ما أرسله ُ شعراء أبعاد للجنة شاعر المليون من دُرر

[أكرم التلاوي]

السلام عليكم ورحمة الله وبركاته

تقبل الله طاعتكم وعيدكم مـُبارك إن شاء الله

بعد أن طارت الطيور بأرزاقها وتم إظهار قائمة الـ/ 100 شاعر والتي سبقها تفشي أسماء الـ/ 48 شاعر الذين تم إختيارهم في برنامج شاعر المليون ليكونوا في البث المباشر من الحلقات في شاطيء الراحه في الخميس المقبل , كان لا بـُد لي من إستخراج الدُرر من أصداف الشعراء الأبعاديين الذين شاركوا , فالدره قيمتها الحقيقيه حين تـُستخرج , سيكون لهذا المتصفح شرف نشر قصائد شعراء أبعاد التي أرسلوها للجنه بعد إجازتهم عبر البريد الإلكتروني أو الفاكس , وهي عباره عن نصين لكل شاعر تمت إجازته , سنحتفي بهذه ِ النصوص الجميله هنا وننهل الشعر من أحاسيسهم الماطره والعاطره .

[أكرم التلاوي]

سأبدأ بالشاعر العذب خالد صالح الحربي
والذي أرسل نصين فيهما من الدهشه ما يجعل حديث البـُكم ْ أو إبصار العـُميّ أمرا ً عاديا ً جدا ً !!


النص الأول ( وداد )


فناجيلك تغنّي لك فنا.. جيلك= ضريبة كونك المركون في رفّه
كذا يعني تنادي لك مناديلك= على بُعد انكسار الضوء من ضِفّه
إذا كلّك على بعضك تفاصيلك= أمانة شوف عُمري الناقص وْوَفّه
هِنا كنت أقتبس بلّور قنديلك= وهِناك المبتئس بالنور من عِفّه
هِنا كنت أكتبك وآعيد ترتيلك= وهِنا كنت أشطبك وآعيدك بْخِفّه
معي بالذاكرة ليلين من ليلك= شِف اللي ودّك مْن الماضي تْلفّه
أناجيلك قرتني قبل ماآجيلك= على جُنْح الخيال ورفرفة: زَفّه
وداد : ولا مداي إلا مداهيلك= وداد : الأمتداد لـْ ترجح الكفّه
معك ما للمساء إلا يغنّي لك= ومعي هذا الغِنا ماينبس بشِفّه
طريقي ريقي اللي مايودّي لك= نشَف ريق انعتاقه دون ماتْحفّه
وش أحكي لك وأنا اللي كل ماأحكي لك= أضيّع هَـ الكلام المُتْعَب بْـ..صَفّه
بلاش من الحكي بآقول: كلّي لك= وأباأركن كل هذا الكون في رُفّه



النص الثاني ( جبهة أمي )


يمّه..من..الجوع..والحرمان..والغربة..=والراابع../.اللي..لبسته..مسلم..وكاافر..!!

إن..شفتي..إن..(الجفااف)..يهيم..بالتربة..=وإن..شفتي ..إنّ..(الزفااف)..يودّع..مساافر..!!

وإن..شفتي..الجرح..أكبر..من..مدى..حربه..=وإن..شفتي. .الأرض..صدري..والشقا..حاافر..!!

وإن..شفتي..إن..الرضا..من..وجهك..أفخر..به..= قولي..رضيت../.. وتحرّي..رجعتي..ظاافر..!!

أنا..مساافر../.ودربي..من..يساافر..به..=يلقى..به..الشوك..ياانع../.والأسا..واافر..!!

مخلوق..من..فقر../.لكن..حبّك..أتجرْ..به..=ومخلوق..مُذنب../..ولكن..خاالقه..غاافـر..

أنتي..همومي..وهمّي..ينقلع..سربه..= لا..صرتي..أغلى..همومي..،مااعدا..ناافر..

قدّاامي..البحر..ليه..البحر..ماابحر..به..=بـَ..أدوّ ر..الحلم../..متجاااذب..ومتناافر..

يااجبهة..أمّي..وش..اللي..بس..أفكّر..به..=وانا..آته جّا..بك../.المسفر..من..السااافر..
لا..الليل..ليلي../.ولا..به..ماآتعذّر..به..=من..شااهق..الليل..لآخر..ل يلي..الزااافر..

حبٍّ..مـَ.هو..حبّ..أُمّي..ليه..مـَ.أكفر..به..؟!= ويا..ليته..الموت..يااتيني../.. وأنا..كااافر..!!


خالد صالح الحربي

[أكرم التلاوي]

والآن مع قصائد الشاعر الجميل شعرا ً وخُلقا ً فيصل بن سبيل الباهلي
والذي أرسل نصان يـُذيبان الجليد بدفئهما ويظللان الشمس بفيئهما !!


النص الأول ( فرحه وترحه )


تعاظم داخلي طفل القلق واندثرت الضحكات = زفير الآه من جوفي تفرعن عقب مارحتي

تعالي واطلعي من هالشقا واغتالي الحسرات= رجعتي للأسى بنفسك ! ترى والله مافلحتي

أنا من قبل متفائل واراعي بالهوى هقوات=أخايل برق وجدانك بشعري كل ما لحتي

أركّد عجة همومك واخمد ثورة الآهات= اسري هاجسي واملى بيوت الشعر لانحتي

أنادي لك على حبي دعيتك للأمن مرات =يصبك حزنك لغيرك والمّك كل ماسحتي

أراعي وضعك بحرفي / أدور بالهوى غمزات =وسرّ النفس ترميزك , كفيتك يوم لمحتي

عطيتك صورة ٍ عني من دروب الشعر بابيات=قريتي كتاب تفكيري وبالإعجاب صـرحتي

تعمدت أحفر لقلبك بحرفي وانشر الطيحات = أبي تطيحين في حبي واحمد الله معي طحتي

فرحت بجيتك راغب , طردت الهم والضيقات = وبشّرت الـوله فيني بعـد ما بالغلا بحتي

رسمت البسمة بوجهك دقايق تشبه اللحظات= رجعتي لليلك الدامس بعد ما زال واصبحتي

عقب هذا التعب ثرتي علي بفجئة اللوعات = جعلتي واقعي حلم ٍ تبعثر يـوم إنـزحتي

تحسفتي على عرفي وخفتي من عصا الشرهات = مـا بين إبعادي وقربي زفرتي الآه ثم صحتي

ضميراً ينصحك عني أشوفه هادم اللذات = تـراك بصدتك هذي عن الحساد نافحتي

سنة وانتي وانا نسعى أخذ منا الوصل أوقات= ولا كـن التعب صابك نسيتي يوم كـافحتي

كأنك ضايعة وكني وطن ومغازلي لوحات =مشيتي لين جيتيني نصيتيني وجنحتي

أنا ونفسك تألمنا علينا من التعب لمحات = تماديتي علينا بالأسى يـابنت وابرحتي

تقولين: ابتر الغيبة أو إني أبتر الطلات =وانا أقول بألم : راضي بوضعك لو راوحتي

طلبتك حققي حلم ٍ صدق ياغايتي بالذات =دخيلك إرجعي دامك معي بالحيل إرتحتي

أنا واللي خلق ذاتك أحبك واتبعك بإسكات = ( فرحت بجيتك ) لكن ( بكيتك عقب مارحتي )





النص الثاني ( مأجور )


سجين القزاز اللي عن الفضفضة محظور= أنــا كني الـزاير لعين ٍ تطالبني

أنا لي ثلاثة أيام في ضيقتي محشور=كأن الترح حالف علي ما يجنبني


على قطعة ٍ مني شحب وجهي المسرور= ولا عــاد شي ٍ بالوناسات يطربني


أدور على نفسي كأني ببلد مهجور= جميع الأمـاكن للأسف ماتناسبني

أحس القلق بحر ٍ وانا داخله مغمور= من اللي بشهقات المواجع تكهربني


تونّ وتصيح وتشتكي بنظرة المحسور= تترجـم ألمها في دمـوع ٍ تخاطبني


تعبر عن اللي لاعها بزفرة المقهور= تـوجع واطالعها ونفسي تعـاتبني


تلاشى الفرح من وجهها وانطفى به نور= طرد حـزنها من قلبها شيّ يعجبني


أشوف الألم بعيونها ساطي ومسعور= وكـل شهقة ٍ منها ضميري يأنبني


تشفّق تكلم تشتكي لي وانا معذور= ويزيد الاسى لامن بكت زود ترهبني


على بالها مادري وانا خاطري مكسور=أيا ويـل حـالي في شقاها تعذبني


أنا كيف أعلمها وهي ام ثمان شهور= تشرقـني بعـبرة وعـبرة تغـربـني



أبقرا لها حزني وابشرح لها المشعور= وشفت الدموع اصدق تعابير تكتبني


أجاوب شقاها بالبكا واكشف المستور= عسى بدمعتي تقرا غلاها وتجاوبني


توضحني العبرة ويعرِبني المنثور= قسم يامعاناتك وانا ابوك تتعبني



ترى مايحبطني حكي لا ولا الدكتور= لي اللي إلى كبْرَت علي مايخيبني


دعيت الرحيم المقتدر معتق المأسور= عليه اشكي ظروف ٍ تجور وتحاربني



عسى الله يشافيها وراعي الصبر مأجور=ولا احد ٍ على عَلّ المحاجر يحاسبني




فيصل بن سبيل الباهلي

[أكرم التلاوي]

ومع الشاعر الباسق شعرا ً والماطر سحرا ً عبد العزيز المالكي
والذي إن كتب حول الحِبر إلى بَحر والورق إلى غَرق حيث ُ لا أيدي لأطواق النجاه تـُساعد على النجاه من هذا الموج الذي يـُبتلعك حُبا ً لا كرها !!


