أحــــاسيس

[رنين الذهب]

ساقطف من بعضي هنا

ثم احرق مشاعر الحزن واستخرج مشاعر الفرح من بينها .

[رنين الذهب]

لاتنام إلا تحت رمش (ن) يضمك
_________________ مثل ضم الورد لامواج المشاعر

واسرج ببيد الدفاتر خيل همك
_________________ كون عاشق _ كون كاتب _ كون شاعر

[رنين الذهب]

ما عادت أحلامي زهور وعصافير
_________________ ولاهي قصر يصعب علي امتلاكه
اليوم يا يمه غدا حلمي كبير
_________________ منصب يسبب في العقول ارتباكه
في مجلس(ن) ما طاوله سالم الزير
_________________ بعيد عن نهج الخطب والركاكة
أمورنا شورى وللشور تأثير
_________________ قرار أبو متعب جعلنا شراكه

[رنين الذهب]

مشتهي اصحى على صوتك يصير؟

ــــــــــــــــــــــــــــ السؤال اللي عصته الاجوبه

من قبل لا حلم عصفورك يطير

ــــــــــــــــــــــــــــ طير صدري صعب تقوى تنهبه

والشعور اللي تهاديه العبير

ــــــــــــــــــــــــــــ جاه مدلول الغرام وطاربه

.

[رنين الذهب]

قل : لا...

عشان اذبحك برموشي السود

ــــــــــــــــــــــــــــ وتضيع مابين استحاله وممكن

[رنين الذهب]

انثاك

عمق وغرق ومد وجزر

.

.

لانها بحر ممتزج بك


سواحلها احتواء


وعمقها عشق


وامواجها عناق

[رنين الذهب]

لبى الجنون اللي خذاني لك ولاجابني

[رنين الذهب]

تعرف اني اوكسجينك


قبل يغرقني حنينك



وتصبح انت الاوكسجين

[رنين الذهب]

ممالك النسرين تاهت عن الناي
ــــــــــــــــــــــــــــ تسابقن لمعانق العيد ولهى
ضمنتها لك واختزلت اعظم اشياي
ــــــــــــــــــــــــــــ بين الحنايا وانت تامر وتنهى
للعيد مزن يخيل بأقصى حناياي
ـــــــــــــــــــــــ يسقي مشاعرناعلى كل مشهى

[رنين الذهب]

http://www.hdrmut.net/vb/imgcache/2/45943alsh3er.gif



فرمان خان

أيها الإنسان

اليوم اخذت اغلى وسام

من قائد الأمه الإمام

واثبت للعالم

ان البطوله للسلام

[رنين الذهب]

إن جيت نوّخت الغلا عند بابكـ

ـــــــــــــــــــــــــــــــــــ ذود المشاعر له على ..... ميلاف

[رنين الذهب]

مكثت كثيرا وأنا أقرأ فناجيلك


حتى تمنيت انني تلك العرافه التي يقودها سحر قهوتك

.

[رنين الذهب]

حط قلبك في قفص صدرك ونام

ــــــــــــــــــــــــــــ لاتهده للعذارى تنهبه


.


.

[رنين الذهب]

ياكثر ماتسرق خفوقي وانااسرقك

ـــــــــــــــــــــــــــــــــــ نبضي عشان احيا بحسه شويه


.

[رنين الذهب]

كل الحكاية اشتقت لي


.

[رنين الذهب]

مااضيق من الصدر لازادوا عليه الغبن

.................. ولااغزر من الدمع لاميّل خفوقي ولان

[رنين الذهب]

اخطيت قل عقب الخطايا مسامحك
ـــــــــــــــــــــــــــــــــــــــــ واوعدك رنوو ماتجيب الخطايا

لون الزعل ماابيه يكسي ملامحك
ـــــــــــــــــــــــــــــــــــــــــ ابسم وخذ من عطر روزي هدايا

.

.

