قـطــوف متـفـرّقـة..

[عبدالله العويمر]

حسبنا للوفا..لكن ، فشلنا والسنين شهود
...............................................تـن كـر من وفـيـنا له..وكنّا مـاوفـيناله

هقينا كثر طيبتنا مع اللي نعتقـد مـوجود

............................................تأثَّر والغـــلا يبقى على حلّه وترحاله

[عبدالله العويمر]

ألم من الوهم : همـي ، وشبّاك السـهـر مفتوح

..................................تنام نجوم ليلي في عيوني..والأرق صاحي

يطير من الهدب طير النعاس..ودمعتيني ضوح

................................ويغتال الورق رمح القصيـد..ونـزفه جراحي

[عبدالله العويمر]

جيتني ماجاك منّي غير شيّ

.......................................جيّتي ، طبعي يميني لليمين


ماهقيت ان الخطا مدّة يديّ

...................................ياخساره..ضاع ظّني من يدين

[عبدالله العويمر]

هزّيت بعضك ، وانتثر كل ماشلت

............................رجـّال سكبه ، والمخابر ولاشيّ

[عبدالله العويمر]

تسـألـيـني عـن مـسافـات الأمل
.........................والبلاد الصمت،والغربه : حكي!!

وينها الآمال؟!تسكن في جـُمـل
.......................قـالهـا مـنهـو يـواسي مـشـتـكي

[عبدالله العويمر]

ماقلتلك ياقايد الحر الأبي بالشعر شفت

..................................النص عاري ، والفكر عوره ، وحنّا ساكتين

شرّ البلية يضحكك ، بس البلا لامن وقفت

................................في دهشتك من شاعر ٍ شامخ ، ونااااااسه شامتين


ياشاعر الغفله تمنيتك تمعنت ، وقطفت

.............................كلمه بها كل المعاني باختصار :مهااااااايطيييين;)


نشّفت دم الناس ليتك قبل ماتكتب ، نشفت:)

............................ولاحملت السخريّه من ناااااس حولك فاهمين:)



أبيك تكتب لافته : ياشاعر الدجّه خسفت

.............................بالفكر ، ليتك تستره ، واحنا لفعلك شاكرين

[عبدالله العويمر]

عـِـزّة النفس عندي فوق كل اعتبار

.................................ماتهـون الكـرامه ، دام فيني حياة

لعـنبـوها حياة إليـا نـقـصهـا وقـار

..............................لاهي اللي حياة ، ولاهي اللي وفاة

[عبدالله العويمر]

ألا يـالـله كـان الـلي حـصـلي مـغـفــره لـذنـوب

.............................................طلبتك لايروح الاّ غسل نفسي من ذنوبي

انا عبدك واعرف انه ســترني في زمـاني ثوب

...........................................ولكن ماسـترني عـن جلالك بالـزمن ثوبي

واعرف انّك على موتي تبي تقدر،وهو مكتوب

...........................................بأمرك ..واعرف اني للمقابر باخر دروبي

[عبدالله العويمر]

ماشلت همي من عدوّي ولكن

........................همي من اللي يضحك ان شافني جيت



جيت الأماكن بس ليت الأماكن

.......................لاجا المنافق علمتني ... وصديت

[عبدالله العويمر]

الحر..يبي حر ٍ يساويه يالبــــــوم

...........................ماانتب كفو نزعل..ونركب زعلنا

[عبدالله العويمر]

من يشعل الشمعه ، ويقتل فراشه؟!

..........................هذي فراشه..لكن الشمع طافي

[عبدالله العويمر]

ماغير اسولف للسهر عنك ، وينام
........................على يدي طاري منامي..ولانمت

[عبدالله العويمر]

أثر المشاعر عندها كالمراجيح

..........................وانا اعتبر ضحكاتها لي هدايا!!!

[عبدالله العويمر]

أكبر مصيبه: يصبح الفكر هو: كفر


..........................واكبر مصيبه يبتليك الصغيّر


ان جيت تجمعها والا الناتج الصفر

.......................وان جيت تطرحها وش اللي يتغيّر

[عبدالله العويمر]

بنت وتبي تكتب اسم يبهر الكون

.............................تقول انا لي أمنيات وطموحات


تعلّمت فن الكتابه بلا لوووون

.........................وتحوّلت في آخر الدرب لـ شـتات


يازينها قبل الشعر تسحر عيون

.....................وبعد الشعر صارت فتاة الدعايات


فتاه تحسب جنسها..جرت لحون

..................ويوم انتهت قالولها أنتي فـِتــــــــــات

:)

[عبدالله العويمر]

الأرض جــدبــا..والــســنابل تـهـاوت

......................والريح صرخه..والأمل موتتة اغياب

وشوفة سراب الأرض عندي تساوت

......................مع بـيــر خالي ..والـدلو فـاقـد احباب

[عبدالله العويمر]

تدري؟


..........ياعلّ عيون ماهي عيونك.


........................................تِعمى ، إذا ترفضك تامر وتنهى

[عبدالله العويمر]

لاتسأل المجروح عن سبّة الجرح



...................... ولاتسأل الضايق عن اسباب ضيقه





ولو حاول المجروح يبدي لك الشرح



...................... يضـيـع بـين الـسالـفه والـطـريقه





اللي حسبته باول العمر لي صررح



...................... انهار في لـحظة وضــوح الحقيقه





ياليت قبل الجمع حسّبتها طرح



...................... ولاشـفــت عـيني بالمدامع غريقه

[عبدالله العويمر]

تعبت اداري خطاك وكنّي المخطي
...................... تعبت ألملم شتات اعذار غلطاتك

[عبدالله العويمر]

يابنت لاطحتي من عيون رجّـــال


....................خلي الحثاله فيك تهنى وترقىى


والاّ أنا أضحك على بعض الاشكال

...................اللي برسايل منك يابنت غرقىى

[عبدالله العويمر]

لايــازمــن ماعـادوا احـــباب يســوون


.............................اللي من اول قلت : يسوون عيني


حكمت عقلي ، واصدر الحكم..وشلون؟

...........................وشلون احب اللي تجاهل حنيني



ياكثر ماجتــني من ايــديـهم اطعون

.........................وياكثـر ماجــتهم بطـيـبي يديني


وياقـل ماشفـت الوفـا فيهم يكون


......................وياقــل ماغابوا عن الشوق فيني

[عبدالله العويمر]

وش تــاخذ اليمنى من يمين الانذال

.........يمنى النذل بالفعل تشبه يساره


لاتقــــول لي مديت يمناك لــرجال

.........مثلك حضوره بالمجالس خسااااره

خل السوالف عنك ، لاتسوق الامثال


........قالوا لنا : الكذاب كله شطااااااره

نزّها كفي عنك ، مااشوف رجّال


............حقــرت منهو ماله الا احتقاره

[عبدالله العويمر]

لاصــــار عـندك من تولىّ الذيابه

..........................: الهيــــس ، خابت بالليالي هقاويك


هـــذا زمـــن مـــادلّع إلا : كــلابه

.........................والحــــر ياسلمـــــان ســــاووه بالديك


شف كيف قفّل دون هالذيب بابه!!


......................والـكـــلب طلّ من الفرح من شبابيك !!

[عبدالله العويمر]

يعـنـي من العـنوان أصـدرت حكمك؟

.......................................طيّب وش اللي شفت من دون عنوان؟

يـاخـي قــسـم بـاللـه عــمّـيـت ظلـمك

......................................مـاكل ظـاهـر في عــيـونك هو الشان

اقرى السطور ، وخل حربك وسلمك

................................تـرا الـنقـاش احـيـان يـجـمـعـبـك اخوان

[عبدالله العويمر]

الــسهــر ثــار الليالي ،، والتعازي للعيون

.......................................والسواد اللي ملا جفني وعيني :حدادها


والأرق :قبر المنام ،،وناعي النوم الطعون


.....................................والـشمـوع افنت فراشه : ترقص بميلادها

[عبدالله العويمر]

كم بقى للصمت في عمر السؤال؟!


،،،،،،الاجابه واحده ، موت أو حياه

[عبدالله العويمر]

الله يسامح كل مخطي ومقفي


،،،،،،،،،،،الاّ انت ربي لايسامحك لااقفيت


الصدق؟في بعدك ترا الحزن نزفي


،،،،،،،،،،وماهي بعيده لو يقولون لك ميت


واذا رضيت القى مع البعد حتفي!؟


،،،،،،،، ،،ماني مسامح كان للحين ماجيت!

[عبدالله العويمر]

أنت ثابت والبشر حولك تروووح


.....................أنت مثل الأرض لي موطى قدم


يعني:انت اللي بك الأجمل يلوح


........................تبني الآمال لو غيرك هدم



يارفيف الحب ياطــب الجروح


......................يامــليك وكل من حولك خدم


قل وش الدنيا؟وانا اقول الصروح


:::::::::::::::::::فــيك..وبــدونك عساها للعدم

[عبدالله العويمر]

وطاحت مثل دمعه مرّت بخدي ،ولاطاحت

،،،،،،،،، تلاشت من جفاف ٍ ماعهد ملحه ، ولاعذبه


وانا الباقي ، وهي مرّت على عمري ، ولاراحت

،،،،،،،،بقت فيني ، مابين اهي الحقيقه أو هي الكذبه

[عبدالله العويمر]

مدامك اللي ماانحنى لاجل مخلوق


،،،،،،،،،،، أنا بعد مثلك ولو كنت غااااالي

[عبدالله العويمر]

ولاصارت الدعوه مشاريه وحقوق


،،،،،، حقي عليك ابقى على طول عالي



واذا بعينك فيه نازل ، وبه فوق


،،،،،،، وطيت قدرك ، واصبح الـ"فوق" فالي

[عبدالله العويمر]

الارض ماشالت حزن..والريح لو هبت شمال


............................ماشالت إلاّ مايطيح ولاانكسر غير الهزيل!

[عبدالله العويمر]

لو ابن عمي على كيفي يجي

،،،،،،،،شلت "عمي" لين احقق مبتغاي


علّم الجاهل وش اللي ترتجي


،،،،، من ورا صيدك اذا "صيدك" خطاي



هي تجي بعض السوالف ؟ماتجي

،،،،، غض طرفك ياحكيم الراي،،،راي!

[عبدالله العويمر]

يبلل ثوب احبابي خطايا ، والبلل ممقووووت ،،،،، واحس ان الخطا بـ/ اني اشوف الكون احبابي

[عبدالله العويمر]

كل ماترمي لك بهالوقت صوتـــ ،،،،،،،،ماتصيب الا الصغير من الكبير:

[عبدالله العويمر]

ترمي علي الحزن ، وتشيله كتوف


،،،،،،، وارمي عليك الود ،،وتصد عني!!

