صـبـاح اسـمـك

[محمد الزويد]

السلام عليكم و رحمة الله و بركاته




صباح اسمك يا أحلى كلمةٍ مرت على إلساني =أحس بلذة الرمان تروي الروح من زينه
صباح ايدي و هي تضمك وصدرك في دفا أحضاني=متى هالصبح يرفق بي و أشوفك به تحلينه
صباح أحلامك الحلوه و هي بالنوم تلقاني=وأعرف الحلم من صوتك وش اللي في مضامينه
صباح الساعه اللي صحّتك بدري على شاني=اشوف الصبح بك يحلى إذا تصحين من حينه
صباح البسمه الطيبه ترتب فوضة أشجاني =رهنتك أمنية عاشق تمنّى بس تحبينه
صباح اللمه الحلوه و نجم الصبح يزهاني=وأنا جالس معك أفطر من قدوعٍ تسوينه
صباح الخير من فمّك تشكل لوحة ألواني =وأشوف النور في وجهك على الدنيا تبعثينه
صباحك وردةٍ حمراء تلطف جو بستاني=يا بخت الورد يتغنج على ايديك و تشمينه
صباحك مغفره من الرب تبعد شر كل داني=عسى ربي يحفظك دوم من الحاسد ومن عينه
يميّز صوتك المبحوح كأنه لك وتر ثاني=من أول ما فتحت عينك تبين اسمي تنادينه
ترى هاليوم ما يكمل اذا هالصبح عداني=دخيل عيونك الحلوه ابي هاليوم تبدينه
لأن لو خذاك النوم عني كيف بلقاني=تضيع اشياء من عمري اذا في يوم تجفينه

[ميــرال]

ومساء احلى بهكذا حضور وشعر راقي
محمد الزويد
سلمت روحك العذبه وحرفك
كل التقدير

[عبدالإله المالك]

محمد الزويد

صباح الشعر .. الممتد من الأرض إلى عنان السماء

هنا ترتوي الذائقة

[أمجاد محمد]

نص ينزف جمآل
شكرآ لك

[وليد الفالح]

محمد الزويد
رائع هذا الحضور الذي يستحق التصفيق طويلا
تقديري لهكذا شعر