مســا..فات

[فهد فالح البلوي]

.
.


بيني وبينك سور طوله ألف عام
بيني وبينك ريح وجروح وألم

بيني وبينك باب " من ليل وغمام "
حوله الأصفاد تصطاد الندم

بيني وبينك نهرِ ضفافه صيام
كيف يسقي وماه أقرب للعدم

بيني وبينك ليل أجمله الظلام
دام يدفن في سواده من ظلم

بيني وبينك مر ولا مر بسلام
لي ثمان اشهور وآنا منصدم

.
.

[فهد فالح البلوي]

.
.

ليت السحاب اللي تعدى من هنا
شالته ريح السخف والمعنى الوضيع

أمطر على قلبي ضماه ولا جنى
إلا ثمار البؤس من واقع شنيع

أحرم نجوم الليل ضحكات السنا
وآنا احتفل به لا لفى وقت الهزيع

وإن مر ذكره فوق صحراء العنا
قمت آتخيل " وقتها " شكل الربيع

.
.

أثر البياض اللي أشوفه من سنه
دخان تبغٍ .. ينفثه صدر الجميع

[فهد فالح البلوي]

.
.


كنت أصرخ بك " أحبك "
وإنت تسكت .. دون صوت

ياحبيبي .. خاف ربك
بين يدينك " جيت أموت "

ودك أهدا .. هات قلبك
وابشر بطعن السكوت

.
.

[فهد فالح البلوي]

.
.

بغيت أكتب .. صعدت لفوق
خذيت من السحابه طوق ..
لقيتك ..
بديت أكتب :




بابٍ يمسه خاتمك .. يصبح عقيق
وإذا لمستي النافذة .. ترجع ذهب

وإذا طلعتي ماشية .. قام الطريق
يصعد مع خطاكي إلى فوق السحب
.
.

أول وأنا بالحييل محتاج لرفيق
أول أنا بالحييل أحتاجك ..تحب

[فهد فالح البلوي]

.
.

رد لي روحي .. وقلبي لك ضمان
وأوعدك .. ما عاد أكره أو أحب
.
.

[فهد فالح البلوي]

http://s7ralgram.jeeran.com/i439744601527.jpg

.
.


خطـّيت لـ جروحي .. أثر
هــبّ المطر ..

"مسحتها .."
ولك جيت أدور عن عذر ..
.
.

حاولت أرسم ضحكتك .. فوق الثرى
واللي جرى ..

إنك تعاتب فرحتي ..
ترسم تعازيم الضجر ..
في كون يشبه وحدتي
ما بين ضحكات البشر ..
.
.

[فهد فالح البلوي]

.
.

تعالي نجحد الأرض .. ونثور
.
.

ونشعل التنور
.
.

ما انتهينا ..

نمسك أيادينا ..

ونرقى .. بنا ..

نجرب الهرولة

..
.

لهثاتنا .. تصبح وله ..

.
.


كان لي هذا البحر ..

وأنتِ بلهفة ..

كنتِ ..له


"
"

أبدأ ..

أبدأ ..

أنفي المبدأ ..

آخذ زورق ..

نحو الأعمق ..

زورق .. أحمر ..

شوقي يثمر ..

توت .. وفرقى


زورق .. أبيض ..

نصعد منبر ..

حبك .. يرقى

..

زورق... أزرق

أرجع أغرق ..

أغرق

أغرق

..

كل شي .. يهدا

كل شي يهدا

.
.

أبدا .. ثاني

ألقى روحي تستناني ..

بك أنساني ..

يمكن نهدا ..


يوم أردد ..


بتنفس روحي وأصعد
............ يمكن ألقالي غيمة

تنثرني حول المعبد
........... وينبت لك حبي ديمة

.
.


( هنا أكثر أمان ) .. من قلب الذاكرة .. أعني ذاكرة القلب

[فهد فالح البلوي]

.
.
و صار الزمان اللي نتمنى ..
يحتمي بالطين منا ..
يشكل الجدران .. بانفاس المطر ..
وتضحك الأغصان في وجه البشر ..
لين استحال الكون ضحكة ..
سلهمت به روح مرتبكه ..
..
.
.
.
.........................
واستمرت في تجاوزنا .. الحدود ..
وانذبل هالورد .. مع قطف الورود ..
وأصبح أقسى قيد .. تكسير القيود ..
.
.