[رنين الذهب]

ماعاد فيني صبر وتقول لي صبرك

ــــــــــــــــــــ وعروق قلبي على سبر الغلاعيّت

[رنين الذهب]

اقول اني بخير وفي الحقيقه جد .. ماني بخير

ـــــــــــــــــــــــــــــــــــ تعوّدت المشاعر تنحني للريح بغيابك


تعوّدت الشفق محروم.. ضيّق .. منحرج واصغير

ـــــــــــــــــــــــــــــــــــ ومحراب النجوم يبيت في كونك ويصحى بك

.

.

[رنين الذهب]

شنهو اكثر شي ممكن يحتفيك؟

الورق والاالحبر


والا الشعور اللي زرع هالشعر فيك؟


وانت تكتبني من ابياته غرق

فوق الورق

واوله عليك

[رنين الذهب]

يابعد عين اللي تسطر لك البيت

ـــــــــــــــــــــــــــــــ الشوق ينبت في خفوقي خمايل

.

.

[رنين الذهب]

http://www.sogarab.com/news/images/articles/2009_02/189/u1_Perfume_.jpg

أنثاك كل إحساسها


وعروقها وأنفاسها


حتى العطر لاباسها


تهدييييييه لك



.


.

[رنين الذهب]

حوار شعري بين قلبين :

هي وهو ...

انت مجرم وانا طبعي حراميه

ـــــــــــــــــــــــــــــ كلنا طبعنا يااثنين الإجرامي

انت قصه من التاريخ مرويه

ــــــــــــــــــــــــــــ عن غلا من سكن به حبها السامي

انت كلك خذا كلي بحنيّه

ــــــــــــــــــــــــــ وانتي الطاعنه في لحظة الهامي



...

[رنين الذهب]

المساء أجمل حكاية تنكتب في دفتري

[رنين الذهب]

اشراقة الصبح مثل الليل لاعدّى

ــــــــــــــــــــــــــــــ وجه الدقايق كئيب ولونها غافي

[رنين الذهب]

http://t2.gstatic.com/images?q=tbn:ANd9GcR6WlHELlPAznopp97qoXPlyF5_fVM-KEQCP2WIw22RdY4ko-bQ&t=1


من يلم الليل عن وجه المدينه



.

[رنين الذهب]

http://www.islamswomen.net/vb/imgcache/5398.imgcache.jpg



والبحر يكشف ملامح ساكنينه

[رنين الذهب]

سطرت في صدر الغموض وضوحي
ماردني ظلم الليالي دونه
واطلقت في مرسى الدفاتر بوحي
من عقد لولو والملا يجنونه

[رنين الذهب]

http://4.bp.blogspot.com/_JkW8s_fbsbc/TPp2V7psgSI/AAAAAAAAARs/bNBk8KGPy4A/s1600/Love+Images-11.jpg




غالـي الــروح خـذنـي فــي عيـونـك سـكـن
مـايـطـيــق الـمــفــارق لانــويـــت الــرحــيــل
يستبيحـك غـلا واحــلام .. حــب وشـجـن
مثـلـمـا تستـبـيـحـه وانــــت طـبـعــك بـخـيــل
عطني يدين شوق (ن) مع يديني غفن
غن لي أكثر ..أكثـر ميـل ياغصـن ميـل

[رنين الذهب]

ياليتني جنبه واثير اهتمامه

ـــــــــــــــــــــــــــ مايترك احروفي على الشط ضميا


.


.

[رنين الذهب]

قمة الوفاء عندما تقول لأحدا :

انا امووووووووووووووت فيك

فيقول :

وانا احيييااااااااااا بك وفيك



.

[رنين الذهب]

غواص بحر الحنايا شدني هيا

ـــــــــــــــــــــــــــــــــــــــ ماعاده القلب يقوى يسكن امواجه


.