[عبدالله العويمر]

كل ماترمي لك بهالوقت صووووت


،،،،،،،،،،،،ماتصيب الاّ الصغير من الكبير



صاحبي والحق يغتاله سكووووت


،،،،،،،،،،والكلام ان قلت بعيوني صغير

[عبدالله العويمر]

ليت الفرح يمناي وامدّها لك


،،،،،،،،وامسك يمينك وانت تمسك سعاده

[عبدالله العويمر]

قلبي يقول انك قريب ٍ على طوووول



،،،،،، وعقلي يقول ان الزمن غيّر احباااااب

[عبدالله العويمر]

طلّي على النور،،خليني مع الظلمى


،،،،،،، تعوّدت عيني القى الليل باركاني


روحي ، وانا اللي ابابقى بانتظر سلمى

،،،،،،،، واكذب على النفس لين النور يلقاني!

[عبدالله العويمر]

إف (5) حيلة اللي ماعرف للشعر نااااس

،،،،،،،،،ولاعرف للصدق مع ذاته طريق ٍ يبتدي


إف عليك ان كان ماتعرف بأنك للمدااااس

،،،،،،،، أقرب من الراااااس ، والساذج بك اللي يقتدي



مايعلي قدر شاعر إف (5) والقياااااس

،،،،،،،،،،وش تقدم من حضور وشعر ، يالفكر الردددي



:)

[عبدالله العويمر]

من كثر طعنات الرفاقه تعلّمت

،،،،،،، إن الرفاقه :طعنة اصحاب لاصحاب


ياقايد ان جيتك بطعن وتألمت

،،،،،،، لاتشره ، وحط الطعن شرع لاحباب:)


شفني قبل يومين ياخي تبسمت

،،،،،، ودمي نزف ، واقول عطر ٍ له انساااب

[عبدالله العويمر]

العمر دفتر ، وسطره ماحـوى غيـر الألـم
واسمي : الحزن المبجل ،كان بك ياخي وعي
"من ترف هالحزن يولـد بيـن كفينـه قلـم"
ولاكتب في دفتري غيـر المآسـي والنعـي
ميّت الايـام ، نعشـه :خافـق ٍ كنّـه علـم
يسأل التايه من احزان البشر :تجلس معـي؟
ليت لي قدره على الظالم ،واطول اللي ظلـم
تقصر يديني ، ولااملك غير قومة إصبعـي !

[عبدالله العويمر]

خاويت حلمي ، كم ليله مشينا
،،،،،،،،،، ولاشفتني لحظه من المشيه إرتحت
يده على كتف الجفن ،، ماعنينا
،،،،،، إلا لوقت ٍ صد عني عقب بحت
والحين اشوف الحلم طاح ، وبكينا
،،،،،،،،،،،،"وانا هنا حلمي تعثر ولاطحت"
وان قلت قم ياحلمنا ، بك سرينا
،،،،،،،، يقول روووح ، وحسّب اني معك رحت!!

[عبدالله العويمر]

لو للشتا رحمه رحم عاري الناس

..........................ولو للوفا سلطه قتل خاينينه

[عبدالله العويمر]

مــدري وش اللي حــدني أقـول : ياليتك بروح


.....................وتحـس فــيــني دامني في كل لحــظــاتي أبيك


يامــعــوّد ٍ قــلبي على لاماك قلي : وين اروح؟

.....................لاصـرت أنــت المـُبتدى ،والدرب منّك أو فيك


لاغبت ماغير السهر يحضر ، وهاجوسي يبوح

.....................اللـــــه ياشيــن السهر لاصــار يسألني عليك


نســيتني؟قــلي وانا أقــول يــاروحي جــروح

......................غير الجروح المبطيه جتني جروحك وبيديك


عطني سبب يالمبتعد واقول لك عذر وسموح


.....................لــكن طلبــتك لاتــروح وهاجــسي خوفه وشيك


أشغــلتــني وانا على خــبرك بهــالــدنيا يلوح

.......................كل التعب في ناظري ، أرجوك ..يرحم والديك



ريّح خفوقي بالعذر ، وابعد واباغتال الطموح

........................والاّ الــوصل ، لكن كذا حرام يالغالي عليك

[عبدالله العويمر]

يمر العمر ،،ودروب الليالي يالجروح اســفار

.........................وانا عابر سبيل ولالقـــى غيـــر الســهـــر يمّه



أمر الذكريات ،وكــل ذكـرى يالعـيون ديــار


.........................حكمها شيخ ،،نسياني لك الله قد هــدر دمـّه


يشب النار،والخافق حطبها، والضلوع وجـار


.........................من الفـرحــه لقيــته كل طــاري لالفــى ضمّه


يقهويني فناجيل الحنين،وتمرتي : "وش صار"


.........................كريم بمجلسه ماشفـــت غير همـــوم ملتّمــه

[عبدالله العويمر]

ريّح خفوقك ماانت غالي ولاشي



،،،،،،وان قيل لك غالي ، خذ العلم هالحين



والله لو المووووت في قبضة ايديّ



،،،،،،لااكرمك في موتك ولي فرحة العين!

[عبدالله العويمر]

اسم إنسان ، والظاهر "رفاتـه"=اشوفه وصف يا"ريماس" منـي
اباذكـر للفـرح مـره التفاتـه=تخون الذاكره ،،واذكر تجنـي!
ولو يسـأل زمانـي ذكرياتـه=يجاوب باختصار وصدق عني:
بعـد ماكبّـل الواقـع حياتـه=((رماه الليل في حضن التمنّي))

[عبدالله العويمر]

ياوسع صدري عليك..وقلةالحيله=تقهر خفوقي وانا اللي خابرك مبطي
اسأل عليك بغلا..والحب تنكيله=لاصرت تعطي وغيرك ماعرف يعطي
اسج وابني عليك الشعر واشيله=واقول كل البشرتخطي.ومايخطي
ياوجد حالي عليك وياقسى ليله=وشلون قلبك على التنكيل بي يسطي!

[عبدالله العويمر]

كل ماترمي لك بهالوقت صووووت


،،،،،،،،،،،،ماتصيب الاّ الصغير من الكبير



صاحبي والحق يغتاله سكووووت


،،،،،،،،،،والكلام ان قلت بعيوني صغير


كل لحظه في سنين الحزن مووووت


،،،،،،،،،،،،،،وكل سهل ٍ في زماني "بي" عسير

[عبدالله العويمر]

ماهو هياط امدح من الربع عااااالي


إلا الهياط امدح من القوم سـِفْـلهـ


الطيب له ساسه ، وللعلم تالي

،،،،،،،،،،، ومدحك لراع الطيب مردود مثله

خل الكلام اللي فبالك ،، وبالي

،،،،،،،،،،، يغنيه شوفي ، وانت بالصمت: قِبْله

ومدحي لفعل ، وكلمتي راس مالي

،،،،،،،،،،،،،،،،،،بعض المواقف مالها فعل ياابله!

وانا بنظر عيني تخايلت :غالي

،،،،،،،،،،،،،،، جاب الثمين ، ولاتشاوفت :هزله

[عبدالله العويمر]

حالتي حالة ، واذا تطلب وضوح


ـــــــــــــــ ماعرفت اختار بالدنيا صديق


كل ماهزيت صاحب ،جت جروح



ــــــــــــــــ وكل ماقفّيت ضيّعت الطريق



الخطا منّي ،،ولاادري وين اروح


ـــــــــــــــ كل درب ٍ بالصداقه بي يضيق!!

[عبدالله العويمر]

دامك (.............)والشعر مخبور=سلام ياشاعر يجيه احترامي

سلام يافكر الشعر والغلا دور=تسكنبها لو ماالتقيتك..سلامي

شاعر وصل لقلوب وعيون جمهور=بالشعر واصرار العظيم العصامي

ماجا للاعلام المزيف ومن زور=ولا شحذ ربعه تزفه أسامي

وبعد السلام آقول ماجيت بقصور=طبع الكبير كبير..هذا كلامي

من يشحذ العالم رسالات محصور:=بين انتقاص وبين وضع انهزامي

لاطال في شعره سما..وارضه البور=ولاطال في شخصه قليل اهتمامي

يشحذ مكانه من ريالات ميسور=تسوله للعز يحسبه سامي

مايدري ان العز بالنفس محصور=على"يدي تمسك بحربي حسامي"

وش فايده لاقيل شاعر ومشهور=ولبست محزم بس ماهو حزامي

واكبرمصيبه داعم الجهل دستور=سنه فكر من يتصف بالأمامي

اللي تناسى ناس تشكي من الجور=الفقرفيها شي موجع وحامي

ليت المسج له عين اويحمل شعور=ويجي بيوت ٍ جوعها صارنامي

بس المصيبه مرسل الجوع مخمور=في كاس شعر وصبه اكبراعلامي



مجاراه كيبورديه لشاعر شاهدته قبل قليل

[عبدالله العويمر]

مر الفرح في رحلةالعمر مره=واقفى وخلاني اصفق يديني


احطب همومي للسهر واتشره=لامر ليلي دون ذكرى تجيني


ياكثر ماحزني رسم بي مقره=وياكثر مادلت على الحزن عيني



ياصوتي اللي في قصيدي اجره=الناس تطرب..والشقى محتويني

[عبدالله العويمر]

لو كل من يرحل أدور له اسباب

،،،،،،،،،،، ضاعت حقوقي عند نفسي وانا اخوك



ماهو غرور ، إلا حقيقه ، وماجاب


،،،،،،،،،بعض الزعل في داخلي لوم وشكوك



من راح عني فاتح لنفسه الباب

،،،،،،،،،،، ومن قبل لايرحل وهالباب مصكوك!