النص الأول ( برد التشرد )



شاعر /. تِغرد /. جوف صدره سكـاكين=بَرْد التشـرد /. في ./ شـوارع مدينه

أَنْحَتْ على ./. رمل الأمـاكن /. ذِرَاعَين= وَاْحطب/. من أضغـاث التمـني غبينه

صوتي /. تلاوة صوت /. في نبرة آمين=موتي /. وطن /. سور المقابر يدينه

صليت /. في مفـرق /. دعـاء المعزين= دافي ../. بلون أَغْمَـاضَة اليـاسمينه

شفني /. أقـول : الليـل حـائط محبين= شفني ألون فـ ./ الفضـا لي سكينه

أركض ورى /. تَكّ /. المطر يابس العين= وأنفض غبار الفقد عن وجد/. طينه !!

كان العطش عصفور /. نبت المسـاكين=وأمي خشوع السجـدتين /. الحـزينه

أعلك سواك أصحـاب تبغ ./. ورياحين= في دفتر أوجـاع ./. القلم /. ظل أنينه

الدرب تُربه ./. سلك شائك ./. وتخمين= والبحر /. نَاسِك ./. في شراع السفينه

شفني /. أجر أذيال حلمي على وين ؟!=ضايق /. أجوب الليل /. وأسكن عرينه

عالق وروحي فـ/. الحطب بين فاسين=شف لي ./. وطن وأغفو بحنطة حنينه

حاصل ./عذوق الغيم /. ما جاب وافين=والمـوت /. في بحة رجائي /. غبينه

ما هي غريبة لا أنطفى فـ .يدي اللين= قل للورق /. شاعرك ./ سافه سنينه




النص الثاني ( فيّة الليمون )



ألم .. وأجمع .. ورق تُوت الأمل من طيفـك المطحـون=عِتَاب .. وطفلتين .. أوصت حِزن قلبي على الصوره
أَخِيْط .. أشلاء ذاكرتي .. وتهمس فَـيَّـة الليـمـون=لصمت الأرض.. يا حِزني .. ضميت أوقات ممطوره
مواسم .. هالعُمر شَتَّت .. دُجَـا قيلـولـة المغـبـون=أما ننسى .. رماح الشوق .. بيوت أبواب مهجوره
لِمَ نحن الضحية .. في زمن .. يَلْعن أبو المطعون .؟=لِمَ ذيك الدُمى .. أرحم على قلـبي مـن شعوره .؟
بربك .. ما خِجِل خنجر فراقـك .. من نزيف أمتون=أو أنه .! هـ النزيف .. أحتاج لك دمه .. ومعسوره
أمانه .. ما حرق قلبـك .. ضياع . . وكركبات عيون=وكلمه / . من شِفَات الحب تموت حروف مقهـوره
هذيك .. أدروب .. قلب .. ومحتري ينثر لك المكنون= زرع رمضا .. كراريس المكـان اسمك رمق نوره
شفـق .. أستنشق إحساس الأرق من طينة الآتون=عذاب أسرى .. تهذري في سجون أمري ومـعذوره
اطمّن .. جرحي الأوحد .. ويتكدس سمـار الـكون=أعّلق .. وجهي الأكْئَب .. على مراياتي .. مكسوره
اكتّب .. حلمي .. أو اشطب .. اكون لطعنتك ممنون=أَكَم .. أيقظني .. ياعمري .. بكاء .. أيتام مذعوره
عيـون الآرق .. الحالم .. أغاني دمعنات .. ونون= شرود التايه . . الوارق . . من الذكرى بنا سـوره
أحبـك .. كيفمـا أُتقن شعور الصارخ .. المضمون=وأحبك . . كثر ما تثمل .. سنابل صبح .. مغروره
وأحبـك كثر ما أسمك .. تطفّل في زهر .. ومزون=لأني .. ما عرفت أعرف .. سوى حبك على جوره
بنـادم .. وأدري آخـرتي تراب .. ويجتمع مقفون= ولكني .. وشمت اسمك .. على ضلعين . . مأسـوره
حكـاية جهل .. سميها .. أهم أشيـائي لين أتكون=بواسل طعنتك . . أطعـم من التفـاح .. وخـمـوره
أشقق هالورق .. مدري .. مَدَر حظي تشقق لون=وذكرى .. ما تنام إلا .. ما بين أحضـان مبتـوره
أضيعني .. على الشارع رصيف الممتلي .. باكون=اَطل اَسْتَسْرق . . أخبارك من الشّبـاك .. وسطـوره
وتلفحني .. هبوب أنك .. هجرتيني عبث .. وجنون=الين أنزف بعض مني .. بصر عينـي .. ومذخـوره
يا أنتي .. والبصيص اللي دمنته .. بغية أن تأتون= سما . . وإلا .. خطا .. وإلا .. أحد يغتـالنـي زوره
سريتي بدمي .. بعروقي سحابه وطيفك المطحون=تملّق .. ظلي يتأنق . . على الجدران .. والـصـوره
هموم البارحه .. شعري .. وزدتي كسرتين ودون=غموض .. وحزني الشاعر .. وجرحي كان طبشـوره
أقـدّم خطوة .. واتعلثم .. أمني قلبي .. بالعاطون= صراخ /. وآهتين أخرس / وامـاكن حلم مقـبـوره
وأضيّع .. للأمل طفلٍ .. تمـرّغ في عجاج عيون=تنفسبك /. الين اضحى ./. رمـاد آمـال /. مطموره


عبد العزيز المالكي

[أكرم التلاوي]

حين ترى الأبجديه مـُضيئه كالقناديل أو لأكون أكثر إنصافا ً كالشموس المتوهجه وترى الشعر يتصبب من جبين اللغه فكـُن على ثقه بأنك تقرأ لـــ ناصر بن حسين
هذا الشاعر الذي يـَجذب أطراف الوسيعه من تلابيبها بشطر من الشعر , ليعود ويطلق سراحها بالشطر الآخر من ذات البيت , أرسل نصين رائعين للجنه عبر البريد الإلكتروني , وأنا أجزم هُنا أن هذين النصين لم يصلا للجنه عبر ذلك البريد , فمهما كانت سِعته ُ فهو عاجز بكل تأكيد أن يحمل كل هذا الكم من الأحاسيس , فقصيدتاه كانتا تحملا الوطن بكل ما فيه , وتخيلوا حجم الوطن والذي لا يُـقاس بمساحته لدى ناصر بل يـُقاس بمحبته في قلبه وكم هي َ كبيره !!


النص الأول ( أمانه يا وطن صِح به )


انا والليل وسهيل اليماني .... مع نكادة ( حال ) !=حيارى ، ننسج خيوط السهر ، نتوشح الغربه !

يمر الوقت ماسك في يديه إمن الوله ..... أطفال ،= ألاقيني امامه .. ودي أحكي : ثم أغرر .. به !

يقولون : الوفا وإن ذبلت اغصان العمر / لازال != وأقول : آنآ وفائي للوطن ( حُكامه .. وشعبه )

بلادي ، ياصباحات الحنين المكتسي ، بــ آمال != بلادي ، يامساءات الحلوم ( الندّر ) . العذبه !

بلادي : سنديانة ، تشبع أصدور المكان / إظلال != بلادي : شمعدانه إرتمت في حضنها ( عشبه )

بلادي : لحن ، أنشوده ، ترانيم ، ومطر همّال != بلادي : نور ، نوير ، ونوافير ، وسُبُل رحبه ،

بلادي : شمس حاكت من تجاعيد الفيافي ، شال != بلادي : غيم : ذاب الزهر في ديمومه وسكبه !

بلادي ، ( أب ) روحه سلسبيل ومنكبيه / جبال != بلادي ، ( أم ) كفيها الغيوم ، وحضنها التربه !

بلادي يابلادي ياااااااااا بلادي .. والهموم إثقال != بلادي ، وأبتعد طفلك وضاق ، ومالقى / لعبه ؟

بلادي ، وإنهمر من شمع عينه دمعتين .. وقال := كبيرة حسرة إللي مغترب ياموطني ، ( صعبه )

على جالك غفى طفلٍ صحى من داخله ... رجال != جمع لك شوق وأخفى أمنياته ، في وسط عِبه !

