حقوق الملكيه

[بدر الوفى]

السلام عليكم ورحمة الله وبركاته
أقدم لكم حروف تأكد معنى العنوان
حقـوق الملكيـهأشهد انك ملكت القلب وانك عميده=في حرم جامعتنا بصمتك يا عميد
العيون وهدبها والغلا صار بيده=والموده وقلبي في هواه ايد بيد
الوفا والكرامه والخصال الحميده=كلها في حبيبي لان طبعه حميد
وين يامن لقلبي شوفتك يوم عيده؟=كان للناس عيدٍ شوفتك يوم عيد
ياكريم العواطف ماتمد الزهيده=فيض حبك وعطفك ما يجي من زهيد
موج حبي رياحه في بحورك شديده=مركب الحب راسي واتزانه شديد
لايهمك من اللي يصنعون المكيده=لا تناظر لصنعة كل فاشل مكيد
أنا قلبي جليد وما يذوّب جليده=غير حبك وباحساسك يذوب الجليد
دايم ارقى المعالي وامشي الدرب سيده=وافتخر فيك يا رمز النقى وانت سيد
قلبي اختار قلبك بالمحبه عضيده=أنت للعز تاجه وانت نعم العضيد
أنا بالحق ماجامل وطبعي عنيده=واللي اختار قلبي مثل طبعي عنيد
الله اسقى المراقب والصحاري وبيده=وارتوت وازهر الصمان في كل بيد
في غيابك يسابق نبض قلبي نهيده=لو سمع همس صوتك خف كثر النهيد
في حنانه وعشقه صرت كني وليده=لو توارا خياله صحت مثل الوليد
من قتلني بحبه مت وانا شهيده=ومن توفى بطعنات المودّه شهيد
أختـكم الشاعره بـدر الـوفى

[محمد الضويحي]

أهلابك يا بدر الوفا .. ويامرحبا


نص يدل على موهبة قادمه

فقط تمنيت لو تراجعي هذا الشطر
إلا إذا كنت قرأته بالخطأ أو أن هناك خطأ مطبعي ؟؟
أدى لإختلال الوزن ؟( أنا بالحق ماجامل وطبعي عنيده )

[فيصل الحلبوص]

بدر الوفى



أهلاً بكِ




أرتقيت إلى المعالي هُنا



قرأت نصوصك من قبل ووجدتك عذبه




وهُنا كنتي عذبةً ايضاً