القمر

[خليفه الصائغ]

.
.
ما كان ودي غير تقبيل القمر
بس القمر عالي وانا يديني قصار

لذا طويتك حب ورميتك بحر
من معقل المنفى على نفس المسار

اللي سرينا فيه من عيد النحر
وثوب البراءه لبسنا ؛ كنا صغار

صارت نساء الكون ما تجذب نظر
عشان بس انسى كراسي الانتظاار

ما كل من تنتج احااسيسه شعر
يعني ف حرب الحب موقفه انتصااار

الحلم يتلاشى مع بزووووووغ الفجر
حكمة كلام الليل يمحوووه النهاار

ما هي جديده قلتها وادري العمرر
يمشي مثل ما يمشي فالسكه قطار

لو كان ابو الطيب هنا فهذا العصرر
ولا الفرزدق او جرير (ن) او نزار

تلقي قصائدهم ف اوصافك خضر
مثل اخضرار القلب للعاشق شعار

وش ذنبه المسكين شيد لك قصر
ورحتي سكنتي قصر غيره باعتبار

بعض السلع ما تنشري فيها حظررر
محسوبه في سوق المحبين احتكار

اكبر مصيبه يكووون عشقك مالصغر
وادهى مصيبه يكوون حلمك احتظار

هذا كبرت اليوم واهذي بك شعر
ويا ريتنا نرجع مثل اول صغار

ما كان حلمي غير تقبيل القمر
مات الحلم وانا ف كرسي الانتظار
.
.

[عبدالإله المالك]

يداك إن شاء الله تطول كل ما تتمناه يا ياسر
وقلبك خضر
وشعر جميل منهمر

حياك الرحمن

[رشا عرابي]

حرفك يصافح القمر بأعذب وأرقّ رتم

لله درّك يا مطر

[صبري القاسم]

جميل
صح لسانك

طبت وطابت أيامك

[عواطف محمد]

ما كان حلمي غير تقبيل القمر
مات الحلم وانا ف كرسي الانتظار

مورق إحساس هذا الشعر ..

[بلقيس الرشيدي]

...
...


ما كان حلمي غير تقبيل القمر
مات الحلم وانا ف كرسي الانتظار


فِي حرُوفك إختصَار الجَرح يَاخلِيفَه رُغم الحُزن هُنا
كَان للشِعرِ جناحان سَافرا بنا للبعِيد .

كُل التقدِير

.