رفع لك رايته واستوطنت فكره ( بعض أطلال ) != قبل : ماتضوي اشموع الطفوله ، ناصية دربه !

تغذآ حبك .. وصار الولاء إفـ هيئته .. ( تمثال ) != يضم الصدر ... ويسيل الغرام . ويرتوي قلبه !

بنى من لهفة أنفاسه ( أمل ) .. متخالطٍ برمال != وتمتم له ضميره [ شب نفسك ] . وإبتدا شبه !

بلادي : مو حرام اللي يحبك ، يلعق / الترحال ؟= بعد ماهو لقى في ( نون عينك ) زاده / وشربه

تمنى ينفض إغبار .. الظروف القاسيه : مااحتال= عسى شرقه يشيل إفلول حزنه عن وجه غربه !

يمين الله .. مامال الغلا لك ... لو يميل / عقال !=عدد من طاف .. ببلاد الحرم ... وأستقبل الكعبه !

مدام الهم فاض ومالقى له .. في بحوره : جال != أجل : وش خانته ( جالٍ ) بكت من غيبته / غبه !

يجوز الوقت ( يرحم ) من تغشّاه الصبر وإن طال= ولكن ياترى .. لو مات ( صبره ) قلي إش ذنبه !

جسد .. ضاقت به كتوف اللقا واستنزف التفصال=مناته ( رجعته لأرضك ) أمانه ياوطن صح / به ،





النص الثاني ( لله .. حِن )


( مِحتَآجْ لِكْ وآلحَآجه .. اُم الإختِرآع )= مِحتآجْ لكْ وآلإختِرآعْ آغلَى .. وَطنْ !

جِيتِكْ مِنْ آلمَنفىْ وآدَوِر فِيكْ / قَآعْ=شَآعِر وفِيْ صَدرَه مِنْ آلخِيبآتْ / طِنْ

شِفنْي آرُشْ آلصَمتْ وآتنَفسْ ضَيآع= يآمآ تِعبْت آمَلآ تِشآعِيبِيْ .... حِزِنْ !

يآصَآحِبيْ .. وآلِليلْ نِجمآتهْ .. جِيآعْ = مآمرهآ صُبحكْ مَعهْ كِسرةْ ( شِجنْ ) !

مَلِيتْ آذِر آلشُوقْ وآسَقِيهْ / إلتِيآعْ != غُصنِيْ يِبَسْ وآنآ عَلىْ رَجوىْ مِزنْ

فِيْ غِيبتَكْ شُوفهْ غَدىْ حِزنِيْ : ذِرآع= تِستَعذِبْ إخنآقِيْ وآنآ يآكُود : آئِن !

صُبْ آلوَصِلْ وإروِيْ مَسآمآتيْ شِعآع= هِزْ آلجفآ .. زَعزِعْ مِنْ آركَآنه رُكنْ

شَمعِيْ بِكىْ ظِله غَفآ وآلضَيْ مآع= شآخْ آلسَهر وآلنُومْ مآضفَه ( جِفنْ )

هَآتِكْ مَعكْ صُبكْ فِي كَآسِيْ بإندفآع=بتَغَرغَركْ ، وآحِييْ جِسد بَعدكْ وَهنْ

إلحَقْ عَليْ ، رَتِبنيْ قَدر آلمُستَطآع=جِبْ لِيْ صَبرْ ، آو خَلنِيْ للـ آه أكِنْ

آلمُوتْ لَوْ .. أبحَرتْ وبليآ [ شِرآع ] = وأرسِيْ ولآألقآك .. وآتصَببْ غِبنْ !

( مِحتَآجْ لِكْ وآلحَآجه .. اُم الإختِرآع )= لآقِلتْ آنآ مِحتآج لِكْ : لِله .. حِنْ !




ناصر بن حسين

[صالح العرجان]

أكرم

كريم أنت حد البذخ في عطاء الأغنياء نهار العيد

نصوص تضاهي السماء
http://ro7elb7r.jeeran.com/ثَغْرٍ%20الوٍُرٍٍدِ.gif

[أكرم التلاوي]

والآن مع الشاعر الجميل الذي أبدع من الشوق حمامه زاجله تـبث عبراته ووناته واحتدام المحبه داخل خلجات صدره إلى الغائبه , ليثبت لنا أن الأحاسيس الجميله لا زالت باقيه رغم شـُح الكثير من القلوب وقحطها عبد الله سماح المجلاد
كان قد أرسل هذين النصين الممتلئين عشقا ً نقتات به وورقا ً نتفيء فيه , ولكن هذا الورق مختلف عن كل الأوراق , إذ هو من يحمل أغصانه لا العكس والجميل في الأمر أن نصي عبد الله لم يكونا معنونان , لثقته بأن قصائده هي العناويين لكل الجمال !!


النص الأول (ــــــــ )


أنا إلى غنّـت الورقـا بصـدري طِربـت=ورددت معهـا اغنيـة حزنـي وغنيتـهـا
وان ضقت من صوتها المملي شجن واكتئبت=جمعت همّـي ورق صفصـاف واهديتهـا
ياذوق ياللي عـن عيـون المولّـع هربـت=الله يجازيـك نــار الـشـوق شبيتـهـا
ياللي بكفّك على صدر المشاعـر ضربـت=عروقي اللـي بفـاس البعـد قصيتهـا
تعبـت والله قليلـه حيـل كلمـة تعـبـت=كـم ونـةٍ مـن سبـب فرقـاك جريتهـا
الله يسامحـك ياكـل الغـلا ليـه غـبـت=الغيـبـه الـلـي بعـمـري ماتمنيتـهـا
وابعدت في ساعـةٍ فيهـا كثيـر اقتربـت=من روحي اللـي بوقـتٍ فـات ضميتهـا
وتركتني في متاهـات الرجـا وانسحبـت=ترقبـك عيـنٍ علـى الميهـاف خليتـهـا
يستوطن الحزن فيها من غـلاك وسكبـت=المزنـه اللـي علـى فـرقـاك هليتـهـا
شوك الوجع نابتٍ في تربـة الـروح نبـت=مَا كِـنّـه الاّ صغـيـرة ســن ربيتـهـا
ياذنبـي المستمـرّ ومَـا بَعَـد مَنْـه تِبْـت=يالضيقـه اللـي عـن الحسّـاد داريتـهـا
ياللي ثِبَتْ خَنْجَرَكْ في بيدر الـروح ثبـت=يالعبـره اللـي بجـوف الجـوف كنيتهـا
يالموطن اللي سِكَنْتِـه ثـم فيـه اغتربـت=يالفتنـه اللـي مـن أهـل الأرض حبيتهـا
يالمترف اللـي بليـا وجـه حـقٍ سلبـت=عـروق قلـبٍ علـى يمـنـاك لفيتـهـا
أسقيتني نشـوة الحـب العفيـف وشربـت=كاسـات عشـقٍ ببيـر الـروح صبيتـهـا
ياموجع القلـب قلـي ليـه بـس احتجبـت=عن عينـي اللـي علـى قمـراك سرّيتهـا
العيب ماهـو مـن الأيـام جمعـه وسبـت=العيـب بالصـدّه اللـي ظلـم صديتـهـا
ياسيد الاحباب من تلويـع الاشـواق شبـت=ياكثـر بيـضٍ بشعـر الـراس عديتـهـا
وان قلت لك ذبت من نار الغلا مـا كذبـت=ناظر عيوني مـن البُعْـد انخـرب بيتهـا
ولولا عيونك وصدق الحـب لـك ماكتبـت=قصايـدٍ ذاع بيـن اهـل الغـلا صيتها



النص الثاني ( ـــــــ )


