صمت الحرف [الأرشيف] - منتديات أبعاد أدبية

عواد سحل

11-23-2008, 04:48 PM

وقفت كل الاماني واستدار=واقعٍ نبكي على شانه كثير
دام صمت الحرف هو اول قرار=وش يفيد العلم بالعقل الضرير
وش يفيد الحلم لنشق الستار=وابتدى ليلٍ بداياته سعير
وش يفيد اعدادنا كثر الحجار=وارض بغدادٍ وغزه تستجير
من عدوٍ ماعشق غير الدمار=والهدف يقضي على اسلامٍ كسير
حول مية عام مانملك خيار=والحمام سلاحنا يخشى المطير
اليهود يلبسونا ثوب عار=وحنا بيدينا نلبسهم حرير
كيف نزرع خير ولانجني ثمار=ونتمادى نزرعه برض الحقير
ياكفوف الازمنه فكي الحصار=لجل يحيى القلب ويعود الضمير
ولجل يرجع واقعٍ عنا استدار=واقعٍ سيفه على اعداءه شطير

ناصر حطاب الدهمشي

11-23-2008, 04:53 PM

وش يفيد الحلم لـنْشق الستار
000000000 و إبتدى ليل ٍ بداياته سعير

و أنا أقول :

يا عسى وجه الليالي للدمار
________ كانها ما علّمت حلمك يطير

أبو عبدالله .. طبعاً سالفة معزتك و حبي لنصوصك هذي فارغين منها ..:)
لذلك أقول لك بالصوت العالي : ياخوي ترى غيااااااااابك مُرهِق بالله لا تغيب ..
و قل لأبو وليد و لأبو خالد يقول لكم ناصر وينكم عن أبعاد..؟ وإلا مالنا خاطر !
وبلِّغهم سلامي ..

دمَّك
.
.
ناصر الدهمشي

سامي بافقيه

11-23-2008, 08:43 PM

سجل اعجابي وتقديري لك
كلمات كما المطر

كل الود

العنود العساف

11-24-2008, 05:23 AM

عواد بن سحل

لاحرفْ يصفْ الجمآآلْ..
ولاغريب ياموطنه..

ودي \..

فيصل الفهد الحنيان

11-24-2008, 05:53 AM

الله الله عليك ..

تتحفنا بهذا النـص الجميل

يرتقي الى الذائقه بكل سهوله ..

صح لسانك ..

تحياتي

محمد السالم

11-24-2008, 08:02 AM

أي والله ياعواد

خصوصا في هذه الأيام

من يرى أحوال أهل غزة

حسبنا الله ونعم الوكيل

جُمان

11-24-2008, 10:43 AM

عواد سَحل ..

كِتابَةُ الشِّعر بالنِّسبةِ له شَيءٌ أشبه بالسَّفر مِن غيمةٍ إلى غَيمة
ومِن كونٍ إلى آخر ..
يُعري واقِعنا المُوجِع والموجوع ويُلقِيه في طُرقاتِنا

رائع جِداً يا عَواد

.

.

عواد سحل

11-28-2008, 03:34 PM

وش يفيد الحلم لـنْشق الستار
000000000 و إبتدى ليل ٍ بداياته سعير

و أنا أقول :

يا عسى وجه الليالي للدمار
________ كانها ما علّمت حلمك يطير

أبو عبدالله .. طبعاً سالفة معزتك و حبي لنصوصك هذي فارغين منها ..:)
لذلك أقول لك بالصوت العالي : ياخوي ترى غيااااااااابك مُرهِق بالله لا تغيب ..
و قل لأبو وليد و لأبو خالد يقول لكم ناصر وينكم عن أبعاد..؟ وإلا مالنا خاطر !
وبلِّغهم سلامي ..

دمَّك
.
.
ناصر الدهمشي

ناصر حطاب

وانا اقول

نور ردك ياصديقي بختصار=هو وسامٍ افتخربه يا الامير

والله مشتاق لك وسلامك وصل الى ابو خالد وابو وليد

ومشتاقين لك يا قاطع

........وين اذعار من شارك بشاعر المليون ماشفته

اذا شفته سلملي عليه وقله
لا راح عقلي وش بقى من معالم= ابقى بشر معتوه مجنون مسكين

دمت بخير

خالد شجاع

11-29-2008, 05:54 AM

عواد سحل
هلا بالشعر والفطرة الشعرية:)
بالمناسبة البيت الثاني
مدري أقول قصيدة لحاله
أو أقول درس في علم النفس
أو أقول درس في السياسة
اللي باقوله إنك جزل
وجزل

فهد الغبين

11-29-2008, 07:40 AM

الغالي عواد

صح السانك ولاهنت يالغالي

دمت بود

رائد خليف العنزي

11-29-2008, 07:37 PM

ابو عبدالله

ياحيي الحضور وياحيي حرفك

صح حرفك ولاهان منطوقك

مغليك

عواد سحل

12-01-2008, 10:56 PM

سجل اعجابي وتقديري لك
كلمات كما المطر

كل الود

سامي بافقيه

لك الشكر والتقدير لمرورك الجميل

دمت بخير