أسمو بذاتك عن حضيض الخيانه!!

[تفاصيل منسيه]

السلام عليكم ورحمة الله وبركاته

صباحكم/مسائكم..نور وسرور..أحبتي في الله

أبيات بسيطة للتواصل..أتمنى أن تنال بعضا من إستحسانكم..
وتشفع لغيابي المتكرر..

أقول::




ما ألوم قلبك لو يجـــنّ بْغرامي..
وشلون يلقى مثل قلبي بْحنانه!!

أوقات تتشابه وجوه وأسامي..
لكن لكلّ إنسان فيهم زمانه!!

لا تحتقر غيرك وخلك عصامي..
وإلزم حدود المرجله والرزانه!!

وأشعل مصابيح الوفا في ظلامي..
وأسمو بذاتك عن حضيض الخيانه!!

لو حسّ قلبك بالجفا في كلامي..
أو شفت في صدي لشخصك إهانه!!

إتأكد إنّ بْداخلي قلب سامي..
عنده من بْرود المشاعر حصانه!!

آنا سكوتي مصـدره إحترامي..
واللي رخص قدري أبآحط شانه!!

موعيب لو حاولت أرفع مقامي..
كلْ شخص له قيمه ويعرف مكانه!!

معذور قلبك لو يموت بـْ غرامي..
ياوين يلقى طـيْب قلبي وْحنانه؟؟



.............................
وسلامتكم

[شقران الزيادي]

موعيب لو حاولت أرفع مقامي..
كلْ شخص له قيمه ويعرف مكانه!!

تفاصيل النص تكمن في هذا البيت
الشاعرة / تفاصيل منسية

هذا النص المباشر / رسالة كتبت بعناية فائقة
واجزم انها ستصل لا محاله

راق لي النص
تحياتي

[هـيـفـااللاّفـي]

.
.
جميلة التفاصيل
أهلا بك بعد غياب
نص رائع ك عادتك
صح وريدك يالغلا

[عبدالله صلال العساف]

أوقات تتشابه وجوه وأسامي..
لكن لكلّ إنسان فيهم زمانه
هالبيت اعجبني كثير
صح بوحك

[علي الحسني]

مثل هذا الشعر الشعر يشفع لكل الغيابات

شكراً وأكثر على إمتاعنا

دمت بألق

[عبدالإله المالك]

أبياتك جزلة كعادتك يا تفاصيل

تكتبين الشعر للشعر لا شيء غيره
وحياك فحييه

[تفاصيل منسيه]

موعيب لو حاولت أرفع مقامي..

كلْ شخص له قيمه ويعرف مكانه!!

تفاصيل النص تكمن في هذا البيت
الشاعرة / تفاصيل منسية

هذا النص المباشر / رسالة كتبت بعناية فائقة
واجزم انها ستصل لا محاله

راق لي النص

تحياتي


شقران الزيادي
و
شاكره مرورك الراقي كـ شخصك
شكرا لك..
وكن بخير

[عبدالله العويمر]

أوقات تتشابه وجوه وأسامي..
لكن لكلّ إنسان فيهم زمانه!!


صدقتي ياتفاصيل
سلم قلبك

[ميــرال]

آنا سكوتي مصـدره إحترامي..

.


يكفيني هذا العطر ياتفاصيل
جميله بكل حضور لكِ
كل التقدير يامبدعه