ديوان الشعر الشعبي

[محمد مهاوش الظفيري]

فهد دوحان






نبت عشب العتاب,ولي سنينٍ والضلوع رمال=ضواني بارقه ،قلت:أبشري بي يا هماليله!
سلام!,ولا لبست من القلوب اللي عرفت أسمال!=عدا قلبٍ وعدت أصدفْ غيابه،مثل هالليله
أخاف من الكلام اللي بغيت أقصاه،ما ينقال!=وأبقصر فزعةٍ قامت،،تطارد بالحشا خيله!
عتابٍ يابسٍ!، في وسط صدري، ما قواه الحال=سقيته مزنة الصبر الطويل!,, وعوّد بسيله
كذبنا ...والصبر ،مفتاح لأبواب الفرج لو طال= صدقنا... والصبر قفلٍ،عجز راعيه عن شيله!
سهرنا ...لين طلّت بالسما !،شمسٍ بغير ظلال!=وقفنا في ترابٍ ،ناشفٍ ماه ,, ورجاجيله!
ركضنا والزمن واقف مداه !، ولا عرف رجال=شحيحٍ لو كسبنا دلته ،،يكسر فناجيله!
-تسابقنا،وما غير القدم معنا وهو خيال!=تفتقنا الليالي، والصدى ما غير نوحي له
خرابٍ يا ديار !، يا كثر وسعك بضيق البال=رحلنا في دموعٍ ما عرفنا _قبل_وشهيله!
خرابٍ يا ديار...ولا بقيتي غير بعض أطلال!=سكنها سافيٍ،وأرهى مغازيه وتعاليله
أبرمي يا ضما قلبي ،رمالٍ فيك... ما تنشال!= وأبقطع كل غصنٍ مات بك ، من قلّة الحيله!
كفاية وأنت بأقفاي الليالي،واقفٍ بأقبال!= تعّدْ اللي رحل،واللي بقى،واللي نشف حيله!
كفاية وأنت تعدل..وأنت تسند كل نخلٍ مال= كفاية كل ما مرّك ،حبيبٍ ظل بك ميله!!!
تعب يا عبرة ٍ لو قلت هانت ،والمطر همّال!=وأنا أدري في رحيله!!في نواياه ومقابيله!!!
خفافٍ يا دموع بالعيون ،وبالقلوب ثقال!= أخاف البكا ،لا من ضوت ليّه قناديله!
كذبت!وكنت عارف كيف أغني وأجرح الموال=صدوقٍ من كذب في ضحكته والدمع يومي له
بعض عقل يزيد العاقل جنون! ، وبعضه هبال=تعذرت العقل،لا زاد في عدله،، زاد في ميله!على كثر الكلام اللي تطوى بالقلوب حبال!!!!=كثير أرحم من الصمت ،وغيابي هذي الليله!

[محمد مهاوش الظفيري]

بدر الحمد







كل شي كبر ،وأنت (يا طيب) ولا تكبر=تركضك الأيام ،، لا واقف ولا ماشي!
يا قّوْ قلبك ،،ولو عمرك ،ورق دفتر= يملاه الأزرق زمان،،وياصل الـ لاشي
الله...يا أنت...يالمسكون بالأخضر= ذاب الذهب ....كأنها الدنيا ،لك غراشي!
مثل السواحل،تحضن الموجه، وتصغر= وتكبر فـ وجه البحر..والموج متلاشي
وجهك مداين!، وغربة صوتك المهجر=منفي...وكل الدروب ،لوصلك عطاشي!
أدريك: تتعب،تعاني، تختفي، تظهر!!!= تضحك ، وتبكي، تخاف الليل والواشي!
عصفور جنّة ...وصفك الورد للعنبر!= طرت فـ عيوني...تركت لقلبي أعشاشي
سافر حديث الدخون،ونشوة المبخر!=وخليت عطرك على رمل الحشا فراشي!
لا تستقلك ...تراك... بعيني الأكثر!=وأنت أكثرك صبح، لكن...ما صحى جاشي!