العمر عشته ، مره احباب واصحاب

،،،،،،،،،،،،،،مروا على ورده ، ولاشافوا الشوك

[عبدالله العويمر]

من قصيده قديمه


بعد ماطاحت القدس ، وعراق ،،وانكسر رجّـال

.......................................تــوقـعــنـ ـا عــروبتنا تثـــور بوجه غــــادرها



توقعنا طفح كيل الصبر ،، صار الغضب أنجــال


.....................................حــســبنا كل حاكم للعروبه صار :نــــــاصـرها



ولكن خابت شعــوب العرب ، وتـــردد الـمـوّال


..................................(ألا ياعين ياليل ) و ( نجـــوم الليـــل اسـامرها)



مدام ان الغضب فينا يــشـابه ثورة الأطفــــال


.............................زعل ساعه..بعد ساعه تشـــــوف الضحك عــــامرها


وش اللي تنتظر! قمّــه؟تراها زوبعـة فـنجــال


..............................كـــذا حـــال القمم هــذا من اولـهــــا لآخـــــرهـــا

[عبدالله العويمر]

الليـــل ياخـــذني بهالعــمر قـنديل



،،،،،،،،،،،،،،، وانا اشتعل!! ، والليل للصبح ساري




الجرح ، والذكرى ،،وحزني ، مع الليل


،،،،،،،،،،،،،،، شفهم تخاوو من يمين ويساري

[عبدالله العويمر]

إلى صديق الطفوله:


أمد من الغلا كفي ،،ولو غيري نوى يجفاه = مدام ان الغلا فيني ، أشوف ان الوفا محتوم


رفيق العمر ، والخوه ،،ترا لك بالحنايا جاه =تغيب؟تروح؟تزعل؟ماوصلك من الأُخوّه لوم


ترانا لاشرهنا مازعلنا ،،والغلا مبداه = على قدر المحبه شرهتي ،،والاّ الزعل مرجوم


لك الله كثر ماتخطي نحبك ،، والخطا لولاه= يروح العمر ماشفنا غلانا في وجيه القوم


وانا اعرفك مثل غيم ٍ يغيث إليا نزل لي ماه = تباشربه جفاف ،،ولابقى بعده غصن محروم


اخوي،،اخوان مانزعل ،،وماضينا بقت ذكراه = إذا تذكر تراي اذكر ، واذا ناسي !! غلاااك يدوم



تلحفنا الهموم اول مسافات العمر ،،واتلااااه = بقت دمعه على الذكرى غلا!!،،رحمه!! بها ملزوووم

[عبدالله العويمر]

اول وعلمي فيك شاعر ورجال

،،،،،،،،،،،،،،،،،،،،،،،،يوم انت بالثنتين قول وفعايل

يوم انت لك في منزل الفعل مدهال

،،،،،،،،،،،،،،،،،،،،،،،وفعلك ينومس ياسليل الحمايل

والحين شاعر ايه..رجال!من قال؟

،،،،،،،،،،،،،،،،،،،،،،،بينك وبين المرجله ألف حايل

فعلك يناقض ماتقوله..والامثال

،،،،،،،،،،،،،،،،،،،،،،،أكثر من اللي بك رفيقك يخايل


صحيح لابس ثوب وشماغ وعقاال

،،،،،،،،،،،،،،،،،،،،،،،،ومــن قبــيله من كبار القبايل

لكن سقيطةقوم وفعولك هزال

،،،،،،،،،،،،،،،،،،،،،،، ذيب الكلام وذيب جلب الهزايل

[عبدالله العويمر]

ابسْألِك:

ليه الغلا
يشعل قَنادِيل الوَلَه
ابسْألك
ليه الغلا
مانِعرف الّا اوله

ابسألِك
ولاتجَاوبي
يمْكِن باجَاباتك امُوت
وانا امُوت!
مِن وضْعنا اللي بك يعيش

وانا احْترق وانتي كذا!

بيْن الحقيقه والخِداع
بيني وبيِْني هالصّراع

ابسْألِك
وخلّي الجواب بْداخلِك!

ليْه انْتي اللي مااخْذلِك؟

ابسألِك:
منهو بِنا لازم يموت؟
انا او انتِي والسكُوت

ولاتجَاوبي!

[عبدالله العويمر]

قم لـلـمـعلم ، وقـله يسـكـب آمـاله

،،،،،،،،،،،،،،،، على رْمال الأماني ،، والظمى فينا

الـحـق مـاعـاد بالـتعـليـم مـنـزاله

،،،،،،،،،،،،،،،، شفنا هلكنا وحنّا بين امانينا!!!

تُسْلب رواتب وراع المال أولاله

،،،،،،،،،،،،،،،، يبكي ويسأل:من اموالي تزكّينا؟!!

في هالزمن صار حق الخلق بنخاله

،،،،،،،،،،،،،،،، وصرنا نشكّ ونقول الكذب كاسينا!!

ياامير والوقت ينشد :منهم ابطاله؟

،،،،،،،،،،،،،،،، عندك بقت كل هقوه ، منْك تدنينا؟!

يوم الرجا فيك بعد الله ،،وحباله

،،،،،،،،،،،،،،،، تِعْقَد ! لنا احقوق واسأل:منت معطينا؟

الأمر ماهو صعيب ، وكل موّاله:

،،،،،،،،،،،،،،،، "اعطوا المعلم حقوقه " منك ترضينا


واذا المعلّم هَلَك ، والموت لآماله

،،،،،،،،،،،،،،،، الله يرحم زماني وانت به "فينا"

[عبدالله العويمر]

قديمه،،







طارت حمامه ، والغصن حرّكه ريش!

،،،،،،،،،،،،،،،،،،،،كيف الغصن يقواه ريش الحمامه؟!


وبان الغمام ، ولارواله معاطيش


،،،،،،،،،،،،،،،،،،،،الروح عطشى ، ولاروتها الغمامه!


-
-
-
-

واللي من اول يرتجي لقمة العيش


،،،،،،،،،،،،،،،،،،،، عضّ اليدين اللي تمدّه طعامه!


عذر الخطايا بـ اول العمر لك: طيش


،،،،،،،،،،،،،،،،،،،، في آخره وش عذرها للملامه؟


-
-
-

للجرح حزن ٍ مايسلّيه : "معليش"


،،،،،،،،،،،،،،،،،،،، وللصمت بوح ، وللمحبه كرامه

-

-

-

-

-

-

-


بس انت شفت الغصن لاحرّكه ريش؟!

،،،،،،،،،،،،،،،،،،،، هذاك انا ،،والرّيش ريش الحمامه!

[عبدالله العويمر]

مَنْعا ً للتّأويْل هي
على لِسَان صدِيق ٍ مقرّب!


تقول ابن عمي وانا اقول بتراب=الله لايردك ولايرد عمي

بعض الخطا يلغي مشاريه واقراب=ويشعل فتيل البعد ويشب دمي

احيان بعض الطيب عض ٍ ومن ناب=على الشفاه..وزوّد الناب همي

ماقلت ابافتح للزعل فيني ابواب=لكن خطا يكبر على حساب غمي!

ياكثر مااقْبِل للغلا وابذل اسباب=وياكثر ماتفرح اذا سقت ذمي!

حطيتك العالي ولاشفت بك طاب=ومانيب عاجز لااسفطك تحت كمي

لاصرت خايب والرجا فيك قد خاب=بذبح جناب الود من دون اسمي

والحين صد وبعد له ألف ترحاب=مابي لك دروب ٍ توجهك يمي

تدري؟ابن عمي وفي وجهك تراب=والله ينزه عن سواياك عمي

[عبدالله العويمر]

ناقص ..مكانك بين ربع ٍ تقاسمك

،،،،،،،،،،،،،،،، عقلك عساها من خبل مستفيده!

[عبدالله العويمر]

إن كانك اللي يشاورني على الجيّه
،،،،،،،،،،،،،،،،،،، ماهوب انا اللي يقول: ارجع علَشاني!!

[عبدالله العويمر]

مايمدح التافه سوى شخص تافه

،،،،،،،،،،،،،،،،، واذا جهل قاريء ، عرف شخص غيره!


رتّب مبادئ يارفيق السخافه

،،،،،،،،،،،،،،،، واشتر وجودك قبل تجهل مصيره


تبي الحسافه؟ماتسوي حسافه

،،،،،،،،،،،،،،،،، تحط نفسك مع وضيع بحظيره!


هي مسألة وقت وتشوف الكسافه

،،،،،،،،،،،،،،،،، وتشوف نفسك عند غيرك صغيره!!

[عبدالله العويمر]

ورَتّبْهم بِقَامُوسِك : أنَاس ولاجِمَعْهُم ذِكْر

ــــــــــــ حُثَالَه مَاجِمَعْهَا غِيْر خُوف وكُرْه لِمْجَابَه


واذَا بَه جِحْر لِلفَاره ، تَرا لِلحر عِزْ ووكْر

ـــــــــــــ واشوفِك حِر زانَه حوْمِتَه ، والفِعْل مخْلابَه

[عبدالله العويمر]

مافيني إلا ضيقة الصدر ،،والرووووح

،،،،،،،،،،،،،،،،،،،،،، ماعادت تشوف المخاليق مثلي

[عبدالله العويمر]

جدا ً قديم:

تعال سافر في خفوقي عن الناس

،،،،،،،،،،،،،،،،،،،،،،،،، تعال ، واسكن داخل القلب عنهم


تعال ياللي عالمك كله احساس

،،،،،،،،،،،،،،،،،،،،، تعــال ياللي عــادتك مـاانت مـنهم


ياللي اشوفك للمحبين نبراس

،،،،،،،،،،،،،،،،،،،، وياللي المشاعر ناس ، قلبك وطنهم

[عبدالله العويمر]

واذا كان المعلم في وطنّا مالقى تقدير

،،،،،،،،،،،،،،،،،،، على الجيل وأهالي هالوطن كومه من ترابه!


صحيح انه وطن غالي ، ولكن المعلم غير


،،،،،،،،،،،،،،،،،،،،، واذا هم ارخصو قدره ، فــ لاهم صدق باحبابه


لأنه من بناهم ، واخر اتعابه لقى تقصير

،،،،،،،،،،،،،،،،،، حقوقه راحت ، وقدره عساه تشيله ثيابه!!!

[عبدالله العويمر]

قديمهـ
مِن قِرَاءة ٍ لِمشْهَـد!

مَانِيْب الاوّل لَــو تـمَنّيت فَــرقَاك

،،،،،،،،،،،،،،، افتَح سِجلّك تَعْرِِف اللّي سْبقُُونِي

كَم واحِد ٍ عَاشَرْك فَتْره ، وخلاّك!

،،،،،،،،،،،،،،،،يشُوف فِيْك اللّي تشُوفَه عيُونِي

[عبدالله العويمر]

أسوق من السهر ليل ، وقصيد ، و"حانت الذكرى"=واشيل من السهر هَم ، وحنين إلشوفة أحبابي!

وأنادي فِي صبَاحي :ياصباحي وينك وتِشْرى=تعبت من السهر والحِمْل: حزن ، وبُعْد غِيّابي

أنَا مَاعِدت مِثْل اول قوي ، وماجرى يِجْرى= ضعفت ، وخانني وقتي وطاح الضعف باهدابي

بلغت من العمر عُمْر ٍ أحس الغير به يَقْرى =يشوفوني تجَارب ، والسنين تِلف جِلْبابي


قصيْد ٍ مَاعَرف غير الألم ، وآمالي إلبكرى= ووجْه ٍ ماعرف غير الشحوب ،،وصوتي:كتابي

ياهذا الليل مااضناك التعب ، وعيوني المسرى؟= بِربّك وقّف ، وخل التعب ..كله من اسبابي!

