مـقـا طــــــــــع

[فايز بن جبيل]

فهمتني ان الغلا بالمـواصل

,, وان الجفاء اول احبال القطيعة

واقفيت عني والمعاذير تاصل

,, ليتك تحط الطول بالي شريعة



بن جبيل

[فايز بن جبيل]

بالحال بديت الطواريق بالحال

... والحال حال اللي تتله اسبوقة

يكفخ ولكنه على الارض مازال

... عن السما مازااال قيدة يعوقة


بن جبيل

[فايز بن جبيل]

مرني قبل الكلام ايمرني

ياخي في فمي عتب

لاتخلي صمتي

يتفجر غضب

مرني يكفي الزمان الـــ مرني

[فايز بن جبيل]

ارويت الاذواق بحروفي واهاتي

,, وانا الضما ميبسً اللساني واللهاتي

يا سيدي الشعر هذا محتمي فيني

,, عيبً علي اترك اللي ساكنً ذاتي

بن جبيل

[فايز بن جبيل]

لا تدورني على قوقل ولا

,, تجري البحث عني يالحبيب

ما يجمع شملنا كثر الغلا

,, والليالي حكمها قسمة ونصيب !

[فايز بن جبيل]

عادي تمر قلوب وتفارق اقلوب

,, عادي تطيح من المبادي مبادي

لكن وربي اللي خلقني فلا توب

,, من جرحي وملحك ودمعك وزادي ,,

[فايز بن جبيل]

ت

ص



ع



ي


د

[فايز بن جبيل]

ارتكى لي بالسهر ولع وشب

,, وحاف له دلة وقهواني عــــــتبها

يشهد الله ماخبرت اني محب

,, وراحت الشرهه على اللي ماحسبها

الكريم اللي على جمرك نشب

,, والردي روح يجمع لك حـــطبها

علميه اني رميتك في مهب

,, ريح يوم عصير ولله محـــتسبها



اجر وعــــافية ,,



بن جبيل

[فايز بن جبيل]

ماعليك من الملام امن الكلام امن الطعون

,, اسرق الراحة من اللي مايعيش الا الـــ تعبك

خذ كلامي او قصيدي او كما تبغــا يكون

,, المهم اني مخضت التجربه واودت نخبك

زبدت الواقع اليا ذابت تحت شمس الضنون

,, ابشر بقيض المشاعر والمشاريه اتحطبك

شفت لي كم عود اخضر ميلت فية الغصون

,, يبست اوراقة وطاحت فوق رمضاااه وشطبك



بن جبيل

[فايز بن جبيل]

عذرا فلا يوجد اجمل من البيااااض

[فايز بن جبيل]

لأنها تستحق البقاء






التجــــــربة قاسيه قاسيه قاسيه

,,,,,,,, لكني منها تعلمت الكثير الكثير

يومك خذيتي خفوقي رحتي متناسيه !

,,,,,, ان البدو لا اقفت الغيمه لهم بالكسير

هبت عواصيف هجرك والقدم راسيه

,,,,,, هزت عروشي ولكني احث المسير

رقيت لي ضلع يوم الارض متواسيه

,,,,,, وشبيت نار المحبة والغلا بالضمير

احرقت ذكراك وانتي ناسيه ناسيه

,,,,,, ولاعاد لك بالحنايا كود لفحة هجير

متحفظ القاف لا سوقه على الخاسيه

,,,,,, ومحشمك عن كلا مً لو ما اقوله حقير

والرحلة اللي بدايتها معك اســــــــيه

,,,,,,, لا بد ما تنتهي واكــون فيها الكبير

لني على ارض صلبه بانين ساسيه

,,,,,, يهزني الريح يومن الثبات المصير


بن جبيل

[فايز بن جبيل]

ففعلاً لا يوجد اجمل من البيااااض


في حفظ الرحمن بن جبيل

[فايز بن جبيل]

شرقرق برق رق شربق بربرق

,,,,,,,,,,,,,, يسبر سبرا مسبورا


الله الله هههههه الحمد لك يارب

[فايز بن جبيل]

احدً يوردها الزلال // واحدً يوردها الهماج

بس استرح يابن الحلال // ريح ضميرك والمزاج

انته البطل مالك مثال // اي احتجاج اي احتجاج

[فايز بن جبيل]

والله لولا شيمتي لناسً على بالي احشام

,, وكفً على اللي ماهو كفوً لي قصرت اشبارها

لتوبك عن كل قافً تكتبه يابن الحرام

,, واخلي الدنيا على مثلك تجر اخبارها

[فايز بن جبيل]

:34:

تستاهلون الورد تستاهلونه

,, وتستاهلون امن الشذا اجود الطيب

[فايز بن جبيل]

قصة قصيرة واربع ابيات

سعود من اطيب الناس واكثرهم شهامه كان وسيط بين بايع و مشتري وصل بينهم من دافع الثقة وطارت علية البيعة

قال له واحد من المتحذلقين ياطيبك ياسعود انت جسر ياطونك الرجال ويتعدون


وعلمني بالسالفة ,,,


وارسلت له هذي الرسالة



.. حنا انتعلق ابقشة عن بحور الضياع

,, قل للي مايفهم ان البحر ماله جسور

كان الحصاني تعشى من ظهور السباع

,, لابوه ظهرً غدا للناس جسر وعبور

ياسعود صرنا فرايس في يدين الضباع

,, وطيور بقعى على الطيب تحوم وتدور

لـكن لا بد ما يومً نـفـل الــــــــــــــشرااع

,, ونبحر اليا هبت الطيبة وفاح البخور


وسلامتكم

[فايز بن جبيل]

هلا لا لا هلا احسها اشوية

,, هلا مع مدت ايديني من اقصاها

هلا لا لا هلا ماوفت الجية

,, هلا وابــفـــــرش اسنيني الـــ ماطاها

هلا بك يابعد كل ابشر ذية

,, هلا باللي رضى الله عني برضاها

هلا يمه هلا في جيتك لــــــيـــه

,, هلا بك يا اعــز الناس واغلاها ,,

,,

[فايز بن جبيل]

حرية الاعلام تدرون من وين !

