عوض احمد
05-27-2009, 12:44 AM
لو خيروني بين نارٍ بيمناك = وبين جناتٍ بيمنى المماليح
لا اختار نارك يا الوفي لا عدمناك = وش لي بجناتٍ بليا مفاتيح
يا سيدي ما اظن تهنى ويهناك = جرحي وقلبك طب كل المجاريح
خلك على خبري وعلى ما تمناك = وعطني على درب المحبة تصاريح
جيتك بصدقي لا هنيا ولا هناك = جيتك بحبٍ صادقٍ دون تلميح
لاني وزير ولا أمير يتبناك = ولاني مبنك ومن كبار الطحاطيح
أنا بدويٍ عشت في ضيق وضناك = ممسك عصاتي وممسك الوقت لا اطيح
ما ضقت من ضيقي ولا قلت يا غناك = الله اللي يرسل الرزق والريح
إن جيتني فابشر فناجيل تدناك = أبشر وقلبي لك دلال ومقاديح
وان رحت بصبر عن فراقك ومفناك = واعيش لك وقتٍ أهيمه بتباريح
احبك بشعرك وظفرك وحناك = واحبك بكحلك إلا شفته إيسيح
واحبك بخدك ونحرك وسحناك = واحبك بكلك وكلك تفاضيح
لو كنت يم ٍ بك سبحنا وغصناك = وجبنا من اعماقك دروع ومسابيح
ولو كنت ارض ٍ ارتحلنا وطفناك = واليا تعـبنا في سهولك مماريح
ولو كنت ليل ٍ يا حبيبي سهرناك =ناخذ من عيونك شموع ومصابيح
ولو كنت صبح ٍ اصطبحنا بمغناك = على ورود الحب وعشب ومراجيح
لا اختار نارك يا الوفي لا عدمناك = وش لي بجناتٍ بليا مفاتيح
يا سيدي ما اظن تهنى ويهناك = جرحي وقلبك طب كل المجاريح
خلك على خبري وعلى ما تمناك = وعطني على درب المحبة تصاريح
جيتك بصدقي لا هنيا ولا هناك = جيتك بحبٍ صادقٍ دون تلميح
لاني وزير ولا أمير يتبناك = ولاني مبنك ومن كبار الطحاطيح
أنا بدويٍ عشت في ضيق وضناك = ممسك عصاتي وممسك الوقت لا اطيح
ما ضقت من ضيقي ولا قلت يا غناك = الله اللي يرسل الرزق والريح
إن جيتني فابشر فناجيل تدناك = أبشر وقلبي لك دلال ومقاديح
وان رحت بصبر عن فراقك ومفناك = واعيش لك وقتٍ أهيمه بتباريح
احبك بشعرك وظفرك وحناك = واحبك بكحلك إلا شفته إيسيح
واحبك بخدك ونحرك وسحناك = واحبك بكلك وكلك تفاضيح
لو كنت يم ٍ بك سبحنا وغصناك = وجبنا من اعماقك دروع ومسابيح
ولو كنت ارض ٍ ارتحلنا وطفناك = واليا تعـبنا في سهولك مماريح
ولو كنت ليل ٍ يا حبيبي سهرناك =ناخذ من عيونك شموع ومصابيح
ولو كنت صبح ٍ اصطبحنا بمغناك = على ورود الحب وعشب ومراجيح