مهمــا كــــان ....

[منار عبدالعزيز]

العتاب علاج .. والشدّة مرض
................ والأصول "عناق".. والا ما نبيه

الهوى ما هو خطر يوم وعرَض
................ الهوى عوقٍ حلو ما له شبيه

::

http://sehha.co/art/images/1642011-e6152.jpg

[منار عبدالعزيز]

ما للزمن أصحاب والا حميّه
........ هذا حكم ربي وهذي عطاته

لو ان جمعت سيول عيني هدية
........ يمكن تعرف احساسها من قساته

http://www.psr.cc/forum/imgcache/5341.jpg

[منار عبدالعزيز]

ضد الألم، ضد انتظار الأماني
................ دام انتظاري ما يعود بنتيجة

بـَرحل وانا اتمنى تعود لمكاني
................ وان جيت، شوقي لك يعاود حجيجه



http://imagecache.te3p.com/imgcache/f07a3023a1905d5b92e8c55a312f4762.jpg

[منار عبدالعزيز]

أزيدك كيف .. والا ازيدك اشواقي؟
............ يا من تباهيت بوجوده على همّي

تعال واهدابي تزيدك شربة الساقي
............ والا فناجيل الهوى بملاها من دمي


http://www.m5zn.com/uploads/2011/6/9/photo/060911040604qrmoy4ugl51k8m.jpg

[منار عبدالعزيز]

ما سابق حروفي سوى مسحة الهم
........ وما عانق ابياتي مثل نغمة الضيق

لكن رضاي بحكم ربي وما تم
........ أكبر من الضيقة وتنشيفة الريق :)

http://store3.up-00.com/Feb11/g7b86307.jpg

[منار عبدالعزيز]

ودي أخالف مبدأي واقطع العرق
........ وامسي عديمة حس أو حتى إحساس


جايز يصادفني بخت أوله صدق

........ واصير انا حالي مثل باقي الناس!



http://upload.rashed-elmajed.com/up/uploads/images/rashed-45dd1dfdc3.png

[منار عبدالعزيز]

يا بحر لي وياك والغالي اسرار
................ ياما حيينا وقتها بالليالي

يا رب يرجع راعي القلب والدار
................ واشم نسماتك وانا بحضن غالي

http://img104.herosh.com/2010/05/30/221759212.jpg

[منار عبدالعزيز]

جارت الدمعة وخلاني جفوا
........... والحكي منّه تخيّرت الجميل

قلت ابي قُربٍ ولكن ما سعوا
........... صوبي بخطوة، وحال المستحيل!

http://t3.gstatic.com/images?q=tbn:ANd9GcR6WYRY0ms5BS8ycdq8TI-3FTYsvt7v3JmI2N77aCE0ZIY3LWRcXzNttT5p

[منار عبدالعزيز]

خل دمعاتي تهل ولا تحن
.............. يمكن اصحى من غرابيل الغرام

خلني أصحى وأحلامي تجن
.............. لين ربي يجعل آلامي تنام

http://www.falsafh.com/vb/picture.php?albumid=115&pictureid=928

[منار عبدالعزيز]

النور وصلٍ يعاودني ويحييني
.......... ماهو إسم في قوائم والا في "لسته"

وانا سأمت التعاكس في موازيني
.......... ودي أقايس وفا قلبك.. ولا قسته!

http://img105.herosh.com/2011/06/28/169791599.jpg

[منار عبدالعزيز]

لا تلتفت أرجوك..زيد من الهجر
................. اقطع عروق الوصل.. واترك لي الهنا

بعض الفراق علاج لجروح العمر
................. وانت اقترابك جرح .. ما يلزم لنا

http://upload.moltqa.com/uploads/images/moltqa-f29bdfb240.jpg

[منار عبدالعزيز]

يا عالقٍ بالروح لا تنسى مواعيدي
............. تو الوصال وتونا نحسب الساعة

أبطيت واغصانك ما طالت عناقيدي
............. مدري متى هالحال تتحسن اوضاعه!

http://www.litconline.com/wp-content/uploads/2010/07/dating.jpg

[منار عبدالعزيز]

غبت وتركت الوقت باحزاني لعب
.............. لا قلت لي "راحل" ولا قلت "الرحيل"

يا من تسبّب لي بهالات التعب
.............. دوّر بدالي كود تلقى لي بديل


http://www.pp11.com/pic_gif/uui49641.gif

[منار عبدالعزيز]

