لعنبو هذي المدينة!!!!!!!!!!!

[سعيد الدوسري]

كان يا ما كان
في ماضي السنين
نخلتين
وبيت طين
وطفل عذبه الحنين
وبنت راحت للمدينة
الله اكبر
كيف نستك المدينة
لعنبو هذي المدينة

****


تذكرين؟
ما هقيتك تذكرين
يوم كنا صغيّرين
يوم كنتي كل يوم تسيّرين
اخذتك مني المدينة
الله اكبر
كيف نستك المدينة
لعنبو هذي المدينة
لعنبو هذي المدينة

***



المدينة
غيرتك ودمرتني
تذكرين
يوم تنبحنا الكلاب
اللي على راس الفريق
يوم انا خايف
وكنتي تركضين
الله اكبر
كيف نستك المدينة
لعنبو هذي المدينة



****


تذكرين؟
يوم ضيعنا الطريق
يوم رحنا نشتري العلكة من السوق البعيد
يوم قلتي :وينك امي
قلت انا امك
ويوم خفتي.. قلت
خليني اضمك
تذكرين؟
الله اكبر
كيف نستك المدينة
لعنبو هذي المدينة


****


تذكرين؟
يوم ترعين الغنم وقت الربيع
وقتها كنا جميع
بس انا وانتي وأحلام الطفولة
اذكر انك وقتها كنتي جميلة
وكنت احبك
بس مدري اشلون اعبر عن أحاسيسي الكبيرة
الله اكبر
كيف نستك المدينة
لعنبو هذي المدينة



****

تذكرين
يوم حنيتي كفوفك
يوم عرس اختك منيرة
كنت اتمنى اني كبير
وعندي فلوسً كثيرة
ودي بعد انك كبيرة
واجي اخطبك
دام لون كفوفك احمر
الله اكبر
كيف نستك المدينة
لعنبو هذي المدينة


****

تذكرين
يوم كنتي بمزرعتكم تسبحين
مثل حورية بحر
يوم شفتك واستحيتي
وما هقيتك تستحين
يوم حنا صغيرين
الله اكبر
كيف نستك المدينة
لعنبو هذي المدينة


****

ودي اعرف لو تقابلنا
على دروب المدينة
بتذكرين اسمي ورسمي؟
والا نستك المدينة
من سنين؟
لعنبو هذي المدينة!

صالح العسكري

[خالد صالح الحربي]

*


صالح العسكري:
يُدخِل أصابعه.. في عُمق ذاكرته.. وَ يكتُب.
بعيداً.. عن أيّ مَكيَجة.. أوْ رُتوش.. مجّانيّة.
ولذلك هذا.. النّص كُتِبَ للجميع.. وإن اختَلَفت الـْ..مُدُن.
شُكراً../. لحرفٍ يراود.. الجمال.. وَ يستجيب.

[سعيد الدوسري]

*


صالح العسكري:
يُدخِل أصابعه.. في عُمق ذاكرته.. وَ يكتُب.
بعيداً.. عن أيّ مَكيَجة.. أوْ رُتوش.. مجّانيّة.
ولذلك هذا.. النّص كُتِبَ للجميع.. وإن اختَلَفت الـْ..مُدُن.
شُكراً../. لحرفٍ يراود.. الجمال.. وَ يستجيب.


خالد

لعنبو اللغة

تقف عاجزة عن سبك عبارات شكرك

[اورنس الهذال]

خالد العسكري

استمتعت بالرحله معك

صح لسانك وعلا شانك

بإنتظار القادم بشوق

دم بخير