إيـقــاع الـمـطـــر

[علي الحسني]

كيف حالي
وش هي اخباري عساني مانحرمني
الشكر لله ما زلت آتنفس
إيه صدري ضاق بي لكن متصالح يسامح
لو حواني صدر غيري شوق جامح ..
مافهمني غير صدري
لو تنفست بصعوبه أعرف انه مايخليني كذا يرجع يحن
مايخليني ويفتح للنسيم الباب لاطال الشجن
المهم انه نصحني . لو جرحني
قال لي : إحذر تسلم قلبك أي انثى وتندم
كلهن اخوات من نفس الفصيله
لاتحاول يوم تحلم
قلت ما في اليد حيله
قال لاتزعل أجل لاضقت بك
قلت يمكن اسمعك في يوم ..
خل اللوم
المهم اني بخيربليل حالك
كيف حالك

[علي الحسني]

فقـدتـك حـيـل لـــو إنـــك فقدتـيـنـي كـفـقـدي لـــك
.......... لصـارت صورتـي قـدام عينـك صـعـب تمحيـهـا

يـا أجـمـل حـلـم لـكـني عجزت اوصل لتأويـلـك
.......... بربك مـهـجـتــي ذابت بنارك من يطـفـيــهــا

دخيلك لاعجـزتـي عــن وصـالـي هــات منـديـلـك
.......... عشان اجمع صورك اللي بدمعي فيه واخفيها

[علي الحسني]

التبغ هذا اللذي سبته على شانك
................. رجعت له والسبب في الحالتين انتي

/

من اول اغنى عنه وردك وريحانك
................. واليوم عوّد نديمي بعد ماشنتي

/

شنتي بهجرك وتطنيشك ونكرانك
................. ايست منّك تعودي مثل ماكنتي


/

وشلون قلبك فقد إحساسه وخانك
................. والا قسى حين من قلبي تمكنتي


/

ماكنك الغيمه اللي عذب تحنانك
................. أغرى بسحره خفوقي يوم لي لنتي


/

أبعتبر إن ذيك الغيمه اكفانك
................. واغسلك بالدمع ماني قايلٍ خنتي


/

بذكرك بالخير لكن مو على شانك
................. من شان قلبٍ بتعذيبه تفننتي

[علي الحسني]

أحتاج لك مو غرام أحتاج لك أكسجين
بغيابك أغيب في غيبوبتي وانكمش
/

أعيش في حالة اللاوعي حتى تجين
وبجيتك تمطر الدنيا فرح وانتعش

[علي الحسني]

يرضيك يبقى كذا صدري بدونك سجين
ماتسمعي صرخة ضلوعي ذبحها العطش

[علي الحسني]

ودي أغمض عليك احدى عيوني وانام
............. والثانية ماتغمض ساهرة تحرسك

[علي الحسني]

جيتي على الموعد
جيتيني في وقتك
الليله الليله .. محتاج لك أكثر
أكثر من البارح
واحتاج لك بكره أكثر من الليله .
. حبيبتي والشوق
يجتاحني لك فوق
بكثر مآ أنتي .. شعلة حنان وذوق
بس لاتخليني لوحدتي والبرد
تدرين من دونك أحسني مفقود
من كثر ما احبك
فعلاً أنا مفقود
والأصعب من الفقد
لو التقيك بيوم .. ما القاني بقلبك

[علي الحسني]

لاتنظري لي بعين العطف يا أملاً
........... غسلت منه ابتساماتي بدمعاتي
دعيني اجترع الآهات ذا قدري
........... فإن سلواي أضحت في معاناتي
قسّي فؤادك أخشى أن يصيبك ما
.......... أصابني ففؤادي ضل عن ذاتي
لاتخضي للهوى إن الهوى ألمٌ
.......... دواؤه من ضروب المستحيلاتِ

[علي الحسني]

/


أكتبيني على دفتـر غرامـك حـروف
رتبيها علـى مبنـى بيـوت القصيـد
/
وارسميها مع الحناء بنقـش الكفـوف
واجعليها مراسم عـرس وايـام عيـد
/

