمسي ..
ورجع للشمس كالعادة ..
يذكرني شعاع العصر ..
عيونك .. تدخل ضلوعي
في غفلة من عيون الناس ..
وتمد اهدابها احساس ..
وتاخذ قلبي من قلبي ..
تضيق بصدري الانفاس ..
ولما ينتبه واحد من الجلاس ..
بسرعة تركض النظرة ..
على السجاد والكرسي ..
احس ان النهار يمسي ..
وتغيب الشمس كالعادة ..

[ميــرال]

كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح .. إني غب




ــــــــــــــــــــ


اضحكي ما عليك من الحكي ..
إنتي أجمل من وطى فوق الثرى ..
وإنتي أجمل من نظر عينٍ تشوف ..
يا ترى وش سبب حزنك وخوفك ..
إضحكي ..

ـــــــــــــــــــ


نستاهل الحب ..
ونستكثر العطا ..
ماهو صحيح .. ولا عدل ..
لا تزعلي ..
هذا العتاب المر لي ..
إنتي الصواب وانا الخطا


ـــــــــــــــــــ


الخوف ظلما .. والقلوب أطفال
والشك سيفٍ .. يقطع الآمال
والهوى ملح الليالي .. وأجمل الأقدار
عنه لا تسأل حبيبي .. وفيه لا تحتار
العمر واحد .. والليالي قصار ..

[ميــرال]

عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00


البدر

[ميــرال]

http://www.elbader.net/marsam/big_images/112.jpg

[ميــرال]

قمر قلبي


..



من رماد المصابيح .. اللي انطفت في الريح
جيتك أنا وقلبي ..
ومن سهاد المواويل .. وباقي قصيد الليل
جيتك قمر دربي ..
فيني تعب .. لا والله أكثر
حالي صعب .. لا والله أكثر
وكنتي الحبيبة والصديق .. واللي خذتني من الطريق
وسكنتني أهدابها ..
في قلبي شوك .. وفي عيوني شوك
شوفي أصابعك انزفت .. من كثر ما لمست جروحي وجففت .. دمعي الحزين ..
في صوتي ليل .. وفــ صمتي ليل ..
وانتي الليالي اللي حلفت ..
تشعل نجومي بالظلام اللي انطفت .. من هالسنين
فيني تعب .. لا والله أكثر
حالي صعب .. لا والله أكثر
وانتي الحبيبة والصديق .. واللي خذتني من الطريق
وسكنتني أهدابها ..
ياللي أغلى من سنيني ..
ناظريني لين تحسدني العيون ..
وان حكوا حسادي فيني ..
وقالوا انك تعشقيني ..
آه يا محلا السوالف والظنون ..
ليتهم ما يسكتون ..
ولما تسقيني الغرام ..
اسري بالنور والظلام ..
واتركي كل الكلام ..
انتي الحبيبة والصديق ..
واللي خذتني من الطريق ..
وسكنتني أهدابها ..

[ميــرال]

ليلكم شمس



,,

ليلكم شمس .. اتصلنا ..
اتصلنا امس ..
ما لقينا صوتكم ..
اشتكينا اسكوتكم ..
لسكوتكم
ولمَّا ملينا الكلام .. كانت الساعه ظلام ..
قلنا .. بنحاول ننام ..
ونتصل باكر
ليلكم شمس ..اتصلنا
اتصلنا اليوم
جاوبتنا داركم
اشتكينا اعذاركم ..
لا عذاركم ..
ولمَّا ملينا العتب .. كانت الساعه تعب
قلنا لو ننسى الغضب ..
ونتصل باكر ..

ليلكم شمس .. بنتصل باكر
ان لقيناكم عسى .. وان هجرتونا عسى ..
بنغسل اجروح المسا..
بالمسا..
حنا ملينا الصبر .. كانت الساعه عمر
اقبلو منا العذر ..
لكل شي آخر

[ميــرال]

مالنا وقت



كل شيئ .. دايم في وقته.. ليه؟؟
كل شي .. حنا نحبه ..
صعب نستعجل عليه ..
طيب .. ليه؟؟
يا ترى انتظار الشيئ ..
هو سفرٍ اليه )
احملي اللحظه حجر ..
وطوحيها في المدى ..
تصبح الساعة .. دقيقه
غيري الزمن الحقيقه
طلعيني من الصور ..
من الخطوط .. الحزينه
اطلقيني من الشطوط
ومن مجاديف السفينه
اجمعي الصوت .. الصدى
احملي اللحظة حجر ..
وطوحيها في المدى
( كل شي دايم في وقته
عجيب ..
وكل شي حنا نحبه
كثر ما يظهر يغيب
يا ترى .. منهو البعيد .. منهو القريب )
ما لنا وقت .. وقتنا دايم يجي
الزمان اللي يروح ..
وان سألتيني أحبك ..
كثر ما تشفى الجروح ..
اشطبيني الف ذكرى .. واكتبي ..
اللي يتذكر .. غبي
واللي ما ينسى غبي
ودي اشوفك .. باقي لحظه
هذا كل اللي أبي ..

[فالح مشهور]

كبيرنا الذي علمنا الشعر
من لم يركض في ذاكرة البدر
من السور للباب للشارع للنوافذ واوراق الصبايا على جدران الايام
كان صاحب السمو الملكي حتى مزجنا به
اصبح بدربن عبدالمحسن
اشعلنا واشتعلنا مزجنا اكثر
اصبح البدر
اشرق بين الوسائد واحاديثنا ودروبنا
تمازج بدمائنا اكثر وكان ( بدر )

البدر وذاكرة ارض بحجم السموات -------
ليلة شديد الرمل .. جتنا ركايب =من الشمال .. وبركت بين الأيام
طوي التراب وشل فوق النجايب =والجو ثارت به معاصير وعسام
علمي بوجهك فـ اسود العج غايب =والريح تدفعني وانا ما لي اقدام
لولا الشجر .. شدت غصونه نهايب =جلدي وثوبك قلت انا وانت الاوهام
لا خيمة .. لا طنب لا صوت شايب =لا صرخة ..لا طفل لا كحل وزمام
طاح الرواق وطاح حلم الحبايب =لا ناي في روحي غدت روحي حطام
ما غيرها ضـلوعي في صدري حطايب =وشم الجروح اللي بكبدي من العام
إن كان ذا قبري فـ ابي له نصايب =قبر الورق خلوا شواهده الاقلام
يامعمر الدنيا عمارك خرايب =ما حدٍ ورث جدرانها غير الأيام
العمر شدة والليالي ركايب =والرمل يمحي الرمل والموت قدام


-----

[فالح مشهور]

0
0



لـو الـذنـوب تـعــد .. وش كــثـر أنـا شـايـب



(البدر)

[ميــرال]

فصول ومناجل

..





وللكلام فصول .. ومناجل ..
قمح .. وحمامٍ زاجل ..
وقصة وله.. ونحول ..
وباقول .. باقول ..

****
مشقق الأسمال .. مغبر ..
اجيك .. مترنح ومصفر ..
بامراضي اجيك .. يالمورق الزاهي ..
ما عادبي أخضر .. وتتذكر أشباهي ..
تقول : انت فلان ؟ واهز راسي ..
واجمع حواسي كلها .. واضحك ..
في بالي إني أضحك .. مادري عن شفاهي !!

****
وللكلام أسفار ..
أوتار .. ومعازف ..
وللكلام أسفار .. جنحان وزعانف ..
وللكلام أعمار ..
مثل الزهر .. وذبول ..
وانا بقول .. بقول ..

****
في آخر الشاهي ورق ..
وتصب لي نفسي ..
مثل الذي في بريقك المعدن ..
من الماء .. والورق ..
اتنفس الفوح ..
واستمهل البوح .. عن حالتي ..
اسكت .. لآخر قطرةٍ في بيالتي ..
ويقول لا نزل العرق .. من جبهتي بقول ..
لا .. لانت أطرافي ..
من الرحيق الدافي .. يمدي الكلام ..
يطول .. وبقول ..

****
أحاكيك ..
عن كل المدى والبيد ..
أو .. ما في الشبابيك .. من المدى والبيد ..
عن شوكةٍ في الأرض .. خلقت لإ بهامي ..
أو أرض تحت الشوك .. مرتها أيامي ..
لو أدري وش يكفيك..
كلي على شفاهي
شوك .. وعطش .. ووحول
وللكلام حمول .. وقوافل ..
وارث الزمان الغافل ..
وباب على المجهول ..
بس قلي وش يرضيك .. ؟
وأنا أقول ..
وأنا أقول..

[ميــرال]

كان صاحب السمو الملكي حتى مزجنا به
اصبح بدربن عبدالمحسن
اشعلنا واشتعلنا مزجنا اكثر
اصبح البدر
اشرق بين الوسائد واحاديثنا ودروبنا
تمازج بدمائنا اكثر وكان ( بدر )



فالح مشهور
شكراً كثيراً
البدر
حكاية لن تنتهي

[ميــرال]

أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد ..
حتى أنا

[أصيله المعمري]

أحب هذا الرجل كثيراً


شكراً ميرال
لأنك تجيدين الاختيار

[ميــرال]

أحب هذا الرجل كثيراً


شكراً ميرال
لأنك تجيدين الاختيار




ومن منا لايعشق المطر
شكراً أصيلة

[ميــرال]

الظما عشق

..




كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال

[ميــرال]

أبي النسيان

تذكرتك .. وأبي النسيان ألايا خل ساعدني
ـــــــ أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
ــــــ وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
ــــــــــ تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
ــــــــــ أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
ـــــــــــ بيلقى صاحبي غيري وأباالقى في العرب غيره

[ميــرال]

http://www.elbader.net/marsam/big_images/127.jpg

مدري الزمان اللي زبد ثم عربد
ـــــــــ ولعبت بك امواجه معاليق وحجاج
أوهو الحبيب الي نزح عنك وابعد
ـــــــــ ولك حاجةٍ به وانت ما قلت محتاج
أوهو الجسد لا بد يعرق ويبرد
ـــــــــــ دور لروحك لحظة الضعف مخراج
يا ضاربٍ في الصخر بذراعٍ اجرد
ــــــــــــ بين بياض العظم ما فاض هداج
ويا ضايعٍ في غابة الحبر الأسود
ـــــــــــــ ضاع العمر ما جبت حرفين من عاج
اشعلت جمرٍ وأحرقك لين رمد
ـــــــــــــ واليوم تـبني حوله ضلوعك سياج
أرخ الستاير ما بقى كود مشهد
ــــــــــــــ كهلٍ كفيف يشعل لغيره سراج



هداج

[ميــرال]

عطني المحبة ..
كل المحبة .. عطني الحياه..
عطني وجودي ..
ابغى وجودي .. أعرف مداه
املا شعوري .. بالحب مره
ابغى هواكم.. حلوه ومره
وأغلى الأماني .. عاشت في غربه
ياعمر ثاني .. عطني المحبه

عطني في ليل الياس شمعه ..
وبسمة نهار..
عطني في ضياع العمر دمعه..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني .. عطني المحبه

[ميــرال]

الكلام الغريب



من علم لسانى
الكلام الغريب . .
إلين قلت : ان الحليب . . رمل . . والمرضعه ريـح
والصدر خيمة راعى في الجدب
من علم الكذب لسانى
الرسم . . الاغانى
الطفل في الظلما
الحـلوى في الدكان
أو خيزران . . معلم معتوه
من علم المشدوه . . بألوان العيون
هذا الجنون . . الجنون
من علمنى الحب غير الناس . .
والكره غير الناس . .
من كدس الإحساس . . في اجفانى
وخلانى احلم . . احلم
وانا من سنين . . انسانى
وامحى مكاتيبى
شوهت وجهى . . كثر ما حكيت . . ألواني
وعلى الزمان الثانى
رسمتنى . . مثل ما بغانى . .
لكن على لسانى . . بقى كل الكلام الغريب
أنا الغريب
وكل شاعر في الناس غريب
وفي الارض كهف . . من نيزكٍ مجهول
لكن يعرف يقول . . يقول
كل الكلام الصعب
الحليب رمل
والمرضعه ريح
والصدر خيمة راعي في الجدب

[ميــرال]

من اعذب البدر

مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..

[ميــرال]

http://www.elbader.net/marsam/big_images/119.jpg

لو تغيبـي ولو رحـل وجهك حبيبـي

في غيابـي عنك أشوفك .. وفي عذابـي منك أشوفك

صـدقينـي مـا نـقـص هالليـل بعدك إلا قمـرا

وما فـقـدت من النهـار إلا شعاع الشمس بكـرا

واجمل الناس حبيبـي ..

لو تغيبـي لو رحـل وجهك حبيبـي

تصغر الدنيا وتضيـق

كلّ مافي الدنيا أعرفه إلا بيتـي والطريق

أنا أحبك ذا نصيبـي .. إبعدي عني وغيبـي

صـدقينـي مـانـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا

لك ليـالي ما سألتـي .. ولي ليـالي ما سـألت

ولو دريت إنك زعلتـي .. كان أفرح مـازعـلت

بس داري مافي قلبـك إلا قلبـك

واختياري إني أحبـك والا أحبـك

ومن عذاب الحب يكفـي لو تجرّح قلب واحد

وإنتي يا حبـي وضعفـي لا يهمك كله واحد

لجل تتغير فصول .. ويبكي الغيـم في عيونـي

وتزهر جبال وسهول .. اضحكي بيـّا وبدونـي

وصدقينـي مـا نـقـص هالليـل بعدك إلا قمـرا

ومافـقـدت من النهـار إلا شعاع الشمس بكـرا





لوتغيبي

[ميــرال]

لحظات حالمة جداً
سيدي قم...
ما خبرت اللي يحب يشتهي النوم
سيدي قم...
لاتنام وفي السماء باقي نجوم
يا جريح البارحه
كيف طبت اليوم
سيدي .. يا سيدي قم

سيدي ...الليل للعاشق نهار
قم معي ... نجمع نجوم الظلام
سيدي ... لو عرفت الانتظار
ما غفا لك جفن .. .يا عذب الكلام
اه لو تدري الهوى والسهر مقسوم
يا جريح البارحه
كيف طبت اليوم
سيدي .. يا سيدي قم

سيدي ... لا تناظرني بغضب
ودي تحس مثلي بالغرام
سيدي ... ما وراك الاالتعب
ليت عيني مثل عينك تنام
اه لو تدري الهوى والسهر مقسوم
ويا جريح البارحة كيف طبت اليوم
سيدي .... يا سيدي قم

[ميــرال]

ترحيبة الحزن والليل

هلا ... يا حزن ...





لما يبعد ... في المساطيف المسافر ..
لما يخفيه الضباب ..
لما يرحل ... بالأمل وبفرح باكر ...
لما ينسا لي عذاب ...
هلا ... يا حزن ...
هلا بالصاحب الطيب ...
ابد ... لو تبعد قريب ...
هقيت إنك مع الفرقا ... تبي تنسى حنينك لي ...
هقيت انك بعد مليت ...
من الماضي عذابك لي ...
عسى ما جرحك فرحي ... عسى يا حزن ...
أنا لو خنت في جرحي ...
وضيعني ... الهنا ليله ...
ترى ما في يدي حيله ...
هقيت إني لمحت النور ...
بيمسح دمعي المبهور .. بمنديله ...
سحرني حلو ترتيله ...
لما يسري في الفضا .. نجم السهاد ...
لما يطفيه السحاب ...
لما يملى عمرنا الماضي السواد ...
تصبح البسمه ... صواب ...
هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر ...
هلا بالليل ... يا ضاوي بالحنين المر ...
هلا ... والله ...