[رنين الذهب]

مااشتاق لي ونا زرعته مع الروح

ــــــــــــــــــــــــــــــــــــــــــــــــــ ـــ يرقى مراقي الروح ويهد طيره

واذا شهقت ولاقوى صدري البوح

ــــــــــــــــــــــــــــــــــــــــــــــــــ ـــ ياعل هالشهقه تكون الاخيره

لاصار يقوى ذنب فرقاي ويروح

ــــــــــــــــــــــــــــــــــــــــــــــــــ ــ ماعاد لي في موطن الحب ديره

[رنين الذهب]

هاجرت كل الطيور ولابقى لي -- غير صوت الموج المه واسأله
كم على شط الغرق ودعت غالي -- مع خيوط الشمس فوق الاخيله

[رنين الذهب]

ابيات تدور احداثها الزمانيه والمكانيه بين جفني عين :



أما بعد بأمر العيون الفاتنه

ـــــــــــــــــــــــ نم في محاجرها وسكرهاكذا


مثل النجوم اليا ضوت متفاتنه

ـــــــــــــــــــــــ ليلن تلحف ليل والعاشق خذا


من سرمدي المحتضن مفاتنه

ـــــــــــــــــــــ كان العباير ماي والنظره غذا

[رنين الذهب]

لاكشفت الليل عن ظلم المهاجع
احسن الله فـي هدى الطرقه عزانا

العوالم خيلو ركب المواجع
والسوالف كلبوها.. ٱنـَـِت وانا
.
والحمام اللي على الشرفات ساجع
روحت به ريح الامصار ونسانا

كننا فـ♡ـي فلك جافته المضاجع
لاتركنا الناس والدنيا ورانا

الغرق يعني الجفا ماهو براجع
موتنا بالحب من سبة يدانا

[رنين الذهب]

ضمني بين الايادي وان شهقت
حبني وارسم على صدري نخل
مال بك واحتال بك ليمن غرقت
بالغرام ولاجفاك ولابخل

[رنين الذهب]

قال :قولي يا عظيمه
هل بقى للشعر قيمه ؟
قلت له بالصدر باقي
غصة حروفي اليتيمه
والمعاني كل أبوها
جرت أذيال الهزيمه

هل أنا أنثى عظيمه ؟

[رنين الذهب]

http://www.vivalapaz.com/photogallery/photogallery_images/romance.jpg

صبيت له من خمرة الشعر كاسه
ماذاقها قبله من الناس مخلوق

واللي مجود هامة الورد باسه
بوسة غلا يدني لها غصن وعذوق

تنسيه في باقي سنينه يباسه
لاجدب وتين القلب من قسوة الشوق

[رنين الذهب]

http://upload.te3p.com/uploader/465874/11274475446.jpg

الليل وعيوني ورمشن يغطيك

....................... ثلاث تشقى بالسعر وانت تغفى

وابيات شعري كنها بين اياديك

...................... مثل الرمل لاعانق الريح واقفى

[رنين الذهب]

http://www.36orr.com/data/products/rd-dlysh1z_thumb.jpg

قال يسري بي معانق عطر (دكني )

............... قلت عطري فالعناق اشد فتكا

والغرام اللي سرى بك ماتركني

.................. لن حوا بالغرام امر واذكى

[رنين الذهب]

الرسايل تذوب بزاوية محبري / والقوافي شواهد والمعاني سيوف

[رنين الذهب]

http://www12.0zz0.com/2011/05/09/23/954421472.jpeg

يادمع ياللي تشتكيك المناديل / بحرك عذاب من الغرق للمواني '

اللي عطيناه الغلا صاير بخيل / واللي حيينا نبضته صار جاني

وان جت على الكتمان صرنا مداهيل / اسرارنا مابيحتها المعاني

[رنين الذهب]

ياحضرة الصبح المعتق بالغياب
صدري وطن لاحلام عذرا جافله

وجه اللقا مورق على غصن العتاب
والريح خجلى والمواسم غافله

[رنين الذهب]

سادن القلب غصن الحب وشلونه
كل عصفور يرقب غصنه النامي

دوحته لا انثنت للريح مجنونه
يحتضنها سراب المورد الضامي

[رنين الذهب]

