محمد السالم
04-15-2010, 12:54 PM
يا عبيد ؛ لا تبهرك برقة نجومي = مردّها تغرب بليل التفاكير
يسرق سناها ؛ مثل سرقه لنومي = وتصير وجه ما نضح به تعابير
تنبت عناقيد الشري في كرومي! = لاني ولد تاجر ولا مالمشاهير
يا عبيد ؛ من صوكي ونقدي ولومي = تبقى بعيدا لو تمثّلت بالغير
ماهو بطبع لي ؛ ولاهي سلومي = استنقدك في جهل ماحولي يصير
أنا بسيطِ ؛ ما توانا عزومي = تملاني الفرحة إذا جا مسايير
بيبان بيتي للمسايير تومي = صدره سمين وريح جوّه مباهير
يا عبيد ؛ لو مملك دراهم هدومي = ما افّرحت عدواني بشحّ التّياسير
أضحك لو إنّه ما تهيّا لزومي = ومن سال عني قلت مسرور وبخير
يموت سرّي قبل يقرا همومي = سرّي دلو ويدين حرصي له البير
ابغي عدوّي كل ما اشرف ارجومي = يطير من صدره جزع للفشل طير
ياعبيد وشلك في خصايص علومي = طرقي ؛ زمانِ شلّحته المشاوير
أسري بليلي بعد مسراح يومي = ويبين وجه الصبح لي عادي أسير
أطرد بقايا ما بقى من حلومي = حلمي ذهيبٍ والأماني مداوير
يا عبيد ؛ لوّ انفض خفايا كمومي = تستغرب أنّي حي ؛ رغم المكاسير
لولا أني أحمل هم ربعي وقومي = دقّيت في نعش الجلادة مسامير
يسرق سناها ؛ مثل سرقه لنومي = وتصير وجه ما نضح به تعابير
تنبت عناقيد الشري في كرومي! = لاني ولد تاجر ولا مالمشاهير
يا عبيد ؛ من صوكي ونقدي ولومي = تبقى بعيدا لو تمثّلت بالغير
ماهو بطبع لي ؛ ولاهي سلومي = استنقدك في جهل ماحولي يصير
أنا بسيطِ ؛ ما توانا عزومي = تملاني الفرحة إذا جا مسايير
بيبان بيتي للمسايير تومي = صدره سمين وريح جوّه مباهير
يا عبيد ؛ لو مملك دراهم هدومي = ما افّرحت عدواني بشحّ التّياسير
أضحك لو إنّه ما تهيّا لزومي = ومن سال عني قلت مسرور وبخير
يموت سرّي قبل يقرا همومي = سرّي دلو ويدين حرصي له البير
ابغي عدوّي كل ما اشرف ارجومي = يطير من صدره جزع للفشل طير
ياعبيد وشلك في خصايص علومي = طرقي ؛ زمانِ شلّحته المشاوير
أسري بليلي بعد مسراح يومي = ويبين وجه الصبح لي عادي أسير
أطرد بقايا ما بقى من حلومي = حلمي ذهيبٍ والأماني مداوير
يا عبيد ؛ لوّ انفض خفايا كمومي = تستغرب أنّي حي ؛ رغم المكاسير
لولا أني أحمل هم ربعي وقومي = دقّيت في نعش الجلادة مسامير