[الغيد بنت فواز]

لا نستغرب الذائقه يا { ميرال ..!
الشكر لك ~

[ميــرال]

الغيد
ياالذوق كله

[ميــرال]

صياح الباب

صياح الباب يكفي لا ظهرت وبكتم صياحي = لك الله لو تبيني اصرخ حبيبي لا تهج الباب
تكلم واحرق بنار العتب طيني والواحي = عيوني لك مرايا لو تبي وافتح ضلوعي كتاب
وان مات الحكي ما عاد ينفع ضحكي ونواحي = يقولون الذي كاره يلاقي للفراق اسباب
حبيبي والوداع نعاس نجم والجفن صاحي =واحلام الرماد ولفتة تملي الدروب غياب
امانة لو عشقت في يوم غيري تذكر جراحي = ولا تترك حبيبك ما بقى للعاشقين عتاب
مفارق والذي يخليك لحظة بطفي مصباحي =تعرى الدمع ساعدني البسه الظلام ثياب

[ميــرال]

ناديت ماكن السنين اللي مضت راحت

http://www.al-wed.com/music/bdr/9otk_ynadini.ram

[ميــرال]

كفاك غرور




صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

[ميــرال]

كل ما دعاني الشوق



كل ما دعاني الشوق للقلب الأول = القى مكان القلب في الصدر تنهيد
وطيوف ذكرى في الحنايا تجول = تجمع صور وأوراق من باقي العيد
مدري سبقني الوقت والا تحول = أخلف ربيعي وادهرن المواعيد
أو هو الصبا .. نجمٍ رقى ثم حول =غاب وسما وجهي مشيب وتجاعيد
أحبابنا ليت الذي راح طول = وليت الذي باقي لما فات تجديد
انتم مثل قلبٍ عرفته امنول = وأصبح مكان القلب في الصدر تنهيد

[ميــرال]

جرحي بخير



http://www.elbader.net/gallery/big/2000_13.jpg
ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..

[ميــرال]

خروج من الأبيض


نودع الطفل..
في وقت الخروج..من الابيض ..
وبين الزبد والموج ..
نحرق ثيابه ..
ونسن انيابه
وتبقى البراءه ثلج ..
والزمن شمس ..
واعمارنا غابه ..
وكل ماكبرنا .. تكبر الغابه ..

[ميــرال]

لاتنساني





خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....

[ميــرال]

http://www.elbader.net/marsam/big_images/115.jpg



أعرف الشارع اللي..
فـ اوله دارك ...
واعرف ان القمر .. جارك ...
وعطرك ... هو حديث الريح ...
اعرف ان النجوم ... اتطيح ...
على دروب المدينة ...
إلى صرتي حزينة ...

متى يا نجمة الفضة ...
حجبت الليل عن نُورك ...
متى قلت السما مّلت ...
جحٌودك ... نظرة غرورك ...
صحيح إني ... نسيت اليوم ...
نسيت اليوم ... لا أزورك ..
وأنا .. أنا عرف النجوم تطيح ...
على دروب المدينة ...
إلى صرتي حزينة ...

[ميــرال]

رديني



وظهرت من عيونك .. ليلة..
لــ هاالدنيا.. لليل والنهار..
كانت السما زرقا داكنه .. ما تغيرت ..
والمباني ساكنه ..الا على الما ..
وفي قلوب الصغار ..
كان الطريق خالي ..
وأحجار الرصيف تكسرت ..
وقلت مساحات الخضار..
وكن الدروب تكورت .. على المساكن ..
مدري من البرد ..اومن قلة الأحباب
لكن .. بقى لون الغبارالداكن ..
وصوت الفراغ في الدروب ..
ظهرت من جفونك ليلة عيونك نثرت..
دمعك.. وقلبي..
ليلة تجرحناالعتاب..
ما اكذب عليك .. كنت مشتاق ليلتها وربي ..
لبيتي .. ولغرفتي .. ولمكتبي مشتاق..
لأقلامي .. والأوراق..
ولقيتها مثل ما كانت .. تحت الغبار ..
حلم وقصيد من شرار..
ومفرش محروق..
وزرع يبس وعروق .. وفجر بلا أبواب
ووسادةٍ ياما ليالي استكثرت..
نومي عليها.. ما تغيرت
رديني لعيونك .. أرجوك رديني ..
مابي أحد .. ما بيني
ابي عيوك بس ..
تكفيني .. تكفيني .. تكفيني ..

[ميــرال]

http://www.elbader.net/gallery/big/100153.jpg

وتسمعين عني أشياء كثيرة00 وتصدقين ولا تصدقين 00 وربما كنتُ أشياء كثيرة00
لا يعرفها إلا من يعرفني 00 إختاري بي ما يبعدك أو يقربني إليك 00 وصدقي فقط
أنني لست لأحد سواك00


البدر

[ميــرال]

لليل أحبك




لليل احبك مابقى في السما نور = والى ضواني الليل .. للصبح أحبك
واللحظة اللي كلها عند وغرور = أشوف قبري بين عينك .. وقلبك
في صدري سراجٍٍ حزينٍٍ .. ومكسور = رغم المطر والريح .. شلته في دربك
والله مابه غير لوعاتي قصور = وخوفي عليك الله ربي وربك
ما بي جهد ابني على صمتك جسور = لا حيرتني أسباب سلمك وحربك
العمر أحبك .. مابقى فيني شعور = والى جفاني العمر .. وشلون أحبك

[ميــرال]

افداك انا كلي

http://www.al-wed.com/music/bdr/fdak_ana_kli.ram

[ميــرال]

اغصان المساويك





تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي

[ميــرال]

حسايف







التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...

حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين

اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...





حسايف .. تذبل الضحكه وهى بين الشفايف ..

[ميــرال]

http://www.elbader.net/marsam/big_images/114.jpg


أنا ما أشير بالفرقا .. ولا أحدك على المقعاد = تخير في طريق الوصل .. والا درب هجراني
حرام الوصل ما يجمع قلوبٍ عن هواها بعاد = وبعض البعد لو عذب يجمع بين خلاني
تحسب ان الهوى ضحكة دقايق عشتها في ميعاد = إلى ما رحت تنساها .. وتنسَى الوعد وتنساني
ألا يا صاحبي .. الرفقة ترى مَا هِى ثياب جداد = تبدلها متى مليت .. وتلبس غيرها ثاني
إلى ضاع الوفا .. مابه هوى بارجيه أنا .. ووداد = ترى ذا الفرق .. بين أقرب قريب .. وبين عدواني
تحاكيني بطرف لسان وهرجي من صميم فواد = وتاقف من بعيد .. ويم درب الموت تنخاني

تخير

[ميــرال]

فكره





حبيبي من هو غيرك قد عشق فكره =طيف وخيال ونحولٍ يكسر الخاطر
ما حذرك عاذلك من غيه وسحره =ما قال قلبه خراب وموسمه باير
لا بر في دفتره لا شهد في حبره=لا ضي في غربته متبعثر وحاير
كني سمعتك وكل العين منتثره=دمعٍ صرختي ما بين السيف والحافر
لا تذبحونه ألم وأن طال به عمره=فاق بخياله جمال الماضي والحاضر
اللى طعنتوه خلوا شبر في صدره=يلقى به العشق وقت يقيم ويسافر
الكوكب اللي تقول الناس ياصغره=من كثر ما هو بعيد وشوفهم قاصر
لا تحسدونه خذا من خبزكم كسره =للجوع وأعطي شباب القلب والناظر
اللي قليله قليل ٍ فاض من كثره = واللي كثيره قليل الجوهر النادر
اللي قليله قليل ٍ فاض من كثره=واصابعه وان حسبتوا مالها اخر
اصابعه وان حسبتوا كلها عشره=وفي كل صخرٍ بياض عظامها نافر
في كل ارضٍ حفروديناها ظفره=وكل ما بكى كل دمعةٍ تولد بشاعر
كل ما انجرح شع نزفه واشتعل فكره=وكل ما بكى كل دمعه تولد بشاعر

[ميــرال]

مرثية الدغلوب


ذكرتك .. كانت ضلوعي خشب أثل وحشاي دروب = وقلبي غرفةٍ من طين تهاوى سقفها الدافي
ومن شح الدمع .. غنيت لك مرثبة الدغلوب= وطفلٍ للمطر يجري .. على الصخر الخشن حافي
نخياي أخلفت وعد الصرام .. وظلها المسكوب = على كبدي طويته يا الهجير الظالم الجافي
وأنا لومات غرسي منظما .. مالي عن المكتوب = عذابي اني سقيته وارتوى من قلبي الصافي
وإلى خان الشجر والطين .. لا تشره على المحبوب = زرعت ولا جنيت .. بها الزمن .. لي صاحب وافي
ندهني للرحيل .. من الشعيب المسني .. المذروب = إلى مني رقيته بان لي سهبان .. وشعافي
وذكرتك .. ما بقالي في السما لو لحظتين غروب = ولا لي في الثرى كود الذي برميه أنا خلافي
بعض طيني .. شهاب اثلي .. ودلوٍ يابسٍ مثقوب = يخر الرمل في جوف القليب .. ويظهر السافي
جريد اللي ذبل .. وإلا هوى .. أو هو موات قلوب = نويت أشد من دار العطش .. واعيش فـ اطرافي

[ميــرال]

انا الجفا




عن كل نجم ظهر بسدل أجفاني = لعل ما عيش حزني لحظة غروبه
وعن كل خلٍِ طويل الصمت كفاني= الصاحب اللي قليل الهرج عذروبه
وعن كل ثوبٍ جديد باالبس أكفاني = وأدله ولا ألقى رسايل هم في جيوبه
أنا الجفا ليه أخاف الناس تجفاني = وأنا الحبيب الذي من يعشق عيوبه
راعي الوعد وأن صدق مرة ولاقاني = يحتار بين السراب وقلب محبوبه
يامن عذابه يشققني ويرفاني =فرقاك غصب علي بالحيل مكتوبه
خبرت نصف تعب من نصفه الثاني = بعضي الرماد وبعضي نار مشبوبه

[ميــرال]

باقي فرح

اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...


باقي فرح
ابسألك ...
حنا نعيش اللحظه والا نعدها ...

[ميــرال]

بخيوط سهري أخيط قصب الظهيرة في مخمل منتصف الليل .. لذلك يتعرى الزمن

البدر

[ميــرال]

ناي





في الشارع .. عتمه ونور ..
زحمه .. واشارات المرور ..
تاقف على انفاس الطريق ..
مشيت أنا .. وهمي العتيق ..
وقبل التعب .. مايهدني..
سمعت صوتٍ شدني ..
ناي .. في صوتها ناي ..
غني وجرحني الشجن ..
دقات قلبي .. وقفن..
وخطاي
قالت وش الوقت ...
ناظرت ليل اعيونها ...
وصبح الجبين ..
ومرت ثواني صمت ...
وقلت الزمان .. انتى..
وكوني اللي تبين ...
من يومها ماعاد اناظر ساعتي ..
وش حاجتي .. أعد الزمان ..
وهى الزمان الجاي ...

[ميــرال]

شمس الورق



أنابظهر من سكوتي قبل شمس الورق ما تغيب = قبل حبر الليالي يجف .. وانا ماغنت جروحي
قصيده .. خذتها من طفل .. ما اظنه ابد بيشيب = ولكنه نزح عني .. مثل إحساسي بروحي
ابا اكتب للسماء نجمه.. ابا اكتب للخزامى طيب = واباكتب لين احس القلب لا يكتب ولا يوحي
يموت في قلبي الشاعر ويغتال المشاعر ذيب = ولا ادري افزع للضحكي .. او أحمي صرختي ونوحي
حزينه هالقوافي لا .. ولكن من يعرف الغيب = سعيده هالقوافي .. بــ انتظر لين آخرة بوحي
تعالي نتيع الضي البعيد في عتمة التغريب = ولو مليتي من أجمل قصايد غربتي روحي

[ميــرال]

ديمة



قلت المـطر . . قالـت من اليـــوم ديمــــه = ما به رعـد . . لا بـرق . . ما غـير هـتان
عشـقٍ جـمع ما بيـن قاعٍ وغـيمه = فـيض على صدر الثـرى دمع الأمزان
هــمس النديم .. الــلي يعـاتب نـد يــمه = صـوت المطـر .. كـنه تعاتـيـب خلان
وتبــسـمــت لا جل الــلــيالي الـقــد يـمـه = وقالـت تــذ كر قـلـت يابـنت نسيان
نـقـض الجـروح الـلي تـشافـت ظـليمــه = ما عاد به وصـلٍ ولا عاد هـجران
ومـا لـلرجا فـي بعض الأحـوال قــيــمه = ومال العـمى صبـحٍ ولو بات سهـران
لــو لــلزمن .. عن نية الغـد ر شـيـمـه = مـا فـــرق أحـبابٍ ولا بعــد أوطان
كلٍ خـصـيم .. وذاق لـوعـة خــصـيـمـه = والـلي خـصـيم الوقـت يا بنـت خـسران

[ميــرال]

المزهريه

لا إانتي وردة
ولا قلبي مزهرية من خزف
صدفه وحده
جمعتنا شوفي وشلون الصدف
التقينا في مدينه
وفرقتنا الف ميناء
اغفري للريح والموج والسفينة
كانت الرحلة حزينة
للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع ولاأفارق
ويش اقول غير إني آسف ويش اقول
انا خانتني العواصف والفصول
آه ياتعب المسافر
في أراضي الجرح و في بحر المحاجر
مالهذا الحزن آخر او لهذا الجرح آخر
ياشمسي الأخيرة في اللحظة الأخيرة
أنا لي كلمة أخيرة
إغفري لي إبتسامي قبل جرحي
حاولي تنسي كلامي قبل صمتي
ولو زعلتي ياأعز الناس إنتي

[ميــرال]

ابعتذر
ابعتذر عن كل شيء
إلا الهوى ما للهوى عندي عذر
ابعتذر عن أي شي
إلا الجراح ما للجراح إلا الصبر
إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم ..

ابعتذر كلي ندم
عن كل شيء إلا الهوى
ما للهوى عندي عذر
ا تصدقي ما اخترت أنا أحبك
ما احدٍ يحب اللي يبي
سكنتي جروحي غصب
ياحبي المرّ العذب
ليت الهوى وانتي كذب
كان اعتذر لك عن هواي
ما أقول أنا كوني معاي
ان ضايقك اني على بابك أمرّ
ليلة ألم
واني على دربك مشيت عمري
وأنا
قلبي القدم
ابعتذركلي ندم
عن كل شيء إلا الهوى
ما للهوى عندي عذر
الله كريم حبك يكون
همي القديم
وجرحي القديم
والله عليم يا أحلى العيون
ان الفراق جزا الفراق
ابوعدك كان الطريق بيبعدك
بامشي الطريق
وكان الجحود بيسعدك
مالي رفيق
ابجمع أوراق السنين
وأودعك
كان الفراق اللي تبين
الله معك

[ميــرال]

بيجيني السفر




مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..
بـ الهون ..لا تكسري هالقيد .. كله أصابع ..
خليني أفك أصابع الحاير المسكون .. بالخوف ..
عن زندي الخادر ..
يكفي مواجع ..
أظنني قادر على الوقوف ..
وقادر على الترحال ..
بس اصبري ..
لا تسافري .. الين أقوم ..
بالله لا تستعجلي ..
لا تزعلي مني ..
أوراقي وثيابي .. خذيها معك ..
بس افتحي بابي .. وخليه ..
في يوم بيجيني السفر ..
ويدخل علي .. واهج مثل الناس ..
قول وش أسوي .. ملعون هالإحساس ..
لوهو حلو وافر ..
قاضبني لا اسافر ..


