ذنـــــــووووووب ...

[دعاس الرويلي]

مـدخَــــــــل :
ــــــــــــــــ

يَثْقَل علَيْ باكر ويَطْويني الخوف=يـاعـونـة الله مـالَ..الأيــام ذمّـــه
من كثِر مَامَر بْحياتي وأنا اشوف =أقـول لـيـت الـيـوم يَبْـقَـى بْهَـمّـه



آه .. مااقساك دنيـا مـن عـذاب لْعـذاب =كـل مابـك جْـروح وكــل مـابي علـيـل
شفت عِز الجروح بْعيـن عِـز الشبـاب =آه مااقـسـاك يادنـيـا الـعـذاب الطـويـل
ذنبي إنّي عطيت الصّدق حتّى السراب =أكْتب الحلم فوق الشمـس وأقْـراه ليـل
ذنبي إنّي غزير إحساس مثل السحاب =يِسْقي الأرض دمعِـه بـس ماهـو ذليـل
ذنبي إنّـي علـى المبْـدَأْ عَزيـز الجنـاب =لاسَــرى بالـوفـا لـيـلٍ غـديـت الفتـيـل
ذنبـي إنـي فتَـحـت لْنيـتـي بــس بــاب =سامي أهداف وأَتْعَس من كثير القليـل
ذنبـي إنـي صبـورٍ لاانْجَـرَح مايـهـاب =آخذ الجرح من غيري وجرحـي يسيـل
ذنبي إني حضور الطّيـب يـوم الغيـاب =فـارسـه كــل مـاصـارت ليالـيـه خـيـل
ليـه دنيـا وبـك جَـنّـه وحـظّـي عــذاب =بـك ملامـح مقِيـل ومـت عابـر سبـيـل

دعاس الرويلي