رباعياتي .. (متجدد)

[د. فريد ابراهيم]

عامية مصرية


ربوا له دقنه و فخخوا وسطه بحزام ناسف
و غسلوا دماغه و وسخوها بكلام جايف
وراح يفجر نفسه و يستشهد ف سبيل ربه
و ربه ازاي يحاسبه بجد انا مش عارف

---------------

تعرف الخاين من عينه اصلها فاضحاه
يستحمروه العدا و يقولوا له (شي و حا)
و يبيع لهم ارضه و عرضه
و ربه لو يسامحه ارضه مش مسامحاه

---------------

فقري وعايش بحلم ب كيس لحمة
استناها ف العيد و تجيلي ب الرحمة
و توحشني بعده ف انزل اجيب كرشة
تطلع لي ف الكرشة تلاتين تلاف عضمة

---------------------

الاسم شاعر ولا ليا كتاب ولا ديوان ولا قصيدة
واسمي لا زار شاشة ولا راديو ولا جريدة
احنا شعب يحب يهول الاشياء
يرفع ناس ل فوق و ينزل ناس ع الحديدة


--------------------

[سيرين]

الرباعيات نوع من الشعر له باع ومذاق محبوب
ومعبر صوغا وعمقا ببلاغة وجزالة الكلمة
سلمت يمناك د \ فريد
سأكون هنا متابعة او مشاركة لهذا الجمال
مودتي والياسمين

\..:icon20:

[رشا عرابي]

د/ فريد
تأتي بالدّهشات من مكمن ضوئِها
وتُجندِلُها في لبّ السطر

بالقرب سأكون
إيماءة واقتناص وقد تستفزّني اللّهجة الحبيبة ببعض سطر مُرتجل :)

[د. فريد ابراهيم]

الزميلة العزيزة سيرين
الرباعيات نوع من الشعر له باع ومذاق محبوب
ومعبر صوغا وعمقا ببلاغة وجزالة الكلمة
سلمت يمناك د \ فريد
سأكون هنا متابعة او مشاركة لهذا الجمال
مودتي والياسمين

اتمني ان يوفقني الله ولا أفسد تاريخ الرباعيات ههههه
و تشرفني دوما متابعتك و تزيدني شرف مشاركتك
عيدك سعيد
و دمتي بكل خير

[د. فريد ابراهيم]

الزميلة العزيزة رشا


د/ فريد
تأتي بالدّهشات من مكمن ضوئِها
وتُجندِلُها في لبّ السطر

بالقرب سأكون
إيماءة واقتناص وقد تستفزّني اللّهجة الحبيبة ببعض سطر مُرتجل

تخجليني دوما بكرمك الوافر و لا أجد ما يرد جميل هذا الثناء
يسعدني و يشرفني مرورك في كل وقت
جل التحايا و كل الود

[د. فريد ابراهيم]

قال لي السياسة شغلانة صعبة و مشكلاتنا معقربة
بنزين وغاز و علام و صحة دا كله غير الكهربة
وشاف ف عيني سؤال شاغلني.. ازاي نحل دا كله يعني؟
قال بالحنان و الطبطبة!!

--------------------

قلبي ماشي ب يتمرجح شمال و يمين علي حبل سلك
بين إني ابوح لك أو أخبي ك بهلوان لاعب ف سيرك
و اخاف اقول لك بعشقك ما تصدقيش
و اخاف اقول انا بعبدك ل يبقى شرك

-------------------

ساعات ب احلم ب بكرة ييجي ب حرية فيها نعيش
ييجي ب بسمة تمسح عينيا و من بعدها ما تبكيش
لكن قلبي من كتر ما شاف.. ساعات انا من بكرة بخاف
و اتمنى بكرة دا ما يجيش

-----------------------

قام الصبي و انتفض و رمى الحجارة ع الجبان
ما هو شاف بلاده ب تغتصب كل يوم و دا من زمان
قتلوه الصهاينة ف حضن ابوه
صدق اللي قال مش كل بني ادم انسان

------------------------

[د. فريد ابراهيم]

حبيبك لو يوم وصل خلي حنانك يوصل له
و لو مهما بينكم حصل ما تخلي اللي صابك يحصل له
و خد منه كل حنانه واديله ضي عينيك
ولو كان حبيبك عسل خلص عليه كله

