شي ما

[ميــرال]

كل يوم
ئبل القمر مايروح لاعندن
وئبل الدني تزغر
وتخاف هاالطرقات عتم الليل

... تيجي صبيي ملبكي
وتروح حد العين
شعراتها غناني غجر
وايديها السمر
فوق الحكي مخبايي بردانين
توقف مابعرف ليش

ترمي عـ وجه المي صوته
وشاله الليلكي

تندهلهن ومابيسمعو
وتقول بعدن ناطرين
ومافي حدا

[ميــرال]

ياريت
شي مره وتنام الدني

وافتح عتم ابوابه
وبفتش عليك

والبس هاالطرقات

تاتمرئ هاالغربي

... وتسرقني ايديك

وانده لك مابسمع صوتي

زيح اسرار العتم
وموتي
لاتفيئ الدني

ونحنا خلف ابوابه

ولابعود بلاقيك