تخون من هو في محبتك قد صان!!

[خالد الغامدي]

أقسى من الدمعه على خـد انسـان=دمعة جروح الغدر وسط المحانـي
تبكي عروقك دم وتجـر الالحـان=ويضيع عمرك في دروب الامانـي
اكبر جروح الوقت مهانه وطغيـان=تحب واحد عشقتـه انسـان ثانـي
تطرد ورى دربه مياديـن واوطـان=وتعود خايب شايل الجـرح عانـي
قلبه مع غيرك وقلبـك معـه هـان=انت الضحيه يومـه اليـوم جانـي
الحب في هالوقت كذبـه وخـذلان=قلبا مجرد مـن شعـور وحنانـي
تخون من هو في محبتك قد صـان=وتصون من هو في محبتك خانـي
تبيع من هو يشتري رضاك خسران=وبحب تشري مـن يبيعـك هوانـي
تنسى وفى من هو يـودك بنكـران=وفي داخلك قلبك يقـول مانسانـي
وتشهد جفى من هو يصدك بعرفان=وفي داخلك تسئل علامـه جفانـي
تذل من هو حط لك قيمـه وشـان=وتعز من هو ذل شخصك وهانـي
سبحان من غيرك ياصـاح سبحـان=ماعاد لي في وسط قلبـك مكانـي
ابسئلك ويش منطقك من اللي قد كان=قد ضاع مني العمر قبـل الاوانـي
مسكين من هو مثلي اليـوم انسـان=يطرد ورى واحد يبي انسان ثانـي
باكر يدور الوقت وتشيب الاغصان=وتطيح اوراق العمـر فـي ثوانـي
وتتشابه بدرب الشقى كل الالـوان=وقلوب خلق الله من الحـب تعانـي
اقسى من اللي قلته اليـوم يافـلان=عمري خساره فيك والعمـر فانـي
هذي النهايـه واول فراقنـا حـان=ويش بعد جرح الغدر وسط المحاني



خالد الغامدي(وافي الوعد)

[مرعي ونيس]

خالد العتيبي

وكأنك تسكب ماء الذهب/الشعر على أكبادنا لتبتل شعراً
شعر وشعور وصور تعبيريه تعبربنا للأبداع

صح كلك

[خالد الغامدي]

صح بدنك اخوي مرعي ونيس

شاكر لك مرورك

دمت بخير

خالد الغامدي

[مشعل العتيبي]

الحب هذ الوقت قدرن وملاس

...................اغرف على اللي قد يدك تشيله



الشاعر خالد الغامدي



جزله من راس جزل


ومن شاعر رائع


صح السانك عدد ماقيلت


لاشنت

[سعـد الوهابي]

.
.
.
القدير . .

" صالح الغامدي "

لله درك . . صح قلبك وفكرك

نص جميل وجزل

دام ضياؤك

احتراماتي

سعـد