حبيبي جيت طيف وسولف السان الْوَلَهْ واطـراك=وبدت قصة غيابـك تَبْنِشْ جروحي وتدميني
وانا اللي كل ماحاولت نسيانـك عجـزت انسـاك=لأنك مثـل روحـي بالجسـد والـروح تحيينـي
تصدّق من غلاتك لو ثواني مـا قـدرت أسـلاك=أنا و شلون ا بَسْلاَ وآنـت كلّـك عايـشٍ فينـي
حبيبي و ين ما لـدّ ت عيونـي بالنظـر تلقـاك=أشوفك وان قصر عنك النظـر صوتـك ينادينـي
(قمَرْعُمْري)(فِزَعْ ليل الغرام) وروّعه مسـراك=وانا ليل الغرام وبدرك الكامل يضوّيني
فِقَـدْك المجلـس اللـي ضَمّنَا،والباب،والشبـاك=ورصيف الشارع اللي تسلكـه ويديـك بيدينـي
وعيون الدور دا خل حَيّنا اللي كنت فيـه القـاك=تناظرنـي بصمـت وكنهـا تنـوي تحاكيـنـي
يسائلنـي عليـك الشـارع الفرعـي هذاك :وذاك=تنـادي خطوتـك وتقـول للخطوه وحشتيـنـي
وليل البرد في فصل الشتا اللي فيه كنـت ادفـاك=إلى من جيتك ارجف وانـت باهدابـك تغطينـي
حبيبي كل هذا اللي ذِكَرْتَـه جزء من ذكـراك=بربـك عـاد كيـف ايطاوعـك قلبـك تخلينـي
حبيبي وانت معزوفة غـلاي وخاطـري غنّـاك=أنا غنيت باسمـك أو حـروف اسمـك تغنينـي
يضيق الكون في لحظة زعلك وينفـرج برضـاك=وانا لامن زعلت ازعل معك وارضـاك يرضينـي
كِتَبْتَك ،عشق في دفتر غلاي و كل يـوم اقـراك=ورسمتك طير شوق وعشّـك ابداخـل شرايينـي
ونبت وردالربيع بروض عمري يوم سقت اخطاك=علـى درب المحبـه وابتـدت مابينـك وبينـي
وكثر ما اشْرَبْك شوف بنظرة اعيوني كثر مااظماك=وَلاَ تَرْواك عيني وانت تسكن فـي وطـن عينـي
قسم باللي خذا من غيرك ايات الحـلا واعطـاك=فَلاَ حبيت غيرك يا بشر وانـت اسئـل سنينـي
وانا وشلون احب وكل عرق نابـضٍ بـي جـاك=مسيّر لـك غـرام وطالـعٍ أمـره مـن ايدينـي
وربّي كل مَا مَرّت حروف اسمـي ببـاب اشفـاك=أحِسّـك تقطـف اجمـل ورد بالدنيـا وتهدينـي
فداك اللي مضى لي من عمر واللي بقـى يفـداك=وفداك اللي عَرَفْتَه بالعمـر مـن نـاس غالينـي
تِكَدرني سنينٍ ماضيـه مـن عمـري ابْ(ليّـاك)=وانا فيها بضاعه مـن ألـم والحـزن يشرينـي
أنا قبل التقي بك والتعاسـه مـن هنـا وهنـاك=تحاصرنـي بليـلٍ يسكـب الوحشـه ويسقينـي
أنا عمري لقيتـه يـوم عانـق مركبـي مينـاك=ومعك عشت السرور وديمـة الافـراح تروينـي
أحبك ليه (مدري) بس اعَرْف ان العمـر لـولاك=مجرد حلم ليلـه ضاعـت ابْ(صُبْحِهْ)عناوينـي



عبد الله سماح المجلاد

[أكرم التلاوي]

سنتابع ......


إبقوا بالقرب

[رضوان الهاشمي]

هذي عيديه..بحجم فاخر...

اشكرك اخوي أكرم نصوص جميله جداا..


وشعراء..
قمّه..



بالتوفيق لهم في هذا المشوار الحافل..

[أكرم التلاوي]

شاعر يـُطرز على صفحات القلوب نقشا ً أندلسيا ً فاخر الطراز , هو يعلم يقينا ً بأنه ُ حين يكتب يخلق من الشعور أجنحة ً تُرفرف في فضائاتنا فقط لتعلمنا الطيران عبد المجيد العِزّه
كان قد أرسل هذين النصين الفاخريين شِعرا ً وفكرا ً , وقد حملا من العتاب الكثير , ولكن لم يكُن كل عتاب / عتاب , فقد إختلف العتابان في مضمونهما ولم يختلف الشعر , فقد كان حاضرا ً في النصيين بأبهى حُلله وكامل بلله .


النص الأول (وضوح )


وش لك بجرح الكرامـه ياكريـم ٍ بالجـروح=شوف حالي كيف صاير من سبايـب فعلتـك
شوف بالي / وش جراله جانـحٍ بـي للنـزوح=ولاخفوقك منتبه لي / ولانت جـارح فلتـك
للأسف ماهو يهمك / قمت أفـرح أو انـوح=كني الا شخص عابـر فـي محطـة رحلتـك
لنت راضي تلتفت لي / ولنـت تاركنـي اروح=وش تبي لاصار كلي ( منتهي ) فـي جملتـك ؟
وش لك بإجحاف شخص ٍعيبه الفاضح وضوح=شوف كم مره .. تقهويه الحثل مـن دلتـك !
وش تبي دام المشاعر أصبحت عنـدك مـزوح=يا تجي كلك والا / عش فـي غبـة غفلتـك
لي متى وأنا أرقّع/ بالخـرق ثـوب الطمـوح=وأنت في وحل التهاون غارقٍ لـي / قذلتـك
كنت اصّبر بالوهم قلبٍ على الفرحـه لحـوح=والحقيقه اليوم قلبي / رغبتـه بـك / ملتـك
زدت في غيّك وغـرّك خاطـرٍ دايـم سمـوح=لين عينٍ كنت فيها / طحت منهـا / وخلتـك
والله اني مارخصتك / لين شفتك لي شحـوح=في رضاك وانسجامك / واستمـرت زلتـك
خلني والروح وحده / مابعـد هالـروح روح=ولا تهّون مـن مصابـي / ولاتبيّـن خِلتـك
الله اللي حط لك في قلبي الصـادق صـروح=والله اللي/ لا بغى .. شيّـن محاسـن طلتـك






النص الثاني (مدري)


تقدّم .. وافرز (آمالك) من آلامـك ..=على جال السهر واستفـرد بصـدري
تصرّف في رواسـب عضـة ابهامـك=انا ماعدت قاويها .. ومـن عـذري ..
.. وصلت آخر حدود الياس .. قدامك=ولاحتى .. لحق بعضك على صبـري!
اعاتب .. لني ماقد برت فـي خامـك=ولا فكرت وانـت بمنهجـي تـدري
ولن مالـي بيمْنـك ولالـي بشامـك=سوى .. همٍ كبر .. واستأثـر بعمـري
عطيتـه كـل إلهامـك .. وإلهامـك=خذاني دون ما ادري .. الى .. مدري ..!
دخيل اللي سجدنـا لخشيتـه دامـك=دريت بموقفي .. خلك علـى خبـري
تذّكـر وش دوافـع لحظـة إقدامـك=وهات من القصيد الصافـي العـذري
ولاترتاب لـو افرطـت بإلزامـك !=ترى ماعادت عقول العـرب تغـري!
واسمحلي على ماْ ترتـب (احلامـك)=اخاطب من تجاهـل وضعـه المـزري!
ياهوه .. اشلون ماتخجل من اقلامـك=وانت تعدها فـي نظرتـك كوبـري !
تكفر بالصحيـح وتظهـر اسلامـك=وانت اوضح من الإرهاق ع العبـري !
خنت إعلامك او مـن خـان إلمامـك=في كلتا الحالتيـن الـداء مستشـري
ترّفق .. واستعـذ بالله مـن اوهامـك=واستشعـر امانـة منـبـرٍ فـكـري
مافيه أسهل من انك تِحـرف اقدامـك=ولا اصعب من انك تتجـه دغـري !
رساله غارقـه بالصـدق ل إعلامـك=بعدها .. بعد اذنك بارجـع لشعـري
هلابك كثر ما ذل العرب .. ضامـك=هلابك كثر ماعـزٍ مضـى .. يطـري
كثر ماْ انحبسـت العبـره لإكرامـك=كثر مـاْ تخفـت الدمعـه ورا حبـري
ومدام (احلامك) بتبقى هي (احلامك)=وعد.. لابقى الزمن كله على خبري ..
..ولو خاب الامل وازدادت الآمـك=.. ولو ريح العنا عكس المُنى .. تجري !




عبد المجيد العِزّه

[أكرم التلاوي]

المدرسه العمانيه التي سلكت دربا ً شعريا ً خاصا ً بها وتفرّدت تفردا ً جميلا ً حيث ُ غردت خارج السِرب وأنجبت شعراءا ً وشاعرات مـُختلفين جدا ً , حيث ُ الإختلاف كان فضيله لا رذيله , أنجبت لنا هذه ِ المدرسه الجميله شاعره يـُشار لها ليس فقط بالبنان بل يـُشار لها بالحواس الخمس أصيله المعمري
هذه ِ العازفه المـُحترفه إختارت لها أوتارا ً خاصه بها يعجز الكثيروون على استخدامها دون أن يتركوا النشاز والبلبله إن لمسوها بأصابعهم , فهي حين تعزف .. تعزف بروحها تاركة ً للأصابع مـُهمة التسبيح شعرا ً .

