[ الغَيمة الأخيرة ]

[الشعر الشعبي]

http://up.graaam.com/up1/pic1/44081620af.gif (http://www.graaam.com/)


شُعراؤنا الكِرام
نَتواصَل مَع حَرفكم العاطر بـِ [ الغَيمة الأخيرة ] :
ونَضعُ بَيْنَ أيدِيكُمْ [ صَدرَ ] بَيْتٍ يَنتَظِرُ مِنكُم أَن تَمنَحُوهُ الاكتِمَال بِجَمِيْلِ هُطولِكُم

و انْ كَان صُوتِك يَا وطن مَبْحُوح= ...............................


ولـ نَتَّفِقُ عَلى :
1. أن لا يَتجاوز النّص أربعة أبياتٍ ولا يَقلّ عَنها
2. للشّاعر حرّية تحدِيد مَوضع الشّطر [ الصدر ] ../ إما في بداية النّص أو في نهايته بِما يراه مُناسِباً
3. تُرسل النّصوص إلى صندوق الشعر الشعبي وسيطرحها تِباعاً فور وصولها مُرقّمة بدون اسم صاحبها
4. مع نهاية هذه الغيمة وبعد إعلان النتيجة سيُنسب كُل نصّ إلى صاحِبه
5. سيَتِم إغلاق الموضوع يَومُ الجُمعة [ 9:00 ] مساءً
6. سيَتم التّصويت على النّصوص المَطروحة بَعد إغلاقِه مُبَاشرة ولـِ مُدّة ثلاثةِ أيام
7. سيتم الإعلان عن الشّاعر الفائز بأغلبيّة التَّصويت في اليوم السّابع
8. الحياد مَطلبٌ رَفيع وقيمةٌ عاليةٌ.. يتميّز بِه الخيطُ الأبيض مِن الخيط الأسودِ من الوعي ../

فـ لِنكن صوت الحياد الواعي







[ مَعيَ غَيْمَة ../ هَبنِي المَطر ] (http://www.ab33ad.com/vb/showthread.php?t=13046)




اللّهمّ اغِثنَا مِنهم حَتّى نَرضى

[الشعر الشعبي]

[ 1 ]
( وان كان صوتك ياوطن مبحوح ) =فداك روح ٍ عنك مبحوحه
مبطي وانا اشيل العزا بالروح =واقول غالي والغلا جروحه
من فوق هام السحب تبني صروح =يوم ٍ غيرك طاحت صروحه
يضحك وطن .. يعني تعيش الروح=فداه صوت ٍ يشرق أفـ بوحه

.

.

[الشعر الشعبي]

[ 2 ]
الحزن شاعر، والوقِت له روحْ=والليل صدر الوقت في الأفراح
قلت: البلد تعويذة المجروحْ=ترقص على ظلّي ولا ترتاحْ
وإن كان صوتِك يا وطن مبحوح=خذني لـ بوحك حُنجرة.. يا صاحْ
لو يستفزّ الشِعر بعض النوحْ=كنت الأماني فـ خاتمٍ وضّاحْ..!

.
.

[الشعر الشعبي]

[ 3 ]
خـَيِّط جُروحَك يا وَطنْ مَجروحْ =تِدفِنْ جَرِحْ يِنبـِتْ جَرِحْ ثـَاني
كـَنهَا عَدُو ٍ " هَالنَفِسْ" " للرِوُحْ " =إذآ اخوَانِي اِيّذَبِّحُوا اخوَانِيْ
تِمنَعْ شِفَاهِيْ منْ الحَكِيْ والبُوحْ =وتقُولْ جَرحِي بكَفّ وِرعَانِي
وان كَان صُوتَكْ يا وَطَنْ مَبحُوحْ =مَا بي وَطَنْ أصغَر مِنْ لسانِيْ

.

.

[الشعر الشعبي]

[ 4 ]
أن كان صوتك ياوطن مبحوح = فديت نبرة صوتك الغالي
يفوح قلبي فوح بعده فوح = اليا غبت عنك وجيت طوالي
وجريت صوتي مع حمام الدوح = وسجلتها نغمة لجوالي
هذا وصوتك يا وطن مبحوح = عندي تراه أغلى من عيالي

.
.

[الشعر الشعبي]

[ 5 ]
وان كان صوتك ياوطن مبحوح =في حبك اسماع العذر توحي
مثل السما في بابك المفتوح=ادق في صمتك مدى بوحي
لك في جسد هذي الخريطه روح=وجعك تاريخ ف رضا اجروحي
وجود..من حوى التقت في نوح=خلود..فيك اخر نبي أُووحي

.
.

[الشعر الشعبي]

[ 6 ]
أيا وطن / كم بالسنين جروح ؟=وكم هالأماني شالت جروحي ..!
طيرت لي عصفور ماله روح =وطيرت لك عصفور من روحي..!!
صهيل نبضي .. يعتليه جموح =وانت بغيابك .. تكسر جموحي
ان كان صوتك ياوطن مبحوح=همسك رعد / لو كان مبحوحي ..!

.
.

[الشعر الشعبي]

[ 7 ]
مريت بالي ياوطن .. والروح=طارت تزاحم بالفضا / أرواح !
شالت معاها للـ عتاب جروح=وابتسمت لـ عينك وإذا به طاح !
أفتح لنا صدرك عشان نبوح !=وسمعنا صوت " الأمنيّه " الصدّاح !
وإن كان صوتك ياوطن مبحوح=حنّا لك الأصوات ، وانت ارتاح !

.
.

[الشعر الشعبي]

[ 8 ]
الروح تستوطن بنا وتروح=وتزهر بحبك يا وطن أزمان
من عهد آدم مع أبونا نوح=لأجل الوطن أرواحنا تنهان
الزيف في صوت البشر مفضوح=والأرض ما تستر على من خان
[ وإن كان صوتك يا وطن مبحوح ] =شعري وأنا نفضح لك الخوان

.
.

[الشعر الشعبي]

سَيتمّ إغلاق الغيمة الأخيرة الساعة 12 فجراً ..

.

.

[الشعر الشعبي]

[ 9 ]
رفعت صوتي ياوطن ياروح=( اسمك على موتي وميلادي )
تعال ابـ حكي لك عتب وابوح=دام التعب في ضحكتك بادي
فضفض بعض همك مـ ابيك تروح=ولى زمان الصمت يا بلادي
وإن كان صوتك ياوطن مبحوح=( أنا ذبل صوتي مع الوادي )

.
.

[الشعر الشعبي]

[ 10 ]
رفّت على اسوار المقابر روح=من عقب ما ضاقت من الاضداد
خمرانة ٍ من دمها المسفوح=من دون ذنب لجل عين اسياد
ما دام صوتك ياوطن مبحوح=وش ننتظر واحلامنا جلاد
وقفت واثر العابرين جروح=مشيت واثر الجالسين// حداد

.
.

[الشعر الشعبي]

[ 11 ]
ترقى بـ.. عالي نايفات الـروح=وتجّر وناتكْ .. مـلاوي الريـح
حزين قلبـك ياوطـن .. مذبـوح=ماتت بأراضيـك النفـل والشيـح
وان كان صوتك ياوطن .. مبحوح=من كثر ماتشكي المدى ..واتْصّيح
يخون../ ويرجع لك صداه جروح=واتْطّيح ..وقفات الشموخ ..اتْطّيح

.
.