قول وش أسوي .. ملعون هالإحساس ..

[ميــرال]

ردي سلامي




حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...

[فالح مشهور]

أنا معك .. هذا المهم .. أنا معك
لا صرت أشوفك وأسمعك ..
باكر متى صار الألم .. ليل وبعاد
اتذكرك فوق الدموع .. كثر السهاد
وجهٍ أحبه .. وابتسم ..
هذا المهم .. !!

أنا أحب .. هذا الأكيد ..
وانتي معي .. وهمي بعيد
ما افكر بلحظة تجي .. وما افكر بلحظة تروح
بيت القصيد ..
وش هو الهوى ..
لوماعشقناها لجروح
ذبنا هوى ..
ابي أحبك للعظم ..
وجهٍ أحبه .. وابتسم ..
هذا المهم .. !!

انثر مواعيدك على باقي العمر ..
واسقي بمواعيدك .. ظما رمل العمر ..
خلك مطر دايم على صدر الجفاف ..
ساعدني لا اشكي ولا أيأس واخاف
انا الصبر .. دامك وفا ..
وانتِ احب .. وصل وجفا
لجلك انا وجه واسم ..
وجهٍ أحبه وأبتسم ..
هذا المهم !!

[ميــرال]

وين تبدا هالمدينه

وين تبدا هاالمدينه .. كل يوم ..
من رصيفٍ عاريٍٍ تحت النجوم ..
من عناوين الجريده ..
في المواني .. وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هاالمدينه .. كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك ...


ــــــ




..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..

[ميــرال]

دروب الأرض



دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن

[ميــرال]

يا زمان صدفه





ولا قلبي يحب الموعد اللي
تركته للزمان صدفه
ولا عيني تحب الدمعة اللي
يمنيها الهوى بعطفه
وانا مابي..
حصاد الموسم المرجي
ولا أظن الأمل ينجي
حطام المركب الغرقان
كفايه توعد الولهان فاكر يا زمان
يا زمان صدفه
حبيبي عمرنا لحظات نعديها ولا ندري
ويكفينا الذي قد فات كفاية يا بعد عمري
وانا مابي ..
حصاد الموسم المرجي
ولا أظن الأمل ينجي
حطام المركب الغرقان
كفايه توعد الولهان فاكر يا زمان
يا زمان صدفه

[ميــرال]

نبض الحب
كل حبٍ تغير وانمحى = مـن حـنـايـاك يالـقــلـب الـقــديـم
كود نبض على وضحى صحى = أول العمر يوم اني فطيم
لامني الشيب .. وابعدني السحى = لا ارتمى فوق هالصدر الرحيم
أعشق الوضح لاجلك والضحى = وضوح برق الوسامى في العتيم
اقبل الصبح والليل انتحى = ابشري بالفرج والله كريم

[ميــرال]

أحبابك سروا


مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري


غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري...

[ميــرال]

طريقنا واحد






طريقنا واحد ..
امشيه .. معي ..
أحباب .. كانك تبين ..
أصحاب .. اللي تبين ..
يكفي متى .. ما توصلين
تتذكرين ..
إنك حزينه .. وانا حزين

كافي كلام ..
مابي .. وعد ..
أو التزام ..
طريقنا يمحي الظلام
نمشي مسافات الرجوع
ودرب الهوى كله خضوع

ارمي الجرايد والهموم
لا تجبري عيونك تنوم
لا واسمعي همس النجوم
وهم الوداع .. وكثر الحنين
وكافي كلام .. مابي وعد
أو .. التزام

[ميــرال]

بسمة الضي


أنا حبيبي بسمته تخجل الضي = يكسف سنا بدر الدجى من جبينه
راعي العيون الناعسه رمشها فّي= وإن سلهمت ذاب الحشا من حنينه
له نظرةِِ لا هي سَرابٍ ولا مَيّ = راعي الهوى تفنى وراها سنينه
نور الصبايا .. بسمة الدّار والحيّ = نوره ولا شمس الضحى تستبينه
دامه معي أغلى الحبايب فأنا حّي = بالقلب أضمّه يوم قلبي ضنينه
له في ضميري من لهيب الوله كي = روحي معه عذب المناجى رهينه
ياصاحبي لا تنشد الروح عن شيّ = أنا حبيبي .. نور كل المدينه

[ميــرال]

قصة العاشق قديمة


افارق .. هاالنجوم الطايحه ..
بين المدى والقاع ..
وفي قلبي من الاوجاع ..
مايكفي ..
وفي قلبي افارق ..
حزين اللي تركت البارحه ..
وجهه على كفوفك ..
غسل بدموعه طْيوفك ..
غرستي في صدره حروفك ..
بيارق ..
ورى هاذي الهضاب سفوح ..
عيونٍٍ مالها عيونك ..
ولاقلبك ..
اسافر كل قلبي جروح ..
وانا احبك ..
عسى لاطبت.. طفيتك حرايق ..
ولو بيديني غيرتك ..
ولو مثلك في هاذي الارض ..
ضيعتك.. ودورتك ..
ولكن انتي .. غير انتي ..
وانا .. مثل الخلايق ..
افارق ..
ودايم قصة العاشق .. قديمه ..
مثل كل الفصول ..
اللي على مر الزمن تنعاد ..
عزانا .. والدموع جداد ..
بأن الشمس وحده ..
وياكثر المشارق..

[ميــرال]

شطر من شاعر



كذب من قال ورد العاطفه ينبت بظل السور

[ميــرال]

اليأس جدب والأمل غابه



الرمل .. قرطاسةٍ صفرا ..
ما عليها اكتابه ..
كود .. أثار القدم .. يوم أنا أطابه ..
الشمس غضبا ..
والهجير .. عقرب السم ..
وانا تحت جلدي ..اتذرٌى به ..
ذيب .. يا ذيب الخلا ..
لاتشرف بالرجوم ..
لين يشربني الظما ..
لين ياكلني السموم ..
والذي قدٌر .. مواقيت الحتوف ..
مير أنا عظمٍ .. كسته عروق
جلدي المحروق .. مايطيق اثيابه ..
لوعشاك السيف .. ماذخرت انصابه ..
ذيب .. ياذيب الخلا ..
لاتختلني .. من ورى جال الشعيب ..
ماخبرت الذيب .. يفرس اذيابه ..
الشمس غضبا ..
والهجير .. عقرب السم ..
والياس جدب .. والأمل غابه ..

[ميــرال]

بحر العيون


تقول اللي طرف عينك أنا مدري هدب أو عود =أحس اني من اللي صابها ماشوف قدامي
ضحكت .. وقلت لاتخافي على بحر العيون السود = على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود = وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود = أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود = أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود = أنا اللي راس مالي حلم .. وهم الدنيا قدامي

[ميــرال]

العين مشتاقه


يا عاذلي .. ما تشوف العين مشتاقة = لولا الحيا جاوبتك بدمعها الصافي
عطني جلد .. كان تنخاني على فراقه = ودي الي من تركته ما أشبح خلافي
لاح الجبين .. وجذبني نوض براقه = حيثه ربيعي .. وورد الخد مصيافي
والغصن لولا المطر ما أخضرت أوراقه = يا كيف عشب الوسم يترك وينعافي

[حنان الفايز]

موضوع رائع جدا ومميز عن


بدر بن عبد المحسن مهندس الكلمه



شكرا جزيلا على الموضوع الرائع جداااا

[ميــرال]

مقطع من ضما الشمس



الله يعلم إني حاولت
حاولت
أسند على كفي السما
وأناظر الشمس
أشرب عن عيونك ظما

[ميــرال]

اللوعة



ياللي نسيت الزمن وقلوبنا تعده = كم ليلةٍ غبت والهاجوس يلعب بي
لا انت مع القلب يالغالي ولا ضده = كله سوى راحتي والا تعب قلبي
يسيل قلبي على الخدين .. وارده =برت قلبٍ من اللوعات ينحبي
وان قلت لا بد يبرد زادت الشده =شقيت انا منك والشكوى على ربي
يا من يغيب القمر لا من ظهر خده =الزين زينك وانا كثر الوله ذنبي
من عانق السيف لازم يجرحه خده = ومن يعشق الجمر فيه النار تشتبي

[ميــرال]

حبيبتي يا حلم




قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..

[البدر بن مسعد]

اللهم بارك فيه اللهم بارك عليه ـ كثر هم أبناءهُ
اعرف الأمير بدر بن عبد المحسن ، من زمن ، لكن لم أسأل عن عدد أبنائهِ ، اعرف انهُ " أبو خالد " والأمير خالد بن بدر على ما أظن جده الملك سعود بن عبد العزيز رحمة الله عليه، كنتُ ولا زلتُ من المعجبين بمهندس الكلمة ، يقول مهندس الكلمة يا أخت ميرال
بين الحنايا
ذيب 00
مكسوره انيابه
شقق عواه القلب
تحت الجفن شوكه
تسهرني كتابه
وهذا الزمان الصعب
لو غاب 00
في غيابه
قمر الحزن بيغيب
بيني وبين الآه
اني اطلق ضلوعي
تركض في ها الشارع
بيني وبين الدمع
اني أسأل خضوعي
ليه الشجر فارع
بيني وبين الناس
آكل الم جوعي
وما بيعهم إحساس
يبكي ورى الألواح
ناي للحزن مجروح
يا اللي نبي فراقه
ويا اللي تبينا نروح
ليه تقفل الابوب
حنا سكنا دروب
وما للألم سارق
ونعاتب الاحباب
وما بينهم محبوب
نلقاه 00
ونفارق
اصبر معي
لاباس
روزنامه في صدري
ويمضي العمر انفاس
/
شعر : بدر بن عبد المحسن

[ميــرال]

الفتاة الغايبة




و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..

يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..

الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..

صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه

[ميــرال]

المسافر


لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..

[ميــرال]

ظنك أحد طار


ومـا قـد لـمـسـت بأصـبـعــي .. جمرٍ
و في بـالـي أحـتـرق ..
ولا دخـلت البحـر وأكـفـاني معي
ودي عن أنفاسـي افتـرق ..
لكـن لـمحـت المـوت مـره
يمـكـن مرتيـن ..
وما كـان هـالقـاسـي الحـزين ..
سـمعـت له صـوت أنا مرني المـوت
مثـل طـير و دعـاني
أدعـي معـي .. والا اخـشـعـي
و مـا هـي تـرى مـرثيتـي .. لا تـجـزعـي
لـيتـي شـجـاع الى هـالحـد
والا صـدوق الى هـالحـد
البـارحـه .. والريـح تحـمـل رملـهـا ..
و اللـي عـطـا .. هـالأرض ذكــرىمـن بـقــايـا اهــلـهــا..
عـطـاني من بعـض الـقـبـور.. تـراب ..
و مـن كـل غـايـب .. جـلـد .. وكـفـن .. وعـتـاب ..
كـانـوا قـراب .. الى هـالـحــد ..
وذكــرونـي لـو الـذنـوب تـعــد
وش كــثـر أنـا شـايـب..
الطـير مـرّ ومـرّ .. ومـا لـمحـنـاه
و لا دعـانـا .. بيـت قـصـرانـا .. بـه بـكـى ..
ظـنـك أحـد .. طـار !! ..

[صالح الساعد]

ابداعـــات البــدر لا تتوقــف كإبداعاتك عزيزتي

شـــكرا للــذوق .. فشكــرا لكِ

[عون القحطاني]

.

ميرال .. الشكر قليل في حقك
وليس لنا غير ذلك

.


( الســــــيف )

من يطعن السيف ابـ حشاه .. ويجرح السيف ..
من يضرب السيف ابدماه .. ويقطع السيف ..
السيف .. المعدن البارد ..
نصل الشتا الحاد ..
له تحت جلدي .. طريق ٍ ضيق ٍ بارد ..
وله صرختين اجداد ..
حبيبتي .. يا نبتة الدم ..
السيف .. إما قتلتي اعناد ..
والا قتلتي هم ..
ومضة شعاع ٍ خاطفه .. السيف ..
الصمت قبل العاصفه .. الألم .. لا فارق اللحم .. العظم ..
كم .. لحظة ٍ .. يا انتي إنطحنتي خايفة ..
من موعدك .. قبل الوعد ..
ورديتها .. قلت ارجعي ..
وكم صرخة ٍ .. ياللي ان جرحتي .. توجعي ..
ولو انجرحتي توجعي ..
اطلقتها بعد العد .. وشقت ضلوع العاطفة ..
من يطعن السيف ابحشاه حبيبتي
ومن يضرب السيف ابدماه .. ويقطع السيف ..
وقفت وضلوعي ( الصفاه )
اغطي عيون الأمل ..
ابغترة الحزن .. واركعه ..
كان الجفا .. سيف ٍ يسيل ..
في لحظة قصاص ..
وكانت عيوني تودعه ..
تشتاق .. للموت .. الخلاص ..
يا نبتة الدم .. السيف ..
مره قتلني عناد .. ومره قتلني هم ..


.

[ميــرال]

يعذرني الأول




أحد .. سأل عني
وأحد .. نسي يسأل
يعذرني الأول ..
محد .. سأل عني
أحد .. نسي صوته
واقبل ينادي
وأحد .. نسي صوته
ساعة سكت فيني
يعذرني الأول

أحد .. يبيني احتار
وأحدٍ .. هو الحيره
والله الأماني كثار
ومابه أحد غيره ..
اللي نسي يسأل
هذا حديث الجرح
ماهو أبد مني

[ميــرال]

http://www.elbader.net/marsam/big_images/2.jpg


خذاك الموعد الثاني

نويت تغيب وتنساني

مشت بك خطوتك لبعاد

وتركت لدمعتي ميعاد

مثل ذا الوقت تلقاني

وخذاك الموعد الثاني

أحبك كلها كلمه

ونظرة شوق خداعة

عطتني بالأمل دنيا

غريبه يومها بساعه

خذتني غصب عني لك

حسبت إني قمر ليلك

واثر شوفك تعداني

وخذاك الموعد الثاني
صديق الليل

لو تندم على جرح تركته لي

لا انسي قلبك المسكين

حبيب جرحك قبلي
ولكن سكتك تحتار

ابد بين الندى والنار

والى منه قضى المشوار

بدا مشوارك الثاني

[ميــرال]

ما هو زمن مرزوق




مرزوق..
الشايب اللي .. كله عظام عروق ..
ولد .. يوم الليالي بروق ..
يوم النهار اعشاب ..
وغدت باقي السنين المجدبه ..
ترسم تجاعيده ..
في وادي الطلح ..
طفلٍٍ حبا .. فوق الصخر والشوك ..
مرزوق .. ومر الصبا ..
وهاذي السنين بروك ..
مثل الجمال بروك .. ومقيده ..
مد الايادي .. وفك الحبال ..
اطلق الجمال الباقيه ..
السنين الباقيه ..
ورحل .. مرزوق ..
من زمن النخل والطين ..
دخل مغارة التنين ..
في ومضة اللحظه .. اولحظه النار ..
كان اللهب ازرق ..
يوم احترق مرزوق ..
وجه الصباح اشرق ..
عليه غيم .. غبار
في كل الصحاري الاوله
الوقت سيارةٍ تجري
والدنيا في الشارع ..
ماهو زمن مرزوق ..
كيف يقدر يصارع ..
هذا الحديد .. الناس ..
لاهو يَعرْف يسوق ..
ولو يقطع الشارع ..
يخاف لاينداس ..
فجأه وقف مرزوق
الشايب اللي ..
كله عظام .. عروق ..
مات .. وما في الليالي بروق ..
مافي النهار اعشاب ..
ومن يدري الاسباب ..
يمكن .. ماهو زمن مرزوق ...