النص الأول (بسملة عـُمر وسنه)


جف الحكي والبارحه كذبت علي رزنامتك=يعني صدق هذا العمر أو بالفعل..ماتت سنه


تحكي القيامه قصّة (ن) ، روحك تفر من كذبتك=مدري علامه هالبلد ،يرجم منافي موطنه


ياما سهى هذا الفجر ، يحسب مواطن سجدتك =يغفر خطاوي هالشعر ، يقرأ قصيدة هيجنه


نادى الملبي فـ السما البسمله ثم ركعتك=من يومها بيتك يلبّي : هالجرح لا ندفنه



منظر يزلزل هالمواجع والأرض من طينتك=تطعن بساتين الوله غفرانها في أزمنه


البسمله ما هي زمن يكتم مواجع ساعتك=البسلمه تغفر ذنب رزنامتك في دوزنه



مهما نفخ هذا الملك ، بوقه يبلور وحشتك=خوفي تسولف للزمن عن جنّـتك والسوسنه


تنسى حكايات الوجع والمقبره ..وجنازتك =هذا الصبر يفهم تراتيل الحزن قبل اعلنه


حتى العمر قرر ينام فـ كوكبه...لا جثّتك=تكتب تواريخ القبر واسمك بـ خطّك تلعنه


حزني يجامل هـ الكفن ، يلوي صحائف توبتك=احفظ قصص خبثك كذا....واللي حفظته اطعنه



لا تنتظر بوحي يجي يشفع نهاية عتمتك=يحشم حدادك والوطن ما تحشمه اي دندنه




حاول تشتت غربتك .. قبل الوطن لا شتتك=يحرق طلاسم ذا الشعر، بيتك وكل ما ترهنه


السالفه تكتم ندا: البسمله ثم نيّتك=هالسالفة ألحانها تعزف ربابه و سلطنه





النص الثاني (عصفور شعري)


أكتب قصيدي والعنا ما كتمته=يا لعنبوه الشعر كانه فضحني !
يا ثرثرة شعر(ن) كذب لا كتبته=لا هو نصف جرحي ولا هو نصفني
هم يحسبونك بالكتابه خنقته=والصدق لا مني كتبته خنقني
أعزف قصيدي وف خفوقي نزفته=وأقتل دموعي بعد ماهي طوتني
وأكتم على حلم(ن) بـ قلبي حلمته=وأصمت وأنا ادري مابه اللي فهمني
أبكي على شعر(ن) بـ قلبي دفنته=وأحبس جروحي لو زماني صفعني
أضحك وهمي ذا بـ صدري لعنته=من هو بقى بعده وما جاء طعني؟
واسكب شعوري في قصيد(ن) حشمته=وأقرأ حروفي بعد ما هي قرتني
والمشكلة عصفور شعري سجنته=لاني لو عتقته صراحه فضحني



أصيله المعمري

[أكرم التلاوي]

تُثمر الحروف في بستانه وتزدهر , ويقطر الشعر من غيمه وينهمر , يشعرنا بقيمة الشعر , ويفتح آفاقا ً واسعه للفكر ثامر الحمدان
بين ثمره ومطره وشعره وفكره علاقات وطيده جدا ً , حيث كـُل منها يكمل الآخر ليطل علينا نصه ُ كإطلالة صباح جميل نتنفس فيه الهواء العليل بعيدا ً عن التلوث

النص الأول (ــــــــ )


أرجوك إشعل شمعة الصمت ساعة=ودي أفكر في خُطى مجتمعنا

ناسٍ تغطيها هموم المجاعة=وناسٍ تغني في مدينة شبعنا

الأرض تاجر والبشر ذي بضاعة=والقبر علبة فاخرة لا وضعنا

الروح ثقبٍ في مدى إتساعة=(( كل ما تضيق أجسادنا إتسعنا ))1

في ناس تجمعهم أخوة رضاعة=وحنا حليب أوراقنا ذا جمعنا

يا صاحبي انسى شعار القناعة=والله لو ناكل شعارات جعنا

الوضع في بالي مجرد فقاعة=باكر تشتتها كثافة وجعنا

صمت القوافل في طريق الوداعة=حلمٍ يسير وغفوتة تتبعنا

عندي عن نباح الأصابع مناعة=أصبع يموت بحسرته ولا جزعنا

مليت جربة دفتري بالشجاعة=أخاف تفنى أرواحنا وما وسعنا

يا صاحبي والقلب أفرد شراعة=لا زفت الريح الأغاني صفعنا

لا صار تعريف التواضع وضاعة=سولف بأن إحساسنا ما نفعنا

الحب ، وبترول العرب ، والقناعة=أشياء موجودة بلا أي معنا




هامش :
1- ( كلما ضاقت العبارة أتسعت الرؤيا ) مقولة صوفية مشهورة
2- ( كلما ضاق العبور أتسعت اللذة ) من رواية : خضراء كالحقول لـــ هاني الراهب



النص الثاني ( ـــــــ )


يا صاحب السجن )) هالقضبان وش تعني ؟=البوح : صمتك . وأنا ، والسجن : أصحابك

أنثر حروف السنابل ، هاك .... وإزرعني=وسبعٍ ( عجاف) ورى الضلعين ، تحيابك

( البحر بحرك ) وأشوف الموج يصفعني=وراك تمسك عصاك ، وتفلت أعصابك !

سولف .. سوالف حزينه بس : سمعني=الجرح خله متى ما رحت ... ( يغتابك )

أرجوك سولف عن الأفراح وأخدعني=وأسقيك يأسي ، وحلمٍ صعب .. يرقابك

( العجل ) إبن الفراغ وأنت تدفعني=الى حدود الكلام وارسم ابوابك

بالامس ضاق المكان ، بحلم يتبعني=وحاولت أغير طريق الحلم وأسهابك

يا صاحب السجن هذا الضلع يوجعني=تعال ( إقرأ ) عليه الأرض .. وأغرابك

أخرجت ( قلبي ، وبياضه ) حيل روعني=وأيقظت حلم ورى ( الجفنين ) متشابك

الوقت سيف إذا ما نمت ؟ .. قطّعني !=والنوم ( ابطى ) حبيبي أنت وش جابك ؟

السجن رغم ( إنفرادي ) صعب ياسعني=أرجوك حس بشعوري ( وإعلن ) غيابك

( سبحانه ) أسرى بروحي بس ضيعني !=الفكر أسرى بروحي بس ما .. ( ما جابك )






ثامر الحمدان

[أكرم التلاوي]

الغالي صالح العرجان

وكريم أنت بحضورك ونقي بنورك
شكرا ً كل الشكر يا صالح على متابعتك الجميله
لك ودي


الكريم رضوان الهاشمي
وحضورك عيديه أخرى جميله أكرمت كفوفنا بها
شكرا ً من القلب أيها النقي على عبورك الماطر
لك ودي

[محمد الضويحي]

ليس المهم 48 من عدمه الأهم أن نقرأهم بهدوء هنا
بعيدا عن حسابات البرنامج .. فله طريقته التي تخصه
ولنا كمتابعين طريقتنا ..

مع تمنياتي للجميع بأن يكون التوفيق حليفهم
شكرا كثيرا يا أكرم ..

[أكرم التلاوي]

لقصيدته صوت إحتراق الغصون اليابسه إن تغنى بحزنه , ولها صوت زقزقة العصافير ممزوجة ً بخرير ماء النهر إن دندن أفراحه , هو جميل دوما ً في كل حالاته , يبتعد كـُل البعد عن الإبتذال في الصوره الشعريه , ويتركها تأتي بعفويتها البسيطه / الصعبه خميس الوشاحي
شاعر يـُحاكي القلوب بلغته الخاصه التي شكلها بتجربته الشعريه عـُمقا ً وجمالا ً , كان قد أرسل للجنه هذين النصيين الناصعين شعرا ً

النص الأول (وادي بلا زرع)


غفت عين النهار، وفي فوادي للمغيب عتاب=ياربي هالدروب أستوحشت،وإنهارت عزومي

مشيت وعنّت أقدامي، وكلّت في رجاء أسباب=تقود أعمى بصير ٍ للطريق المفضي ل شومي

ياربي ما ف ذا الوادي ونيس،ولا خيال أصحاب =ولابه زرع أو حتى شراب ٍ للحياة يومي

يا ربي وانتظار الصبح يعني ليلةٍ ل الناب=وأنا فيني من الخوف امتداد ٍ يسترق نومي

ظمى يجتاحني ،تتوجس أسماعي فحيح الدأب=ياربي طالبك قطرة أمل أنقض بها صومي

وأخب،وشوك هالوادي أصم ٍ ينتعل حطاب=دمى رجلي ورسّم أحمره في كسفة هدومي

أوقف،؟؟والأماني تستحث خطاي :يامرتاب=تعزّم،ياكبير ٍ مايرده عالي حزومي


يا هذا للتشابه ألف باب وللتفرد باب=يا هذا لو تعج رياحهم ما وحركت دومي*

يا هذا سر_ترى كل الدروب مسننات حراب=وذا الشعر ف يدينك برقعه وحباره تحومي


إذا ماجاع قبضه الفضاء وأن دسّم المخلاب=ظفر وتسامعت كل الربوع وثوّر الرومي*

ياهذا والشعر نعم الخليل إن شدت الأنشاب=وقف وقفة كريم ٍ وأمطرت من وبله غيومي

وأواصل، ينقضي ثلثين ليل حالك جلباب=مضى أبطا من الأبطى_وبيّح خافي علومي


يا ليلي جايز إنه فأخر الوادي نبع وأعشاب=وبه غاف ونخيل وبه نهار يرقب قدومي

لذا عاتبت غفوة عينك النعسه عتاب أحباب=رغم كل التعب بثيت روح الشعر ف عزومي


هامش :