----------------------

كل واحد له ميزاته بس برضو فيه عيوب
و مهما كانت حسناته برضو ب يرتكب ذنوب
يبقى ما ندورش على ملاك نعاشره
و احنا بني ادمين يا دوب

-----------------------

قالوا ماحدش بيموت لو حبيبه سابه
و حبيبي بعد ما فاتني فات قلبي ف عذابه
صحيح انا عايش بس شيء جوايا مات
و قلبي بس عايش على ذكرى اللي غابوا

-----------------------

الفقر مش عيب العيب فقر النفوس
و الغنى مش ف الجيب ولا كام عندك فلوس
الغنى ف القناعة دي القناعة كنز
ما يجيبوش مارد ف قمقم ولا عفريت ترك الفانوس


-----------------------

[د. فريد ابراهيم]

لو انت واخوك على ابن عمك تبقى قلة اصل و ندالة
و لو انت و ابن عمك ع الغريب يبقى انتو مش رجالة
خليك حقاني و محايد من غير تحيز
خلي كلمة الحق هي اللي متقالة

--------------------------

جبت دفتر و قلت اكتب فيه مذكراتي
اكتب كل حاجة بتحصل ف حياتي يوماتي
اول ما قلمي لمس الورق كتب: ليه
عايز تخلد الماضي و تهجر الآتي

----------------------------

الدنيا ساعات ح تمشي معاك و ساعات ح تبقى معصلجة
ساعات ح تلقى الوانها حزايني و ساعات ح تبقى مبهرجة
ف لما تبكي افتكر الضحكة
و زي ما جت ايام حزينة ح تيجي ايام مبهجة

[سيرين]

راح نعمل ايه في الزحام دا كل شيء اصبح مليان
ان قولنا نركب اتوبيس نلقي فيه بشر زي الطوفان
وان قولنا نركب ميكروباص نلقاه مزحوم بالسكان
وان قولنا نركب تاكسي نلقي عداده شارد سرحان
وان قولنا نمشي احسن نلقى الشارع بالناس زهقان
ايه اللي حصل ياناس هي من امتي الزحمه امان ؟

\..:35:

\..

[د. فريد ابراهيم]

الزميلة العزيزة سيرين
راح نعمل ايه في الزحام دا كل شيء اصبح مليان
ان قولنا نركب اتوبيس نلقي فيه بشر زي الطوفان
وان قولنا نركب ميكروباص نلقاه مزحوم بالسكان
وان قولنا نركب تاكسي نلقي عداده شارد سرحان
وان قولنا نمشي احسن نلقى الشارع بالناس زهقان
ايه اللي حصل ياناس هي من امتي الزحمه امان ؟
مشاركة مميزة .. معطرة بالياسمين
لا حُرمنا من غيث محبرتك

[د. فريد ابراهيم]

قلت انا اللي ح اصيد المستحيل اللي ما اتوجدش
اللي ما شافتهوش عين و ما اترصدش
و اتربصت له تحت جناح الأمل
و طَخيته بالنار و الطلقة ما جَتش



------------------------

[رشا عرابي]

متابعة لهذا العبق المصريّ الحبيب

ما أجملكما ~

[سالم العامري]

االشاعر المصري /
احمد فؤاد نجم ( رحمه الله )
يقول :
لو بدينا بالسلام
يا سلام
قد ايه الروح تميل
و النغم يطلع جميل
و الوتر يوصل كلامه
للقلوب صافي و أصيل
قد ايه
و قد ايه
بس اقول ايه
و لا ايه
السلام دا كلمة خضرة

ـــــــــــــــــــــــــــــــــــــــــــ
لكما سلامي
اتابعكما بكلّ إهتمام وسرور بالغ
تحياتي لكما

[د. فريد ابراهيم]

متابعة لهذا العبق المصريّ الحبيب

ما أجملكما ~

متابعتك شرف لي أختي القديرة رشا

[د. فريد ابراهيم]

الشاعر المصري /
احمد فؤاد نجم ( رحمه الله )
يقول :
لو بدينا بالسلام
يا سلام
قد ايه الروح تميل
و النغم يطلع جميل
و الوتر يوصل كلامه
للقلوب صافي و أصيل
قد ايه
و قد ايه
بس اقول ايه
و لا ايه
السلام دا كلمة خضرة

اقتباس موفق لشاعر من أشجع الشعراء
اخي العزيز سالم العامري
كل التقدير و الشكر و الامتنان لحضورك و متابعتك
تحياتي و كل التقدير

[د. فريد ابراهيم]

يا مستني الفرج من غير سعي و لا همة
مستني اللي يشيلك و يحُطَك ع القمة
ازاي عايز تتساوى بـ اللي شقيان؟
لو اتسويتوا دا يبقى عدل بـ الذمة؟!!