ياناشدن عني تراني من العام
اغفى على طاريك والقاك واصحى

اتعبت من فكري ممرات الاحلام
واسرفت في حبري وانا اكتبك وامحى

[رنين الذهب]

ردا على هاشتاق اؤيد الثوره في بلاد الحرمين


سارعي للمجد يااغلى بلد
واتركي هالثور يتبع ثورته
كل فجرٍ في حناياك انولد
غردت لك بالرضا عصفورته

[رنين الذهب]

http://i.imgur.com/3K8yktU.jpg

الا على طاري السهر طاب فالك
اوقدت لك جفن ومحاجر ونعّاس

شيٍ على بالك ولاهو ببالك
احساس عند الناس مايشبه الناس

[رنين الذهب]

@23Rnoon:

ايا ليل مالك لاتغادر شرفتي
الم تر ان الحلم ضاق بغرفتي
انا طفلة˝ بيضاء لم تألف الهوى
وبات عشيق الحلم يسرق ألفتي

#بوح_اخر_الليل

[رنين الذهب]

http://i.imgur.com/gzGqPwt.jpg

[رنين الذهب]

(ياليت ربي ماخلق حب وفراق
والاخلق حبٍ على غير فرقا )
والاليامنه عشيق الحيا ضاق
يستاق له بين المواعيد مرقا
ماهو بنوّه بين الاضلاع منساق
على الغصون المورقه فيه يرقا

[رنين الذهب]

شطر لمشعل بن عون : (يرضيك محبوبك له ايام مانام )

على غرار الشطر كتبت :

(يرضيك محبوبك له ايام مانام )
يسريك ليل ويسرج الليل يغفى

عصفورته نامت على غصن الاحلام
ومرايته طيفك والاحزان منفى

يسن روحه بين سجات الاقلام
لمصافح طعونك ليا اقفيت واقفى

[رنين الذهب]

ذات مره كتبت للعيد

قم يابخور ارقص على نسمة العيد
وانثر عبير الورد لاغلى الحبايب

خل الوصل يكسرجفاف المواعيد
ترتاح عيني لا تلاقت بغايب

إشتقت لطبول الفرح والأناشيد
ولشوفة الغالين أهل وقرايب

ولنقشة الحنا وصوت الزغاريد
ولضحكة الدنيا على وجة شايب

في العيد مانقبل شروة ومناقيد
إلا على منهو عن الوصل تايب

وأناعشان العيد بهدي لك العيد
أغلى هدية دون لوم وطلايب


.

[رنين الذهب]

اعايدك يامن جيّتك يحتريها العيد
غيابك مواسم جافله مالها يمه

[رنين الذهب]

اكثر هل الارض عقلاً يعشقون الهبال
وانا اعترف مستريح البال من صابته
جن الهواجيس وامسى يجمع الريح مال
مايلعن الحظ والاساعةٍ جابته

[رنين الذهب]

@23Rnoon:

مرت كذا في دوحة البال فكره
مدلولها صرخه وترتيلها صمت
ياكثر مانكتب ونحطب ونكره
ونعاتب الحظ الردي :لييييه ماقمت ؟

[رنين الذهب]

@23Rnoon:

العام ودعنا مثل غصن الايام
تورق معاليقه وساقيه ماحل

تلويحة الواقع وتغريد الاحلام
كلن على سبابة الوقت راحل

#وداعا_1434

[رنين الذهب]

ميلت لك غصن الرضا لين حنيت
واهديتني نبضه تساوي قبايل

[رنين الذهب]

مااعاد فيني صبر وتقول لي صبرك
وعروق قلبي على سبر الغلا عيت

قول احفري في مواني شرهتي قبرك
ينبت بصدرك رضا من غصني الميت

[رنين الذهب]

