شيلة / لا عاد يشره عليّ

[محمد الصواغ]

السلام عليكم ورحمة الله وبركاته

عقب البطا .. اتمنى ان تنال هالقصيده والشيله على استحسانكم

لا عاد يشره عليّ

كلمات الشاعر / محمد الصواغ

أداء الشيله / فآيز




الصاحب اللي تغير وأنكر الخوّه=لاعاد يشره عليّ إن طوّل غيابي

قولوله إني نسيته وإنطفى ضوّه=واللي تهقويت فيه إمن الرجا خابي

هقيت يمطر سحابه , ثم كذب نوّه=وأمطر سحابي عليه إبما تهقوابي

والحين أنا منه لا حولٍ ولا قوّه=والحمدلله سلمت وما إنكسر نابي

إن كان ما قدّر الخوّه والمروّه=أقرب عليه السمآآآ من حرقة أعصابي

لا صار بالبعد عني زاينٍ جوّه ؟=الله يسهل عليه ويطوي كتابي

لا يحسب إني بسامح لا كثر سُوّه=سامحت / والحين عنه قافل ٍ بابي

وإن كان هانت عليه وينكر الخوّه=لا عاد يشره عليّ إن طوّل غيابي


http://www.youtube.com/watch?v=UbgvhpUTlf0

وسلامتكم

[بدرية البدري]

محمد الصواغ ..
بعض البشر لا تستحق سوى أن نتركها غير آسفين ..
شكراً لعزيز الشعر ..

[عبدالإله المالك]

الشاعر/ محمد الصواغ

حمدا لله على السلامة وعودا حميدا

أبيات كتبت باحترافية شاعرية .. قوافي متناغمة منسجمة وتجنيح عال

[محمد الصواغ]

محمد الصواغ ..
بعض البشر لا تستحق سوى أن نتركها غير آسفين ..
شكراً لعزيز الشعر ..

يا مرحبا يابدريه

وفعلا بعض البشر لا يستحقون ،، ولكن قصائدي لا تستحق الا ذائقتكم

ما عليك زود

وشكرا على المرور

[محمد الصواغ]

الشاعر/ محمد الصواغ

حمدا لله على السلامة وعودا حميدا

أبيات كتبت باحترافية شاعرية .. قوافي متناغمة منسجمة وتجنيح عال

الله يسلمك يا عبدالإله

وما عليك زود طال عمرك

اسعدني مرورك يالغالي