*دومي: شجر كبير (مفردة فصيحة)
*الرومي: بندقية قديمة




النص الثاني (من أحفاد زاد الركب)

روت كتب الخيل أن نبي الله سليمان أهدى الازد من أهل عمان فرسا أصيلا جاءت من سلالته اغلب الخيول العربية في وقتنا الحالي..
هذا النص كان الشاعر قد ألقاه في احتفال يوم الخيالة السلطانية لعام2008



على وقع حفر أقدام دهماء بدون عنان=لفيت ولفت طوارق الشــــــــعر خياله

أروض بنات الفكر لا تجـــــفل القيفان=ويغدو بي الهوجــــاس دقه مع إجلاله

وأفز امتطي ظهره وتتــــباشر العربان=بشعر ٍ يورثه المقــــــــفي على عياله

نعم بين طاري الخيل والشعر شوف عيان=شواهد لتاريخ ٍ مضى تثبــــــــــت افعاله

من احفاد زاد الركب لاشقر بني مروان=نواميس سبق ٍ عزهــــــا الله من سلاله

تواريخ برهان ٍ على ان الفخر لعمان=ديار الاصالة،، مجد لا يمكن اغفاله

لنا ف كل موقـــــف ذكر تتشنف الاذان=بسمعه،، ويطرب شاعر الجمـع في قاله

يشفّي غليله عقب مــــا جفت الغدران=وتمطر طواريقه شرا الوبــــــل هماله



هنا العاديـــــات معرقات،، صريم ازدان=بهن كل ميدان، وزهــــــــت كل مياله


اذا ما اقبلت جـــــــــازية ٍ وادبر كحيلان=تقل رقص مزيون ٍ على صوت خلخاله

تهز الردوف وشعرها يســـــتر الابدان=جفول ٍ،، عبية،، عادية والنــصر فاله


وللخيل وان حل الوغاء ساحة وميدان=يســــابق بها الفارس ذواريه وظلاله

وتحت ظل هالطود العظيم الكـريم الحان=ف للخيل رفعـــــة قدر لا هان منزاله

عسى الله يحفظ شأنكم سيدي ازمان=مديد الدهور ويــــزهر العمر باماله

كفو سيدي قابوس تسلم ذخر لوطان=وجمــــــيعا لفينا فاللوازيم خيـــــاله

وعلى وقع حفر اقدام دهماء بدون عنان=لفيت وقفيت ومزنـــــــــة الشعر سياله





خميس الوشاحي

[ذعار بن سحاب]

القدير اكرم التلاوي.مساء النرجس وتحيه قلبيه لشخصك الكريم ولجهودك المبذوله
ولكن (طارو المبدعين بأرزاقهم)
محبتي

[أكرم التلاوي]

إن كـُل تعريف به يـُعد تخريف وتحريف , فـ/ ( الّ ) التعريف بحاجه ماسه إليه لتـُصبح مـُعرَفَه عبد الله الكايد
يعرف تماما ً كيف ينهمر كما يعرف تماما ً أين يصُب إنهماره وإلى أي القلوب تسير روافده , كان قد أرسل هذين النصين الرائعيين بكل ما فيهما , ولأني لا أود الخوض في التخريف الذي تحدثت عنه سأترك النص بين أيديكم وأنسحب بهدوء :


النص الأول ( خطاوي أعمى )


البرد والخوف والتشريد والساري=والعزف عــ النـزف والآهات والظلما

وأنفاس (سلمى) وانا .. لا .. صدري العاري=كلما تنفّست ضيق .. تنفّست (سلمى)

(خمّارة الحرف) ,ويني ..؟ وينها دياري.؟=تعبت ارتب وجيه الناس عــ الاسما..!

الأرض .. كف التعيس ،، وخطوتي .(قاري)=مع كل خطوة ,أضيع وانجرح .. و ادما

خطاوي اعمى .. بــ ليل اظلم من اقداري=جيتك ... وكوني إذا ..جيتك..(عصاة اعمى)

اشعلك ظلما ،، تكسّر خاطر انواري=والقاك.... ظلما ..! توديني عيون الما

واشربك واضح ... وازيد اشربك متواري=خلف الظما . بس . مهما أشربك أظما

(مهما) تكونين , اكونك غربة افكاري=تعبت منْك ,,ومن افكاري ومن (مهما)

عبث أصابعك بـــ شفاهي وبــ زراري=يا ضيقة الصدر لو ما فكّته ,لو....(ما)

اتنفّسك ذنب .. واستغفر ..! وانا داري=اذا تنفّستك أغرق ,, بس اكون (اسمى)

عشان اعلّم ذنوبي.. قيمة اعذاري=وآعلّم (الضي) وش هي قيمة (الظلما).




النص الثاني ( المجهول )


(صعب أسهـل ) بدايـات الرجـوع لسكـة المجهـول=بعيني والرجوع (اصعـب) بداياتـي مـن (اسهلهـا)

من اول رحلتي فيني ,, طعن زهـر الشبـاب ,ذبـول=وش آخرها.؟ مدام اقسى طعوني جت , مـن اولهـا!!

(خيالي , واقعي) شفتـه يحيّـر فـي فضـاه عقـول=مـن المعقـول يرسـم لـي حقايـق.. مـا تخيلهـا

ترى ما يجرح العاقل من الدنيا ,, سـوى المعقـول!!=وانا المجروح من دنيـاي ,,لـو مـا كنـت عاقلهـا

ورى مستقبلي الماضي إلى الحاضر , وش المحصـول=إذا الماضـي مـن ايامـي أشـوف الظلـم باعدلهـا

هنا.. ضمّتني احزاني ,,بعد ما غبت لـي كـم حـول=هنـا.. سكّيـن لمعانـق شراييـن الـفـرح ولـهـا

هنا.. علّقت دمعاتي على اقـدام الليـال ,, حجـول!!=هنـا .. مـا حنّـت البسمـة علـي وقلـت ازعلّهـا

هنا.. والا (هنا).. يكفي , عجزت اوصف , عجز آقول=عجزت اجمع ألـم بابـل ,, حـزن دجلـه واموّّلهـا

عجزت آروّض بصدري صدى جرح وجموح خيـول=أنـا مـدري غضـب والا بقلبـي تلعـب وتلـهـى

وقفت ..ومـا وقفـت الا .. ادوّر للحلـول ..حلـول=ابعثـر مـا ورى نفسـي ..إليـن انهكت كاهلـهـا

تعبت احمل من الذكرى على المتن النحيـل ..حمـول=وانـا نفسـي وهـي نفسـي وربـي ..مـا تحملهـا

لأني كل مـا أقـرب , اشـوف ان الطريـق يطـول=وهو صعبٍ علي ارجع ,, والاصعب كيف اكمّلهـا؟!!

أخاف ارجع والاقيني على هـاك ال(هنـا) مقتـول!!=واخـاف امشـي لآخرهـا واشوفـه ,, يشبـه اولهـا


عبد الله الكايد

[فاطمة العرجان]

درر وأكثر .. في بحر أبعاد والشعـر ..

.

إن كان لاكتشافاتك المذهلة بقية ياأكرم .. فأتحفنا بها أيها الصياد ..

ورجاءاً .. لاتنساك :)

[أكرم التلاوي]

هو َ يـَغرف من بحر ذائقته ويفيض علينا بشعره مع كـُل مَد , إذ لا جزر له , فهو يـُعطي دائما ً أكثر مما يأخذ عبد الله التومي
كان قد أرسل هذين النصين الفاخريين وأغدق في كرمه وشعره حين أرسلهما


النص الأول ( حزن الدور )


حبيبي سمها كذبـة غـرام أو كبريـاء شعـور=لك الله ماتـت البسمـة بعـد ماطـول غيابـك
هنا مات الوفا الصادق وطار من الجفا عصفور=هنا بعثّرتني بريح الغيـاب وعتمـة عتاابـك
هنا كانت حكاية معطفـك والعطـر والديجـور=هنا كان المكان احلى يفيض بريحـة اطيابـك
هنا ضاقت علّي الدور واستلهم ياحزن الـدور=وانا أذكر سالفة صدك غـرورك لفتـة أهدابـك
فراقك هم والغلطـة كبيـرة والصـدور قبـور=واحس أني على بعدي معاك أقرب مـن ثيابـك
رحلت وماتركت ألا صـواب وخاطـرٍ مكسـور=وقلبٍ مات من كثـر الجفـاف ولاتهنـى بـك
احبك حسبك الله ليت ماحبـك ياسيـد الحـور=تراك انت الوحيد اللي بصدري أمسـت ركابـك
عليك الله وامانه لو تخـون الموعـد المذكـور=أنا ماخون موعدنـا لـو أن الشـوق ماجابـك
ثلاث سنين من عمري واحس أن السنين شهور=عسى باقي السنين المقبـلات الجـرد تزهابـك
ياغالي والله أنه ماتضيـق الا علـى المقهـور=وانا بعيني فجوج الكون كم ضاقت من اسبابـك
أنا من فك لك صدره وقال احكـم بـلا دستـور=مدام القلـب بيتـك والظلـوع العـوج اطنابـك
كتبت أحلى مكاتيب الغرام وجيت لـك مغـرور=أحسب الوقت يمديني واحسب العمر يزهى بـك
أذا كان الشعر غاية عشان يصير لي الجمهـور=حشى مابرر بشعري عشـان أفـوز باعجابـك
واذا كان الغلا الصادق حكاية لجل أعيش الـدور=أجل وشلون يوم أذكر غلاك أمـوت واحيابـك
عبث كل السنين اللي تمـر العاشـق المغـرور=ولكـن بطـل غيابـك عسى الله يقطع غيـابـك




