مية و هوا ..

[د. فريد ابراهيم]

عامية مصرية ..



(١)


انتي الحياة
مية و هوا
انتي الدوا
من الجنون ..
طعم الهنا
روحي انا
لون السما
ف اجمل عيون ..
اضحكي .. خليني اعدي حدودك
أشم زهرة خدودك
دانا لو هاموت ف وجودك
يكفي اني مت فوق السحاب ..
يا جاي أحسن م اللي راح
يا بلسم الشوك و الجراح
يا فرح طل عليا زاح
همي و نساني العذاب ..


(٢)


انتي الحياة
مية و هوا
واحنا سوا
ب انسى الكلام
مانا لو هاقول
ف عينيكي دول
غزلي يطول
سبع ت ايام

اضحكي .. ترجعلي تاني الطفولة
من بين شفايف عسولة
مش ممكنة و مش معقولة
منها رمان الجنة يغير
يا ملاك و نازل علشاني
بجمال و حسن رباني
احتلني و هز كياني
حبيته كدا من غير تفكير






فريد

[رشا عرابي]

أينما يمّمتَ وُجهة حرفك
تصطحب وإيّاك العذوبة
وتُمطرنا من رهافة إحساسك الكثير


د/إبراهيم
لقلبك الفرح وأكثر

[عبدالإله المالك]

مية هلا
ورد وحلا

حييت يا د؛ فريد

[د. فريد ابراهيم]

الزميلة العزيزة رشا


أينما يمّمتَ وُجهة حرفك
تصطحب وإيّاك العذوبة
وتُمطرنا من رهافة إحساسك الكثير

مشكورة اختي الغالية علي رقيق الكلام و كريم المرور

د/إبراهيم
لقلبك الفرح وأكثر

مشكورة و لك أيضا

بس مين د/ ابراهيم دا؟ هههه

[د. فريد ابراهيم]

مية هلا
ورد وحلا

حييت يا د؛ فريد

حييت اخي الفاضل عبدالاله
شكرا علي المرور و المشاركة الكريمة