[عبدالله العويمر]

من نص قديم



ليه ياليل الطواري قبل ماتطري عليّه

،،،،،،،،،،،،،،،،،،،،،،،،،،،،،،ماسألت الشايب اللي مسكنه بين الحنايااا



وش نسوّي لالقينا بالأودام نرجسيّه

،،،،،،،،،،،،،،،،،،،،،،،،،،،،،،،ناس فيها ألف نيّه00كم لها عندك مطايا؟؟؟

[عبدالله العويمر]

قَدِيْمَه ،جِدّا ً

تعبــت اداري خطـــاك وكنّي الــمخطي

،،،،،،،،،،،،،،،،،،،،،،،،،،،،،،،،،،تــعبـــت ألملم شتات اعذار غلطاتك

لاتحسبنّي تعبت اللحــــين00من مـبطي

،،،،،،،،،،،،،،،،،،،،،،،،،،،،،،،،،،،من مبــطي اتعب وتحرقني بزلاتك

ياللي تعـــوم وتجي ويــعـــانقك شــطي

،،،،،،،،،،،،،،،،،،،،،،،،،،،،،،،،،،ماتـــدري انّي اعــاني في محيطاتك

تخطي بحـقي00ولكـــن لابـغــيت! أعطي

،،،،،،،،،،،،،،،،،،،،،،،،،،،،،،،،،،،وان جيت تشكي لقيت بقلبي آهاتك

الـــجــرح مـنك بخــفـوقي دايما يســطي

،،،،،،،،،،،،،،،،،،،،،،،،،،،،،،،،،،ومع كل هذا تلاقي بـــسمتي جاتك

ياما وصلــك العـــتب مــرسول في خطي

،،،،،،،،،،،،،،،،،،،،،،،،،،،،،،،،،،،تسفه وكنّك تــبي تــرفع مقاماتك

والـــيوم يالــيــد مابــالقــلـب لــه خـِطي

،،،،،،،،،،،،،،،،،،،،،،،،،،،،،،،،،،أبي كــتابك يوضّــح له معــاناتك

قــولي تــعبــنا ولــكن منهو المخطي؟؟

،،،،،،،،،،،،،،،،،،،،،،،،،،،،،،،،،أرجوك تصدق ولو مره باجاباتك

[عبدالله العويمر]

مُلاطَفَة ُ للأجمَل خَالد:

صباحك ورد ياخالد ، لو ان البدو ، بدو القِشع


،،،،،،،،،،،،،،،،،،،،وانا وانت البدو ، والورد مانعرف سوى إسمَه :)


والا منّا قَطَفْنَا الورد ، جال للورد فتق ومَشْع :)


،،،،،،،،،،،،،،،،،،، لِذا نَاخذ " صباح الورد " وكل ٍ يفرح بقسمَه :)

[عبدالله العويمر]

أيضَاً قَدِيْمَهـ

إيه ياعيد السنه للجرح ، والشعر الحزين= جيتني ، واسمع بقلبي لك تراتيل الألم

لك ثمان سنين مطلع كل عام ٍ لك تحين = فرحة أعياد الحزن00في ساحتك ارفع علم

باعزف بشعري سلام لقائد الحزن الأمين = جرحي اللي للقصايد يوم ماشفته ظلم

من ثمان سنين حاكم ، والمشاعر طايعين = تحتفي فيه القصايد دام للحكم استلم

اكتبيني يالهجوس اللي لقت هم السنين = اجمعيني ، وانثريني ، وانزفي حبر القلم

دامها عيد السنه ، والناس حولي غافلين = باحتفي بالجرح دام الفرح فيني ماعلم

دام غيري يحتفي بافراح عمره يالأنين =باشعل شموعك ، واصحي كل منهو بك حلم

تحتفي بك من ورا قضبان جفني دمعتين = ويعلن الطاعة قصيد ، وحبر واوراق وقلم

ساااارعي للحزن ، دام الحكم للجرح اللعين= مطلبي في دنيتي اسمع تراتيل الألم

[عبدالله العويمر]

وأيضَا ً قَدِيْمَهـ:



عـُقِـد القران ، واشترت العطور ، والفساتين ،وطُـبعت كروت الزفاف ، واقترب الحُلم من الواقع ، وبقي شهر على موعد الزواج ، ولكن الموت اغتال الحـُـلم ومااااااااات العريس00

وتخيّلت لسان حالها ماذا ستقول هذه الفتاة00



http://www.hdrmut.net//ufiles/her%20or%20therr.jpg-21.jpg

[عبدالله العويمر]

قديْمة أيْضَا ً

فِيْمَن اتّخَذ مِن مَكَانَتِه الاجْتِماعِيّة والمَاديّة مِنْبَرَاً للشّعْر

على نار السّمر ، والشعر 00وايديني على ضوّي=يدين الشاعر تشوف الورق ياهاجسي ضوّه


نويت اشعل حطب فكري00وتوّي يالشعر توّي=مدامي باوّل الليله، ترا جمر الشعر توّه


معاني هاجسي لامن ظهر جمر الشعر سوّي=جزيل الشعر00ماودّي تشوف الناس بك سوّه


أبي لامن وقعتي يالمعاني00بالملا دوّي=عسى منهو فهم معنى كلامي00يعجبه دوّه


سمعت بشاعر ٍ قال لجماهيره : سقى نوّي=قلوب الناس00ياكبر الكـِذِب لامن بدا نوّه


سمعته00للأسف00عقبه تعكّر ياملا جوّي=هزيل الشعر00وامواله تلطّف للملا جوّه


ألا ياقوّة المنصب وماله ، للصعب طوّي=ورقّي من بغى قمّة عيون الناس بالقوّه


ومنهو مااعجبه قولك ، يدينه للظهر لوّي=عسى تـِكسر يدين اللي رفض لك بالشعر خوّه


جلس شاعرك يلقي ، قبل مايلقي رجى : قوّي=يدين النّاس بالتصفيق بالقوّه ، أو مروّه





مدامي قلت ماطلته 00يديني تحتمي ضوّي=يموت بليله البارد قصيد ٍ انطفت ضوّه

[عبدالله العويمر]

والمهايط لو على ارضه قِد رقَصت

،،،،،،،،،،،،،،،،،،،،،، صرت ضحكة من على ارضه دلّني!!!

[عبدالله العويمر]

النّقْد:

خُلُق ٌ قَبْل َ أن يَكُون كِتَابَه

فَهْم ٌ قَبْل أن يَكٌون َ حِفْظًَا لِكِتَاب!

لِتُصْبِح َ طَافِيَا ً عَلَى سَطْح ِ السّاحَة ِ وأنْت َ خَفِيْف ُ العَقْل ِ والإدْرَاك ، مَاعلَيْك سِوى أن تَتّخِذ َ مِن َ النّقْد وَسِيْلَة!

سَاءَنِي ذَلِك الضّعِيْف فِي كُلّ شَيء ، وهُو يُحَاوِل ُ أن ْ يُسِيء لأنَاس ٍ لَم يَسْتَطع مُنَاقَشَتِهم ، واتّخَذ َ مَكَانَا ً قَصِيّا لِيُوهِمَ نَفْسَه بِأن صَوتَه إن رَفَعَه ُ هُنَاك فِيْه رَد اعْتِبَار ٍ لَه وفِيْه قِيْمَة لَه وهُو السّالِب ُ مِن نَفْسِه قِيْمَته!

رَاق َ لِي ذَلِك المَكَان المَرْمُوق وهُو يَحْذِف مَوضُوعَه ، وهُو الحَاذِف لَه مِن قَبْل ، حِيْنَمَا أزَاحَه مِن الإشْرَاف ِ عَلَى قِسْم ٍ لَم يَفْهَم مُتَطَلّبَاتِه ، ولَم يَعْرِف مِن اسْم ِ ذَلِك القِسْم إلا أنْ يَنْقُل مِن الكُتب ، ويُحَاول تَطْبيْقَها عَلى نُصُوص ٍ وَاضِحَة فِي ظَاهِرِهَا!

بَل ْ إن ذَلِك المُنْتَدى المَرْمُوق قَد رَحِم الأعضَاء هُناك حِيْنَما أزَاحَه مِن الإشْرَاف لأنّه كَان يَرى فِيْمَا يَظُن ّ أنّه مُمَيّز ٌ مِن مَنْقُولاَتَه يَسْتَحِق التَثْبِيْت!
وأعْجَبَنِي ذَلِك المُنْتَدى في أنّه أزَاحَه مِن الإشْرَاف بِدون أن يُخْبِره!!

أنْ تَكُون َ نَاقِدَا ً عَليْك أن تَتَحلّى بِشَرَف النّقْد ، وهُو : قُبَول الآخَر بِرَأيِه ، ومُحَاولَة كَسْب احْتِرامه ، ولَكن!

/

/

/


وبَقِيَ قَوْل لِمِتْعب التُرْكِي -حَفِظَه اللّه-:

بَعْض المـَرَاجِلْ مَاتِجي بَالــقُــوافِي

،،،،،،،،،،،،،، ولِبْس َ الجِدِيْد ، وسَكْبَة البِشْت ، وعْقَال

وطِيْب ، ودخُون ، وأسْود العِلْم خَافِي

،،،،،،،،،،،،،،، خَيّبْت ظَــنّي قِلْت بــالـثّــوب رجَــال!!!

[عبدالله العويمر]

قَدِيْمَة جِدا ً
ولَكِن ولأنّها فِي منْتَدى ً آخر ، ولأنّني لاأحْتَفِظُ بِشيء ٍ لِي فِي أورَاق ، رأيْت ُ أن أضَع كُل شَيء ٍ فِي أبْعَاد
مرّت ثمان وقرّب الخوف منّي=وكِلما يمر الوقت00يغتالني وقت

آمال في دنياي ياما عطنّي=خيال واسع بالأماني إذا ضقت

وابحر بها عن حزني اللي سكنّي=ربّان مركب بس00يغرق إذا فقت

وكِلما توقّعت الفرح خاب ظنّي=يلعنك ياحزني علي كم تفوّقت

ياحزني اللي في حياتي غبنّي=ارحم خفوقي للفرح كم تشوّقت

ذلّيتني ، جاوبت للنّاس عنّي=ياما من الدمعه عن النّاس دنّقت

هذي ثمان سنين وانت المغنّي=وانا الدموع ولاخبرتك بي اشفقت

حتّى الديار اللي من اول بكنّي=تطلب فراقي كنّي اليوم ضيّقت

يالحزن وشبك دايما ممتحنّي؟=ما(قد)خبرتك يوم فيني ترفّقت










العمر راح وقرّب الخوف منّي=وكلما يمر الوقت 00يغتالني وقت

[عبدالله العويمر]

قديْمَهـ:



ياصاحبي ماهي كذا تزعل على خالي بلاش

...................................إذا زعلت ازعل على شي ٍ يناديه الزعل


الثقل لاصار بجسم ، والعقل في خفة فراش

..................................يطـيح حامـلْه بعـيون الخلق مهما هو فعل

[عبدالله العويمر]

