للذكريات .. ابعاد

[عون القحطاني]

.

احبه ما نبت غصن وصدح قمري
احبه ... كثر ما ضم النهررر ضفّه
.
معه لحظه تساوي عام من عمري
اسلهم بالعيووون و كفي ب كفّه
.

[عون القحطاني]

.
ياصاحبي .. لا تلومني .. يوم عفته
حتى و لو هو ... سلسبيل و عذوبه
.
لو هالشعر مخلوق ... يمكن قتلته
و ريّحت عشاق الهوى .. من ذنوبه
.
وريّحت قلبي .. ما نقضت و فتلته
ما بين جرح .. و بين حزن و عقوبه
.
و لا شفت روحٍ ذايبه ... يوم قلته
بين الوصال .... و بين فرقى دروبه
_

[عون القحطاني]

.
كل هذا : اللي تشوفينه ... يمرك
من طيوف .. ومن مراسيل واغاني
.
روحي اللي كل ما اشتاقت لعطرك
سافرت لك .. خلفها سرب الاماني

[عون القحطاني]

صاحبي .. دام اللقا جرح وملام
قلت اغيب ..... ولا تلحّقني عتب

[عون القحطاني]

.

لاح برق الشوق في عيني وناض
وضامي الاشواق .. مثلي يتبعه

من يلم الغيم من صدر الرياض
من يصب الديم .! واشواقي معه

لين تروى روحها .. حب وبياض
وكلما فاض الغلا ..رحت اجمعه

[عون القحطاني]

.

ابطيت ياقلب العنا .. وانت خفّاق
اتعبت نبضك ف انتظاره ولا جاك

لو كان صادق بالمحبه و الاشواق
ما جاء على بابك .. و مرّ و تعدّاك

[عون القحطاني]

.



اللي ذبحني .. بسمة شفاته
و عيونه السود .. وتلفّاته
الله عطاه الزين ..
واعطاني
قلبٍ فضحني صوت دقّاته .

[عون القحطاني]

.
يا حبيبي ... كل ما مرّت عيونك
يجتمع ضي الصباح ويبتدي بي

ما اتخيل كيف هذا الكون دونك
عتمةٍ من غير وجهك .. يا حبيبي

[عون القحطاني]

حبيبتي .... اليا خذا الليل شمسك
طلّي علي .... لا تتركيني مع الليل

محتاج لانفاسك و صوتك و همسك
ياللي على همسك ... تشع القناديل

[عون القحطاني]

.
انا العاشق .. انا اللي ما خلف وعده
تغيب الشمس ... او تشرق انا احبك

احبك حب ..... لا قبله ..... ولا بعده
عساني ياعساني .... ما انحرم قلبك

[عون القحطاني]

.
تلوم الصبح .. لو ضمّك
يبيك .... اتعطّر اشعوره
.
صباح الحب .. من فمّك
جناين ورد .... ممطوره

[عون القحطاني]

.
هالحزن .. لو مرّت عليه .. فصول
غصنٍ شكى ... من ساجع الورقى

يقرونه الاخضر .. وهو كم حول
ميت ضما ... محروم ما يسقى

[عون القحطاني]

.

اوجعتني طعنتك .. ما كنت داري
درْت ظهري وانت مكّنت الخناجر

[عون القحطاني]

من وين ما ودك نطِيِر ! .. انطير
خذني معك ... و افّرد جناحينك

روحك ... على غصن المحبه طير
و انا ... صباح الخير في عينك

[عون القحطاني]

هلا والله ... الى قالت : هلا والله
يذوب القلب .. وتومي به معاليقه

هلا و الله تسوى .... هالعمر كله
هلا والله منها .... تجلي الضيقة

تعطر من ثغرها .... و المطر بلّه
قصيد الشوق تعشب به طواريقه

[عون القحطاني]

من كثر ماهو طاهر احساس وشعور
تذوب له* شمس الضحى و السحابه
.
الله خلق روحه .. من العطر* والنور
روحه .. مع ارواح البشر .. ما تشابه
.
عادي* اذا شفت* الفراشات .. بالدور
تتسابق* ل عطره ... و لا به .. غرابه
.
و الاجمل ان* جنة* وروده* بلا* سور
اجمل* شعور ٍ ... للنقا ... و الرحابه

[عون القحطاني]

عشتك مع الاحلام صبح و عصافير
و شمسٍ عليها الغيم .. ذاب و تهتّك
.
وسقت المطر ياحب . ضيف ومسايير
ومنّيت بك قوس القزح يوم شفتّك
.
لين ازهرت .. قفر الاماني .. نواوير
وفاض الشعر .. عذبٍ مثل ما وعدتّك
.
وغنّيت لك .. بين الزهر .. و النوافير
وجنّ الوتر .. من لهفتي .. لا عزفتّك
.
و عتّقت عطرك .. لين ذابت قوارير
وذابت حنايا شاعرك .. ما سكبتك
.
قم ضمني .. يا طيف سيد الغنادير
قم ضمني .. لا تلومني .. يوم ذبتك
.
عشتك مع الاحلام ..صبح و عصافير
وصوت المنبه ..يقطع الحلم تك تك