.........................................
.....

.
.

من بعدها ...

عرفت إن السما زرقا ..

إني معك أرقا ..

ولا بقى بي شي ..




من قبلها ...

كان الليل هو حدي ..

أشوف أوله .. وردي

وينبت باثره الضي

[فهد فالح البلوي]

.
.

يا صباح العطر .. والدنيا بخير
.......... مع صباحي فيك هالدنيا تزين
مرني طيفك .. تمنيته حرير
......... وانسج الأعياد في كل السنين
قلت : " أحبك " ما بقى بالأرض طير
......... يا " منى " وش عاد لو إنك تجين
.
.
.

[فهد فالح البلوي]

.
.


فاح الضباب المنفعل لاجل الصباح
........................ والليل لامس وجنته .. والضي حي

وذاك الحرير المرتمي للطين صاح
........................ والنور يوشي بالعتب .. وبكل شي

...
.

[فهد فالح البلوي]

.
.

واقف بصالات المطار
......... ناطر لحزات الرحيل

مليت ومـلّ الانتظار
......... وين انت ياصبرٍ جميل

شوف بغيابك كيف صار
......... حالي .. وما حولي قليل

أشوف هالدنيا قفار
......... وللبرد في قلبي مقيل

لاشعلت من ذكراك نار..!!
......... لحظاتنا قامت تسيل

أذكر " وشوقي كان حار
......... وقلبي بيدّينك عليل "

كنا نتغافل للجدار
......... وعن قصد يسمح بالقليل

ونستغرب لعطف الحجار
......... اللي تزف السلسبيل

وأذكر زمن كنا صغار
......... همست لك عند الأصيل

إن القمر منك يغار
......... لنك ظهرتي له بـ ليل

وتهرب في طلتك بـ نهار
......... شمس الضحى خلف النخيل

والحين واقف بالمطار
......... أنده لحزات الرحيل

مليت ومل الانتظار
......... وين انت ياصبرٍ جميل

[فهد فالح البلوي]

.
.

أنا لا قلت أحبك فزت غصون الشجر
............. انتفض معها المسا والمشاعر صاحية

صارت الفرحة وطن .. واشتياقي لك حضر
............. والمسافة عوّدت.. ريح.. و فينا عاتية

شوفي ذيك الساقية .. ما تقف جنب النهر
............. لو نفث من ضفته غطى كل الساقية

[فهد فالح البلوي]

.
.

الغريب .. ماهو كبر حبي لكي
الغريب .. إنك معي وأشتاق لك

.
.

[فهد فالح البلوي]

طريق الكوخ ...


..
.
.
.

في طريق الكوخ ...
ما بين الكروم
الورد واقف ..
والصبح عيا يقوم
واسترابت كل لحظات الشجن ..
وانتشى معه الفرح دون أي ظن ..

واستمر الورد يشهق عبير اثنين ..
كان ياخذ من حكي مر بسهرهم ..
عطر ..
كان ينبت بالسحاب اللي عبرهم ..
مطر ..

والندى فززه نبض الورق..
قام يركض ويتعثر ..
وأكثره .. بدري .. تبخر ..
والفراشات اتراقص في طرب..
والشجر واقف ولا جاه التعب ..

وهبت النسمات تهمس للجميع ..
اصمتوا .. وانصتوا للعاشقين ..
وياسدرة "الأحباب" تحتك جالسين
خلي الشوك يحميهم لا من نطق ..
ولا من حكت أينعي بأحلى نبق ..

وأنتو ياسادة ...
مارسوا أصدق سعادة ...

..
.

