كل مطرود __ ملحوق

[هيكل الشمري]

الهم = الصاحب اللي ثقيلٍ على المعده (: والعكس صحيح

الهم خاواني وصرنا رفاقه = حتى مكانه بالحشا صار مرموق
ميانته وياي فيها حماقه = وليا شره جاني يدوّر على حقوق
وليا تصنع في كلامه طلاقه = وليا تلكع مثل دلال في سوق
استغفر الله في كلامه بساقه = ولاكنه الا الضيقة الخلق مخلوق
اركيتله بالصبر ارجا فراقه = واثره مع الايام يزداد لي شوق
اركى على قلبي ولابه شفاقه = يسفط لي الاحزان ويسوقهن سوق
وليانشدت الشعر ياتي بطفاقه = وليا لفى جاني مع كل طاروق
يصور الاشواق حسب اشتياقه = وان حب شخصٍ ومدحه طيره فوق
من لزقته طلعلنا اليوم ساقه = طبق علينا كل مطرود ملحوق
مذكر تعب من زود مابه لياقه = عن وجهته انبوق ارواحنا بوق
ماعاد في صبري على الهم طاقه = ياكيف اطيق الصبر لاصرت مخنوق

[خالد شجاع]

هيكل الشمري
تصدق يا هيكل
والله يا هو نشبه هالهم
ما معك صبر هو وراك وراك :)
بس والله انّك ضبط التصوير
صرت كنّي أعرف همّك
جزل و جزل

[هيكل الشمري]

صح الله بدنك يابو شجاع شرفني مرورك وتعليقك على القصيده

وللايضاح هذي القصيده مثل ماتقول ارصيعيه لواحدٍ نشبه وانت فطنتني لكي اوضح الملامح ورحت حطيت قبل القصيده معادله واشكرك لتنبيهي

[جُمان]

هيكل الشّمري ..

أبعد الله عنك كُل همّ ../ وأبدلك مكانَهُ فرجاً وفَرحا

قصيدة مُحكمة السّبكِ والحبك
قيّدتها بِحبل الشعر ../ وقَندلت الجَمال بين قافيَتيها

شُكراً وأكثر

.

.

[وليد الفالح]

هيكل الشمري
حضور رائع ونص مميز كالعاده
سعيد بعودتك لأبعادك
تقديري

[فيصل الحلبوص]

ما أكثر الهم يا هيكل



في كل مكان يوجد هم




نص جميل



محبتي لك

[ناصر حطاب الدهمشي]

أركـى على قلبي و لا بـه شفاقه
_____________ يسفط على الأحزان و يسوقهن سوق

عزَّاه يا هيكل .. وصف دقيق
الجميل بالأمر أنَّك بدأت أول الشطرين بكلمتين كل واحدة منهما
قادرة على جعلنا نعيش الحالة و نندمج فيها ..
شاعر قدير ومتمكن يا هيكل.. رائع يا صديقي رائع
و الله لا يجيب الهم :)
فقط لا تغِب وأتمنى أن أراك بشكل دائم هـُـنا

أخوك
.
.
ناصر الدهمشي