[ نيجاتيف ]

[عادل بدر]

كلّ وجهٍ غاب ،
من الأصحاب ،
طلع له ناب!!
( زمن كذّاب )

[عادل بدر]

كل مامرّت على بالي ملامح
ـــــــ قلت للي غاب (حاول تفتكرني)!

[عادل بدر]

( كل عام وأنت بخير ) ، جتني بـ رسالة
ـــــــــــ الخير وينه ، يا فتاتي وويني؟!!

[عادل بدر]

يووووه منّك
كثر ماني جيت يمّك
كثر ماني رحت عنّك!!

[عادل بدر]

الصورة البيضا
ـــــــــ والنيجاتيف أسوَد
نصف الورق للكره
ـــــــــ ونصف الورق للود.

[عادل بدر]

هذا الحزن والله ماهو بحزني
ـــــــــــ حتى ولو قالوا لي إنّه شبيهي!

[عادل بدر]

أفُضُّ بكارة الأوراق في قلمي
و يولد بين مطويّاتها ألَمي

فلي في كلّ سطرٍ ما يُذكّرني
بأنّي كائنٌ لم آتِ من عدمِ.

[عادل بدر]

باتفرغ أكتب الشعر وأبيعه
ـــــــــ لكل من لا وقت عنده للكتابه

وش جنينا منه ياكود القطيعه
ـــــــــ وش كسبنا منه ياغير الكآبه

[عادل بدر]

.

لو غنّينا نصف الحزن الموجَد فينا،
يمكن يطلع ناتج ضرب الأسْر القسري
ضعف الناتج من صيوان الحلم العربي
ذاك الحلم اللي غنينا / قبل عصور الذلّ الغِلّ الكلّ البعض الآخر.
والآخر فاخر للآخر لكن للي قادم منّا / يعني طَلّْ،
لو غنّينا،
لو غنّينا،
وأتمنّينا
يمكن تطلع بعد الحُسبة ياولدي
ياولدي كثرتنا/ قِلّْ.
لو غنّينا.

[عادل بدر]

.

كلٍ يْعدّل و كلٍّ جالس يبدّل
ـــــــــ والمشكلة كل واحد ناسيٍ نَفسه!

[عادل بدر]

الأسامي مِي كلام
ــــــــــــ لا تودّي و لا تجيب!

من مفاتيح الخصام
ــــــــــــ لين عذري للحبيب

قلت غنّي يا سِهام
ـــــــــــ فَجأه ألقاني " صويب "!

[عادل بدر]

للساقطات: أربع جهات
ماهي مجرد أربعه
لولا وجود الأمهات ..
سويت حبر ومطبعه .

[عادل بدر]

.

في زمان التلوّن .. لم يعُد للبياض
_______ أي موقع سوا .. ما تحجزه غيبته !

فاض لا حد ما هو عاد خَال الوفاض
_______ عن أمانه تكفّي بعض من ريبته .

[عادل بدر]

عندي ( كَصِيدة ) ولكن مالقيت ورقة
ــــــــــــــــــ ياعادل البدر لا والله ( ما فيك حيله )!

إن العيون التي في طرْفها (اغصقه)
ـــــــــــــــــ (خيرُ ترى من يُمثلها ) ولا هي قليله

:)

[عادل بدر]

قبل امس كانت خطوتي وجه قاتم
ـــــــــــــــ واليوم هذا خطوتي ( وجه ثاني )
من هو يقول إن الكرم بيد حاتم
ـــــــــــــــ يجي يشوف إن الكرم بالأماني!
البارحة .. ودّعت كل المآتم
ـــــــــــــــ لمّا الفرح جاني بهيئة أغاني .

[عادل بدر]

:
اللقطة .. اللي ما بها شيء مِنّك
ــــــــــــ وشلون اسمّيها وبالفَتْح ( لَقطة ) ؟!
انصافاً لذوقي وما آشوفه إنّك :
ــــــــــــ أجمَل بشر من دون ماآحطّ نقطة

[عادل بدر]

يا كثر مافيني كتابة / كتابة = و ياكثر ماني عاجزٍ لا اتجمّع !
فيني فرح لكن بحالة كآبة = باقي شويّ وكل عينٍ تدمّع .

[عادل بدر]

من علّم الإنسان يقرأ و يكتب = ما علّمه .. وشلون شطب الكتابة !!
ياكثر مانقرا ونقرا .. و نشطب = لين امتلينا ... بالغثا والرّتابة !

[عادل بدر]

هات القلم ودّ القلم للـ = يقدّر الحبر .. بمصيره .
من لا قدر يستنطق الظل = شمسه تراها قشعريره
لا خِيره إلاّ من ورى فُلّ = ولا فُلّ إلا وكان خِيره !

[عادل بدر]

جيت باكتب بك قصيدة يا مضاوي
_____ اكتشفت أنك بعينيّه / قصيدة !!!

[عادل بدر]

لا قفّلت في وجهك دروب خلقه
ــــــــــــــ ازبن على اللي ما تقفّل دروبه !!
ارفع يدينك والدّعا تقل طَلْقَه
ــــــــــــــ تقنص بها و ترجع بعون و مثوبة !

[عادل بدر]

لجروحها / أشيا تسمّى أغاني
ـــــــــــ وما للأغاني غيرهـا نبذة : جْرُوح !
الطفلة اللي لو تحقّق أماني
ــــــــــ صرت الجسَد ووصالها صار لي روح
بوصالها ياهي الثواني ثواني
ـــــــــــ وبفراقها مالي مع الوقت مصلوح .
معها أحسّ اني جدير بزماني
ـــــــــــ وبدونها مثل الحمامة على الدوح .
معها أحسّ أني جدير بمكاني
ــــــــــ وبدونها كني غريقٍ بلا لوح !

[عادل بدر]

صدر المدينة ممتلي بالعوادم !
ــــــــــ وما للعوادم غير ( صدر المدينة ) .