2004

قديمهـ
ولالِلإرْهَـاب!
يأذّن للفجر منهو يبيله بيت بالجنّه=فصل بين المسا والصبح صوت الفجر واذانه



تقوم أم وتقول الحمد لك يارب والمنّه= على طول العمر في طاعتك00شكرا لإحسانه



توكأ بالعصى ، وتنادي الوقفه ، وممتنّه = لوقفات العصى في وقت شافت فيه خذلانه



تمر الغرفه اللي جنبها ، والفكر في ظنّه = تشوف ابن ٍ لها عينه تجوب الليل سهرانه



طلع 00حب الجبين اللي يعطر عالمه حنّه =وهي ترفع يديها تطلب الرحمن إتيانه



وتفتح بابها00تلقى الغياب اللي كتب ونّه= وتنكر خوفها في قلب زاد الفجر إيمانه



وصلّــت فجرها ، والفكر يسأل قلبها عنّه= ومر الوقت والهاجس يضم الخوف باحضانه



ومرّت ساعتين من الدهر00إلاّ الدهر كنّه = يمر بعمرها00كن العمر فرحه وبستانه



قطع حبل الفكر صوت الجرس رنّه ورا رنّه= فتح باب الأمل ابن الأمن يرجع لأوطانه



تأخرت !! وخفوقي في غيابك سرب غطـنّـه= من طيور القلق00والخوف فيني حط نيشانه



أحط أجمل اجاباتي00ومر الوقت حتّى انّه= يعادل عمري الماضي بأفراحه وأحزانه



وجاوبها : زميلي مات00يايمّه وضمّنه = يديني 00كن صدري والضلوع العوج عنوانه



سقط من فكر منهم شوّهوا مفهومنا السنّه = سقط مسلم طريح ، وموتته من فعلة اخوانه



ومات00وماااات يايمه00يديني 00آه شالنّه =يخالط دمّه الطاهر مساء اهتزّت اركانه



بكت أمّه 00وقالت : ياعسى مثواه للجنّه = عسى منهو قتل مؤمن يصم الله آذانه



وحمدي للولي ربي له العرفان والمنّه = مدامك ياوحيدي باقي ٍ 00هذا من احسانه

[عبدالله العويمر]

سعيد؟لاوالله ، من أول ، وهالحين

،،،،،،،،،،،،،،،،،،،،،،،،،، حَزين؟ايه ، وحالتي غير هالناس

مَاني فقيْر ، وينتظر مدة ايدين!!

،،،،،،،،،،،،،،،،،،،،،،،، إلا فقيْر وينتِظر مَدة احساس!

[عبدالله العويمر]

لازِلْت مِخْلِص لِجَرْحي بسْ غَصْب ٍ عَليّ


،،،،،،،،،،،،،،،،،،،،،،،،، إخْلاَص مِن مَاملَك غِير إنْقِيَادَه سِبِيْل


مَا كِنْت قَادِر عَلى العِصْيَان ، وانْتي يِدَيّ!


،،،،،،،،،،،،،،،،،،،،،،،، ولازْلْت عَاجِز ، وعَشْر سنيْن أكْبَر دِليْل!

[عبدالله العويمر]

قَدِيْمَــهـ

رَد عَلى قَصِيْدة لِخَالد العنزي فِي إحْدى مُمَازَحاته:)

من مــنطلـق حــرية الــرااااااي ياعـيد

.......................................بـقــول رايي ، والـشـعـر قـبـس ناري

من يـوم شـفـت اللي بـحـزم الجـلامـيد

.......................................مـثّــل عـلـيـنــا دور شــاعـر وقـاري

يااهــل الفـكـر ماعــاد بـالفـكـر تـسديد

........................................دام الـعـقـول اصغار ..والفكر عاري

شـفـت الـمـهـايط بـين جــمـلـه وتـفريد

....................................... (........) يكتب ، والجماعه تماري


ملـزوم نمـدح فــارغ الـشعـر ، ونعـيد

.......................................مــدح القـصايد كل ماجاب طاري!؟

الــمــدح مــاعـلاّ نـجــاح الـمـســاعيد:)

.......................................ياكـثــر ماجــاها من الـمـدح شاري


الـــمـــدح شـبــه الـذم عــنـد الاجـاويد

.......................................لاصار في وجهك ، إذا كنت داري!


ترا الحضـاره تـرفـع العـقـل وتـزيــد

.......................................يالـلي تـمـايل مـع هـبـوب الـذواري


والـشـعـر نقـده مايـعـيـب الـقـواصيد

.......................................يالـلي تـدوّر مـدح : ريـم وعــذاري


واعــرف كلامـك ماتحـرّك له الحيـد

.......................................ولاضاع من قول الضعيف اعتباري



وان كان مجدك بالشعر ضعت بالبيد

.......................................المجد فعل ، وخـل عـنـك الطواري

ياعيد قـله يتـرك الشعـر والغـيد

.......................................أخـيـر لـه يجـلـس بمكـتـب عـقاري


يعطي لمستأجرومالك مواعيد

.......................................ويكتب عقود ويكتسب له مصاري:)

[عبدالله العويمر]

أحيان ودّي اقرّب ، واكسب شعورك

،،،،،،،،،،،،،،،،،، واخاف غيري قطفها ، واندم وأكره



لِذا أوقّف ، واقول القرب هو دورك

،،،،،،،،،،،،،،،، إذا تبيني تعال لقلب تحتكره

[عبدالله العويمر]

ان كان باقي لك من حقوق قلي (قلي@أخاف)

،،،،،،،،،،،،،،،،،،،،،،،،،،أخاف يطلع لك مع الوقت معروف

وانا عماي ان شفت صاحب يسلي

،،،،،،،،،،،،،،،،،،،،،،،،،،واذا زعل حط المشاريه له شوف!

حطيتها بين الحنايا وانا اللّي

،،،،،،،،،،،،،،،،،،،،،،،،،،احفظ خطا الصاحب وانا فيه مكلوف

وانت بمحلك غالي ٍ ..لو محلي

،،،،،،،،،،،،،،،،،،،،،،،،،،،، شفته مع الصدات بادي ومحفوف
شهرين مرت والمواصل امولي

،،،،،،،،،،،،،،،،،،،،،،،،،،،، واللي حكيته بآخر العرف مكشوف

[عبدالله العويمر]

كِنْت اقُول:

مِن يدوّر لي على محرّر "غبي"

،،،،،،،،،،،،،،،،،،،،،،،،،،،،، ينْشر اشعَاري ولاينظُر إليّ

إن لـقى لِي نَص جـيّد مــايبي

،،،،،،،،،،،،،،،،،،،،،،،،،،، أستِذة شَاعـِر يــمَارسْها عليّ

[عبدالله العويمر]

يُوزِنُون الشّعْر للْجِنْس اللطِيْف

،،،،،،،،،،،،،،،،،،،،، وليْتهَا عَنْد الوزِن تَسْوى وزِن!

[عبدالله العويمر]

فِيْنِي تَعَب ، وآمَال ، وأحزَان دَامَت

،،،،،،،،،،،،،،،،،،،، لَها مِن التّاريْخ ثِلْثِيْن عُمْري


اطيُور حِزْني فُوق "عُمري " تَنامت!

،،،،،،،،،،،،،،،،،، ويَاكِثْرَها ، لاحَامَت بَوسْط صَدْري!


كَم لِيْلِة مَانِمْت ، والنّاس نَامَت

،،،،،،،،،،،،،،،،،،،، وفَجْر الخَلِيْقَه مِخْتِلف عَنْه فَجْري!

واللّي بْهَواهَا تَكْتب اليُوم: هَامَت


،،،،،،،،،،،،،،،،،،،، يَاليْتَها فِي دَفْتَر الحِزْن تَدْرِي

مَانِيْب مِن يَطْرد ورَا الحُب،،صَامَت

،،،،،،،،،،،،،،، عَنْه الجُوارِح ، مَاضِي الجَرْح: عذْري!

وعِيْنِي عَن دروب المحَبّه تعَامَت

،،،،،،،،،،،،،،،، يَكْفِيني المَاضي ،، والاثْبَات شِعْري!

[عبدالله العويمر]

أحيان ارتّبني : حزن ، ضيق، واشياء

،،،،،،،،،،،،،،،،،،،،،،،، أبعد من الضحكه ، وانا مبتسم لك!

[عبدالله العويمر]

الـعِيــد راح ، ولامــع الــغَالي لقَى

،،،،،،،،،،،،،،،،،،،،،،،،،،،، لَو القلُوب اقــرَب مِن اللي يــوصفُون!


غَالي عـلى عَــرْش الغَــلا ، يامَا رقَى

،،،،،،،،،،،،،،،،،،،،،،، ،،،،،في قمّتَه ، والــنّاس تـَحْـتـَه يـصْعدُون!


أهلِين

،،،،،،، كيف الـحَال ؟

،،،،،،،،،،،،،،،،،،،وشـلونك

،،،،،،،،،،،،،،،،،،،،،،،،،،،،،بـقَــى!


،،،،،،،،،،،،،،،،،،،،،،،،،،،،،،،،،فــي دَاخلي حـب وغـلا يــخْفَى عُيون

[عبدالله العويمر]

يَقُول ُ لِي: مُبَارَك ٌ عَلِيْك العَام ُ الجَدِيْد ، ويَفْرَح!!

ومَاعَلِم بِأنّي أسِيْر ُ نَحْوَ المَوت!

[عبدالله العويمر]

كل مافي الأمر : لطفي مانفع

،،،،،،،،،،،،،،، في قلوب ٍ ماتعرف إلا سواد



من رفعته ليت يفهم وارتفع

،،،،،،،،،،،،،،، طااااح والنيران تاليها رماد

[عبدالله العويمر]

قَديمَة ٌ جِدّاً



ول ياليل الطواري كلّما تطري عليّه=أذكر اني كنت منكر شوفة وجيه الخطايا

واذكر اني كنت اسولف لليال السرمديّه=عن مكان ٍ فيه جتني كلمة ٍ بين الحنايا

حكمة ٍ من راس شايب قالها : النيّه مطيه=عقبها وانا اتخيّر أركب خيار المطايا

ماشي ٍ والدرب واحد ، حامل ٍ بالقلب نيّه=وين ماراحت عيوني شافت النيّه مرايااا

إيه رجال ٍ عزومي لابغيت اوصف قويّه=وايه رجال ٍ يديني لاعطت تقصد عطايا

ماانكسر مجداف صبري والزمن مِلحِق أذيّه=والأمل فيني قصور ٍ تبهر عيون وشفايااا

بس انا ماكنت اشوف الوقت له نيّه رديّه=لين شفت الصحبه اللي للردى تحكي حكايا

انت ياراع العلوم الطيّبات المخمليّه=جيتني وعلومك اللي قلت تاخذها مزاياااا

جيتني وانا بقلبي حافظ ٍ ذيك الوصيّه=جتلك النيّه مطيّه يومها كل الوصايا

وماذكرت اني قريت بصفحة العلم النديّه=لاتغرّك في حياتك لمعة جلوووود الحياياااا

والله اني كنت اشوف ان الخوي صورة خويّه=ولو يخون الأصل ماتبقى معاني للبراياااا

لين جتني منك طعنة سبّبت شرهة يديّه=شرهة ٍ طالت خفوقي: ليه تجهل بالنوايا؟؟

مانبي نذكر خطايا وانت لي أكبر خطيّه=باسرج خيول السؤال اللي تسبب بالقضايااا

ليه ياليل الطواري قبل ماتطري عليّه=ماسألت الشايب اللي مسكنه بين الحنايااا :

وش نسوّي لالقينا بالأودام نرجسيّه=ناس فيها ألف نيّه كم لها عندك مطايا؟؟؟

[عبدالله العويمر]

*قلت اسولفلك عن ايامي وانا
،،،،،،،،،،،،،،،،،،،،،،،،،، أسكب اهاتي على كف الليال!

