بيتين

[قيصر الصخري]

يذوب وجه الشمس من تحت هالشال
فدوة خجلها يوم لدّت ،، وغضّت

واللي نحت في خصرها نجم وهلال
إن الليالي من هدبها توضّت

بيتين / بقلمي

[قيصر الصخري]

في شفاهك كاسرٍ لون العنب لون النبيذ
غامقٍ، خمري، مثل رشفة هلاك بقاع كاس

حارقة كل القلوب، وسارقة كل اللّذيذ
في كنفها شفّ روح، وشوق قلب، وحلم ناس

بيتين/بقلمي

[قيصر الصخري]

ياقبلة الشعر قولي وين محرابك
متى اخلع الهم عن عودي، واجي محرم

وإن شحّ وصلك، شلون اتيمّم ترابك
انا ترا ضعت، لا مشرك ولا مسلم

بيتين / بقلمي

[قيصر الصخري]

في غيابك نحرت جفون عمري، وسالت
حاجةٍ تشبه الدمعة، ولا ادري وشنهي

يمكن تكون أماني تُرتجى، واستحالت
أو هي سنين ضاعت، بس تدري لمن هي؟؟!

بيتين / بقلمي

[قيصر الصخري]

بالامس صاب احتمال الشكّ قلب اليقين
واليوم جتني من الشّيطان متعوّذه

تقول: عمري،، وانا اتظاهر بأنّي حزين
حتّى تكرّر نداها لي ،، وانا ااتلذّذه

بيتين / بقلمي

[قيصر الصخري]

على وجنتي منها فتافيت سكّرها
فدا عضّة ســنـيـناتها مع فتافيته

تذوب الورود البيض فيها مع احمرها
وانا اقول زارعة الغلا بي، ومسقيته

بيتين / بقلمي

[قيصر الصخري]

***** ‏ارصفة هذا المواني المتخمة بالانتظار
***** ‏كم عليها جالسين وما رجع أيّا مسافر

***** و‏الكراسي تحتها ورد الامل والجلّنار
آآه كم فاحت ‏برجوى شخص ما ظنّته عابر
...
بيتين / بقلمي

[قيصر الصخري]

عزّي لقلبٍ عاندنّه ظروفه
وعزّي لعاشق نام حظّه ولا نام

العام كانت منوتي بسّ اشوفه
واليوم غااااية منيتي رجعة العام

بيتين / بقلمي

[قيصر الصخري]

أدندن الشوق حتى يضبط الدوزان
يا ريشة الصبر عودك ماهو ب عادي

واستحضر الناي يمكن يجبر الالحان
لكن خروج الحنين عن اللحن بادي

بيتين / بقلمي

[قيصر الصخري]

إدندن الشوق واوتاري بلا دوزان
يا ريشة الصبر عودك ماهو ب عادي

واستحضر الناي يمكن يجبر الالحان
لكن خروج الحنين عن اللحن بادي

بيتين / بقلمي

[قيصر الصخري]

من ناهديها حطبت الشعر
واشعلت -ممّا حطبت- النار

تنثر شعرها ويتباهى النثر
في دفتري له مُصلّى وبار

بيتين / بقلمي

[قيصر الصخري]

من شفّتيها حطبت الشعر
واشعلت - ممّا حطبت- النار

جديلها يشتهيه النثر
وبدفتري له مُصلّى و بار

بيتين / بقلمي

[قيصر الصخري]

كلّ الاغاني والمواويل والناي
طارت من اشجار اللحن، وانتهينا

راح القليل من الالم واكثره جاي
لحظة وداعٍ بين مركب ومينا

بيتين / بقلمي

[قيصر الصخري]

ما نسيتك على مرّ الجروح
من قَبل واحد وعشرين حزن

كلّ ليلة أجي يمّك واروح
صار شوقي سما، والروح مزن

بقلمي