واعزفيها على لحن الوتـر والدفـوف
ردديها معانـي شـوق باحلـى نشيـد
/

واعلنيها على كـل المـلا دون خـوف
وانظميها بجيـدك مثـل عقـدٍ فريـد
/

حسنها يبهر اللـي بالعمـى مايشـوف
كيف عاد الذي عنده بصر مـن حديـد
/

ودنا نلتقي رغـم الخطـر والظـروف
ودنا نكسر الحاجز ولـو هـو شديـد
/

لاتقوليـن بافكـر واحـاول واشـوف
واجهي الجد بالجد والمخـاوف تبيـد
/

ياعسى قلبك القاسـي يليـن ويـروف
أمنحيني ولـو ساعـة زمـن ماتزيـد
/

وابحري في فلك فكري خيال وطيوف
طوفيي آفاق وادنـي للقريـب البعيـد
/

وإن وصلتي مرافي الشط خلي الوقوف
أتركي الشط واقف وابحري من جديـد
/
\

[علي الحسني]

يالشينه اهواك واتمناك واتأملك

في كل شيٍ حلو شينك يعود حلى

/

عنيده ادري تراني يالغلى ما اجهلك

لكن للحب سطواته وهذا البلا

/

يسوقني لك رغم قسوتك واتحملك

يامهرة الشوق يحديني عليك الغلى
　
/

طرقت لك كل باب ولاقدرت ادخلك

حتى من الهمس ممنوع اسمع احلى هلا

[علي الحسني]

آموت في ذيك الرياض اللي دنى منها الجنى
............. ياليتني في ظلها الوارف تمتعت بشذاك
وشهي الرياض انتي الرياض انتي ينابيع السنا
............ لا اظلم علي الليل الاقيني على شرفة سناك

[علي الحسني]

كم لي وانا اشكلك صوره واسولف لك
............. واكذب عليه واقول انك بتوحيني
يرضيك اعيشك خيال ولا حصل وصلك
............. عندي شعور ان قلبك مايخليني

.............

[علي الحسني]

كل يوم انتظر قلبك عليه يحن
........ والبلا ما طلع لليوم هذا صباح
بس قلبي السبب .. أشكيه .. قولي لمن
........ يمطرك شوق جامح تمطرينه جراح

[علي الحسني]

ودي أصور لك حبوري ياغلاي
.......... بشوفتك واعبر شلون الشعور
لكن عجزت القى لهالحاله معاي
......... أقصد معاك حروف وانتي حرف نور

[علي الحسني]

إلى متى ما اشوفك الا في المنام
........ وافرح بشوفتك البخيله واحتفل
يعني عجزتي لاتقولي لي سلام
........ متى بربك ينتهي عذر الخجل

[علي الحسني]

إذا غبتي أغيب اتعب أدورني ولا القاني
............ ولا من عدتي اخضرت حروفي تفرش دروبك
دخيلك لا تخليني كذا في بعدك آعاني
............. لمن هذا المطر لو ما ربيعي عاد من صوبك

[علي الحسني]

إيتها الأنثى التي أحببتك ،
لن أغضب أبداً إن أحببت غيري ، ولن أهددك ، أو أشتمك أو استبزك ، ولن أبحث عمن أحببته لكي أكيل له الشتائم ، فقد يكون أفضل مني في نظرك ، أو هو بالفعل أفضل مني ، ووجدت لديه مالم تجديه لدي ، بل ما سأفعله بكل بساطة البحث عن أخرى ، ترى أنني الأنسب لها ، من أي شخص آخر ، فلست ممن يفرض نفسه على الآخرين ، ولا أقبل من الآخرين أن يفرضوا أنفسهم علي ، هذا أنا باختصار ، كما أفهم نفسي ، حتى ولو لم يفهمني أحد .

[علي الحسني]

///

محبط لأبعد حد
حيلي تعب وانهد
لاالناس تفهمني ولافهمت الناس

أعد ثم اعد
واغلط بوسط العد
وارجع أعيد العد
من كثرة الوسواس

متى يجيني رد
يزيح هذا الياس

[علي الحسني]

الوقت من غير ما اشوفك ليالي كدر
......... طويل مظلم وانا اتحرا شروق النهار

يازينها طلتك ما تشبه الا المطر
......... يحيي هطوله صحاري قاحلات وقفار

[علي الحسني]

يزعجني الصمت لاطول
...... وارتاح واهدا على صوتك
ماعاد بي صبر مثل اول
...... ياجعل موتي قبل موتك