*ومالقيت الليل يمسح لي عنا
،،،،،،،،،،،،،،،،،، ،،،،، ولالقيت الصبر حقق لي خيال!

[عبدالله العويمر]

عشت عُمري بين صدمات وظُنون

،،،،،،،،،،،،،،،،،،،،،،،والأماني ميّته بدرب النصيب!!!

اغتراب الذات في روحي سجون

،،،،،،،،،،،،،،،،،،،،،،،واحتضار العمر مع لحظة مغيب !

ابتسم للغير وجروحي تهون

،،،،،،،،،،،،،،،،،،،،،،،بس يضحك كل صاحب أو حبيب

وكل صدمه درس ، والمضحك أكون

،،،،،،،،،،،،،،،،،،،،،،،:الغبي اللي غباءه له يعيب!!

[عبدالله العويمر]

البارحه والضيق مركب ومرسى

،،،،،،،،،،،،،،،،،،،،،،، وامواج صبري تِبْعِد الضّيق ويعُود!!

والفِكْر خوف انّه مع الضيق يقسى

،،،،،،،،،،،،،،،،،،،،،،، أقول في نفسي: ترا الحِلْم محمود!

لاالحِلْم ريّحني ،ومَاطِلت"أنسَى "

،،،،،،،،،،،،،،،،،،،،،،،،، والوقْت راح ،،وباقي الضيق موجود!!

[عبدالله العويمر]

*لاتلوم ان طرت من كفك وصار
،،،،،،،،، ،،،،،،،،،، كل كونك دون طير ودون ريش

*الوفا بالطير طال ،، وإحتضار
،،،،،،،،،،، ،،،،،هالشعور اقبل ،، وهو يبغى يعيش!!

[عبدالله العويمر]

تصدق اني كل ماجيت ابانساك

،،،،،،،،،،،،،،، اقول : من يبقى بهالكون واذْكِرْه؟

[عبدالله العويمر]

عادي تغيب ، وغيبتك مابها موت

،،،،،،،،،،،،،،،، يمْكن لأنك غبت مليون مره!


مانيب لاضايق ولارافع الصوت


،،،،،،،،،،،،،،، ووقت ٍ جمعنا راح خيره وشرّه




مانيب لايم ، دام بك روّح الفوت


،،،،،،،،،،،،،،،،،،،،،وطرد المقفي مايجيب المسرّه

[عبدالله العويمر]

صحيح تطري على بالي ولاودّي

،،،،،،،،،،،،،، أشيل بالقلب كِره أكبر من الصدمه!!

[عبدالله العويمر]

من الكبير بهالزمن

،،،،،،،،،،،،،يابنت ياللي مبعده؟


اللي وفا وبلا ثمن

،،،،،،،،،،،،،وخلىّ المحبه مقصده

والا حبيب ٍ به يمن

،،،،،،،،،،،،،ويقفي مع اللي يسعده!!

واحد علا وواحد طمن

،،،،،،،،،،،،،على جميع الاصعده!!


وانا معك وقفة زمن

،،،،،،،،،،،،،،تجين والاّ مبعده!

[عبدالله العويمر]

ماخبروك انّي من العام لليوم

،،،،،،،،،،،،، وصوت الألم فيني يشيّد ولايه!

[عبدالله العويمر]

ماطلبْت إلاّ وصَال ٍ لو حَصَل

،،،،،،،،،،،،،،،،،،، صرْت أنْت اوفى ، وانا وافي بَعَد!

[عبدالله العويمر]

http://img84.imageshack.us/img84/4857/nedal2000006zj6.jpg

ياوردتِي والشمْع قُرْب النّهايه


،،،،،،،،،،،،،، بمُوت وجْد إن ماوصَل مِن تَحَرّيْت!

[عبدالله العويمر]

http://n7bkm.net/upfiles/eIx15812.jpg


ليه الحبل واليِدِيْن قرَاب؟




صافِح يده ، واتْرِك عْنَادِك!

[عبدالله العويمر]

يالسديس ان كان نلت اللي جفُوا

،،،،،،،،،،،،،،،،،،،، قلّهم وين الوفا ، واللي مضى!


علمهم جابوك طاري ،،واختفوا


،،،،،،،،،،،،،،،،،، كنّ مافيهم على يدّك قضى!!


ليت له قُربى ، ومن حولي وصفُوا


،،،،،،،،،،،،،،،،،، وعدهم كذبة وياسعها الفضا!!

[عبدالله العويمر]

تصدق؟مايعرف الحب غايب

،،،،،،،،،،،،،، إذا غيابه بلا عذر وسبايب

وكل ٍ يوصل احبابه ولكن


،،،،،،،،،،،،،، مع احبابي لقيت اكبر غرايب

أحد يحلف ويوعد ، والنهايه

،،،،،،،،،،،،، يبي أشياء توصف بالعجايب

واذا جاله مع الأهواء موجه


،،،،،،،،،،،،،،، ترك وصله تعريه الهبايب


تصدق؟ماعرفت الصدق فيهم


،،،،،،،،،،،،،، وانا اسوق المشاعر كالركايب!


تصدقني؟ابي انسى ومااقدر


،،،،،،،،،،،،،،،، ويقهرني اشوف الوصل غايب!

[عبدالله العويمر]

ليت الغياب اللي يجي منك عادي

،،،،،،،،،،،،،،،،،،، وارتاح من : ذكرى ، وقلبي ، وياليت!!

[عبدالله العويمر]

كيبُورديّة للمشَاركة في فعالية شيفْرَة شاعر
وقَد تمت كتابتها بهذا الشكل ، وأخذو منها خمسة ابيات نظرا ً لتجاوزي العدد المطلوب للمشاركة:



الجادل اللي ملاحمها : ملامحها

،،،،،،،،،،،،،،،، كم جنْدَلَت نَاس ، واخرهم هَوى راسي!


في عينَها كم غرق واحد ، وسابحْها

،،،،،،،،،،،،،،،، زين ان وقف بعدها عاقل ومتواسي!


لامن مشت كل عين تمر تلفحها

،،،،،،،،،،،،،،، وتروح نظراتهم صفرا ويبّاسي



في مشيها تحسب الطرقة تمازحها


،،،،،،،،،،،،،،،،، ياقو قلبي على الشوفه ، وياباسي!



زعيمة النور ، يوم النور صالحها


،،،،،،،،،،،،،،، رفيقة الأنس ، دام الصمت جلاّسي


إسوارة الحكي ، يوم الحكي رابحها


،،،،،،،،،،،،،، بها يزين الكلام ويطرب احساسي


لو ماوصلني سوى همي مسامحها

،،،،،،،،،،،،،،،، يازين ليلي لو انه لابس ٍ ياسي

يكفيني اليا ذكرت اجمل ملامحها

،،،،،،،،،،،،،،، اسعدت عين ٍ تخيل ،،وكيّفت راسي!

[عبدالله العويمر]

لاصرت من بَدّل حبيب بسهُوله

،،،،،،،،،،،،،، مانيب خسرانك ولانيب كاسبك


لك امنياتي والأماني عجوله


،،،،،،،،،،،،،، تسبق كلامي قبل اجيلك واحاسبك

[عبدالله العويمر]

تصدق كثر ماتنسى حبيبك

،،،،،،،،،،،،،،،،، اقول الله يسامح من نساني!!

لأني مانويت اني اصيبك

،،،،،،،،،،،،،،،، سوى في حب يمطر به كياني!

[عبدالله العويمر]

ياكثر ماجيت لك ، واللي يجي منك غير

،،،،،،،،،،،،،،،،،،،،،،، وانا مع اللي يجي منّك ، اسامح ، واجي!


الفرق بين الوفا ، والتسلية ، في الأخير


،،،،،،،،،،،،،،،،،،،، شفني وقفت انتظر للوصل منك ارتجي!



ان جيت لك قلبي اللي ماوضع لك خشير


،،،،،،،،،،،،،،،،،،،،،،،، وان رحت ، عادات امانينا تعيي تجي!

[عبدالله العويمر]

"سَلامْ" يا"تَافِه" ولوّ انّّك عَدو ٍ للسّلام


،،،،،،،،،،،،،،،،،،، وانَا يِمِيْني صَافَحَت رجّال ، وتْنّازِل قُويّ



ودَامَ انْت مَجْهُول ، ونُوايَا خَافقِي بِعْد الغَمَام


،،،،،،،،،،،،،،،،، عَن مِثْل مَاتَنْويه يَا"تَافِه" ، ولِي طَبْع بْدُوي



ان جِيْت انََازِل جِيت وَجْه لوَجْه ، وعزُومِي حِِزَام


،،،،،،،،،،،،،،،،،،، وان جِيْت اعدّ الطّيْب عَدّيْتَه وكِنّه لي خَويّ



وانْ كَان فِي قَلْبِك حُثَالاَت الحَسَد تَبْنِِي خِيَام



،،،،،،،،،،،،،،،،،،،، الله يعِيْنِك دَام ذيِب الخُوف يَعْويْبِك عَويّ



وطَبْع النّسَا والخُوف يَا"تَافه" لِمثلِك إحْتِشَام



،،،،،،،،،،،،،،،،،،،،،، تِسَتر وخَلك كِذا خَلْف "الوضَاعَه"مِنْزويّ

[عبدالله العويمر]

كِل ذكرى ماتجيبك للحبيب


،،،،،،،،،،،،،، ماهي إلاّ تسلية باسم الهوى!


جيت لك ياما ولاشفتك قريب


،،،،،،،،،،،،،،،، والوفا صرحي ، واشوفك من هَوَى!!