النص الثاني ( السراط المستقيم )



يارب غفرانك أذا حل العذاب=مذنب وشفي رحمتك وانت الكريم
جيتك اجر من الذنوب وماالصواب=ألا تحت رحمتك يارب رحيم
شفاعتك رجواي لاراح الشباب=يالله تشفع لي قبل يوم عظيم
حزين والحزن يتحرا كل باب=يدق فضلوعي ويودعها هشيم
انا ابن عبدك لاضحك للهم ناب=ألجي اليك وانت لي رب كريم
رحماك ياذو العرش يارب الرباب=رجواي تقبل دعوتي عند الحطيم
يالله توسعها على ذيك الرحاب=ويالله تقديني الصراط المستقيم
ويالله تفرجها معي دون اكتئاب =ويالله تعتقني من أوصاد الجحيم
يالله ترحمني قبل يوم الحساب=ويالله تسكنّي مع الرسل بنعيم
ويالله ترزقني بما لذ وطاب=وتغنيني بفضلك عن الدرب السقيم


عبد الله التومي

[أكرم التلاوي]

الغالي محمد الضويحي


سعيد كثيرا ً كونك هنا
شكرا ً لقلبك أيها النقي جدا ً
لا عدمت تواصلك



الكريم ذعار بن سحاب

نعم طارت الطيور بأرزاقها يا ذعار
لكن ذلك لا يمنعنا من المتعه بالشعر
شكرا ً لهطولك يا ذعار
لك ودي



النقيه فاطمه العرجان

لا زال هناك بقيه فابقي بالقرب دوما ً , ولن أنساني رغم تواضع مشاركتي لأجلكم
شكرا ً من القلب لحضورك




أعتذر كثيرا من الجميع على التأخر في طرح بقية القصائد التي وصلتني فاعذروني , واتمنى من بقية الأخوه الذين لم يـُرسلوا لي نصوصهم أن يوافوني بها ولهم جـُل الشكر

[أكرم التلاوي]

يكتب بحرفنه عاليه ويبعث الروح في اللغه فتنطق بما لم تنطق به ِ من قبل ذعار بن سحاب
كان قد أرسل نصين بهما من الجمال ما بهما ومن الشعر الكثير والكثير , سأترككم مع نصوصه العذبه كروحه


النص الأول ( حمامة غدير )


سافري ياحمامه حيث حلمي اسير=بوجهك الما وناسً طالت اسفارها
اتركيني على جنحان روحك غرير=صوب ذيك الديار وريحة امطارها
وان نشدك العرب قولي لهم روح طير= حالم ومل صوت الغيد اوسرارها
ولايعرف الزمان ولايعرف المصير=والمدينه نسته وغابت انوارها
موحش الكون دايم في عيون الفقير=ان مشى بارض هب بوجهه اغبارها
باول اعياد عمري جيتها مستجير=وحدي وبالظلام وحس قيثارها
انتشيت وبكيت وصرت كني ضرير=في ظلامي وروحي تحضن اشجارها
بوسط روحي ربى صفصاف جال الغدير=بي شجون الطيور لحنَة صغارها
بي من الليل صوت و صوت ذاك الكسير=واتقهوى وانام بجال تذكارها
من متى وانت حزنك فوق ذاك الحصير=اشهد انك صبور لشوك صبارها
ديرتي ذقت فيك البرد يومي صغير = ذا نسيمك يطير وبي غفت نارها
عيش عنها وودع من هقيته عشير=انت حر وزمانك يطرد احرارها



النص الثاني ( رغيف العشق )


نامت عيون سلمى يوم نام البدر=عانقتهاالثريا واستحى نورها
نرجسيه خجوله دينها والسهر=ينتظرها الفراش ويشرب عطورها
يرتشفها الشهد بأول خيوط الفجر=وتبتسم للصباح بوجه عصفورها
تحتضر لو يغيب شوي ريح المطر=روضة ماتحمل ضيقة زهورها
صوتها يوم غنت وسط كاس الخمر=كنت انا و الشجر والعشق جمهورها
كنت بقصى الحديقه في ربوع القصر=كل ليله مرامي جية قصورها
كنت مثل القصيده لابعدت تحتضر=ولا دنت كنت اشم العطرمن سورها
غابت ايام عني لين ضاق الصدر=لين صارت تساوي الف بحضورها
وش حمل قلب عاشق من شناط السفر=غير دمعٍ تنثر يرثي شهورها
لوَّحت للشمال وسافر من قطر=وكنها يوم لدّت توصف شعورها
تونا مامدانا في ربيع العمر=اكتب من القصايد وانحر سطورها
كسرتك من رغيف العشق فوق الجمر=والندى يوم قفت غرّق زهورها



ذعار بن سحاب

[أكرم التلاوي]

يقود أسراب الطيور ليعلمها كيفية التحليق أفقيا ً هو لا يعترف بالطيران المائل لأنه ُ لا يـُحب التقليد عبد الله الحميدي
شاعر جميل شعرا ً وشعورا ً , كان قد ارسل هذين النصيين الجميلين , أترككم معهما ومع المتعه أيضا ً

النص الأول ( .............)


يمّ السما نظرتي والشوف متفرّق=مثلي مثل كلّ واحد .. ضايعاً طيره
آنا الوحيد / اللّي إختار اللّي ابـيعشق=لكنّي ماخترت إنّي مآ عشق غيره
الحالي, المايق, الرايق, ابو ازرق=فديت لبسه... ابنقشاته وازاريره
شفّاف , حبّوب .. حتّى بالقسى /يشفق=غيور .. واتشفّف ابسكتاته الغيره
وايحبّه الكلّ..لو يخطي / معاه الحق=كنّه هو اللّي يحدّد كثر تقديره
يحسّ بإحساسي اللّي فيه متعلّق=لو انوي اكذب عليه .. إحساسه ايثيره
القاه لاخطيت متقعّد لي ايدقّق=وايتمّ شرهان .. عاصيته تعابيره
يبكي على ادناة ضيقه .. لين مايشهق=لاضاق تعجز عن الكتمان اساريره
رسمته ابصوتي لو ملامحه تغرق=واحرقت نفسي ونار اقفايته حيره
كل شيْ منّي يحبّه .. صار متوهق=وكل مابعقلي عشق كل مابتفكيره
اليوم/ كلّي بوصله ماني موفّق=وهو مسمّيني امس/ اجمل مقاديره
فارقني اليوم واوّل وحشته تحرق=وإن قيل / خيره .. ماظن مفارقه خيره
إتصدّق للحين ماني قادر آصدّق=يكذب فراقه .. ولو تصدق معاذيره
له حق/ لو يزعل .. ومع حق/لو يرفق=لاهو نساني .. ولا يحتاج تذكيره
ولاتلومني بالسما الليله ..والارض اضيق=ياخي تضايقت .. تكفى غيّر السيره
ابي وصال ابو ضحك الخاطر الاروق=مثل الكريم اللّي ايداري مساييره
ابو الجبين اللّي كلْ مايستحي يعرق=وايسيل ويصير لونه في تحميره
مابالجميع بغيابه واحداً يفرق=الكلّ .. متساوياً ضحكه وتكشيره
لايفوتك الحزن ..يالشامت تعال الحق=الفرقا الاولى ..واخاف تكون الاخيره
ماعندي اسرار ..ليه ؟ .. انا ماجيت اسرق=هو باقياً لي مزاج اخاف تعكيره !
كنّي ضميت ومعي ما .. وإن شربت/ اشرق=اصعب مابالحزن / مايعجزك تعبيره
والشوق على اوله مايهرج وينطق=اصدّ وجهي .. وإذا نسّم هوى .. ايديره
للّي انا اخترت يوم إني نويت اعشق=لانّي ما اخترت إني مآ عشق غيره




النص الثاني ( ................ )