-----------------------

[د. فريد ابراهيم]

طلب البراءة و إيده بـ الدم مغسولة
و فَصَّلوا عشان خاطره محكمة عمولة
وازاي يُحكم قاضيها بالعدل
و هو ف الأصل إيده مغلولة

--------------------

[د. فريد ابراهيم]

ما تقولش (بوتي) يا حبيبي ، إسمها (أصرية)
و اعدل لسانك ف الكلام، دي أمك مصرية
هو عشان تِبان نضيف تُخرج من جِلدك
ولا النمردة ع الأصل بقت موضة عصرية

ً--------------------------

[د. فريد ابراهيم]

دَعَكت المصباح و طِلِع لي عفريته كـ العادة
قال لي أطلب طلب و اتنين و تلاتة و زيادة
ما قِدِرش يحقق شيء من اللي اتمنيته
لما اتمنيت الحب و الصحة و السعادة

---------------------

[د. فريد ابراهيم]

فيه ناس تعيش حياتها و تموت وهي بـ تدوَّر ع الحب
و ناس يدوَّر هو عليها و ما يلاقيش جواها قلب
غريب امر الهوا، لا فرحه يعرف يجيبه ساحر
و لا جرحه له دوا في الطب

--------------------------

[د. فريد ابراهيم]

بـ يمَصمَص ف عضمة معَصعَصَة
ما نابوش غير المَصمَصَة
ما شبعشِ بس حمد ربه
على عياله الكويسة


-----------------

[د. فريد ابراهيم]

مرض الوطن لا له دوا و لا مُسَكِن ..
ما هو جرح الفساد مهما داويته ح يعفن ..
و كل مُخلص للوطن ح يموت شهيد
و مش ح يطول حتى ف عَلَمه يتكفن ..

----------------------------

[د. فريد ابراهيم]

مش ح أظلم معايا الشيطان , انا لوحدي اللي جاني
مش ح اكدب و اقول أصله حط الكدبة علي لساني
الشيطان شمّاعة خايبة بنعَلَّق عليها اخطاءنا
و كل أخطاء البشر أصلها إنساني ..

--------------------------

[سلسبيل]

اللهجة جميلة
أبدعت

متابعة

[سالم العامري]

صباح الخير
علي الورد اللي فتح في جنايـن مصر
صباح العندليب
يشدي بالحان السبوع يا مصر
صباح الداية واللفة
ورش الملح في الزفة
صباح يطلع بأعلامنا
من القلعة لباب النصر


صباح الخير يا دكتور
متابعين والله ,بكل سرور وإعجاب
وصادق الامنيات

[د. فريد ابراهيم]

اللهجة جميلة
أبدعت

متابعة

مشكورة علي المرور و المتابعة أختي الكريمة
هذا شرف أتمنى أن أستحقه
تحياتي و عظيم الامتنان

[د. فريد ابراهيم]

في التليفزيون اعلان لـ شقة بـ مليون جنيه و طالبينه
من مواطن شاف اللحمة إتهَبَل نازلة علي رغيف الفينو
مش لاقي العيش حاف و بتفتحوا عيونه
ع ال (تشيز كيك) و صوص ال (هلابينو)

-------------------------

[د. فريد ابراهيم]

صباح الخير
علي الورد اللي فتح في جنايـن مصر
صباح العندليب
يشدي بالحان السبوع يا مصر
صباح الداية واللفة
ورش الملح في الزفة
صباح يطلع بأعلامنا
من القلعة لباب النصر


صباح الخير يا دكتور
متابعين والله ,بكل سرور وإعجاب
وصادق الامنيات

سيدي الجليل متابعتك مدعاة للفخر و السرور
و اعجابك وسام علي الصدر و تاج للرؤوس
يأتي من شاعر متمكن و فنان ذو حس سامق
دمت بكل خير .. و صباحك أبيض زي الفل