[ريم علي]

هنا للشعر والأحساس قيمة
ميرال شكراً ويزيد

[ميــرال]

مري علي




مري علي قبل الرحيل .. مري علي
مثل الوفا .. مثل الجميل ..
مري علي .. ابكي حياتي وارحلي ..
مري علي .. من بعد شوفك ما عليّ ..
مري لو الفرقا قهر .. قولي قدر ..
يمكن زماني اللي بك غدا .. ظنك غدر
عذر العيون السود .. دمعه ما تفيد
تمحي الظلام وتجود يا امل الغريق
مري علي .. ابكي حياتي وارحلي ..
مري علي .. من بعد شوفك ما عليّ ..
وش في الــ الجفا غير الجفا
غير الوفا لك والحنين ..
كان الامل انك تجين ..
وتسألين..
الله يعين الصابرين .. الله يعين ..

[ميــرال]

http://www.elbader.net/marsam/images/bader_pic3.jpg

انا أرسم قبل أن أكون شاعرا
و رسمي يشبه قصائدي

[ميــرال]

http://www.elbader.net/marsam/big_images/128.jpg

وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق

[ميــرال]

مقطع يختصر المسافات التعب


العشق




العشق .. هو خال .. وزمام ..
والا العيون اللي .. محاجرها ظلام ..
وقبل السلام .. وبعد السلام ..
يابنت أنا أحبك .. والسلام ..
واناظرك وانتي بشعرك تلعبي .. باصابعك كل الحديث اللي أبي
ما تعبت ليلي أناظرك .. ومااظنك إنتي بتتعبي
با بنت أنا أحبك .. والسلام ..

[ميــرال]

الشمس اللي تغيب






أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..

[ميــرال]

جده




إسقي كل البحر .. من طلك عذوبه ..
وانثري ضيك عليه ..
في المساء مر .. وشذى عطرك في ثوبه ..
وماسك الشمس بأيديه ..
وش عليه يلعب فـ شعرك هبوبه
ويغسل أقدامك في مده
ويكتم أسرارك في جزره
ويلقى في رملك لـخده لا تعب .. حضن ومخده
وكل ما جا الطاري في عرس وخطوبه ..
وقلنا مين هي العروس ..
قالوا : جده
لسا صوتك أسمعه .. آخر أيام الربيع
ويالمنادي في الطريق .. وش تبيع
بأشتري عمري العتيق .. لو تبيع
ولسا كيلو اربعه له مكانٍ في النفوس ..
وتبقى أيام الرطوبه والطفوله .. والجري تحت الشموس
أجمل أيام فـ حياتي ..
لما بيني وبين ( صالح )
تبتدي حرب البسوس ..
وتنتهي مرة بسهوله .. أنا العب فـ الظلال
وهوَّ يدخل غرفته .. يفتح الرادو ويغفى
وانا أحفر للمراكب .. في حدود الظل مرفا
وفي ضلوعي حلم .. وأمطار وخصوبه
ابني العالم وأهده ..
وكل ما جا الطاري في عرس وخطوبه ..
وقلنا مين هي العروس ..
قالوا : جده
إسقي باقي العمر من طلك عذوبه ..
وشدي أوتار الحنين .. مثل عود
واعزفي قلبي يعود ..
خصله من ليل الظفاير .. وضي من قمر الخدود
نرخي الماضي ونشده .. خيط قي البحر و جلب
ولو رحلنا عنها مدة .. وقلت أسماك الشعب
تبقى دايم هيَّ جده ..
وهي مكان اللي نحب

[ميــرال]

الماضي الحاضر





صوتٍ شبيه الريح .. مشققٍ بأعواد شيح
مرتّق بالدم .. معتّق بالهم زافر
صوتٍ مثل خضر العروق اللي على ظهر الكفوف المبطيه نافر
صوتٍ ذبيح .. يصرخ يصيح .. إبلك خذوه القوم
بين الفزع والنوم ..
أسرجت مهري ألف ..
وسلّيت سيفي ألف ..
وظهرت تحت الشلف ..
ماكان في الشارع غير الرصيف والفجر ..
وبواب جيراني من هالمدى راجع ..
يحمل رغيفٍ حار .. زاد لثلاث صغار..
للمدرسه صحيوا ولبسوا مرايلهم ..
سنين سنين .. هالصوت الجارح الزاجر..
يصيح بي وينك.. قطفت بساتينك ..
وابلك خذته القوم.. خذته القوم هالابل..
أفـّز وفي أنفي ..عـجاجة الغـاره ..
وأصحى وفي كفي ساعه ونظاره ..
مالي إبل أرجـوك مـالي نخيل .. لانصل ولا حـافر..
تعبت من صوت العروق المبطيه.. ومن صمتي الفاجر..
وأنا أخر الفرّيس ظنك ..
أنـا أخـر الفرّيـس ..
حسبك ياحادي العيس ..
هذا الزمن عاري ..لاردن ولا جوخه ..
يصهل مهر راكان ..
وينادي ابن مهيد ..
يوقف شعر هالبيد ..
هذا الزمن أصمخ .. مايسمع شيوخه..
شد الرحال .. سافر ..
دوّر ياحادي العيس .. روض وزهر ماديس
ولذنوبنا.. لذنوبنا غافر
وداع يا خضر العروق اللي على ظهر الكفوف المبطيه
يالماضي الحاضر ..

[ميــرال]

وش كثر إنتي جميلة


بتعلم حروفك
عن الشعر كله
وادخل كفوفك
عن البرد كله
واشهر سيوفك
في وجه الوقت كله
( ياالله 00وش كثر انتي جميلة0
وش كثر انا احب00)
واسند جروحي00
مثل جذع نخله00على هاالمدى
واركض في صوتك
وتحمل هبوبك رمالي
سرابك00جبالي
دروبك خيالي
وتبقى جروحي
عطش الف نخله00هجرها الندى
واتمنى مره وانتي معايا
اناظر ورايا00واناظر بعد
وغير ابتسامك00ماالمح احد
على هاالمدى

[ميــرال]

قلب الليل




الليل له قلب ...
وانا في قلب الليل ... قلب ...
وانتي احساس الأخير ...
ابهنا الوعد القصير ...
وبعذابي اللي بيصير ...
لا وقف قلب الليل ...
شمس النهار ... ترقى السما ...
وجهي الغروب ...
وبعض الظلام شالك ...
بعض اللي في بالك أنا ... وهم الدروب ...
اللي بتفرقنا ... بعد لحظة ... بعد لحظة ...
وهج الشعاع ... ما يطفي النجمة ...
قولي معي ... ما يطفي النجمه ...
شمس الوداع ... ما تطفي البسمة ...
خلي احساسي الأخير ...
ابهنا الوعد القصير ...
وما عليَّ من اللي بيصير ...
لا وقف قلب الليل ...

[فالح مشهور]

اعلق الدنيا .. على مسمار
مدقوق فيه اجدار ..
وتسكن في ساسه ريح ..
من له سنين يطيح ..
ولجل الليالي اقصار ..

ممداه ..

اعلق اعيوني على نجمه ..
محبوسةٍ في غرفةٍ ظلما ..
مقفول عنها باب ..
لها حارسٍ كذاب ..
دايم يشيل كتاب ...
ويقراه وهو أعمى

[فالح مشهور]

0
0
جهّى مطـر دمـع السحـاب المجاهيـم=ســود العـيـون الـلـي انتـثـر وبلهـنـه
رمح الشمال اللي طعن مهجـة الغيـم=شـق السحـاب وسالـت الشمـس مـنـه

[فالح مشهور]

0
0

بين القلم وأصابعي والورق شوق =عشرين حولٍ .. من كتبت القصايد
من يوم بان القلب واخفيت بالموق =دمع .. وغـدالي بالمحبه .. وعايد
كتبت ما كني على الشعر مسبوق =وقريت ماكن افـ قصيدي جدايد
ونزفت لين اتعبت لا حصل اعروق =وسهرت لين امست نجومي قلايد
صرت الليالي بين عاشق ومعشوق=وصرت الوصل مابين حاضر وبايد
أنا النخيل وشعري اظلال وعذوق =وانا السحاب اللي على الناس جايد
وفـ ليلةِ حسيت من جرحي اعقوق =وقف النزيف وما بذي له عوايد
صار الورق مابين مهمل ومشقوق =وحار القلم ما بين ناقص و زايد
من الشعر مليت ياحادي النوق =و من الجروح اللي تمل الضمايد
و من الحروف ونقصها مع هل السوق=كذب الحسود .. وهم راعي المكايد
ومجاد لي في كل ساذج ومطروق =وخوفي على غر المعاني الفرايد
عشر السنين وعشر .. والجوف محروق =ما غير أشب أطراف ليلي وقايد
مانيب ادور من ورى نزفي احقوق =هذا سهر عيني ولا ابي فوايد
لو ما بقالي في الملا غير مخلوق =لا من ذكر شعري جفته الوسايد
كني بجبين الشمس .. والليل مفروق =وكني بدمعٍ فوق خده نضايد
افداه عمرى .. ماشكى صاحبه عوق =لاشك ما في النفس لو قيل كايد

[فالح مشهور]

0
0

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول

مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري

[ميــرال]

دمع السحاب





جهّى مطر دمع السحاب المجاهيم = سود العيون اللي انتثر وبلهنه
رمح الشمال اللي طعن مهجة الغيم = شق السحاب وسالت الشمس منه
ساعة غشاني دمعها كنه الديم = دب الوجل في المهجة المرجهنه
وقمت اتذرى بالصبر والتعازيم =بعضي يبوح الخوف وبعضي يكنه
ناديتها واللي يغيث المظاليم = انك ولا غيرك لقلبي مضنه
ان قالوا الحساد داله وانا .. اهيم = ما نيب انا ارجي من عدوي محنه
قالت تشد .. وقلت بالحيل باقيم = ما في الوطن .. وعيون الاحباب منه
تبسمت شوقٍ .. بحبٍ .. بتسليم = حبيبتي .. والا العدو خاب ظنه

[ميــرال]

على آخر تراب الأرض




علىآخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...

[ميــرال]

http://www.elbader.net/marsam/big_images/133.jpg
باكر إلى مروا علي ربعي بقول :
إن السما ما هي سما ....
واغيّر اوقات الفصول ...

[ميــرال]

زلة المحبوب

يا زين .. للعاشقين ذنوب = كثير واللي يحب يغفر
بالحيل .. طول الزعل عذروب =إلى متى الكسر ما يجبر
با أخطي .. وأعيد الخطا وأتوب =والصاحب .. اللي علي يصبر
وإن ما دمح زلتك محبوب = ما أظن من يكرهك .. يعذر

[أصيله المعمري]

الله
الله



:)


لـ قلبك وردة يا ميرال

[سعد المغري]

..

جميل هذا الأمير.. الـشاعر

شكراً ياميرال فـ.له مع كلنا حكاية..

والسر..قـ. انت

.

[ميــرال]

زمان الشح


في زمان الشح .. يصبح للقمر = مثل نور الشمس في الليل العتيم
في زمان الشح .. يصبح للحجر = مثل ما للسيف من قدرٍ عظيم
في زمان الشح .. يملانا الفخر = لا تحدى الظلم كهلٍ أو فطيم
في زمان الشح في وقت الدهر = كل مجدٍ فـ ارضنا يولد يتيم
وش نقول اليوم ياطفال القهر = في القصايد ذل والله العظيم
ما فقدنا السمع ولاكف البصر = مير بين اضلوعنا قلبٍ سقيم
أهلنا صرتوا عناوين وصور = انتذكركم مثل وجهٍٍ قديم
كن ما به ارض لا نهر وبحر =كيف جرح الأرض يشفي في الصميم
علمونا اليأس من صبر وحذر = علمونا (القدس) ننسى (اورشليم)
لا سقينا غيث هتاف المطر = كان خضنا الحرب باطفال وحريم

[ميــرال]

وعدتيني



وعدتيني .. بنجم الضي .. بالقمرا ..
تركتيني لجرح الماضي .. للذكرى ..
وليتك ما وعدتيني ..
رسمتي لي الهوى بسمه .. بتشرق في ظلام الأمس ..
وقلتي لي مراكبنا .. بتوصل لو مواني الشمس ..
وانا من فرحتي باحلم .. واصدق حلم ايامي ..
خذاني الحب ما اعلم .. عن الدرب اللي قدامي ..
كفايه .. انك وعدتيني ..
وعدتيني حبيبة عمر .. تقاسمني الهنا والجرح ..
تركتيني لحيرة عمر .. خذت مني المنى والفرح ..
حبيبه ما ابي لأجلي .. ولا حتى قمر ليلك ..
فقدت فـ غربتي إسمي .. وقلت أنسى أناديلك ..
نسيت إنك نسيتني ..

[ميــرال]

مابين



أنا ما قطعت 00 ذراعك الممدود 00
جسرٍٍ على الأخدود 00
وليتي قطعت 00
ولا رجعت 00
مشدود 00 كني وتر 00

[ميــرال]

عود الليل


عوّد الليل .. اوقد سراجك
واحبس الليل .. واطلق حجاجك ..
احبس هموم الغرام ..
واطلق البسمة .. سلام ..
إن شكى العاشق يلام ..
رحت يابدر التمام ..
عوّد الليل
فـ الضحى .. شدوا الركاب ..
وابحروا .. يم السراب ..
كانت عيونه حبيبي .. شمس .. وعيوني سحاب
وآه يا سهيل اليماني .. شدوا البدو بأماني
ليتهم ردوا الركايب .. وربعوا بين المحاني
أوقدوا فـ النار .. نار
ما ورا ليلي .. نهار
من خذا فجرك حبيبي ..
ومن ترك لي .. الانتظار
آه يا رمل وهبايب ..
تدفن جروح الحبايب
يا ترى لو مر عام
يرجع الفجر اللي غايب
احبس هموم الغرام ..
اطلق البسمة سلام ..
إن شكى العاشق يلام ..
رحت يابدر التمام ..
وعوّد الليل

[نهلة الحمد]

::

ليتك تجين مثل الحزن مثل الحنين
مثل ما للشمس عز ومهابه.
ومثل ماللنور خد وجبين
ياغايبه عن دنيتي ليله
وساكنه في دمعتي عمر وسنين



شكرا لهذه المساحه النقيه
كم اعشق سيرة هذا الشاعر وحروفه

[ميــرال]

الوادي








وين يدفن الجبل اسراره
وين يترك السيل اثاره ..
وين يختار المسافر ..
بين الشجر ظله .. وبين الحطب ناره ..
وين يبكي القمري ..
ويشره على خله ..
قلبٍ غدى كله ..
مثل البطاحي شوك ..
لو مت انا صادي ..
حطوا القبر في الجال ..
وادي الهوى لاسال ..
يمرني سيله ..
واسقي عظامي منه
وينبت في غصن الطلح ..
قلبي ورق أخضر

[ميــرال]

هذا النهار





هذا النهار.. ثياب شاش ..
ملح المشاش ..
حفنة طحين .. هذا النهار
حليب البكار العفر ..
أعناق المهار الصفر ..
تمر السنين .. وطين البيوت
ورث اللي لعيونك يموت ..
يا دار ..
هذا النهار ..
ركب الامام اللي ظهر ..
من أطراف الأرض ..
مغباش هجن الأربعين ..
ومض السنان اللي انكسر ..
فـ بوباة المصمك ..
هذا النهار .. من خاصرة كنزان ..
من حايط الكوت ..
من قلعة .. ابـ نجران ..
ورث اللي لعيونك يموت ..
يا دار ..
الى حفرنا قبورنا ..
في جوف الأرض
الى لمسنا اجذورنا
الله يبارك ميلادنا .. واعيادنا
الى غدت اجسادنا ..
أقدام الأرض .. تاقف عزيزة بلادنا
ما دام النهار ..