[عبدالله العويمر]

تعال

تاخذني

من البُعْد والغِير

،،،،،،،،،،،،،،،، ملّيت أنادي ، والمَدى فزعته:رُوووح!!

[عبدالله العويمر]

كم شَارب ٍ لاشِفت راعِيه يخْدعْك

،،،،،،،،،،،،،،،،،،،،، وتحِط له مِقدار يشتَال إسْمه!


مَاهي سِذاجه مِنك! ، مِن طِيب منبَعْك



،،،،،،،،،،،،،،،،،،،،،، تحْسِب فُعول النّاس مِن قول : كِلْمَه!



تقول : يارجّال ، وتحسْب يسمَعك!

،،،،،،،،،،،،،،،،،، واثرك تنادي شَاربٍ مَات عِلمَه!!


ويَاشَارب ٍ خَايِب لَو المُوسْ يَقْطَعْك


،،،،،،،،،،،،،،،،،،،،،، أخِيْر مِن وضْعِك عَلى وجْه "حِرْمَه"!!

[عبدالله العويمر]

ماخسرتوا شي دام اللي حصل

،،،،،،،،،،،،،،،،،،، تسلية ، في ظل "لايُوجَد أحد"!!!


الهوى باسبوع ثالث إن وصَل


،،،،،،،،،،،،،،،،،،، صار فوق ، وماسبق لِه انجَحَد!!

[عبدالله العويمر]

من ماوقف لك بالشدايد غيابه

ــــــــــ أخير من شوفة حـضـوره عـلى ماااش

والله لـو الجرح سبة ذهابه

ـــــــــــ حـط الـصبر في غـيـبته كنه الشاش

صاحب سواليفه وقولة هلابه

ـــــــــــ لاخـير فيـهـا دام بـالجـد ينحاش

والعمر رحله والتجارب زهابه

ـــــــــــ وكـل ٍ بـدون اصحاب "هذره" بيعتاش

[عبدالله العويمر]

عليك من التعب ياخافقي مالايعرفه غير

،،،،،،،،،،،،،،،،،،،،،،،، خفوق ٍ مالقى في قرب خلانَه سوى موته!



لو انّ الدمع مابيّن ، ولو ان القدم بتسير

،،،،،،،،،،،،،،،،،،،،،،، على غيري اسوق الضحكه اللي كنها نوته!


اجامل خلق ، وكل ٍ له مجَامَل عندي وتبرير


،،،،،،،،،،،،،،،،،،،،،،،،،،،،، وانا في خير لاجاني سؤال ٍ "خربه" بيوته!



وانا في "موت" والناعي زماني ، والشعر تعبير


،،،،،،،،،،،،،،،،،،،،،،،، ولاأقسى منه غير اللي نطقْه بحشْرجة صوته!

[عبدالله العويمر]

ياما ضحكت وقلت للوقت: عادي


،،،،،،،،،،،،،،،،،،، من كثر ماجرّبت ماعدت انا اضيق!

[عبدالله العويمر]

ماني حزين ، ولاني الحين مرتاح


،،،،،،،،،،،،،،،،،،،،،،،،، لكن مع الثنتين عايش حياتي




أول وحزني نزف وجراحي جراح



،،،،،،،،،،،،،،،،،،،،،،، حتى نويت اكتب لغيري وصاتي



والحين أشوى شوي ، والحمل ماطاح


،،،،،،،،،،،،،،،،،،،،،،،، إلا على صوت ٍ بكته امنياتي !



والقلب مجلس حزن ، والصمت فوّاح


،،،،،،،،،،،،،،،،،،، والدمع غصة عين ،،هذي حياتي!!

[عبدالله العويمر]

ماعلى المقفين يالدنيا عتب

، ، ، ، ، ، ، ، ، ، ، العتب سقته على قلب العنا


لوّي اللي حط لاحبابه رتب



، ، ، ، ، ، ، ، ، ، ، يرتقيها من على وصله دنا


كان ماشفت الحزن فيني انكتب


، ، ، ، ، ، ، ، ، ، ، ، ولالقيت الياس من روحي جنا!

[عبدالله العويمر]

كم واحد ٍ لاشفت زوله مع الناس

،،،،،،،،،،،،،،،،،،،،،،،،،،،،،،،، رجّال دامه زول ، وفعُوله : علوم!


في وقفته قْرْنَاس ، وان طار قِرْناس


،،،،،،،،،،،،،،،،،،،،،،،،،،،،،،،، والصّيْد عِنْدَه مَايسَاويه بالبُوم!



مَالِي ورَاه الرّبْح ، والحَال مِقْيَاس


،،،،،،،،،،،،،،،،،،،،،،،،،،،،،،،،، مِن دون مااحتَاجَه طَلَع : سِفِلَة القُوم!



وسَلام يَاوقْت ٍ ظَهَر فِيْك جِلاّس


،،،،،،،،،،،،،،،،،،،،،،،،،،،،،،،،،،، عْلُومُهم حَطّيْتَها سِتْر وهْدُوم!

[عبدالله العويمر]

كم واحد ٍ لاشفت زوله مع الناس

،،،،،،،،،،،،،،،،،،،،،،،،،،،،،،،، رجّال دامه زول ، وفعُوله : علوم!


في وقفته قْرْنَاس ، وان طار قِرْناس


،،،،،،،،،،،،،،،،،،،،،،،،،،،،،،،، والصّيْد عِنْدَه مَايسَاويه بالبُوم!



مَالِي ورَاه الرّبْح ، والحَال مِقْيَاس


،،،،،،،،،،،،،،،،،،،،،،،،،،،،،،،،، مِن دون مااحتَاجَه طَلَع : سِفِلَة القُوم!



وسَلام يَاوقْت ٍ ظَهَر فِيْك جِلاّس


،،،،،،،،،،،،،،،،،،،،،،،،،،،،،،،،،،، عْلُومُهم حَطّيْتَها سِتْر وهْدُوم!

[عبدالله العويمر]

ياكثر الايام والصحبه وحاجة رفيق

،،،،،،،،،،،،،،،،،، وياقل من يذكر اصحابه بخير ان طروا!


المشكله ماهي ان شفت الصدوق الصديق


،،،،،،،،،،،،،،،،،،،،، المشكله بالرفاقه يوم غبت اذكروا؟


الوقت هذا لو انّك مثل قمة طويق


،،،،،،،،،،،،،،،،،،،،،،،،، تجاهلوك بغيابك كنّهم مادروا!

[عبدالله العويمر]

السوالف مالها مجد وفعل

،،،،،،،،،،،،،،، ومن حكى لك عنّنا زور ٍ كذب


مايطيّح هيبة الرّجل ويعِل


،،،،،،،،،،،،،،، غير لامنّه ورا العالم شِذب!


قامتي عُليا ،،ومن قال النِعِل


،،،،،،،،،،،،،،، وانت مثله كان لامثالك جِذب!

[عبدالله العويمر]

حظّي ضرير ،، ودرب الايام غَادِر

،،،،،،،،،،،،،،،، ياكثر ماحظي بهالدرب قد طاااااح


وانا لو انّي ياهل العرف قَادر


،،،،،،،،،،،،،،،، مسكت حظي لين ناصل ونرتاح




والوقت ياعدني ، وبالصدق نادر!!


،،،،،،،،،،،،،،،،، هو مثل حظي؟او مع الدرب ينزاح؟!!

[عبدالله العويمر]

ياذيب وشياه السوالف مجاعه=ماعشتك ياذيب والجوع كاسيك
والدرب لو عندك عظيم إتساعه=عساه ياسع لاركضت بك خطاويك
تقنب وصوتك لو يضمك ضياعه=الغى مفاهيمك ورتب مباديك
ياذيب وشياه السوالف جماعه=تدرع بها والجوع ماتمسك ايدييك

[عبدالله العويمر]

كُتبت في نُصرة الرسول صلى الله عليه وسلم عندما ظهرت الرسوم المُسيئه


بإيجاز للأمّة:




الحمدُ لله الذي أخزى جميع المشركين=الواحد الفرد الصمد اللّه وحده لاسواه

الخالق الباريء له الأسماء حُسنى ..يامعين=هيء لي القُدره على قول الشعر في مُبتغاه

استهزأ أحقر من خلقت بأفضل الخلق الأمين=يارب لك حكمه..وأنت القادر بموت الطغاه

تطاول الأحمق تحت مرأى عيون الكافرين=ولايُفلح الكافر ولو غرّه رغد " وجه " الحياة

رسولنا من اصطفاه الله ُ للحق المُبين=من ارتفع حتى السماء السابعه ب/اذن الإله

رسولنا من اهتدى في هديه الناس اجمعين=من ارتقى بالنفس في وقت ٍ نزل فيها العُصاه

إن أحمقا ً يَظهر بفكر ٍ يُظهر الحقد الدفين=لايعني هذا غير أن اللّه بيّن محتواه

ومالرسوم الاّ شواهد ياعقول الغافلين=ياغافلين المسألة : رسْمُ ُ لشد الإنتباه

لينهض الفكر الجليس ..ان الوقوف له يعين=على أداء الواجب المعني به ،ماذا دهاه؟!!

ولتفعلوا فعلا ً يليق بقولكم ياناصرين=قول ُ ُ بلا فعل ٍ كجسم ٍ أوهن العجزُ قواه

كنّا ومازلنا شعوبا ً _إن أردنا_قادرين=على هزيمة من أراد اجسادنا مثل "الرُفاه "

وإن بقينا هكذا،سيزأر "الفأر" لحين=نحفر قبورا ً ثم نطلب دفننا خوف الحياه

[عبدالله العويمر]

المُضْحِك انّي اشوف الخِبْل متفهّم!!

،،،،،،،،،،،،،،،،،،،،،،،،، والعاقل ابعد عن الفِهم وأسَاليبه!


يالعاقل الخبل صار الوجه متجهّم!


،،،،،،،،،،،،،،،،،،،،،،،، ويالخبل يالعاقل خبالك أماريبه!!




أوّل نقاشي اقول العقل متوهّم!


،،،،،،،،،،،،،،،،،،،،،،،،، وتاليه ياعاقل الغفله لك الخيبه!

[عبدالله العويمر]

عشـت بالدنـيا وانا شخص ٍ صريح

ــــــــــــــ وماعرفت ألبس جلابيب ٍ وساع

صاحـبي ياصـاحب الـود الـشحيح

ــــــــــــــ الـمـشاعر مـاتبي تحيا جياع

علمـوك بهالـزمن قـول الـفـصيح

ـــــــــــــ ولاعـرفت ان الـفـصاحه للمتاع!

الـصداقه فعـل ..والـخافي ضريح!!