[عون القحطاني]

الله .... خلق روحك ل روحي
شوقٍ .. يعطررررر شراييني
.
وشلون ما انسى بك جروحي
وانفاسك .... ان مت تحييني

[عون القحطاني]

الله عليها .... حسنها فارق
لو تلتفت .. للشمس ضمّتها

صبحٍ بدا من خدها شارق
وليل الجدايل ... كيف لمّتها

عنق الغزال و عودها وارق
فاحت وروده .. يوم شمّتها

[عون القحطاني]

انتي شكيتي من وجع ثقل الايام
وانا شكيت الوقت .... عجلٍ عليه

انتي تبين الوقت يمشي ل قدّام
وانا اتمنى ... ترجع الشمس حيه

[عون القحطاني]

القصيده .. عنيده
و الشعر .. تلّ قلبه

كن هالقلب ف ايده
ع الورق لا كتب به

شاعرٍ من .. وريده
عذْب حرفه يصبّه

لين تروى القصيده
ب الغلا . . والمحبه

[عون القحطاني]

.

وانت تدري .. ان روحي في يديك
سيدي .. بالله قلي . . كيف انام

انتظرت الصبح .. بشكي له عليك
كيف تصلبني على صدر الظلام

ما تخاف الشوق .. مثلي يبتليك
وتنسج من الشوق عذبات الكلام

وتنتظرني .. طول ليلك لين اجيك
والحنين .. يطيّر اسراب الحمام

و اتّلفّت . . خايف اني م اهتديك
ولا اجيك .. ولا يجيك .. الا الملام

وقتها و الصبح .. واقف يحتريك
تشتكي له سيدي .... قيد الظلام

[عون القحطاني]

‎كل الصباحات .. عذبه
‎من روحها يشرق الحب

‎يذوب قلبي .. و اصبه
‎وعروقها تقول لي صب

‎امن الغلا .... والمحبه
‎ما ينبت الورد والعشب

[عون القحطاني]

لي صاحبٍ كنه القمر .. لا تجلّى
مغرور ما احدٍ يشبهه في صفاته

كل ما دنوا العشاق .. منّه تعلّى
و ضفّ النجوم اللامعه في عباته

[عون القحطاني]

.

من ثغرها طاح الكرز
من كثر ماهو مرتوي

و سلسالها حبة خرز
على ارقبتها.. ملتوي

لو ما حلاها.. ما برز
على نحرها .. منزوي

.

[عون القحطاني]

‏‎قلت اسوق الخطاوي لو تطول الدروب
‏‎يوم جرّ القصايد ...... صوت ديوانها

‏‎طفت كل الاراضي من شمال لجنوب
‏‎اطررررد ..... ا لغيمه اللي زمٌ هتّانها

‏‎من غروب لشروق ومن شروق لغروب
‏‎طفت كل القفار ..... و طفت وديانها

‏‎يالله برحمةٍ تسقي .. عطاشا القلوب
‏‎و كل روحٍ تلوّت .. في ظما احزانها

[عون القحطاني]

.
كل ما مرت عيونك … واتذكّر
كيف قلبي في عيونك ذاب كلّه

‏كل باب للهوى .. بعدك تسكّر
وكل زين بعد زينك صرت املّه

.

[عون القحطاني]

.

الله يبيحك …… عذّب القلب كيفك
انا تعبت من المعاتب ….. صراحه

كل ما سليت من الهوى .. مرّ طيفك
ونقّض على قلب الشقاوي جراحه

.

[عون القحطاني]

.

ياليل .... عيني ماهنها النوم طال بها السهر
وتاهت مراسيل الهوى .... بين الجفا واعتابها

اللي اذا طلّت …. على شبّاكها …... فزّ القمر
صحّى النجوم الغافيه امن الوله .. ب اهدابها

.

[عون القحطاني]

.

‏دامك زعلت وخاطرك ضاق مني
امر حبيبي ... كل عمري فدا لك

‏افتح شبابيك السهر وانتظرني
بجيب قمرا الليل ..ونجومها لك

.

[عون القحطاني]

.
مثل الجدب ... قلبي
ومثل المطر .. طاريك

لا هف هف.. الغربي
و ليل الهوى ساريك

.

[عون القحطاني]

.


اي والله انها …….. فارقه عن سواها
كنها القمر والناس من حولها نجوم

كلما ضوى ليل الهوى ... من سناها
رقٌت بها النسمه .. و ذابت لها غيوم