[ميــرال]

لاتعلمني





ليه أحـــس إني وأنا اشوفــك حزين = وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين = لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن = الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن =الــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن = لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين = للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن = خــلـنــي بــخـــتـــار لــحظـــة مقتلـــي

[ميــرال]

ياهلا بك





يا هلا بك ولا تطري الوداع // عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع // دام فرحة عيونك من نصيبي
ونبتت ضاقت الأرض الوساع
آه لولاك يا دافي الشعاع // كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع // بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع // او عدد ماتمنيت حبيبي
ليت الأيام ما فيها وداع

[ميــرال]

لــ قبل السفر وبعد السفر
ومابينها





ابي أحبك للعظم ..
وجهٍ أحبه .. وابتسم ..
هذا المهم .. !!

[ذهول اللقا]

يَاهْ يَالبَدَر

أَذكُر أَنِي كُنتُ أَسرق دَيِوُانَه " رِسَالة مِنْ بِدَوُي " مِنْ شَقِيِقَتِيْ

لـ ِ أَقرَأه وَأَكتبُ عَلَيِه مِنْ خَربَشَاتِيْ وَرسَوُمَاتِيْ الطفَوُلِيَة :)

وَلازَال هَذا الدَيِوُانْ يَحمِلُ الكَثَيِر مِنْ الفَرَح ِ وَالحُبْ

البَدر

أُسطَوُرةُ الجَمَال والشِعَر

عِندَمَا يَنطِقُ بـ ِ حَرفْ

يَعزِفُ أَوُتَارا ً

مَيِرَال

شُكراً لاَتَكفَيِكْ :)

[ميــرال]

حبيني بس

تصدق الأحلام ..
إنتي اللي بـ حيا لك عمر ..
وانتي اللي بـ سهر لك وانام ..
حبيني بس .. خليني احس ..
إن الهوى ما هو كلام ..
وإن الألم .. ماهو كلام ..

أضحك وحيد .. وابكي وحيد ..
انتي اللي فـ الدنيا معي ..
وانتي البعيد ..
يا نجومها .. والله بعيده نجومها ..
يا همومها .. وش كثر أحب همومها ..
ما هو ضياع .. احساسي لك .. ما هو خداع
الشمس انتي .. و الشعاع ..
قلبي انا .. انا كلي لك انا ..
أنا قلبي لك انا ..
وماهو سؤال الحب .. والقى له اجابه ..
غالي عذاب الحب .. لو كنتي عذابه ..
حبيني بس .. خليني احس ..
إن الهوى .. ما هو كلام ..
وإن الألم .. ماهو كلام ..

[ميــرال]

وعدتيني

وعدتيني .. بنجم الضي .. بالقمرا ..
تركتيني لجرح الماضي .. للذكرى ..
وليتك ما وعدتيني ..
رسمتي لي الهوى بسمه .. بتشرق في ظلام الأمس ..
وقلتي لي مراكبنا .. بتوصل لو مواني الشمس ..
وانا من فرحتي باحلم .. واصدق حلم ايامي ..
خذاني الحب ما اعلم .. عن الدرب اللي قدامي ..
كفايه .. انك وعدتيني ..
وعدتيني حبيبة عمر .. تقاسمني الهنا والجرح ..
تركتيني لحيرة عمر .. خذت مني المنى والفرح ..
حبيبه ما ابي لأجلي .. ولا حتى قمر ليلك ..
فقدت فـ غربتي إسمي .. وقلت أنسى أناديلك ..
نسيت إنك نسيتني ..

[فهده البقمي]

نام.. نام يا صغيري نام

واغفى في حب وسلام..

أنت بيتك في المجرة وكل نجمة لك سرير

نام يا طفلي الصغير

ولا تخاف من الظلام

تدري عبد الله حبيبك

أرسل أسراب الحمام

تملى أوراق الدفاتر زهر ونجوم وغمام

ولا صحيت الصبح باكر

مين قدك يا سلام

يحفظك ربي حبيبي

ورب هالبيت الحرام

[ميــرال]

وطن الشموس


.



وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..
أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..

\

وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..


يا فتى وقف..
وقف.. وين أنت رايح..؟
أنا.. تقصدني أنا..
وإلا أنا..
وإلا أنا..والا..
أقصدك أنت.. وين أنت سارح..؟

يا سائلا عني من أنت.. جعل الردي يفداك..
أنا اسمي شاهد..
وانا شاهد.. اما لك..ولا عليك
يا خال وحنا بعد واحد..لو كثرنا أغواك..
قلب وطريق واحد..هذا أنا.. وهذاك..
على كل حال..
يبقى السؤال.. وين انت رايح..
يا خال ترحالي..للشاهق العالي.. لفجر الليالي للنهار..
للروض غطاه الخضار.. للأرض يملاها العمار..
للمجد الأول رحلتي..ولعزي التالي..
ولو هاذي الملامح قد شفتها.. ومدري متى أنا شفتها..!!

هذا صحيح..
من ألف عام.. مريت من هذا الطريق..
من ألف عام..!!
أتذكرك أتذكرك..
مريت في الزمن العتيق.. وكنت الندى وكنت الحريق..
مريتني فاتح..
تحمل كتابك يا فتى.. ورمحك وسيفك..
كان الشتا غزوك.. وكان البناء صيفك..
طول غيابك يا فتى.. طول غيابك..
أنا كنت في الظلما وحيد..حطبي الفضا.. وجمري الجليد..
والليل جارح.. وش أقول.. الله يسامح من دفني في الظلام..
خبرني يا طاغي السمار.. من أي أرض يا ترى..
ومن أي دار..؟


\


وين سرك.. يا كثيب الرمل.. يا سرب يرتعش..
في ضلوع الرمل.. وش سر العطش.. للعطش..
آه..أحبك..
أحبك حب ضاري..
يملك إحساسي وقراري..
بين مهدي والنعش..
انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..

\

وين سرك..
وين سرك هالعجيب..
وين سرك.. انتي أكثر من كثيب..
وانتي أكرم من غمامة..
وانتي أصدق من سراب..
وين تكمن هالوسامة..
فيك يا ذهب التراب..


يا فتى وقف..
وقف.. وين أنت رايح..؟
أنا.. تقصدني أنا..
وإلا أنا..
وإلا أنا..والا..
أقصدك أنت.. وين أنت سارح..؟

يا سائلا عني من أنت.. جعل الردي يفداك..
أنا اسمي شاهد..
وانا شاهد.. اما لك..ولا عليك
يا خال وحنا بعد واحد..لو كثرنا أغواك..
قلب وطريق واحد..هذا أنا.. وهذاك..
على كل حال..
يبقى السؤال.. وين انت رايح..
يا خال ترحالي..للشاهق العالي.. لفجر الليالي للنهار..
للروض غطاه الخضار.. للأرض يملاها العمار..
للمجد الأول رحلتي..ولعزي التالي..
ولو هاذي الملامح قد شفتها.. ومدري متى أنا شفتها..!!

هذا صحيح..
من ألف عام.. مريت من هذا الطريق..
من ألف عام..!!
أتذكرك أتذكرك..
مريت في الزمن العتيق.. وكنت الندى وكنت الحريق..
مريتني فاتح..
تحمل كتابك يا فتى.. ورمحك وسيفك..
كان الشتا غزوك.. وكان البناء صيفك..
طول غيابك يا فتى.. طول غيابك..
أنا كنت في الظلما وحيد..حطبي الفضا.. وجمري الجليد..
والليل جارح.. وش أقول.. الله يسامح من دفني في الظلام..
خبرني يا طاغي السمار.. من أي أرض يا ترى..
ومن أي دار..؟


يا خال وقف.. ابسألك..
خير وش تبي..
مشبه عليك.. انت شاهد والا غيره..
متغيرا واجد علي..
أنا شاهد.. وليه تسأل يا فتى..
أنا من أهل الجزيرة.. ما تذكرني يا خال
مرت سنين كثيرة.. وانقطع ذاك الوصال
هذا أنت..
بيض الله وجه من كافح وساد.. وعمر الصحرا وشاد..
هذا من فضل الكريم..بس قلي..
وين بشتك والعمامة وين راحتالابتسامه..؟
ويا ترى من هالرجال..
أقصر الصوت تكفى.. وفكني يابن الحلال..
أقصر الصوت عوذا..وأنا في أهلي وداري ..؟
ذولا عدوانك حذاري.. جوني من غرب وشمال..وبدلوا حالي بحال..
يعلم الله اني داري..
ان ذولا وجيه شر.. من رماك بدربهم..
هذا عاد اللي حصل.. بس من وين المفر.. قلي من وين المفر..
ذا قرارك مو قراري.. انته أدرى بالرشاد..
حسبي الله.. كيف طفوا جمر ناري.. وذروا ف عيوني الرماد..
لا يا شاهد.. هذا ما هو ظني فيك.. ما تذكر قلت ابشهد..
اما لك والا عليك..

سامحوني يا عيالي..
وقتكم هذا مخيف..
وما بقى بيديني شي
احذروا من هالليالي.. كلها غدر وزيف
لا هي ظلما ولا هي ضي
الله الله في وطنكم.. في قرابتكم واهلكم
واخلصوا النية ف عملكم.. وحكموا الدين الحنيف
واسمحولي ودي أرحل
قم يا شاهد..الملك عبد الله جالس..
ادخل وسلم عليه..
ودي لكن ما لي وجه.. بعد كل اللي جنيته مالي وجه..
من يحبك مثل ربعك أو ديارك
والملك ما يرضىَ يأسك وانكسارك
أعتذر لأرضك قبل لا تعتذر له
ورح لعبد الله ويقبل اعتذارك
انتو ما تدرون إن العشق غالب..
وان مالي غير هذا الرمل صاحب
هو حبيبي في الرخا والله حبيبي..
هو نصيبي وهو نصيري في المصاعب

/


كم هدموا.. وكم عمرنا
وكم تجنيتوا وصبرنا
بالمحبة الله أمرنا
إلا من يطعن ظهرنا
واللي ما فيه معروف

أنا خايف ساعدوني.. لو بغيت أرجع معاكم..ما يخلوني الجماعة..
تقصد الأغراب ذولا.. أبشر بعز ومناعه.. واللي ما يخيب رجاك..


يا طيور الليل كافي هالوقوف..
ارجعي لاقصى المنافي والكهوف..
والذي خص الجزيرة بالضيا..
ما ذخرنا لك سوى حد السيوف


يا بلادي.. وان سأل عنك غريب
انتي شمس السيف وظلال العسيب
انتي أرض الله فيك الشرع خالد
وهذا عبد الله لنا ملك ووالد
ما شكينا اليتم يوم..وابو متعب في الوجود
وكل ما زدنا هموم.. زادنا عطف وجود
هذا لا قالوا الملك.. قلنا عرشه في الضمير
شمسنا ف سود الدياجي.. وظلنا وقت الهجير
ما يخافه إلا ظالم.. وما يهابه مستجير
يا بلادي.. عطري أرضك بطيب لبسيها الشال والثوب الرحيب
عمريها حب وإيمان ومساجد
سيجيها بالمصانع والمعاهد

وهذا سلطان المكارم.. سيف عبد الله وخوه
صادق في الحب صارم.. القمر لو شبهوه
نعشقه والله عالم.. عشق جدانه وابوه
ما جدبت أرض الجزيره وأبو خالد غيثها
ولا ارتفع عج المعارك.. هو عمدها وليثها


الفرح.. الغضب.. البكا.. والابتسام..
تفضح أسرار الغرام
وكل عاشق له طريقة.. في التصابي والهيام
هذا سرك يا المولع.. والمولع ما يلام
بان سرك يالسعودي وباقي سر..
والأكيد انك كريم.. سيداً ف ارضك وحر..
بس تدري وش هو عيبك.. وعيب ربعك يا الهمام
أنتو عشاق المعالي.. ما انتو عشاق الكلام

/

نام.. نام يا صغيري نام
واغفى في حب وسلام..
أنت بيتك في المجرة وكل نجمة لك سرير
نام يا طفلي الصغير
ولا تخاف من الظلام
تدري عبد الله حبيبك
أرسل أسراب الحمام
تملى أوراق الدفاتر زهر ونجوم وغمام
ولا صحيت الصبح باكر
مين قدك يا سلام
يحفظك ربي حبيبي
ورب هالبيت الحرام


كثر الله ألف خيرك يا وطنا
وبارك الله هالثرى
ما نسينا وين كنا وكيف صرنا في التقدم والثرا
ولو تفجر في تراب
أرضنا نفط وذهب
لا عدمنا هالشباب كنزنا لامن نضب
كل أرضي للعطا سهل خصيب وكلمة الله فخرها
وكل عالم.. أو مهندس.. أو طبيب وكل جندي ذخرها
جينا عبد الله نعاهد حنا يالجيل الجديد
نفتدي والله شاهد أرضنا بدم الوريد


يا محقق لي الأماني
الغلا والحب لك
أدري في قلبك مكاني
وأدري همي مشغلك
يا بو متعب وش نقول
الغلا شرحه يطول
يكفي عبد الله عطاني
لين خلاني ملك
أنا شعبك مثل ظنك
أفخر بملكي وزود
أنت مني وانا منك
أرض وأحلام وجدود
يا بو متعب وش نقول
يا عسى عمرك يطول
أحمد اللي بك حماني
عن أذى كل الفصول

أنا ملكي اللي عطاني
لين خلاني ملك
كل ماضي لي ملاحم
وكل حاضر لي نعيم
أنا يالشعب السعودي
لا أضام ولا أضيم
يا بوخالد وش نقول
الغلا شرحه يطول
كلكم خير ومحبة
وعهدكم سعد وقبول
يكفي عبد الله عطاني
لين خلاني ملك

[ميــرال]

ليلة القمر الشحيح





يوم أصيح .. كنت أهزك ..
يا نخيل الوادي ..
غصب اهزك .. مثل ريح ..
والوي أعناق الجريد ..
للقصيد .. ولبحّة الشادي ..
كانت أسراب الحمام .. تنشر فـ صوتي جناح ..
ولا بدى وجه الظلام .. تضوي فـ صمتي هديل ..
كنت أهزك .. يا نخيل ..
يا نخيل الوادي
وليلة القمر الشحيح ..
ما طاح في الساقي ..
طير على حبري رذاذ
وابتلت أوراقي ..
كانت حروف القصيده
حب .. في نخله وحيده ..
وما درت بي ..
أصيح .. أصيح ..
وانا صدري .. روض شوك ..
وخاطري طيرٍ جريح ...
وما دريتي بي ..
أقضبي لجام مهرة الشعر ..
با ترجل .. قبل اطيح

[سعيد موسى]

مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..