استجرت بطيب فالك .. جيرني
............. من بقايا الضيم واسباب العنا

انتظرت اسراب حب تشيلني
............. للبحر.. للحب.. وانوار السنا

اعتبرت الهم حاصل.. ردّني
............. من تفاصيله إلى بر الهنا

واستشرت الكون بعدك.. دلّني
............. عالحروف وجيت ابكتبها..هنا



http://t0.gstatic.com/images?q=tbn:ANd9GcS5yQT5Go1Hfmhr-Ritqi4E8o-Vw7mfozQhlQ4c2SmRUgpSZ-vlZZkHyM-L

[منار عبدالعزيز]

فيض الشعور ينادي أهداب عينك
.................. ويقول حي اللي غيابه مطوّل

ما شفتني رهن لإشارة يمينك؟
.................. والا العواذل عادوا يطرون لوّل؟!

http://www.niswan.net/online/images/articles/2011/09/01-09-11/2/_1_1__1.jpg

[منار عبدالعزيز]

جعلي على دربك كما غيث معطي
.......... ياللي عن الناس بكلامك تساميت

عجّل على قلبي فرح عام مخطي
.......... وازداد لك بوحٍ ينادي بكل بيت

لا تبتعد، واتحمّل اليوم سخطي
.......... على البعاد وباللقا قول انا جيت

http://up.arab-x.com/May11/ukJ24438.jpg

[منار عبدالعزيز]

يا عديل الصبح في طلّة نهار
.............. يا انتصارات الحكي والاسئلة

ما دريت إني على قلبك أغار
.............. وما دريت الليل بعدك مطْوله

فدوتك كل الهنا والانتظار
.............. عطني احساسك وانا باتناوله

جيت لك وانا اللي سموني "منار"
.............. نور في دنياك.. لو تحتاج له



http://fc03.deviantart.net/fs70/i/2010/190/d/5/Marguerite_by_0lalaa.jpg

[منار عبدالعزيز]

القسوة احساسٍ تعاهد مع الوقت
............. ما يترك الطيب ولا يقتدي به

الله يعين قليبك اللي من الكبْت
............. يمسح على قلبي ولاني قريبه

http://imagecache.te3p.com/imgcache/a4582f415c98202a9c76bae56d28baa1.jpg

[منار عبدالعزيز]

غيرة تشب الحب وغيرة تذبحه
............... وانته ما بين الغيرتين اختيارك

إمّا تداوي القلب والا تجرحه
............... حدّد وطبّق في النهاية مسارك

http://www.ibtesama.com/vb/imgcache2/88984.gif

[منار عبدالعزيز]

خانقي وينك؟ عجزت اتنفسك
........... شاب ليلي والشِّعر صابه جفاف

في بساتيني تناثر هاجسك
........... جرّحت عيني سلايله الرهاف

كل ما دار الشمال اتخيلك
........... مقبلٍ تنهي عذابات الزعاف

والحقيقة ماني حول مرايتك
........... إنت في روضة وانا سبعٍ عجاف!



http://up.5aa5.com/uploads/images/5aa5-3adf618342.jpg

[منار عبدالعزيز]

ظلم الوعد .. والا فعايل يدينا
................... كله غياب وكل منا يعيبه

الله يسوق قلوبنا من يدينا
................... ومن بالرّدا ناوي فربي حسيبه


http://t0.gstatic.com/images?q=tbn:ANd9GcTiyUoEP3kyWfroyoWqhHt60zgxiYCEW o0Hj8bBWU0rOGgVVZvHjNUQnV30

[منار عبدالعزيز]

مدري أمد ايدي لإيدك واتبعك
................ والا بأعماق المجاهل .. انكتم

وارفع جبيني لك واطولك واحضنك
................ يا نور شمسي.. يا خيال المنغتم

إعذر برودي.. لنّ تاريخي معك
................ يروي شجون سيول فرحٍ .. مايتم!




http://t3.gstatic.com/images?q=tbn:ANd9GcSaYyHAN4qYHMF9wu6NHGZ1tpPrgiY_O 331Dah8qp2532TkLjgqDK2bukgcGg

[منار عبدالعزيز]

:

في عالمي..
جرد المشاعر.. عار!!
لا تنتظر لمسة دفا
من عاشقٍ.. محتار
يخفي مشاعر نبضته
بالعتم.. والإنكار..!!

في عالمي..
كل المسافة داخلي
من طرقة الباب الخفيفة
لآخر المشوار..

في عالمي..
هذي خلاصة
آخر الأخبار!

:
http://im2.gulfup.com/2011-04-02/1301751838145.jpg

[منار عبدالعزيز]

الوفا في وقتنا يومه قصير
................. واللي ما يوفي يلاقي لهمكان!