[محمد مهاوش الظفيري]

نايف الجهني








عروا بك الحنطة ،سفر...وأحتمالات= ما ضيعوا في ذاكرتك الدلالة!
في حزنهم ،كن القلايد ...والأصوات=حلمٍ تفالت من خيوط الرسالة
لو صبر المعنى ،، كبر ينفض الذات=بين الأصابع ،والوجوه ،إستحالة
ذكر زمانه ... ما بقى بالعذابات= وأرخى الوهج بين الخيال ،وخياله!
فيني يبني للأزمة ريح ،،وأبيات=ومن الوله ضاع القصيد ، ومثاله
سمّى شجرهم ،هجرة الغيم ،وأقتات= من لهفته ،دمع الرحيل ،وبكى له
غربة "وهدهم" والصدى بالممرات=يقرا النوافذ فوق طين السلالة!
فيه يتكاثر هاجس الهيل ...لا..مات!=والقافلة تنشر ،عن أقصى شماله
لا ما سقى اللحظة،مطر،وأشتعالات=واللحظة أجمل ما تشوف أشتعاله
كل الدروب ...محصّنة.. بالبدايات= وخطاك يالظل ...القديم...الحثاله
للأسئلة لو هي تقوم الحكايات =كان أختصرنا ...بالسؤال... الإطاله
هذا البكا ...وهذا زمان الفراشات=ذوب حريق الذكريات بسؤاله!
بين الحدود ...وبين تكبير الأصوات=دوّن بأثرهم ،سيرة الما لحاله!
ضم العطش ،قبل ارتحال المساحات=كن الدروب تعِيد فيه أرتحاله!
عرّى بهم فجر القصايد ...متاهاتّ= ومن الفزع ،عرّوا مداين خياله

[محمد مهاوش الظفيري]

صالح الظفيري








يا مـسـرج بليل القصايد هقاوي= خـبّر بساتين المشاعر يهرجن
يا موقــد بلحظة جنوني ،غناوي= كم كنت أظن! وكم غزا خاطري ظن!
علمّني أزهمْ لـلنهار ،الـخـطـاوي=وأعـلمـك ليه السفر بالمدى ،فن!
شفني سراجٍ يشبح الباب ضاوي=في شهقتي مرّنْ سنيني ,, ولا ..جن!
تفتّقن سمل المواجع... بلاوي=كنْ الطعون ،نياق جربٍ يلوجنْ
فالصدر ذيبٍ يقنب الليل عاوي= كثر الحنين أرخيت له,مير ما حنْ!
وكم كنت أقول ،إن الطريق متساوي=وكم جرح، عذربني , ولا قلت له كنْ
كنت السواد, وكان حلمي سماوي=الله ! يا أجمل وهم ،صحت به غنْ!
غنيت ،عذري بالكتابة ،أداوي=ذود الطعون اللي بصدري ،يسجّنْ
يا كثر ما لاحن بعيني..رجاوي=في طيشهن..خرش الهواجيس يرعنْ
وياكثر ما ودّن وقلبي..شفاوي=شفهن,تخطّنْ في ذهولي, وعدّنْ!!
أقفن مناوي ...وسافرن بي مناوي=ما عمرهن قدّام عيني تلاقنْ!
كثر البكا ،كثر أختصار الحكاوي=وصيتهنْ.. يطون شعوري إذا عنْ
ما هيجنّي!!!،لكن الليل داوي!=تعبت أسايس وحشته ،ويتفرعنْ
يا موقد الليلة ،بحزني لغاوي!=أرخ بيدينك ..نزعة الشوق الأرعنْ
صب القصايد ،نرجس الروح خاوي=ياما أنزوى من سود الأيام وأنجنْ!
في قاصي ضلوعي يصيح الخلاوي=كان يتهجي صدق الأشعار..ويكنْ!
وصّاني أقرا كل الأشيا..وأساوي=كل الجهات بنظرتي...وأشتكيهنْ!
يا مسرج إحساسي..وش القيظ ناوي؟=العمر يزحف !..والغرابيل يدبنْ!
أخترت أبكي!...مير ما نيب قاوي!= زيف القصايد ...زيف!..يا سيّد الجنْ

[محمد مهاوش الظفيري]