الـمـشـاويـر وتـنـاديـنـا أغــانـــي
................. والـزوايـا تشتـعـل مـثـل الـدخـون

والحكـايـا يبتـهـج فـيـهـا زمـانــي
................. كنها الضحكات مـن أعـذب عيـون

والليالـي شفتهـا فــي لــون ثـانـي
................. الحنـان اللـي كساهـا صــار لــون

و المراكب ترتجي حضن الموانـي
................. والبحـر حـارس ويوهبنـا سـكـون

إنتي قربي والحزن منفي .. وفاني
................. والفـرح يهـدم بنـا كــل السـجـون

ادخلـي فينـي لـ بضـعـة ثـوانـي
................. شوفي كيف الكون بعيونـك يكـون

يـاأمـانـي امـلــي الـدنـيـا أمــانــي
................. أرسـلـي كــل الـبـلابـل للـغـصـون
.
.


" تغافلني وأنا بينه وكن الصمت يهرّجنـي
........................ نثرني من جميعي فيه سكبني بلب زوادة "

.


قلتها لك يا محمد وانت في عيني .. أثير
................. قلتها لك يامحمد واحنا فـي أول.. مطـاف

لو تنفسني حبيبي .. ياحبيبي وش يصير
................. يثمر الرمـان فينـي دون موسـم للقطـاف

أشهقـك وآنـا بجـوفـك وآتأنـى بالزفـيـر
................. وآخذ اللي تو زفرته .. وآتغطى به لحاف

كل عصفورٍ سمعنـا .. يامحمـد مـا يطيـر
................. يشرب التغريد منا وهو حـذِر إنـا نخـاف
.
.


يا أماني ..

شوفي وشلون الطريق ..
يلوي أعناقه .. علينا ..
يلعن أضواء المدينة..
ولابتعدنا ما يجينا ..
لكن أطرافه تضيق ...



يا أماني ..

كن هذا الليل صدري ..
.......... وإنتي داخله الظلام


يامحمد ..

هالنجوم تقِل قدري ..
.......... ودي بسود الغمام



ياحبيبة ..

كل هذا الصمت ..مارد ..
يهتف لنا باسم الخجل
اجرحي .. كل الظنون
اقتلي هذا السكون ..
أعلني .. صوت الرعد
أيقضي فيني بلد..
جددي ذاك العهد
ثوري فرحة .. مع أمل
خلي جسمك .. يحتفل

.
..
.

في طريق الكوخ ... نامت الأحزان
في طريق الكوخ .. والفرح بستان
في طريقه .. تضحك الأشيا بعين الساكنين ..
في طريقه يهتدي .. كل الحيارى .. من سنين ..
و كل هالدنيا تزين ..
و كل هالدنيا تزين ..


..
.


" من ذاكرة القلب "

[فهد فالح البلوي]

.
.


السحاب إن مر قربك ...
صارت أنفاسه ملاك

يا هني من فات قلبك ...
وياعذاب اللي هواك

أدري إن القرب مربك ...
" المطر بعضه هلاك "

[فهد فالح البلوي]

.
.


" يا طير يا طاير على حدود الدني
......... لو فيك تحكي للحبايب شو بني "

..

أفتح شبابيك الوصل يمكن يمر
......... من صوبهم وياك شيّ يردني

كل ما لمحتك طاير وقلبك خلي
......... والصبح صبحك داله وبه مهتني :

أحطب من الذكرى سواليف الدفى
.......... والبرد .. قاسي .. لا دفيت يهزني

من بعدهم صارت عيوني فارغة
.......... ضاق المدى والحزن نحوه لمني

..
.

ياطير .. ياطير

[فهد فالح البلوي]

.
.


" يا طير يا طاير على حدود الدني
......... لو فيك تحكي للحبايب شو بني "

..

أفتح شبابيك الوصل يمكن يمر
......... من صوبهم وياك شيّ يردني

كل ما لمحتك طاير وقلبك خلي
......... والصبح صبحك داله وبه مهتني :

أحطب من الذكرى سواليف الدفى
.......... والبرد .. قاسي .. لا دفيت يهزني

من بعدهم صارت عيوني فارغة
.......... ضاق المدى والحزن نحوه لمني

..
.