[إيمان السعيد]

د. فريد

هنا وجدت بعضا من جاهين والفاجومي
حرف يرسم لنا الموقف بمنتهى الدقة والابداع
ويحاكي اوجاعنا وهذا مانريد فعلا




قام الصبي و انتفض و رمى الحجارة ع الجبان
ما هو شاف بلاده ب تغتصب كل يوم و دا من زمان
قتلوه الصهاينة ف حضن ابوه
صدق اللي قال مش كل بني ادم انسان


تحياتي

[د. فريد ابراهيم]

د. فريد

هنا وجدت بعضا من جاهين والفاجومي
حرف يرسم لنا الموقف بمنتهى الدقة والابداع
ويحاكي اوجاعنا وهذا مانريد فعلا




قام الصبي و انتفض و رمى الحجارة ع الجبان
ما هو شاف بلاده ب تغتصب كل يوم و دا من زمان
قتلوه الصهاينة ف حضن ابوه
صدق اللي قال مش كل بني ادم انسان


تحياتي


مشكورة اختي الكريمة جدا على مرورك و مشاركتك .. و على هذا الكرم العظيم الذي لا استحقه
ما بين جاهين و الفاجومي لا يمكن ان يكون هناك مكانا لأمثالي .. اخجلتي تواضعي حقا
و سعيد جدا لاعجابك برباعياتي المتواضعة ..
فـ جزيل الشكر و الامتنان لـ شخصك الكريم .. و الف مبروك على المسؤولية الجديدة
ان شاء الله قدها و قدود
تحياتي و كامل الود

[د. فريد ابراهيم]

مين اللي غوى ادم ياكل م الشجرة؟
شيطانه ضلله ؟ بس ربه كان أدرى
جعل الشيطان السبب .. لجل اختباره العظيم
مُخيَّر أم مُسيَّر ؟ هي دي الفكرة

-----------------------

[سيرين]

حدث في مثل هذا اليوم ودون أن يلقي علي التحية
أن سألني يا فتاتي أخبريني أحقاََ لون عينيك عسلية
و بين رموشها تحيا أماني اصدروا فتوى بتحريمها
أم أن ما أرى الآن ينذر بأن أكون في الحال ضحية ؟

\..:34:

[د. فريد ابراهيم]

المعارضة غابت تماما م التليفزيون
بقا كله طبل و رقص و ضحك ع الدقون
و الباشا ما بقاش سامع غير صوت نَفْسه
السِكِّينة سارقاه و السُلطة جنون

------------------------

[د. فريد ابراهيم]

ما تحاولش بـ خِفة دَمَّك تتباهى
الدنيا فيها الجد .. زي مافيها الفُكاهة
خليك راجل جد ف وقت الجد
دا الهَزْل لو زاد ع الحد .. بـ يبقى تفاهة

[د. فريد ابراهيم]

خَلِّي بالك من كلامك قبل ما يطلَع

دي الكلمة اللي ح تِطلَع مِنك مش ح تِرجَع

احسب كل كلمة تقولها الا ..

كلمة الحق قولها و ياكش تِولَع

[د. فريد ابراهيم]

عامل لي ناصح و مفتح .. و جاي عليا انا يستَنْصَح

و انا اللي من نومة الرصيف.. جسمي ناشف و مألْفَح

لا بَرْد بيخليه يتَكْتِكْ .. و لا حَرّ بيخليه يوَحْوَح

[ميساء محمد]

(يرفع ناس ل فوق و ينزل ناس ع الحديدة)
(
صدق اللي قال مش كل بني ادم انسان)

(اكتب كل حاجة بتحصل ف حياتي يوماتي
اول ما قلمي لمس الورق كتب: ليه
عايز تخلد الماضي و تهجر الآتي)

إبداع متجدد

[د. فريد ابراهيم]

(يرفع ناس ل فوق و ينزل ناس ع الحديدة)
(
صدق اللي قال مش كل بني ادم انسان)

(اكتب كل حاجة بتحصل ف حياتي يوماتي
اول ما قلمي لمس الورق كتب: ليه
عايز تخلد الماضي و تهجر الآتي)

إبداع متجدد


اختي الكريمة..

متابعتك لقلمي المتواضع شرف لي و مدعاة للفخر

فكوني دائما بالقرب