***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم


..


..



ميرال شكرا لاني اعشق هذا البدر :)

[ميــرال]

سافري




سافري كان يرضيك السفر = جربي لو ورى ليلي صباح
بدلي الرمل بأمواج البحر = واتبعي الغيم تحملك الرياح
سافري لين تبكين المطر = واضحكي لين ما يضيق البراح
ولا تعبتي وحسيتي بضجر = خلي الشوق لديارك جناح
أرجعي في ابتساماتك عذر = مثل ما الدمع في عيني سماح
انتي العين من طول النظر = وانتي القلب من كثر الجراح

[أصيله المعمري]

أقسم لك ورب الشعر يا ميرال

ما نامت دبي

[ميــرال]

الفتاة الغايبة



و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..

يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..

الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..

صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه ..

[ريم علي]

،


،


،
يا محقق لي الأماني
الغلا والحب لك
أدري في قلبك مكاني
وأدري همي مشغلك

،


,
لكِ وللبدر أمنية طيبة.

[ميــرال]

وتِرحَل ..
صَرخَتي تِذبَل
في وادي .. لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة ... على هم السنين
حبيبي .. كتبت اسمك على صوتي
كتبته .. في جدار الوقت
على لون السما الهادي
على الوادي ..
على موتي ... وميلادي
حبيبي .. لو أيادي الصمت
خذتني ... لو ملتني ليل
أنا عمري .. انتظاري لك
لا تحرمني .. حياتي لك

[ميــرال]

أول ليله


اول ليله .. غبتي عني ..
ماهي ليله
هاذي بحر من السواد
اول ليله .. اسهر كاني ..
في الف ليله
الف ليله من سهاد
ضي شمعي ماهو ضي
نار دمـــعي ماهو مي
كنت حي وماني حـــي
كافي ياروحي بعـــاد
ماهي عاده .. امشي وحدي ..
احكي وحدي ..
ابكي وحدي.. عالوساده..ماهي عــاده
كل شي في عيوني ذابل
مثل اوراق الخريــــــف
غيم ونجوم وسنابــــــل
وخطوتي فوق الرصيف
ضي شمعي ماهو ضي
نار دمعي ماهو مــــــي
كنت حي وماني حـــــي
كافي ياروحـــــــــي بعاد
ماهي عـاده لما تزعـل
تنسى تسـأل ويقسى قلبك من عناده
ماهي عاده
كنت اتخيل غيابك
كل ساعه او دقايق
مادريت اني في عذابك
بأشعل ضلوعي حرايق

[ميــرال]

الخل العنيد


تل قلبي .. تل طيرٍ على طلعٍ وكيد = جود المقرود سبقه وعيا يطلقه
يوم فاع اركى جناحه على قاسي الحديد = وانكسر ريش النداوي ولا الله وفقه
يكفخ القلب المشقي على الخل العنيد = ما وفا بالعهد لا شك قلبي صدقه
واهني اللي على الحول ينبت له جديد = وش سواة اللي جناحين قلبه محرقه
يا لطيف الروح وبحق خلاق العبيد = اكرم المملوك بالوصل والا فاعتقه

[ميــرال]

دروب الارض ..


توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن

[ميــرال]

صرخة بلا فم

قالـــت قـصــــيدك ليـل .. ســودٍ مـعـــانـــيـه = رويـانـــــةٍ بالــــدمـــع ... وامـــدادهـــا دم
الى متـــى يـا شـاعـــر الـهـــــم تــخـفـــــيه = والى متـــى .. تحنى ضلوعـــك على هم
قلـــت الــبـــكـــا .. صـعـــبٍ عــليه وأنـــا بيه = لا واهــــني الـــلي بـكــــى ومـــا تـنـــدم
لي عبـرةٍ يلعــــب بهـا الــحــــزن والــــتــــيه = ولي صرخــــةٍ .. واتعبـــت ابـلقــى لها فم
لا مــا كــتـــبــت الــشعـــر .. لـحـدٍ بسليــه = ولانــــيــب مــــداحٍ .. ولا بــاتــــرنــــــم
احـــســــاس لابيــعــه ولانـــيــب شـــاريــه = مـــرٍ يجـــي شـــهـــدٍ ومــــرات عـلــــقم
الى لمحــــتي دم جـــوفــي .. افـــ خــــليه = علــىالورق .. لا صـــار روحــــك تـــالـــــم
قلـــت الـشـــعــر يوم إن لي .. راحـــةٍ فيه = وحـــزين أنــا .. إلـى متـــى .. الله يعـــلم

[أصيله المعمري]

الكوكب اللي تقول الناس يا صغره
من كثر ما هو بعيد وشوفهم قاصر



البدر

[سـ/ـماء غازي]

بدر : وحيد الشعر ماخلق ثاني !

[ميــرال]

الغراب اللي نعق


ليت ها العين ضاقت بالحدق = قبل جدرانها بوجهك تضيق
والله اني صحيت من الأرق = راحلٍ لا مكان ولا طريق
ما سمعت الغراب اللي نعق = وين مثلي .. على مثله يفيق
منزلي في الطويل الي شهق =ومنزله قاعة الوادي السحيق
قالو الحاقد بدمك شرق = قلت ما أظنه لمدحي يطيق
كنه الشوك في ثوبي علق = يوذي الشوك ولا يقطع طريق
كثر ما الريح تعبث بالورق = وتوقد أغصانه الصفراء حريق
وكثر ما شوه العج الشفق = وقص من جيده عقود العقيق
وكثر ما صابني وأخطا التفق = لين ما أصحبت من خوفي طليق
وكثر ما نز في كفوفي العرق = من سلام على غير الصديق
اتركيني على باقي عبق = غيمة العطر من عمري العتيق

[ميــرال]

و انا دائم الرحيل .. كوني صحرائي.



البدر

[ميــرال]

الرمال بدو الطبيعة و البدو رمل البشر و كلاهما يتحرك ضمن وطن.

البدر

[حنان العصيمي]

البدر ..

قلم لا يوجد ندّ له



رائعة يا ميرال ..

[حصه العامري]

ال بَدر
حقيقة الرومانسية
أريحية لمس المشاعر .


أيا ميرالْ
مُدهشة !

[ميــرال]

يا حابس النور فـ كفوفك = سلم عسى ينجلي همك
أنض الزعل خلنا نشوفك = مد العتب نسبح فـ يمك
صحيح ما ننطح حتوفك = لاشك نوقف نزف دمك
الناس ما همها ظروفك = كود الذي يحزن لغمك
وان شلت حملك على كتوفك = بتموت ماحدٍ ترى يمك

[ميــرال]

في الازرق .. الازرق..
شمس الضحى جمره..
شفت الندى يعرق
في وجنة النوار..
بدخل تحت سدره..
وما سحت الاغصان..
من ظلها البارد..
على الثرى الممطور..
واطلق عيوني طيور..

[ميــرال]

قبل الورق وبعد الورق




كثــــر الـــنهـــــار أشــتـــاق و إنــتي بعيـــده = الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده = الي أجـــدبت عامـــــــين مـا طــــاحت أمـــطار
طـــال الـــســــهــــر والـــليل ينـــزف وريـــده = في صــدري اهمـــــوم وهـــواجـــيس وأســرار
كــــل الــحــــروف المـــبـــطيـة والجــــديــده = تطــري علي لاشـــك فـي شــوقـــي احــتــار
قبــــل الـــورق وانـــتي فـ بـالـي قـصـــــيده = وبعـــد الــــورق ضيــعــت أنــا كـــل الأشـعـــار

[ميــرال]

وش كثر إنتي جميلة


بتعلم حروفك 00
عن الشعر كله 00
وادخل كفوفك 00
عن البرد كله 00
واشهر سيوفك 00
في وجه الوقت كله 00
( ياالله 00وش كثر انتي جميلة00
وش كثر انا احب00)
واسند جروحي00
مثل جذع نخله00على هاالمدى00
واركض في صوتك00
وتحمل هبوبك رمالي00
سرابك00جبالي00
دروبك خيالي00
وتبقى جروحي00
عطش الف نخله00هجرها الندى00
واتمنى مره وانتي معايا00
اناظر ورايا00واناظر بعد00
وغير ابتسامك00ماالمح احد000
على هاالمدى000

[ميــرال]

انا الجفا

عن كل نجم ظهر بسدل أجفاني = لعل ما عيش حزني لحظة غروبه
وعن كل خلٍِ طويل الصمت كفاني = الصاحب اللي قليل الهرج عذروبه
وعن كل ثوبٍ جديد باالبس أكفاني = وأدله ولا ألقى رسايل هم في جيوبه
أنا الجفا ليه أخاف الناس تجفاني = وأنا الحبيب الذي من يعشق عيوبه
راعي الوعد وأن صدق مرة ولاقاني = يحتار بين السراب وقلب محبوبه
يامن عذابه يشققني ويرفاني = فرقاك غصب علي بالحيل مكتوبه
خبرت نصف تعب من نصفه الثاني = بعضي الرماد وبعضي نار مشبوبه

[فالح مشهور]

الليل هوّد واكهف النجم لغيـاب = قضى الحديث وودعونـا المساييـر
أحدٍ قفل دون هوجاسـه البـاب = وأحدٍ غدت جدران بيتـه تفاكيـر
ياساكن الهوجاس ممسـاك ماطـاب =راحـت مجاهيـم وجتنـا مغاتيـر
لا والله الا ضامنا بعـد الاحبـاب = والشوق ظالـم لاتعـدى المحاذيـر
احبابنا اللي عقبهم كننـا أجنـاب = لوما لفتنـا الـدَّار دار المناعـيـر
ليت الثلاثاء ماكتب يوم في كتاب =من غبت ياجبر القلوب المكاسيـر

[ميــرال]

الشمس اللي تغيب



أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..

[ميــرال]

مختلف هذا المساء بهذا البدر

به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف

[ميــرال]

كثيره دهشتي بهذا المقطع وبهذه الصوره

وفـ عز الليل لو بنتي يطير الصبح ..
من كف الربى عصفور

[ميــرال]

صعب السؤال




صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد

[ميــرال]

اليأس جدب والأمل غابه




الرمل .. قرطاسةٍ صفرا ..
ما عليها اكتابه ..
كود .. أثار القدم .. يوم أنا أطابه ..
الشمس غضبا ..
والهجير .. عقرب السم ..
وانا تحت جلدي ..اتذرٌى به ..
ذيب .. يا ذيب الخلا ..
لاتشرف بالرجوم ..
لين يشربني الظما ..
لين ياكلني السموم ..
والذي قدٌر .. مواقيت الحتوف ..
مير أنا عظمٍ .. كسته عروق
جلدي المحروق .. مايطيق اثيابه ..
لوعشاك السيف .. ماذخرت انصابه ..
ذيب .. ياذيب الخلا ..
لاتختلني .. من ورى جال الشعيب ..
ماخبرت الذيب .. يفرس اذيابه ..
الشمس غضبا ..
والهجير .. عقرب السم ..
والياس جدب .. والأمل غابه ..

[ميــرال]

ضي عيني ..
يا ضي عيني انت ..
زدني هوى لا هنت ..
وزدني وله لا هنت ..
يا شيب عيني من غيابك..
اسأل علي ..
يا ليتني سورك وبابك..
وتدخل علي
وافرح بعد..
لو كنت.. ضي عيني
يا ضي عيني انت..
البارحه.. جو من سفرغياب
وما خانهم ليل و قمر و احباب
غابوا سنه..
وما كنهم غابوا حبيبي
وانا لي انا..
ينساني وانا جنبه حبيبي ..
يا شيب عيني من غيابك ..
اسال علي ..
يا ليتني سورك وبابك ..
وتدخل علي ..
وافرح بعد..
او كنت ضي عيني
يا ضي عيني انت ..
عاشق ولو قلبك صخر واهواك
ومحتاج مع عمري عمر وانساك
لو هو بيدي..
خذتك ولو تزعل حبيبي..
غصب على الدنيا وعلى الناس..
وحبيبي ..
يا شيب عيني من غيابك..
اسال علي ..
يا ليتني سورك وبابك ..
وتدخل علي ..
وافرح بعد ..
لو كنت ضي عيني ..
يا ضي عيني انت ..

[ميــرال]

هيهات




لادمعة في العين تكفي ولا آه = لا من نوى لك صاحبك بالقطيعه
الله على بعض المحبـين ما اشقاه = يرجي زهــر روضٍ تولى ربيعه
ولا مـن خذا له ساعة قال ابساه = بانسى هوى اللي بـاعني قبل ابيعه
وده يعسر القلب عن غي مشهاه = هيهات ياقلب الخطا لو تطـيعه
الله يجازي الحب مااكبر خـطاياه = شره على اصحاب النفوس الرفيعه
اهـل الوفا واهل الشيم من سواياه = ضاقت بهم دنيا فججها وسيعه
والا الخبيث بمنسم الرجل ناطاه = يوم الغـدر والخبث عنده طبيعه
يالله عسى لي خيرة عقب فرقاه = لوكان فرقا الخل مثل الفجـيعه

[ميــرال]

حكاية من: قصة حب:



ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك

[ميــرال]

دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن

[ميــرال]

ربابه



يا جاذب القوس ..
قطعت كل العروق .. الا وتر
وكل الجبال .. الا الحجر
وكل الطعوس .. الا الاثر ..
وجرحتني .. جر الربابه
يا فتى الجود ..
وبين السبابه .. والابهام
احبس القلب ثم اطلقه
صوتٍ أحسه واعشقه
هات القصيد من الكلام
والروح .. في صافي النغم ..
ذكرني .. زهر القحويان
في مبسمٍ لو قلت فم
عيا النهار
لاصابعك تلفتت (عليا )
وتنهدت (نوت )
والعشق من كل الرمال اللي مضت
كنك جمعته فـ صوت
ناظرت في حسك .. آثارهم فوق المراح
كن البدو .. اللي شربوا .. ملح وقراح ..
من أول بدايات الصباح..
أسمع حنين ركابهم
قفوا .. وانا فـ اعقابهم
أبكي على خلي .. رحل
لاجل الزمام .. ودق الوشام ..
وخرسٍ محاجرها الظلام ..
رد القصايد للكلام ..
وخل الربابه .. يا فتى الجود ..
في قبرها الملحود
تحت الضلوع .. واخرجنيمن حسك
ود ّ الغريب .. يعود .. يا صاحبي بسك
لا تجذب القوس ..
لو هالدموع نفوس كان فاضت ..‍‍‍‍‍‍

[ميــرال]

العشق والعتب



اقشر العشق عشقٍ ما يبوح = لين يفنا عتب أو يستريح

[عبدالله صلال العساف]

الرائع بدر بن عبد المحسن
مدرسه شعريه
تتلمذت بها كما تتلمذ الكثيرين غيري
يكتب الشعر
ويترك لغيره الاختلاف
حفظنا له الكثير من الابيات
وعزفنا انغامه الشعريه بشتى المناسبات
وبمختلف الرسائل
مما يحظرني له الآن
بين الزمان وبين ربعٍ امعادين
صعْب الخليل ايشوف خاطر خليله
حبيبتي والياس زاد المساكين
هو حيلة اللي مالقا فيك حيله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وله ايضا
اجمل العمر طفلٍ من غلاه
جيت اظمه الصدري واختنق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياضارب المى بالحصا
لجل الدواير تكبر
لا تتعب الما اكثر
هذي حدود الما
؟؟؟؟؟؟؟؟؟؟؟؟؟؟؟؟؟؟؟؟؟
الراائعه ميرال
شكرا لك على هذا الموضوع
عبدالله صلال العساف

[ميــرال]

ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...