الايّام طالت .. والزمن صايراً/ ثرثار=درى , وامتحنّا , وإنكشف سرّنا المكنون
انا كنت اظنّ الوقت واقف.. وانا دوّار=وانا بينهم واقف .. وهم كلّهم يمشون
غفت ساعتي عامين .. والوقت كان/ اصفار=وصحت ساعتيْ.. ولادري/ الناس هم يدرون؟!
اموّه على نفسي قبل لاخلق الاعذار=عساي اقدر اقنع نفسي إنّي ماني مجنون
غدا رمشي الموحش مثل/شوكة الصبّار=قصر شوفي ! وكنّي على جلستي مركون
ومافيه اقشر من الشوق_باللّيل_/ياستّار=اتحسّ انك اليا اشتقت..مابالجفون عيون!
ياكم نصمد بوجه آخر اللّيل ..لاننهار=واحسّ آخر اللّيل/ إن هالنّاس ما..ايْحسّون
وكم كتّمتنا عن بعضْ حكْينا الاقدار=وكم كنّا _لاقلنا_ ماندري وش يقولون؟
تعبنا من الحروة, وتذويبنا بالنّار=والى اليوم والحروة ابنفس الطعم واللّون
على افواهنا الحيرة لها/غيمة,ومنثار=وافـبعض الهروج /ايحول دون اللّسان سنون
احبّ إني / احبّك ..إذا انحبّ حب كبار=وانا حرّ بإحساسي ..ومع كل هذا / اتمون
وانا.. مابصدري قلب واحد/ اقلوب كثار=وإذا مرّ طاري بعض خلق الله/ إيصيحون



عبد الله الحميدي

[أكرم التلاوي]

نصوصي المتواضعه جدا ً أكرم التلاوي

النص الأول ( صمت الغصون )


أقول وش حد الحطب يومه غدا للنار زاد =غير اليباس إلي تجرا عالغصون وذلها

عقب السنين المثمره شفها بقاياها رماد =كنه الزمن مص الحياة إلي بلحاها وملها

يذري ذوايبها الهبوب إلي سرا بنسمة براد =والبارحه عزم العواصف كم زأر ما سلها

البارحه بشموخها كم ذلت أنياب الجراد=لا من نوى يغتالها // تغتاله وما غلها

كم سدت أفواه الجياع من العطا يوم الحصاد =ويا كم أوت عابر سبيل ومستجير بظلها

كم تشبه أمجاد العرب يوم ٍ لهم عز وسناد =يلي ل/ الاصم أوحى صداها والكفيف يدلها

أسياد كانوا عالبشر في كل سهل وكل واد =حتى الجبال الشامخه رضخت لهم في جلها

ما سمعت أصقاع الأرض في عزف خطوات الجياد =إلا إذا مجد العرب حمر السيوف إستلها

لا صوت يعلو إن علت بالأرض حي على الجهاد=إلا الصليل إلي رؤوس الكفر قام يتلها

لو يا "صلاح الدين" أبقبض من ثرى قبرك سماد =أبنثره وسط النفوس إلي الزمن ذا حلها

شفنا تشتتنا وضاعت في تشتتنا بلاد =شفنا توطانا العدو شفنا وعينك هلها

شفنا تفرق شملنا بين "لنصر" و"الإتحاد" =وبين "الكَفِر" و"الفيصلي" خلعت فلانه بعلها

شفنا تضيع بلادنا واحنا وقفنا عالحياد=رجل المراجل عاجزه يا وقت وشهو شلها

وصفك "صفي الدين" هَوّن عن مرابعنا وحاد =لو عدت في شعر النبط ظني لها بتقلها :

راياتنا بيضا غدت وأفعالنا بلون السواد =خُضر الموائد والليالي من الحمر نشعلها

يسعد صباحك يا وطن إصحى غدا وقت الرقاد =إصحى وعين الساهيه في طبطبتها خلها

بستنهض نفوس العرب يلي لهم عز وجلاد =يلي فعول أسلافهم عيى المجد ياصلها

قم يا ولد عبد العزيز إلي ظرى قدح الزناد =قم شعلل الصحرا على عدانا وفجر تلها

قم علم أشباه الرجال المرجله وقول السداد =يا بن معزي والعيون إلي تحدك علها

وقم يا ولد نسل الهواشم لك من اجدادك عماد =نسل النبي المصطفى ل/ أعلى البريه وجلها

أوقف على اطلال الكرامه سيدي وانهل مداد =دم الرجال إلي قضوا بالمعركه وابتلها

قم يا ولد زايد خليفه الي بيدينك ضماد =جرح العروبه إلي إنفتق وإنته دواها وحلها

تاقف الإمارات السبع في وقفتك والكل جاد=في دنيته لجل العروبه وفي ظلوعه ظلها

قم يا شبل وِلد الأسد قم يا حمدها بالعتاد =قم يالصباح وعلم الظلما تبارح طلها

قم يا زعيم النيل نيلها على أحفاد القراد =شعبك إلا منه زأر لبس الأعادي بلها

قم يا زعيم السلطنه يلي تقود وما تقاد =قود الرجال لمعركه محدن هجرها وزلها

قوموا جميع وعلموا الدنيا بإنا بازدياد =لا من خبت نجمة ضيا ميّه تحل محلها

قوموا مللنا من حياة الذل في وسط العباد =حتى جماد بلادنا هالعيشه والله كلها

تدرون وش حد الحطب يومه غدا للنار زاد؟ =صمت الغصون إلي تراخت لليباس وذلها






النص الثاني ( بحر الهياط )


كل ٍ يمثل لابته و لابة ٍ لي طايله=على القبايل كلها يا سعدي في ربعي وهلي

من بني ربع الشعر جيت وقصيدي شايله=حاكم على دولة شعر عرش القصايد معتلي

ماني رسول ٍ للشعر مبعوث أنا رب ٍ إله=من ينكر إني خالقه من حس فيني ممتلي

شكلته باحساسي وصنته عن بيوت ٍ هامله=وانفثت به روحي نطق لبيه وهو ساجد إلي

أبمطر الساحه شعر واروي الاراضي القاحله=واستحضر ارواح القصيد الساكنه في داخلي

وآنفض غبار السنين إلي إنقضت متماثله=وأنحر شواعير الكذب طلي ٍ طليٍ طلي ٍ طلي

وال/ صفّقوا للشاعر إلي ما دروا وش قايله=لو رد قول الأصمعي طب طب طبب طب طبت لي

هم صفقوا له للهذر أو صفقوا لستايله=ولا إحجلي مع خيلهم يا شقره قومي واحجلي

والناقه إلي قد غدت شيخة قصايد حامله=توأم تيوس بجوفها وشلون لحد ٍ يسألي

هي أنجبت ولا اجهظت ولا شراة القايله =حملك كذب يا ناقتي عاقر ولا إنتي تحبلي

بالله أنا وش قلت انا ياهل العقول الباسله=حتى الجموع إلي إسمعت قولي جميع تهللي

بحر الهياط إلي الشعر هده وكركب ساحله=واجب علينا نطرقه والعذر لي فيما يلي :

جمهورنا "عاوز كده" إنجنوا الربع وشو إله=أتعِب مخيخي في تراكيب القصيد وأبتلي

شاعر يدور له غني يِرقع عيوبه يجامله =وشاعر فتح مطبوعته من أجل شعره لهبلي

وناقد رفع مستشعر ٍ لنه صديق العايله=وحاقد شتم له شاعره لن سترها ما ينجلي

صحافة ٍ في دورها تشبه لدور القابله =هي شغلها تولد ولا تظمن نحيف وممتلي

برجع إلى ذيبك خلف يلي قلب المعادله=واستهجنوا قولك وهو جزل ٍ مقامه أولي

ذيبك خلف كفو ٍ وخلك م/ العقول الخامله=شفت الذيابه إستنعجت من خوفها تتذللي

سميتها باسم الغنم إسم ٍ طبق عالشاكله=الذيب يدرع بالغنم والـ/ ما عجبه يردّلي

مالي وماله هالحديث إلي يطول مجادله=برجع لشعري والتفت وابحث على مستقبلي

"ماني بمن ياتي" أنا لكل البشر تاتي إله=سبة إشاعه كاذبه هي خبرت عن مقبلي

محد ٍ يجي مجرد عدد أو في خطى متثاقله =من كثر ما جوني بشر حسبني العالم ولي

حتى الجموع الي إحضرت لو تسألوا لمن جاتله =أقص أنا ذراعي إذا ما كلها هي جات لي

شاعر أصوغ من النجوم عقود عِنق الجادله =وخلخالها غيم السما صغته بحرفي المخملي

شعري إلا منه شرق غطى عشمس القايله=يكفي بإني قد غزلت النور أنا في مغزلي

ما جيت أبي فزعة أحد فعل الوجيه الفاشله=أشحذ هلل بأصواتكم واجلس وأنا بالي خلي

إلي يصوت للشعر شكرا وراسي شايله=وان كانت الفزعه سبب مابي حد يصوت إلي



وان كانت الفزعه سبب يا بوي لا تصوت إلي


أكرم التلاوي