احتضن ذاتك ولا تنسى الضمير
................. رغم طيحاتك ترى قدرك مصان




http://t0.gstatic.com/images?q=tbn:ANd9GcQQsoM-J7T4U7mdaGNEGiDvOaoKm7D7p_JlyWf2F80oiE9_QaSGG748Ay kl

[منار عبدالعزيز]

ياللي سكنت النبض في ساعة ويوم
................... بابوح لك سري وانا دون بابك

عالجتني من طيحة الأمس .. واللوم
................... لما اشوف اليوم غيري ببابك!!




http://www.qatar-photo.com/gallery/data/500/DSCF1200_1.jpg

[منار عبدالعزيز]

بعض الألم منه نعيش ونعاشر
.............. وبعضه يحطم غالي الروح فينا

والا الصبر وكثيرمما نساير
.............. يقلب بعض أحيان مقلب علينا!




http://imagecache.te3p.com/imgcache/2c3ffbd1fb18c2c772e68a43a39cf7ff.jpg

[منار عبدالعزيز]

لا شك مثلك عارف الجِد والحَد
.......... ولا شك من تهوى بتعلى سماوات
لا صرت انا شمعة حياتك فذا عهد
.......... إني أحيل اسوار ظيمك براحات

http://www.mriraq.com/up/tnrbpaS30.jpg

[منار عبدالعزيز]

http://4.bp.blogspot.com/__wAhnPrhLSk/TIRigJI5B9I/AAAAAAAAAGI/57HR6Z1Mwg4/s1600/10840_101016716593769_100000563237705_25325_447016 4_n.jpg


عامي جديد.
باحلى المشاعر لي تزيّن
يحمل آمالي
ويرسم بسمتي
ويخلّي أيامي
على لساني قصيد.

عامي جديد.
حبّيته قبل يحل
وحبّيت انا وسمه.
المطر هل وتلالا لجيّته
مثل ما قلبي مطر
لما غديت لخافقي بسمة.

عامي جديد.
مثل الأمل لما وصلت.
ومثل الليالي الهانية
لما تماثلت وحصلت!

وياك انا
حتى وسط حزني:
سعيدة!
وياك انا
فرحة.. وآمالي بعيدة!
وياك يا عمري
تحديت الزمان
وصرت انا الأولى
بتعريف السعادة
والمودة
والأمان!
جيت يا عمري
وخليت المكان
طيب ود
وزحمة افراح
ومعايد..
قبل حتى يحل
ويحين الأوان!

عامي ببسماتك جديد.
وكل عام يا عمري
وحبك لي يزيد.

[منار عبدالعزيز]

يا ليّن القسـوة..!

http://t1.gstatic.com/images?q=tbn:ANd9GcTFCvZA_x2DFXuta4xej8YkWnSBCcTBM _uD7VaTl2IiTw3Zyc2ooQ&t=1

هنا هنا .. بالقلب غاير مكانك
......... مثل الجروح اللي غزت جوف الاحساس!

مثل الخناجر في حشايا حنانك

......... إليا ذكرته كل ما فيني احتاس!!
هنا بوسط الجوف.. حاير عشانك
......... كل الزمان اللي انطعن منك، لا باس!

هنا أبَوْصل لك.. وابنسى زمانك
......... هنا أبلْغي دمعتي حضن وانفاس

هنا بتوصلني بقايا حنانك
......... يا من تناسيت الوفا.. همّك الناس!

هنا.. يزين الدمع ساعة أمانك
......... حسرة.. ودمعة.. ما نخى فيهم الراس

هنا .. هنا .. بلقى العذاب بضمانك
......... يقضي على كل المشاعر بهوجاس

يلغي زماني كل ضيم بْلِـيانَك
......... يا ليّن القسوة رغم شدّة الساس!

وهنا هنا.. بيظل غاير مكانك
......... مثل الجروح اللي غزت جوف الاحساس

منار عبدالعزيز - القمرا
أبريل 2006

[منار عبدالعزيز]

http://gallery.photo.net/photo/1868378-md.jpg


كل عام وايامي بدونه كئيبة
..... أنا فقيدة روح لنّي بدونه

حتى المعاني في ألمها مصيبة
..... يوم الهنا عوّد رحيل بعيونه

أطلبك يا أبريل انهي مغيبه
..... قل له يعوّد واكتفي في جنونه

قل له تراني في بلادي غريبة
..... خلّه يجي واسعد ولو في سجونه!