[ميــرال]

استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد

واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد

اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد

[ميــرال]

ظنك أحد طار



ومـا قـد لـمـسـت بأصـبـعــي .. جمرٍ .. و في بـالـي أحـتـرق ..
ولا دخـلت البحـر وأكـفـاني معي.. ودي عن أنفاسـي افتـرق ..
لكـن لـمحـت المـوت .. مـره .. يمـكـن مرتيـن ..
وما كـان هـالقـاسـي .. الحـزين ..
سـمعـت له صـوت..أنا مرني المـوت..مثـل طـير.. و دعـاني ..

أدعـي معـي .. والا اخـشـعـي ..
و مـا هـي تـرى مـرثيتـي .. لا تـجـزعـي ..
لـيتـي شـجـاع .. الى هـالحـد .. والا صـدوق .. الى هـالحـد ..

البـارحـه .. والريـح تحـمـل رملـهـا ..
و اللـي عـطـا .. هـالأرض .. ذكــرى .. مـن بـقــايـا اهــلـهــا..
عـطـاني من بعـض الـقـبـور.. تـراب ..
و مـن كـل غـايـب .. جـلـد .. وكـفـن .. وعـتـاب ..
كـانـوا قـراب .. الى هـالـحــد ..
وذكــرونـي .. لـو الـذنـوب تـعــد .. وش كــثـر أنـا شـايـب..

الطـير مـرّ ومـرّ .. ومـا لـمحـنـاه ..
و لا دعـانـا .. بيـت قـصـرانـا .. بـه بـكـى ..
ظـنـك أحـد .. طـار !! ..

[سعيد موسى]

ليتك تعلمين فقط كم أحبه ياميرال





اكملي , مع شكراً بحجم السماوات والأرض

[ميــرال]

لاتجرحيني




لا تجرحيني .. جرحك العام ما طاب = داوي بحنانك ما مضى .. واجرحيني
ياللي حنانك نظرة بين الأهداب = ردي علي بعض العزا .. ناظريني
خافي على قلبٍ يحبك إلى ذاب = ذاب الهوى في خفقته .. والحنيني
لولاك ما زار القمر ليل الأحباب = ولا لوحت شمس المحبه جبيني
ولولاك .. ما يلفي على الدّار غياب = ولا تبكي اللي فارق الدار عيني
في غيبتك كل الملا عندي اغراب = ما أحدٍ أبي قربه .. ولا أحدٍ يبيني
لا ياغلا كل القرابه والأصحاب =ضاع العدل في الناس لو تظلميني

[ميــرال]

لو ما تحب العين



لو ما تحب العين ما ضمت دموع = يا عاذلي بالله جز عن عتبها
اربع ليالي كلها سهد وولوع = استغفر الله ما تلاقي هدبها
تكاثرت من همها ساعة اهجوع = الله حسيب اللي غدى هو سببها
الجادل اللي لفتته ورد وشموع = يا حيف قلبي اللي احترق في لهبها
يمد لي حبلٍ من الود مقطوع = غير السلام وبسمته ما عقبها
يا قلب .. يا قلب الخطا دونك ضلوع = يا شين قل لي راحتي هو نهبها

[ميــرال]

وعدتيني .. بنجم الضي .. بالقمرا ..
تركتيني لجرح الماضي .. للذكرى ..
وليتك ما وعدتيني ..
رسمتي لي الهوى بسمه .. بتشرق في ظلام الأمس ..
وقلتي لي مراكبنا .. بتوصل لو مواني الشمس ..
وانا من فرحتي باحلم .. واصدق حلم ايامي ..
خذاني الحب ما اعلم .. عن الدرب اللي قدامي ..
كفايه .. انك وعدتيني ..
وعدتيني حبيبة عمر .. تقاسمني الهنا والجرح ..
تركتيني لحيرة عمر .. خذت مني المنى والفرح ..
حبيبه ما ابي لأجلي .. ولا حتى قمر ليلك ..
فقدت فـ غربتي إسمي .. وقلت أنسى أناديلك ..
نسيت إنك نسيتني ..

[ميــرال]

http://i34.tinypic.com/2dqlk0m.jpg
لست صديقك00 لأنني لاأعرفك00
ولست عدوك لأنني ماني ناقصك00
قالها رجل00 لرجل آخر أصر أن يقرأ معه نفس الجريدة00

[ميــرال]

أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة فـ ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب

[ميــرال]

خضار وملح


خضار البحر في عينك
وملح البحر في اهدابي
وعيا البحر لا يسكن
أبد في صفحة كتابي
قصيده من خضار .. وملح
يا أول .. وأخر احبابي
انا من شفتها عيونك
ترى ما جفت ثيابي
ولو آخر قصيدي بيت
كتبته حب في عيونك
ولو يحمل همومي بيت
سكنت البحر وعيونك
ويبقى البحر .. وعيونك
وينشف في قصيدي البحر
ويبقى العشب .. وعيونك
ويزهر في متون الصخر
ويبقى الحب .. وعيونك
رغم كل الصحاري نهر
وانا والجرح والفرقا
وهذا الحزن بسبابي
ولو ادري البكا له بيت
اسوق فْـ دربه ركابي
ابي لا غابت عيونك
ابل بدمعي ثيابي

[ميــرال]

لا تلوح للمسافر ..
المسافر راح ..
ولا تنادي للمسافر
المسافر راح ..
يا ضياع أصواتنا .. في المدى والريح
القطار وفاتنا ..
والمسافر راح ..

يالله يا قلبي تعبنا من الوقوف ..
ما بقى بالليل نجمة ولا طيوف ..
ذبلت أنوار الشوارع .. وإنطفى ضيّ الحروف
يالله يا قلبي سرينا .. ضاقت الدنيا علينا
القطار وفاتنا ..
والمسافر راح ..

مادري باكر هالمدينة وشتكون ..
النهار والورد الأصفر والغصون ..
هذا وجهك يالمسافر لما كانت لي عيون ..
وينها عيوني حبيبي ..
سافرت مثلك حبيبي ..
القطار وفاتنا ..
والمسافر راح ..

[ميــرال]

الليل 00



ما هو الظلام وبس 00
ولا القمر 00 ولا النجوم 00
الليل هو هذا البحر 00
يظهر من شطوطه
لاناموا الناس 00
وتثاوبُ الحراس 00
الليل 00
ما هو الظلام وبس 00
انا أحس 00 أحس 00
ان البحر افلاك 00
والليل بحر 00
وانت 00 وانا 00
يا صاحبي اسماك 0

[ميــرال]

رشاش ... يتساقط على قلب..
هذا عصفورك... وباقي الصدر اعشاش..
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل... من صيد عصفورك
طير.. وعليه رشاش ..
وبردٍ على الاحراش ..
وفوق الغصن طيرك ..
يشكي من الامطار ..
مري علي مشوار ..
لو جاء احد غيرك ..
دفاه بالاخبار..
ولف الجروح... بشاش
غشاش .. غشاش
وباشعل الغيره في قلبك البارد ..
ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش


وباشعل الغيره في قلبك البارد ..
ماقوى اخونك

[ميــرال]

قبل الورق وبعد الورق




كثــــر الـــنهـــــار أشــتـــاق و إنــتي بعيـــده = الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده = الي أجـــدبت عامـــــــين مـا طــــاحت أمـــطار
طـــال الـــســــهــــر والـــليل ينـــزف وريـــده = في صــدري اهمـــــوم وهـــواجـــيس وأســرار
كــــل الــحــــروف المـــبـــطيـة والجــــديــده = تطــري علي لاشـــك فـي شــوقـــي احــتــار
قبــــل الـــورق وانـــتي فـ بـالـي قـصـــــيده = وبعـــد الــــورق ضيــعــت أنــا كـــل الأشـعـــار

[ميــرال]

ناسي





لا تسأله ناسي .. خله مثل ما هو
ياقلبي إحساسي .. ماهو معي هو
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..
كافي .. ترى ذل
يا خل .. ياخل
مكسور انا الخاطر
في نظرة الكل
لا تذكرني .. وجه مع الناس
لا تصبرني .. ما في الجفا إحساس
ضاع العمر .. وانت لا شمس لا ظل
والله لا أمر .. صوبه لا امر
ما التفت .. لو هو العمر
وما ينحني راسي ..
جف الكلام ..وسكت الدمع
الليلة .. با طفي الشمع
باترك ملامح .. صورتك تحت الغبار
واترك شوارع ديرتك .. لارض النهار
با نساه انا ... ما ادري متى
بالصيف يمكن .. او فـ الشتاء
والله لا أمر .. صوبه لا امر
أصرخ بامر .. أبكي بامر
ما التفت .. لو هو العمر
وما ينحني راسي ..

[باتل عبدالعزيز]

ياحبي له
ياحبي له


هو سبب حبي للشعر واقسم على ذلك
شكرا ميرال

[سالم العمري]

http://www.a020a.com/vb/imgcache/26995.imgcache.jpg


* الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقراها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة


* بدر بن عبدالمحسن

.. مشاركة متواضعه ..

[ميــرال]

احملي اللحظه حجر ..
وطوحيها في المدى ..
تصبح الساعة .. دقيقه
غيري الزمن الحقيقه
طلعيني من الصور ..
من الخطوط .. الحزينه
اطلقيني من الشطوط
ومن مجاديف السفينه
اجمعي الصوت .. الصدى
احملي اللحظة حجر ..
وطوحيها في المدى

[ميــرال]

بيض الردون..

يبني السراب خيامها..
وسط الخلا واقدامها..
تنبت عشب وتمطر غمام..
لامن لمحت اثارها..
يطري علي عشق الخلا..
وقصيدةٍ (( لبن غيام))1
في حومة العقبان..
في الازرق .. الازرق..
شمس الضحى جمره..
شفت الندى يعرق
في وجنة النوار..
بدخل تحت سدره..
وما سحت الاغصان..
من ظلها البارد..
على الثرى الممطور..
واطلق عيوني طيور..

وانا على المشراف..
ومن حاجرٍ به شيح..
جول الحباري طار..
ريشه يخض الريح..
خض البحر مجداف..
وين انت ياالصقار..
جول الحباري .. طار...
بيض الردون .. طيري
برقة جناحك لي..
وحتوفك لغيري ...

[ميــرال]

ليل البعاد

ما أطولك ليل ...
ليل البعاد .. والإنتظار ..
ما اطولك ليل ...
سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك ..

[ميــرال]

لاتعقد الحبل

شمالٍ هبت ورذرذ مطر ما به ذرى وخطار = تبي تدفا في تالي الليل والخشبان مبتله
ألا ياضيف وش جابك عسى ما جيتني دوار= مضيع والنياق اللي تدور عنها مندله
سرحت افـ خاطري ذودك ذلول وفاطرٍ وحوار = تبي تاكل ربيع المجرهده دقه وجله
ألا يا شين لو ذودك رعايا تحتميها امهار = أظنك ما تراعي للخلايق سلمٍ أو مله
ترى ضرب الفيافي ما يجي للخايف المحتار = أمانه لاتعقد الحبل ثمٍ تعجز تحله
سرت عنك المطايا .. والمطايا عينها للدار = تبي تشوف البلاد وصابها خالي الخلا بخله
ضوى همك وشبيت اف ضلوعي نار للخطار = فريت المجذوي .. قلبي دفنته قرص في المله
تعش ولا بدى نور الفجر خل الهقاوي يسار = وعوّد وان سمعت الشور لا تبعد عن الحله

[لمى الناصر]

سلمت لنا يا ميرال

ذائقتك عالية جدا وماتعة ببتلات

عذب الكلام من سيد الشعر.

كوني بخير وتقديري

مساؤك أوركيد.

[ميــرال]

.


.




علىآخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...

[ميــرال]

الليالي الوضح


في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..

***
يا نصيبي من الصور .. والرسايال
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..
وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

[ميــرال]

عود الليل

عوّد الليل .. اوقد سراجك
واحبس الليل .. واطلق حجاجك ..
احبس هموم الغرام ..
واطلق البسمة .. سلام ..
إن شكى العاشق يلام ..
رحت يابدر التمام ..
عوّد الليل
فـ الضحى .. شدوا الركاب ..
وابحروا .. يم السراب ..
كانت عيونه حبيبي .. شمس .. وعيوني سحاب
وآه يا سهيل اليماني .. شدوا البدو بأماني
ليتهم ردوا الركايب .. وربعوا بين المحاني
أوقدوا فـ النار .. نار
ما ورا ليلي .. نهار
من خذا فجرك حبيبي ..
ومن ترك لي .. الانتظار
آه يا رمل وهبايب ..
تدفن جروح الحبايب
يا ترى لو مر عام
يرجع الفجر اللي غايب
احبس هموم الغرام ..
اطلق البسمة سلام ..
إن شكى العاشق يلام ..
رحت يابدر التمام ..
وعوّد الليل

[ميــرال]

من علم لسانى
الكلام الغريب . .
إلين قلت : ان الحليب . . رمل . . والمرضعه ريـح
والصدر خيمة راعى في الجدب
من علم الكذب لسانى
الرسم . . الاغانى
الطفل في الظلما
الحـلوى في الدكان
أو خيزران . . معلم معتوه
من علم المشدوه . . بألوان العيون
هذا الجنون . . الجنون
من علمنى الحب غير الناس . .
والكره غير الناس . .
من كدس الإحساس . . في اجفانى
وخلانى احلم . . احلم
وانا من سنين . . انسانى
وامحى مكاتيبى
شوهت وجهى . . كثر ما حكيت . . ألواني
وعلى الزمان الثانى
رسمتنى . . مثل ما بغانى . .
لكن على لسانى . . بقى كل الكلام الغريب
أنا الغريب
وكل شاعر في الناس غريب
وفي الارض كهف . . من نيزكٍ مجهول
لكن يعرف يقول . . يقول
كل الكلام الصعب
الحليب رمل
والمرضعه ريح
والصدر خيمة راعي في الجدب

[باتل عبدالعزيز]

ياحبي للبدر

[ميــرال]

أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا

[ميــرال]

الوادي

وين يدفن الجبل اسراره
وين يترك السيل اثاره ..
وين يختار المسافر ..
بين الشجر ظله .. وبين الحطب ناره ..
وين يبكي القمري ..
ويشره على خله ..
قلبٍ غدى كله ..
مثل البطاحي شوك ..
لو مت انا صادي ..
حطوا القبر في الجال ..
وادي الهوى لاسال ..
يمرني سيله ..
واسقي عظامي منه
وينبت في غصن الطلح ..
قلبي ورق أخضر

[ميــرال]

النار



أنا مدري ..
اللهب حب.. او جوع ..
الحطب قلب .. او السعير .. ضلوع ..
ياترى هااليابس الموجوع ..
وش يقول ؟!
من يسمع الدخان ..
او يدري باسرار الحطب ..
من طرز سلوك الذهب .. في اغصانه ..
من خاط بقماش الرماد.. اكفانه ..
وهذا اللهب .. الطاغي الفتان ..
هالقاتل الشافي ..
من خلى في موته.. عمر ..
لولا حروف قلتها ..
وكانت .. شعر ..
شبيت فـ اطرافي ..