ــــــــــــــ والعـزا مافـاد يوم الزيف شاع

وصاحب ٍ يركض ورا بنت ويطيح

ــــــــــــــ مـاتفـيده بنت ؛؛ وايـامه ضياع

صاحبي والـحال بـايامـك جريح

ــــــــــــــ لايـمـوت الحال تنهشك الضباع

[عبدالله العويمر]

واضيق من الفضا ، وابعد مداي آهه ،وقولة بيت

،،،،،،،،،،،،،،،،،،،،،،،،،،،،،،، ويتباشر بي الضيق ، ومداه ابعد من الآهه

[عبدالله العويمر]

الأمنيَات مآذن ُ الحيَاة ، وأوّل خُطْوة ٍ نَحْو تحْقِيْقهَا إقَامَة ، ولاتَسْليْم إلاّ المَوت!

[عبدالله العويمر]

والصاحب اللي لاتغيّب رفيقه

،،،،،،،،،،،،،،،،،،،،،،،،،،، ماحط له خانه ! على ايش صاحب؟!!

حق الصديق اللي يعزه صديقه

،،،،،،،،،،،،،،،،،،،،،،،،،،، اكبر من الكــلمة ولو قلت : راحب!

مرضت واصحاب السوالف غريقه

،،،،،،،،،،،،،،،،،،،،،،،،،،، باللعب،،وظنــوني تحـيي،،ولااحب!!

شهرين غبت وصاحبي كن ضيقه

،،،،،،،،،،،،،،،،،،،،،،،،،، زال بغــيابي وورحـبت بــه مـراااااحب

وانا غيابه عن عيوني مااطيقه

،،،،،،،،،،،،،،،،،،،،،،،،،، احـــس كن الكــون لاغـاب شـاحب!

أثر صحيح اللي يقول :الخليقه

،،،،،،،،،،،،،،،،،،،،،،،، يكثر بها صاحب على الوصل ساحب

[عبدالله العويمر]

ماكل شخص ٍ يطول العز يستَـــــاهل



،،،،،،،،،،،،،،،،،،،،،،،،،،،، للـه حكـمـه وكل ٍ فــاهـم ٍ قصدي



أحد ٍ تجيله على الهيّن وبالســــاهل



،،،،،،،،،،،،،،،،،،،،،،،،،،، فَزعة قدر أو غني ّ ٍ كان يستجدي!



ولــو الجدا قّوته ، ياضــعفـه الكــاهل





،،،،،،،،،،،،،،،،،،،،،،،،،،، واذا على العقل؟فارغ وش معه يسدي؟!

[عبدالله العويمر]

أحيان ماودك على اللي يودون

،،،،،،،،،،،،،،،،،، لكن تسوقك فزعتك ضد ودّك


حنا عرب ، والطبع اقشر وملعون


،،،،،،،،،،،،،،،،،، افزع ، وخل الصح لو كان ضدك!

[عبدالله العويمر]

يطفي الـحب أحـيـانا ً غيابك ولو

........،،،،،،،،،،،،،،،،،،....تحلف ايمان بــ/انّك صادق ٍ بالشعور


كم من احباب سادوا بالشعور وعلو


........،،،،،،،،،،،،،،،،،،....كن مـاغيـرهم ساكن قصور الصدور


انتهو ، أو بمعنى صـح قول:ارحلو

........،،،،،،،،،،،،،،،،،،....واحفـروا في يـديهم للـمحبه قبور


وانت غالي ، واجاهد فيك ، واللي خلو

........،،،،،،،،،،،،،،،،،،....قبل اعرفك كثير ولالهم أي حضور


بس شوف بعيونك كم ناس ٍ سلو

........،،،،،،،،،،،،،،،،،،....بعد غيبة حبايب وافتقاد السرور !

[عبدالله العويمر]

من عـرفتك وانت بعـيوني : وطن

........................ والمُـصيبه! صـرت بعيونك:بدووون!!

[عبدالله العويمر]

من قصيدة قديمه ــ:



الـشـعـر عـرش الفـقـير ودمعـة عـيـونه

ـــــــــــــــــ والعـذر ذعـر الـنوايـا دامهـا شانت

والـصدق قـصد الصـريـح ، وأول ظنونه

ـــــــــــــــــ والعـين نعي الـكلام الـكاذب ان بانت

والهجر جهر الخفوق ان عـاف مـضنونه

ـــــــــــــــــ والـقرب قبـر الـمشاعر يـومها هانت

[عبدالله العويمر]

http://www.a9ayel.com/upload/media/iraqi.jpg

وش عليْه ان بسْت إيده وش عليه؟

،،،،،،،،،،،،،،،،،،،،،،،،،،،، العرب كل العرب دايم تبوووووس

شوف حكام العرب لعبه بيديه


،،،،،،،،،،،،،،،،،،،،،،،،،،، والقوي فيهم بلع بالصمت موووس


وانت لاحاكم ولاشخص ٍ وجيه


،،،،،،،،،،،،،،،،،،،،،،،،،، حدتك دنيا بها ضعف النفوووووس


عيشتك عيشة فقر ، والأمن: تيه


،،،،،،،،،،،،،،،،،،،،،،،،،، وكل دوله كنّها كيد "البسوووووس"

[عبدالله العويمر]

ياموجعه ، وانتي طلبتي نصيحه

،،،،،،،،،،،،،،،،،،،، بقول رايي واستفيدي من الراي


الحب قصه له معاني مليحه

،،،،،،،،،،،،،،،،،،،، فيها الوفا ، وآمال تستأنس الجاي!



لكن قصور الحب دايم شحيحه

،،،،،،،،،،،،،،،،،،،،،،،، بالعقل ، والدنيا بها بعض معناي


وإليا حصلّك باخر الوقت طيحه


،،،،،،،،،،،،،،،،،،،،،،، قولي: جنى قلبي عليّ من سواياي!!

[عبدالله العويمر]

يـاغالـيه والـلي خلقني مع الناس

ــــــــــــــــــ انّي وحـيـد وحـظ الايـام غادر

لو كنت اجامل واضحك وداخلي ياس

ــــــــــــــــــ طبعي احس اني على الحزن قادر

من كثر ماشفت البشر مالها احساس

ــــــــــــــــــ صرت اعتبـر إن الـوفا شي نادر!

راح العمر والصمت والحزن جلاس

ــــــــــــــــــ ومني لروحي بوح الاحساس صادر

[عبدالله العويمر]

ياام العطا والجود ياامي وعيني
ــــــــــــــ يااغلى من الـدنيا بعـيني واهلـها

لو راح عمري اكتب الحب فيني
ــــــــــــــ في حضـرتك تـشكي بيوتي خجلها

جودك قبل يملا بعمري يميني
ــــــــــــــ ملا حـياتي بالـمحـبـه وامـلـها

ياما وياما قبل تضمى سنيني
ــــــــــــــ ألقى مطرك احيا العروق ووصـلها

ياكثر ماجيتك وحزني يبيني
ــــــــــــــ وتروح لحظـات الـحزن مع عللها

ماغيرك احد ٍ بالعمر محتويني
ــــــــــــــ نكـبر وتزهى رحمـتك في حللها

لاغاب صوتك قلت للروح"ويني؟"
ــــــــــــــ والـروح كن الـموت ياامي نزلها

الله يديمك تاج راسي..وعيني
ــــــــــــــ تشـوفك الـدنيا بعـمري واهلها

[عبدالله العويمر]

http://dc08.arabsh.com/i/02534/35r9txcj8u8y.jpg

طبع البدو مابين ماعز وناقه

،،،،،،،،،،،،،،،،، لو هم على سطح القمر بالتخلّف


مزاين البدوان بيّن علاقه

،،،،،،،،،،،،،،،،،،،، إن التمـدن والبداوه تكلّف


واذا تبون الصدق :تربط صداقه

،،،،،،،،،،،،،،،،،،، ماعز وناقه وبدوي وتزلّف

[عبدالله العويمر]

أحد ٍ تدوّر مصلحه له ويكرهك!

،،،،،،،،،،،،،،،،،،،،،،،،،،،،،،، ويحطك اللي يخذل الحب والرووح!!

ياليتك اللي سافهه قبل يسفهك

،،،،،،،،،،،،،،،،،،،،،،،،،،،،،،، ويعرف مدى طيبك على غير مصلوح!!

اللي بمصلوحه تباهى ونزّهك

،،،،،،،،،،،،،،،،،،،،،،،،،،،،،،، واذا خلص زاحك عن الدرب ويرووح!

بقول له : دوّر على انسان يشبهك


،،،،،،،،،،،،،،،،،،،،،،،،،،،،،،، وخطاك من زود الغلا صار مدموووح!

وماجور ياقلبي ولو كان شوّهك


،،،،،،،،،،،،،،،،،،،،،،،،،،،،،،، تدور به دنياه ويعووود مجرووح!

[عبدالله العويمر]

قبل سَنوات ِ سبع ٍ تقريبا ً
أُهديت ُ موقعا ً من متابعين لي وكان يحمل اسم " شاعر الجرح " وهم مشكورين بكل صدق

وبعد فترة ٍ خاطبني أحد أصحاب المواقع -وكنت أُساعده في موقعه في تلك الفترة- وطلب مني أن يستضيف هذا الموقع في مساحات موقعه ، فوافقت لأنني أتخاطب مع رجل -وللأسف أنه يحمل مسمى رجل- وكنت في طبيعتي أرفض بعض الأشياء والردود المسيئه للدين بأي شكلٍ كانت
وفي قسم النثر لديه كتبت احدى ساقطات كتابة النثر ألفاظا ً منها" افترشني كالصلاة ، و : وأنت إله -او لفظ مشابه- "وحصل أن عارضت هذا وصار نقاش ٌ كبير في ذلك المنتدى وصدام وتفاجأت بالرجل صاحب الموقع يؤيدها ضدي في محاولة ٍ منه لجذبها إليه ، فانسحبت من الموقع
وكانت ردة فعل ذلك "التافه" أن حجب الموقع المسمى شاعر الجرح " وفيه الكثير من الكتابات والقصائد -وبطبيعتي لاأحفظ قصائدي ولااملك اوراقا ً تحفظها لأنني اضعها في المنتديات واتركها بلا حفظ!

وفي رد الرائعة "عبير بنت احمد" على قصيدة "ريشة وفا" ذكرت أحد الابيات التي ذهبت مع ذهاب ذلك الموقع

من عادتي لا طاح من عيني إنسان
.............................. يصير ما كنــّه على الأرض موجود

عندما أردد هذا البيت - وكثيراً ما أردده !- .. أجد عبدالله العويمر حاضراً دائماً في الذاكرة ../.. وأن أعود لأسترجع المنتديات الأثيرة التي شاركت بها يوماً ../.. لأجد نفس العويمر يستقبلني بنصٍ كـ هذا ...

يجدر بي أن أكون سعيدة حقاً ...!

صح بوحك ../.. ودامت للإبداع روحك ...

ــــ.. .



كل الشكر ياعبير