,, من ظاهر الركبه اليا باطن السر

يعني وسطية من هين لا هين

,, لك تئبر اعيوني خبرتك ابسر

[فايز بن جبيل]

يا ذي القيثارة لاتجد نص يخلو منها

واتحداك تلقاها في منزل واحد مننا !

ويمكن بعضنا ماعمره شافها !

ومره طفى الكهرب ومالقيت شمعه مع اني كاتب فيها طاروق

ما غير الولاعات تقادح بالبيت ههههههههه اما حنا يالشعاااار لنا سوالف

:mad:

[فايز بن جبيل]

يقولون واحد توه تعلم كلمت فجئة !

راح البقاالة قال عطني ببسي فجئة ميرندا

[فايز بن جبيل]

يالله على بابك

[فايز بن جبيل]

ما كل ما ترقى عن الضيق مشراف

,, ولا هو ظروري يفرج الكرب ضيقه

ولا كل نجمً لا اظلم الليل ينشاف

,, ولا كل عينً في نضرها دقيقه !

[فايز بن جبيل]

لا تنبش قلوب و لا تصحي جروح

,, اترك الجمرة اللي محتويها الرماد

كل ما قلت تطفي بين ضلعن وروح

,, قبـقـــبتها الهبايب وجمرت بالــفـــــواد

عـلــــتن بالضـماير والحنايا تنوح

,, وعـلـــتن بالحنايا والضـماير حصاد

ماخبرت السراير بالمحبه تبوح

,, كيف اطاوع بياضً مـقــتــفـيه السواد !




بن جبيل

[فايز بن جبيل]

خلوني اكتب ترى بالصدر كم خنجر

,, ماني اب/ مطعون لكن الــنـــفس ضايق

الضغط يجتاحني يالملح يالســكر

,, عـــكر مزاجي ولا ضنيــتني رايـــــق

كن الشرايين كن العرق يـتــــفـجر

,, بيــــني انا و المـــنايا مابـــقى عايق ..




بن جبيل

[فايز بن جبيل]

ما اجملك وما اجمل نبضك يامرضي البلوي

[فايز بن جبيل]

ليتك تعنصر لي مرة و تنحاااز

,, محتاج اشوف الــــ ردت اقوالك افعاااال


مكسور والخاااطر يبي بس عكاااز

,, وعلى ثلاث امشي من الجال للجاااال


لا جيت الاول قالو ان ما حـدً فاااز !

,, واليا عثرنا جتك الاسماء و الابطاااال


تدري وش اللي بس انا اعتبره انجاااز

,, اني ابعينك كلــــــــــما طــــحت رجاااال ,,




بن جبيل

[فايز بن جبيل]

طرقت بابك يالقوافي وجيتك

ماجي مع الشباك جيتك مع الباب

واخذت من لـــب القصيد وعطيتك

,, تستاهلين اجزل عطاي هالالباب

لمحت فيك اشيا كثيرة فديتك

,, بنت ً يوازي فكرها عدت اشناب

ما قول لك اني كذيا هويتك

,, لكني ابذل بالهوى كل الاسباب


بن جبيل

[فايز بن جبيل]

مجنون لا والله صاحي من النوم !

,, وتوي شـــــــربت من المكيل مهيل

واخذت من ثالث فناجيلي علوم

,, ان البروق اللي بسمانا اتسيل

وزهمت لي قرمً وليده من القوم

,, ومع الهبوب ارقب سحابه واخيل



بن جبيل

[فايز بن جبيل]

هي صباح الذكريات اللي تجيبك

,, هي مساء كل المواجع والجروح

المهم انه شعورً ما يعــــــيبك

,, بلسمً حرفه يجي معك ويروح

مااختلف احدً على جودك وطيبك

,, لو تشوف اسموم بسهام النصوح

لا تتـــــقى مايجيك الا نصيبك

,, اضحك وخلك على خبري مزوح

دام يدك ما اشحذت مصروف جيبك

,, ودام باقي لك على العزة جنوح

اجنح اجنح يم دربً ما يريبك

,, طش هالدنيا ورى ظهرك وروووح



بن جبيل ,,,,

[فايز بن جبيل]

af وجهك


.

.

.

[فايز بن جبيل]

الله اللي فوق مالم نعلما

,, وكل عليا تحت عرشه تستريح

ما احسب العليا تطيح من السما

,, لين شفتك من سما العليا تطيح

طحت من عيني وعينك للعما

,, يوم انا رفعت قدرك بالمديح

ربما اخطيت يمكن ربما

,, والصحيح انه امفارقك الصحيح

........................

مشها لكن علينا ماتمشيها

,, هذي بعيده على عشرة من اشكالك

وتفلتك اردها الوجهك واغشيها

,, على شواربك ما يرجع سوى اتفالك


اعزكم الله عنه ,,,,

[فايز بن جبيل]

قلت ادب وحيونة ومهزلة

ماصار منتدى شعر هذا منتدى نخر

اش هذا !

ولا يشرفني البقاء