[ميــرال]

علمي بوجهك فـ اسود العج غايب
ــــــــــــــ والريح تدفعني وانا ما لي اقدام

لولا الشجر .. شدت غصونه نهايب
ـــــــــ جلدي وثوبك قلت انا وانت الاوهام

[ميــرال]

.

نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك

[ميــرال]

.

خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....

[ميــرال]

.

أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا

[ميــرال]

تقول اللي طرف عينك أنا مدري هدب أو عود = أحس اني من اللي صابها ماشوف قدامي
ضحكت .. وقلت لاتخافي على بحر العيون السود = على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود = وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود = أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود =مانه لا مسحتي الكحل خلي طيف أحلامي
أحبك كان يكفي الحب جروحي في هواك شهود = أنا اللي راس مالي حلم .. وهم الدنيا قدامي


http://www.6r63h.com/listen-13339.shtml

[ميــرال]

.

الليل له قلب ...
وانا في قلب الليل ... قلب ...
وانتي احساس الأخير ...
ابهنا الوعد القصير ...
وبعذابي اللي بيصير ...
لا وقف قلب الليل ...
شمس النهار ... ترقى السما ...
وجهي الغروب ...
وبعض الظلام شالك ...
بعض اللي في بالك أنا ... وهم الدروب ...
اللي بتفرقنا ... بعد لحظة ... بعد لحظة ...
وهج الشعاع ... ما يطفي النجمة ...
قولي معي ... ما يطفي النجمه ...
شمس الوداع ... ما تطفي البسمة ...
خلي احساسي الأخير ...
ابهنا الوعد القصير ...
وما عليَّ من اللي بيصير ...
لا وقف قلب الليل ...

[ميــرال]

.
الغضب



نشي غيظي .. سحابٍ أسودٍ في موسم الدخان
............................... ترزم .. وأمطر بجمرٍ غدا له بالحشى صالي
غضبت .. وما دريت إن الغضب ياصاحبي إنسان
..................................وسيمٍ مثل سلة سيف.. وقلبه أسودٍ بالي
هدمت الدار من قل الحصى لأجل أرجم الخلان
.................................. وقتلت النور .. من كثر الجفا با فارق ظلالي
وحثيت الريح..في وجه التراب وهبت القيعان
.................................... تحت أقدامي .. ومرت ديار وودعت غالي
ويوم أصحت سما نفسي .. تلفتت وصرخت .. فلان
................................. قمر وجهك .. وشمس الدار في دمعي تغايا لي
وقفت .. وكانت الفرقا .. مشيت ولا حصل نسيان
...................................بكيت .. ولا سقاني الدمع لا مرٍ ولا حالي
غريبٍ تزرع عيوني سراب .. وتحصد الكثبان
..................................... وحيدٍ مثل رسمٍ مبطيٍ في صحصحٍ خالي

[ميــرال]

.


سافري كان يرضيك السفر
ــــــــ جربي لو ورى ليلي صباح
بدلي الرمل بأمواج البحر
ــــــــ واتبعي الغيم تحملك الرياح
سافري لين تبكين المطر
ــــــــ واضحكي لين ما يضيق البراح
ولا تعبتي وحسيتي بضجر
ــــــــــ خلي الشوق لديارك جناح
أرجعي في ابتساماتك عذر
ــــــــ مثل ما الدمع في عيني سماح
انتي العين من طول النظر
ــــــــ وانتي القلب من كثر الجراح

[ميــرال]

.


ياحروفنا الملح.. في شفاهنا الحنضل ...
كان السكوت أفضل .. ولا الكلام ؟
قلت اللي في قلبي ..
وخرج الحكي..من الحكي وما عاد..
اخيامنا طويت ..كافي ندق اوتاد
الكلمه .. ماهي انتصار

ولا انكسار ..
كانت حقيقه ..
يوم انقطع حبل الحوار
يا حروفنا الحنضل.. في شفاهنا الملح
زعلوا حبايبنا..كان السكوت أفضل

[سعيد موسى]

,
,
,


أكملي دون الإلتفات لــ ردي ياميرال !

ولكن , صدقيني حتى الشكر قليل بحقك .

[ميــرال]

.
ليلة تمرين .. عطرك السافر
فضح .. وردالبساتين
وكثر الكلام ..
صحيح .. جرحت الظلام ..
بالخد.. وبنور الجبين ..
ليلة تمرين ..

يا عذبة التجريح .. شفتك بعرس الريح
والشال الذهب ..
يحجب سنا الشمس الذهب
كانت عيونك حزن ..
كانت غضب .. وكثر الكلام
ليلة تمرين ..

يا غيرة الورد ..
جرحها الكلام ..
حبيبة الورد ..
عاتبها الظلام ..
مرت بليلة برد .. وكانت دفا
عطر ودفا.. وليه الملام
يامجرحة صدر الظلام..
بالخد .. وبنور الجبين
ليلة تمرين ..
http://musicawy.com/l15383.html

[ميــرال]

.

سقاني صوتك البارح .. مرار الحزن والترحال
صحيح ان البحر مالح
ولكن العطش قتال

[ميــرال]

.

ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة ...
البارحة .... صارت عمر ...

[خالد الحبشان]

http://public.bay.livefilestore.com/y1pv7MQ7V9-SdgJCbmxjfkm5WmKwu3uxNo2RIQsPub0I_CZPJEAxbPOisrWrD FW_VCcLDcoWkoQe4QxPLWqM1VZLQ/%D8%A8%D9%88%D8%AD.jpg

[ميــرال]

.

نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..

[ميــرال]

.



ليلكم شمس .. بنتصل باكر
ان لقيناكم عسى .. وان هجرتونا عسى ..
بنغسل اجروح المسا..
بالمسا..
حنا ملينا الصبر .. كانت الساعه عمر
اقبلو منا العذر ..
لكل شي آخر

[ميــرال]

.

دايم يذكرني النخيل .. غير الطفولة والرياض ..
وصوت السواقي والهديل .. مواجع الضي النحيل ..
على وجنتك ..
كان الظلام .. والله كثير ..
وما ادري وش اللي وهقه ..
واختار خدك فـ الأخير .. وشعاع خدك شققه
دايم يذكرني النخيل .. غير الطفولة والرياض ..
وصوت السواقي والهديل .. مواجع الضي النحيل ..
على وجنتك ..
نجدية الضي والعتم .. ما بين راسك والقدم ..
لي مجد .. لي مي .. ورطب .. وسنابل الياس والغضب ..
ولي مواعيد النخيل .. اللي مضت ..
وحكاية الضي النحيل مع وجنتك ..

[ميــرال]

.
يازارعٍ شوك الهراس .. فوق الرمل كله .. لاقدام من يكره الشوك
ياحظ من ياطى بقدم .. انا مالي سوى قلبي

[ميــرال]

.
صوت العظام اللي تكسر حروفي
ـــــــــــــــــــــــــــــــ مابه كلامٍ تنطقه شفتي سهل
إن جيت امش الدمع تبكي كفوفي
ـــــــــــــــــــــــــــــــــ وإن جيت أقول الشهد يوذيني النحل

[خلف المهيلان]

/ البدر هذا هوجدينا الي نقدتي به معراجنا حين نحتاج نسمع عصافيرروحه بسدرت منتهى الجمال الشعري
/ ذوقك سمعت صوته بماقريته لك سابق ً وهاهو ينتقي الاعمق والاجمل من ماتيسر من مارتله بلبل شدو البدر ولليل احبك
/ وماحداً يحب الي يبي / لك الود ايه النقيه بكل مجالاتك لطهر روحك :34:

[ميــرال]

/ البدر هذا هوجدينا الي نقدتي به معراجنا حين نحتاج نسمع عصافيرروحه بسدرت منتهى الجمال الشعري

/ ذوقك سمعت صوته بماقريته لك سابق ً وهاهو ينتقي الاعمق والاجمل من ماتيسر من مارتله بلبل شدو البدر ولليل احبك

/ وماحداً يحب الي يبي / لك الود ايه النقيه بكل مجالاتك لطهر روحك :34:


بدرنا ولازلنا نتعلم منه الكثير
كل الشكر ياخلف لوجودك النور

[ميــرال]

.

يسيل قلبي على الخدين .. وارده
ــــــــــــــــــــــــ خبرت قلبٍ من اللوعات ينحبي

[نوف الخالدي]

رائع هنا الاحساس الشفاف وفلسفة الشعر التي تغوص بك بين الكلمات
رائع هذا البدر ورائع جداً انتقاءك ميرال ... الشكر العميق لقلبك ياروح

,
,




ليه أحـــس إني وأنا اشوفــك حزين
وقــلبــي الـلـيـلــه بــهـــمــي ممتـلــي
كانهـــا الفــرقى طلبـــتك حـــاجتين
لا تـــعــلــــمنــي ولا تـــكـــذب عـلــيّ
خـلنــي مــا بـــين شكــي والــيقيــن
الــسـكــوت رضـــــاي عنــك وزعلــي
بــاكــر الـلــي خـــافــيٍ لازم يبيــن
والــوعــــد بـلقــى مكـــانك بــه خلــي
وانتظــــــر لــي ليلــة او لـــيلتيـــن
لين مـا يـقـفـــي الـسحــاب وينجلـــي
ولا طويت اليـــاس بـذرف دمعتين
للـهــوى الــغــــالــي وبـا وادع هـلـــي
صاحبي بمـــــوت من كثر الحنيـن
خــلـنــي بــخـــتـــار لــحظـــة مقتلـــي


[ بدر بن عبدالمحسن ]

[ميــرال]

.

ما أطولك ليل ...
ليل البعاد .. والإنتظار ..

[ميــرال]

.

وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين

[ميــرال]

.

حبيبي والوداع نعاس نجم والجفن صاحي
ــــــــــــــــــــــــــــ واحلام الرماد ولفتة تملي الدروب غياب
امانة لو عشقت في يوم غيري تذكر جراحي
ـــــــــــــــــــــــــــــ ولا تترك حبيبك ما بقى للعاشقين عتاب

[ميــرال]

.

كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح .. إني غب

[ميــرال]

.

عندما يحدثني أصدقائي 00 عن قصص العشق 00 أشعر بأني سأذج 00
ليس هناك قمر 00 أو شباك 00 أو شجرة لوز00
ولا حتى شعر 00 فيما يروونه لي من قصص!
وأنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00
وطعم الرطب الناضج
أشعر أني ساذج 00 لأنني لا أراك بما يكفي 00
وأحيانا00 لا أراك بما لا يكفي00

[ميــرال]

.



أنا مدري ..
اللهب حب.. او جوع ..
الحطب قلب .. او السعير .. ضلوع ..
ياترى هااليابس الموجوع ..
وش يقول ؟!
من يسمع الدخان ..
او يدري باسرار الحطب ..

[ميــرال]

.


أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد ..
حتى أنا

[ميــرال]

.

أثر الظما عشق

[ميــرال]

.

يا ضياع أصواتنا .. في المدى والريح
القطار وفاتنا ..
والمسافر راح ..

[ميــرال]

.

ودي انزع من اصابعها الخواتم ..
قبل لاسلم عليها ..

[ميــرال]

.


هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر

[علي المحمد]

http://www.ab33ad.com/vb/images/icons/icon1.gif

خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....

http://www.ab33ad.com/vb/images/icons/icon1.gif

[ميــرال]

.

وكن الدروب تكورت
على المساكن ..
مدري من البرد ..اومن قلة الأحباب

[ميــرال]

.


كانت أسراب الحمام .. تنشر فـ صوتي جناح ..
ولا بدى وجه الظلام .. تضوي فـ صمتي هديل ..

[ميــرال]

.

الزمان اللي يروح ..
وان سألتيني أحبك ..
كثر ما تشفى الجروح ..
اشطبيني الف ذكرى .. واكتبي ..
اللي يتذكر .. غبي
واللي ما ينسى غبي
ودي اشوفك .. باقي لحظه
هذا كل اللي أبي ..

[ميــرال]

.

تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين

[إبراهيم آل لبّاد العنزي]

http://dc249.4shared.com/img/380577981/f1b8736b/s7/_online.jpg

صياح الباب / البدر

[ميــرال]

.

آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا

[ميــرال]

.

يا محقق لي الأماني
الغلا والحب لك
أدري في قلبك مكاني
وأدري همي مشغلك

[ميــرال]

.
من علمنى الحب غير الناس . .
والكره غير الناس . .
من كدس الإحساس . . في اجفانى
وخلانى احلم . . احلم
وانا من سنين . . انسانى
وامحى مكاتيبى
شوهت وجهى . . كثر ما حكيت . . ألواني
وعلى الزمان الثانى
رسمتنى . . مثل ما بغانى . .
لكن على لسانى . . بقى كل الكلام الغريب

[ميــرال]

.


علىآخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...

[هيفاء الزامل]

انتقاء يشبه البدر يوم اكتماله


ميرال رائعة




:34:




.

[ميــرال]

.

انتي لو كنتي صحاري شابت عيوني ضما..
ومات في صدري نخيل..
وانتي لو كنتي سحابة تعبر أطراف السما..
انتهى صبري الجميل..

[ميــرال]

.


كثر ما تشفى الجروح ..
اشطبيني الف ذكرى .. واكتبي ..
اللي يتذكر .. غبي

[ميــرال]

.


****
أحاكيك ..
عن كل المدى والبيد ..
أو .. ما في الشبابيك .. من المدى والبيد ..
عن شوكةٍ في الأرض .. خلقت لإ بهامي ..
أو أرض تحت الشوك .. مرتها أيامي ..
لو أدري وش يكفيك..
كلي على شفاهي
شوك .. وعطش .. ووحول

[ميــرال]

.


يوم أصيح .. كنت أهزك ..
يا نخيل الوادي ..
غصب اهزك .. مثل ريح ..
والوي أعناق الجريد ..
للقصيد .. ولبحّة الشادي ..

[ميــرال]

.


يا حابس النور فـكفوفـك
ــــــــــــ سلم عسـى ينجلـي همـك

[ميــرال]

.

أنا حروفي في غيابك
لا هي حكي ولا هي قصيد
أكتب الظلما وأعيد

[ميــرال]

.

قلت البكا .. صعبٍ عليه وأنا بيـه
ــــــــــــ لا واهني اللـي بكـى ومـا تنـدم

[ميــرال]

.

كل شي في عيوني ذابل
مثل اوراق الخريــــــف
غيم ونجوم وسنابــــــل
وخطوتي فوق الرصيف
ضي شمعي ماهو ضي
نار دمعي ماهو مــــــي
كنت حي وماني حـــــي
كافي ياروحـــــــــي بعاد
ماهي عـاده لما تزعـل
تنسى تسـأل ويقسى قلبك من عناده
ماهي عاده
كنت اتخيل غيابك
كل ساعه او دقايق
مادريت اني في عذابك
بأشعل ضلوعي حرايق

[ميــرال]

أنا لا أتحدث كثيرا 00 عما في قلبي 00
ولا أجيد الكذب00
ولا أزال أنظر إلى السماء بالعين المجردة00
وأعتقد أن الزهور كانت موجودة قبل الحدائق00
وأن الوصال00 يكتمل أحيانا بالنظر00
وأن لحروف الحب رائحة النعناع00

[ميــرال]

توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..