غريب بن صياح الغفيلي الشمري واولادة السبعة

[عبدالله البطي]

انا جذبني من اليمه هبوب النسيم
يسري بي ليا طرقني من نسيمه هواه
ولا ذكر خاطري ياكود رجلن عظيم
ماشح يمناه بالمعروف للي لفاه
من لابتن يستقيم المعتدي والرخيم
اليا نوا بالخطا يلقى لظنه دواه
ابوه دايم مشرع باب بيته كريم
يكرم عن الي يشح بماله وما حضاه
الضيف عنده موقر في مكانن حشيم
بالبن والعود الازرق قبل موعد عشاه
واليا ذبح يذبح اجزالن سوات الرزيم
اسمان ماخالط المنقود والا رفاه
رزوم هتان من صافي مناهلها وديم
ماتسمع الا هلا يامرحبا من دعاه
الي مناقبه تسمى احسان وصلف وحليم
حرا ولا شي يزريبه ويعصي مداه
على النقا والوفا والمعدن المستقيم
كفه بها سبع تسوى العد والي وراه
على القمم منزلن حلو على كل غيم
ولا خيبوا من عمدهم بأمر والا بجاه
صالح على الجود باع وللعلا مستهيم
الطايل الي عفاه اسبق لساعة رضاه
كلن وله ميزتن تتبعه مثل الغريم
السبعه الي على المعروف مثل الوصاه
وانا على عالي القمة طرقني نسيم
الي يهيض ضميري لا طرقني هواه
ولا ذكر خاطري ياكود رجلن عظيم
عليه بديت قولي مبدى ومنتهاه