ياطير .. ياطير

.
.


" ياطير ياطاير على طراف الدني
.......... لو فيك تحكي للحبايب شو بني "

[فهد فالح البلوي]

" وحدة "!!
.
.

قال:ـ صندوق الرسايل ـ وش علامك ؟!
.........................قلت: أدور لي ـ بعد إذنك ـ رسالة!

قال: ما تقرأ وش المكتوب أمامك !!؟
........................ قلت : فارغ . قال: يعني إستحالة !

" لعلي آل شيبان "

..
.

[فهد فالح البلوي]

.
.

هذا القلم .. وانت .. والدفتر
........ اللي بقالي من الخوّة

صار الفضا بدربكم يبحر
......... وآنا اتحايل على نوّه

أنثر له الشوق .. وهو ينثر
.......... " حرمان " .. ياخذني في جوّه
.
.

( كرهت هالليل وآنا اسهر
......... حتى القمر .. شفته مشوه )

[فهد فالح البلوي]

.
.

أذكر .. ذات غروب
كان الخوف .. كل ما استطعت فعله .. وكان الصمت .. كل مااستطعت .. قوله
الشمس يهدنها الجمال على اريكة .. الأفق .. كانت تنظر إلينا بعطف " عرفت الآن مغزاه "
قالت لي حينها : أعدني من أمام عينيك .. إلى قلبك " وصمتت "
تبسمتُ لأني .. عرفت الآن أن اليرقة لم تشعر بالبرد .. إلا بعد أن طارت كفراشة جميلة

.
.




وآتمــادى فـي غزلها ... واتمادى في السـكوت
ويضطرب صوتي لخجلها ... مـدري يحيى أو يموت
تنحــــني ذكراي الها ... ويُخـتزل بشـفاي توت
" صورةٍ " يرجـف لـ جلها ... صـدر واعجـاز البيوت

[فهد فالح البلوي]

.

وحده الشارع .. يأخذني معه في هذا النهار
أشعر وكأن المباني .. تسيل خلفنا
والشمس .. تذيب الذكريات على الأرصفة
مرت سنين .. منذ مررت من هنا " آخر مره "
الآن .. أدركت حجم الفقد
لا يعرفني .. غير هذا الشارع
وبعض المباني ... والشمس
كتل الأسمنت .. تافهة
والأشجار أنهكها الجفاف ..
بقيت جذوعها .. والذكريات
أتجه إلى جدار بيتنا " السابق "
وأسمعه .. يسأل عن الغريب القادم
عندها .. أدركت حجم الفقد
أعود باتجاه .. الأمل .. من أعرفهم
أسلم عليهم ..
وجوههم بدت وكأني أراها لأول مرة
كانت أكثر شحوباً .. وسمرة
انهكني التعب ...

[فهد فالح البلوي]

.
.
استحاله ..
القى ما يجبر بعادك .. استحاله
هذا قلبي .. حاير وبالحيل حالته .. حاله

والدقايق تلسع اللحظات فيني
اذكريني .. كل ما شفتي كفوفك
وامسحي خدك بها ..
ما هو مرة قلت لك : أحبها !!

واذكريني .. لا بدا بالحيل خوفك
الدقايق .. تلسع اللحظات فيني

يا حبيبي : لا تعاتب لما ما أرسل رسالة
" استحاله القى ما يجبر بعادك .. استحاله "

[فهد فالح البلوي]

http://www.leonardoda-vinci.org/Prisoner.jpg
.
.

لله .. بعض الفرح .. لله
خانتني عزومي
وصار الألم .. يومي
وازريت أصيح بـ آآه

أقطف من الذاكرة ..
حلم .. بيت .. وساحرة
و" عبث " أطرد ورا الأطفال
أبي ضحكة .. أعيش ابها بقايا العمر ..
لكن تحرمني الأغلال !!

لله .. بعض الفرح ..لله ..

[فهد فالح البلوي]

.
.

"صدقني لو بقدراتحمل عذابك .... ما كنت فليت "

http://www.youtube.com/watch?v=Ol-DS4uK1JQ