دمـعـة طـريـق

[محمد أحمد الحربي]

السلام عليكم ورحمة الله وبركاته ,

أعتذر على قلة التواجد فالأيام الماضية ..

وعسى أن تشفع هذي المتواضعة ,

وعسى أن تكونوا بخير جميعاً

ويتقبل الله طاعاتكم ,


بسم الله




أحيـان تنـزل دمعـتـي لا ذكـرتـه
وأحيان أقول الحمـدلله علـى البيـن

ذاك الطريـق الـي تعبـت وعبرتـه
يمكن يكون أحسـن وخيـرة للأثنيـن

وش فايدة شعري ليا مـن كسرتـه ؟!
هو فيه حدّ ٍ يستلـذ فيـه بعديـن ؟؟!

والحب مـن يومـي صغيـر ٍ خبرتـه
لا زاد عن حدّه عيوبـه لـك تبيـن !

ما احلى طعم شوق المحب لو صبرتـه
تلقـاه تجديـد ٍ لـدم الشراييـن .. !!

والليل لو مهمـا بطيـت وسهرتـه ..
ترجع تنام وتشتري راحـة العيـن ..

ومهما وثقت بـصاحبك أو ذخرتـه ..
ما يكشف المعدن سوى جور السنين ..

والجرح لو حاولت .. بس ما جبرته ..
يمحيه وقتك تارك ٍ لك أثـر زيـن ..

والهم لو مهمـا نخـرك ونخرتـه ..
تلقى نهاية للحزن لـو بعـد حيـن ..

والخلـد للـي أعبـده واستجرتـه ..
سبحانه اللي قـوّم الحـق بالديـن ..

ولا تنكسر لو مـا بغيتـه خسرتـه ..
ربك له الحكمـة ولعبـاده معيـن ..

واثمـن كـلام ٍ فادنـي واعتبرتـه ..
كلّ البشر والخلق فالكون فانيـن .. !

وإذا هجرني مـن أحـب وهجرتـه ..
بترك هواجيسي مع الخاطر الشيـن ..

وبقـول للدمعـة طريـق وعبرتـه ..
يمكن يكون أحسـن وخيـرة للأثنيـن





مخرج :

إذا ضاع َ النقاء ُ بالعذارى
فلا تبحث بعيدا ً عن حنان ِ

بها كلّ المحاسن ِ قد تجلّت ْ
محاسن ُ وجْهها غير َ الغواني

كأنّ النور ُ فيها والبياض ُ
قمر ٌ متواضع ٌ للأرض ِ داني

وجمّل َ حُسنها خلق ٌ طهور ٌ
وصار َ الوجه ُ مرآة المحاني


لكل من مر كادي

[ميــرال]

ومهما وثقت بـصاحبك أو ذخرتـه ..
ــــــ ما يكشف المعدن سوى جور السنين ..


هذا البيت حكمه يااحمد
جميله القصيده كحضورك

واسمها قصيده اخرى

يسعد مساك اخوي

[نايف السميري]

.
.
الله
يامحمد .. مبهج ومحلق ..!
.
.

رائع ..



تحاياي

[عبدالله العويمر]

حِكْمتُك جَمِيْلَه
مَحمّد
مَاغَاب مَن حَضَر ، ولَكن ، لاتغِب مَرّة ً أخْرى
فَمَكانُك بَاقٍ بِك

مَحَبّتي

[محمد أحمد الحربي]

هلا بك أخت ميرال ,

منوّره بالتواجد ,

وهذا بعض من ما عندكم ,

ويسعد مساك أختي

[محمد أحمد الحربي]

نايف السميري

صدقني يا زميل

ليس كجمال الحضور هذا في نفسي ,

شكراً لك

[محمد أحمد الحربي]

عبدالله العويمر أستاذي ,

وأنت الأجمل يا جميل ,

أبشر بس أنت هد أعصابك طال عمرك :)

أشكر لك المتابعة والحرص

[محمد السالم]

دائما مبهج يا أحمد

سعيد بك وبشعرك

تقبل مروري المتواضع

[محمد أحمد الحربي]

السالم ,

وأنا أسعد بك يالغالي ,

شكراً لحضورك

[نواف العطا]

رائع وجميل
يا محمد
ودمت بود

[شوق الحمد]

وإذا هجرني مـن أحـب وهجرتـه ..
بترك هواجيسي مع الخاطر الشيـن ..

وبقـول للدمعـة طريـق وعبرتـه ..
يمكن يكون أحسـن وخيـرة للأثنيـن






لعَلها خيِّره .. ونتمنَى ..!




الفَآضِل : محمَد الحَربِي ..’


صح قَآفِك ولاهِنت

تحيتِي مُبجله ..’

[محمد أحمد الحربي]

نواف العطا

الرائع حضورك عزيزي

دمت بخير

[محمد أحمد الحربي]

شوق الحمد ,

صح كلك يا طاهرة

ولا أنتي