حسين البليهي
05-23-2006, 02:52 PM
كان لي شرف إلقاء هذه المتواضعة أمام سموأمير منطقة الحدودالشمالية عبدالله بن مساعدآل جلوي بمناسبة فوز أربعة من أبناء منطقة عرعر في مسابقة الأميرة العنود لحفظ القرآن الكريم بالرياض على مستوى المملكة بالمراكز الأولى
اتصل بي مطارد ياسمو الامير = قال نبغى قصيدة في أمير الشمال
قلت مايخالف ابشرياسعت المدير =انت تامر علينا وتْدلل دلال
بس ماتلاحظ ان الوقت جدا قصير =والقصيدة تراها عند صاحب جلال
يعني لازم بحرها يامطارد غزير =يعني لازم تجمل والمعاني جزال
وانت عارف بعد ياشيخ ثوبي قصير =يعني شكلي خطيب ولاني لابس عقال
والقصايد تبي واحد لسانه شطير = له شوارب طويلة ويحكي بالدلال
قال اقول اكتب ادري مانت صاير جرير =لا تقوم اتْهيبل ماني ناقص هبال
قلت هذي تحية فل ورد وعبير =للأمير الحشيم وللرجال الثقال
مرحبا باالأمير وبالحضور الغفير =قوّكم يالنشامى قوّكم يالرجال
اعذروني ترى مزحي- شويّه -كثير =ودي اضحك طويل العمر حلو القبال
ودايم احب شعري فيه شي(ن) مثير=ملت الناس من لاله يلاله يلال
قالوا امدح أميرك قلت ابد مايصير = مادحه ربه بدينه وطيب الفعال
وياسلامٍٍ من الرب العزيز الخبير =للي شرف بلدنا ايه هذي العيال
اربعة عن بلدنا نِعْم نِعْم السفير =شرفوا منطقتنا حتوا لوهم قلال
ايه هذا التقدم ياعيال الزبير = ياعيال المغيرة والمثنى و بلال
ايه فزتم وهذا الفوز ماله نظير= ماهو فوز الشباب وماهوفوز الهلال
الشرف حفظ قرآن الإله الكبير =اللي تخشع لوحيه راسيات الجبال
انتم النور والله والسراج المنير= انتم الذخر والله ياعيال الحلال
بس هاه احذروا من كل فكرٍ خطير= من هلَ الظلم والتفجير واهل الضلال
ومن هل الطبل والمزمار واهل الصفير= ومن هل العلمنة والكذب واهل الجدال
واحذروا كل ناعق شيخ والاوزير=والفقيه السفيه بلندن اكبر مثال
والوسط هو طريق الحق واصفى غدير =وكلنا مقصرين وللجليل الكمال
وبالختام ادعي الرب السميع البصير= يحفظ الله بلاد الخير واطهر رمال
ويحفظ الله ملكنا للغني والفقير= الاصيل المعرب من عمام وخوال
ابومتعب حبيب الكل حتى الصغير =خفضّ السعر وارهى من كرمْه الريال
وابوخالد ونايف مع سمو الامير =اللي حبه تغلل وسْط قلب الشمال
مطارد دخيل /مساعد مديرعام فرع وزراة الشؤون الإسلامية والأوقاف والدعوة والإرشاد
اتصل بي مطارد ياسمو الامير = قال نبغى قصيدة في أمير الشمال
قلت مايخالف ابشرياسعت المدير =انت تامر علينا وتْدلل دلال
بس ماتلاحظ ان الوقت جدا قصير =والقصيدة تراها عند صاحب جلال
يعني لازم بحرها يامطارد غزير =يعني لازم تجمل والمعاني جزال
وانت عارف بعد ياشيخ ثوبي قصير =يعني شكلي خطيب ولاني لابس عقال
والقصايد تبي واحد لسانه شطير = له شوارب طويلة ويحكي بالدلال
قال اقول اكتب ادري مانت صاير جرير =لا تقوم اتْهيبل ماني ناقص هبال
قلت هذي تحية فل ورد وعبير =للأمير الحشيم وللرجال الثقال
مرحبا باالأمير وبالحضور الغفير =قوّكم يالنشامى قوّكم يالرجال
اعذروني ترى مزحي- شويّه -كثير =ودي اضحك طويل العمر حلو القبال
ودايم احب شعري فيه شي(ن) مثير=ملت الناس من لاله يلاله يلال
قالوا امدح أميرك قلت ابد مايصير = مادحه ربه بدينه وطيب الفعال
وياسلامٍٍ من الرب العزيز الخبير =للي شرف بلدنا ايه هذي العيال
اربعة عن بلدنا نِعْم نِعْم السفير =شرفوا منطقتنا حتوا لوهم قلال
ايه هذا التقدم ياعيال الزبير = ياعيال المغيرة والمثنى و بلال
ايه فزتم وهذا الفوز ماله نظير= ماهو فوز الشباب وماهوفوز الهلال
الشرف حفظ قرآن الإله الكبير =اللي تخشع لوحيه راسيات الجبال
انتم النور والله والسراج المنير= انتم الذخر والله ياعيال الحلال
بس هاه احذروا من كل فكرٍ خطير= من هلَ الظلم والتفجير واهل الضلال
ومن هل الطبل والمزمار واهل الصفير= ومن هل العلمنة والكذب واهل الجدال
واحذروا كل ناعق شيخ والاوزير=والفقيه السفيه بلندن اكبر مثال
والوسط هو طريق الحق واصفى غدير =وكلنا مقصرين وللجليل الكمال
وبالختام ادعي الرب السميع البصير= يحفظ الله بلاد الخير واطهر رمال
ويحفظ الله ملكنا للغني والفقير= الاصيل المعرب من عمام وخوال
ابومتعب حبيب الكل حتى الصغير =خفضّ السعر وارهى من كرمْه الريال
وابوخالد ونايف مع سمو الامير =اللي حبه تغلل وسْط قلب الشمال
مطارد دخيل /مساعد مديرعام فرع وزراة الشؤون الإسلامية والأوقاف والدعوة والإرشاد