يغنون في ماضي عهودك يمال الشام
جنود الغرام ليا كسى الليل محرابك
ولامن بكيتي جرحك اللي نزف من عام
هديل القنابل في الشوارع تغنى بك
عليك العروبه شرّعت باب الاستسلام
ودمع الثكالى شرّع الخوف من بابك
وسيّر على بابك ضمير الرقيب ونام
مثل ماينام النور والظلم حطابك
جراحك طفولة يتم تكبر مع الايام
ونزفك منابع نهر محتله اهدابك
بكتك الغيوم وسدرة العز والنهّام
كثر ماسرى بك هاجس الموت واغتابك
كثر مارسمنا بالدفاتر حمام احلام
عشقنا السلام وطار مع باقي اسرابك
مسايير حزنك هيجنت ريشة الرسام
رسم ضيقتك واستمطر الحبر غيّابك
رسم وردتن لعناق غصن الرضا لاقام
وذاب الحنين بلوحة الورد ماجابك
مثل ماتردى فارس حصانك المقدام
وبيت الكرامه طاح مع هزة اطنابك

[رنين الذهب]

نبكي لموتة لمى.. وليه ماتت لمى
ماودع العام غير بفاجعة موتها
لو ساءلو البير رد البير مافيه ما
والورده اللي احتضنها صار تابوتها

#لمى_الروقي

[رنين الذهب]

وللصباح حكايا اخرى .....

صباحك وطن كثر امتدادك بعمق الروح
يااعظم شعور احتلني قبل لا اعرفه
على بال وردي السوالف يجي ويروح
على حال خمري السهر لانعس طرفه

[رنين الذهب]

#إذا_انحجب_تويتر

ياحابس الفكر في مرسى عقول الظلام
ومضيّق الصدر لايبحر بتنهيدته
تفكيرنا حر لوذود المشاعر حيام
ماهوبعصفور تكتم صوت تغريدته

[رنين الذهب]

للذاكره طلح وحكايا ياسمين
في سالفة صبحٍ صحى من باكره

الا المسا مورق على غصن الحنين
كن الليالي للمواجع ذاكره

[رنين الذهب]

جيتك واناحلمي بيمناي غافي
يصحى على صوتك وبفراقك يغيب
غريب ضاقت به جميع المنافي
وحيد ماحوله ضيوف ومعازيب

[رنين الذهب]

اللي صحى من لذيذ النوم وشهو له
احسن له ينام ويصبح على الغالي
يمكن نسيم الصباح يجيب مفعوله
ويمر عيني كثر مامر في بالي

[رنين الذهب]

العتب عصفور فوق الغصن صاحي
ينتظر صبح الدفا ويروح همه
محتويه البرد من كل النواحي
فاقدن عشه عقب ماراحت امه

[رنين الذهب]

هذا المسا ملهم والاحلام عشاق
ومرايتي خجلى والاقدار صلفه
ابوح شعر وياكثر بوح الاوراق
يطوي الحزن ويسكر الباب خلفه http://t.co/wNjITMuCn2

[رنين الذهب]

اللي يصب الغلا في راحة يديني
فنجال كيف الغزل يضوي على فاله

[رنين الذهب]

من ذاكرة الشتاء


@23Rnoon: طل الشتاوالحنايا ورد
والليله عيوني المنفى
خل المواعيد تضوي سرد
الا مواعيدنا تكفى
علمني احتاج اعيشك برد
واعلمك كيف لوندفى

[رنين الذهب]

الارض يغرقها المطر
والصدر غارق بالجفاف
لومرته نفحة عطر
يتذكر السبت ويخاف
واللي على بالي خطر
اهدى وجودي للخلاف

[رنين الذهب]

#يا_ناشدن_عني_تراني ليا ضقت
اسدل بوجه الوقت عتمة مزاجي
لين الشتا يورق على دوحة الوقت
والقى الدفا يرخي غصون احتياجي

[رنين الذهب]

تنام بحضن الليل معزوفة القمر
اذا نامت الاحلام طوعا لضؤها
ولكن حلمي واعد الليل بالسمر
على غيمة بيضاء ثجاج نؤها