عبد المعطي البدراني









ذريني أقتفي ظلٍ عنيد ،وما يطيع الشور!= تمرد صعلكة فوق الدروب، هروب بأحزاني
رماني أنكساري ،أختصر كل الوجيه البور=وأنا ذنبي عصية ذات،واللذات تعصاني!
ذريني أدفن الدنيا ،عليه لدمه المهدور=طفح كيل الجلاويه، نبت صبّار ،بأجفاني
حناني لا تهيضت أحتويني،تحتويك سطور= لعل الأصبع السادس ،إذا ما فاض تقراني
ذريني ما بقى في هالزمن للحالمين قبور=على أرض الكلام بدفترٍ ما زال ينعاني!
رواني للورق ياما وياما والقلم مقهور=وأحاول أدفن أعماق المحابر قبل تظماني
ذريني يوم ناداني عذابك والمشاعر زور=أسلّم خطوته لدروبك العذرا ،ويجفاني!
نهاني عن سخافات الصبايا، خاطرٍ مكسور=لبنتٍ تكسّر جمود المراجل يوم تنخاني
ذريني أبتسم ،بأسمك،بعيده ما يمسك جور=عن عيونٍ نست ترحم ،نست تذبح وتنساني
عطاني وأنا الموسر،حزن حزنك،هموم تجور=وأكون أعظم عزيزٍ ذل والرحمة تعداني
ذريني أكتب إلياذة قهر ما تعترف فـ بحور!=أجيب بنصفها عنِّي،وعنّك نصفها الثاني!
أناني ،نرجسي،قولي ،على كيفك،أنا معذور=يكفيني وأنا أحبك ،نزعت القيد بأسناني
ذريني للبلاد أعتق نخلها في سما العصفور!=من الرِّقْ بكراريس الصغار،ودفتر أشجاني
أغاني وإن حدوني عنه،من ثوب الشمال تثور=ركايب ريح!،وكن ريحٍ أحديها وتحدّاني
ذريني أستبيح العذر،من صمت العيون الحور=يتيم من الوطن ،إلا من عيونك تبناني!
تراني من هويتك وأنتهيتك صرت بك مغرور=غروري بهرَّجة عطرك وكبري صدرك الحاني
ذريني أوعدك ليلة!،تباين من حشاي شعور=أحبك ،،ما بقى جرحٍ يضيعني ويلقاني!
أعاني والقهر يكبر،ولا تقوى عليه صدور!=قهر يا حلوتي،من غابت عيونك ،تمثناني!
ذريني للوعد أرسم زمن واقف،وأرض تدور=يمّر العمر،أروي لك بعض صفحات وجداني
كفاني عن غياب الأرض،تملين الحياة حضور=تكونين أجمل المنفى وأسميك أجمل أوطاني
ذريني أنتهي منها،قصيدة ثوبها مستور=ذريني ،وثوب السكوت اللي لبسته عمر،عداني!
قراني قبل أهوجسها ،شبيهي وأبعد المحذور=ألا لله درّه كثر ما عقّب علي بخوف بأكفاني
ذريني أجمع أشتات الحياة،ونزعة المحصور=وأقوس نزوة الفكر المشرد ،مثل عنواني!
أماني لو كتبت أسمك على وضح النقا والنور=أماني وجهك أختاره ،ملاذي والجسد فاني
ذريني أجهر بصوتي،بعد ذابت حجار السور=أنا لولاك رجع الصوت،كنت أستاصل لساني!

[محمد مهاوش الظفيري]

الحميدي الثقفي









بلشت بعرفنا الفاضل ..بسحر الخاتـم المعمـول=عطوني حب واخذوا ماغلى من تركة اجـدادي !
سيوف معلقـة وخيـام ودلال وسـروج خيـول=مرابطها خشب وتقاعـدت فـي قرنهـا الحـادي
تموت الخيل عطشا في ( المذاود) والشعاب سيول=تلحفنا جلود احلامنا ... فـي المرقـد الهـادي.
أحبك في الشتا والصيف ..أحبك في شهر ايلول !!=أهالينا بخير ... تزوجـت هنـد ونجـح شـادي
وحنـا صابريـن وننتظـر سيـف الله المسلـول=يجينا من بلاد الشـام يقفـل موجـة الـرادي !
نضت حيلي مدارات العطش يامـا تهـد حيـول=تعبت استشرق الغفران واعصي طاعة اسيـادي
ابقتل مولدي وادري بـاصيـر القاتـل المقتـول=ولكنـي كسـرت المستحيـل ونقطـة ابـعـادي
على جسر الضياع المنتمي للخـوف والمجهـول=افتش عن سطور الموت عـن تاريـخ ميـلادي
ولااملك غير حبر لدفتر اشعـار وقلـم مشلـول!!=وعرفان الحنان : أمي وأبـوي وطيبـة بـلادي

[محمد مهاوش الظفيري]

فهد عافت










سلامي ياهـدوء الأرض هـذا أول الإعصـار=توحدت بجراحـي والمـدى وجهـي وآياتـي
تشربت الهموم وبعض حلم في عيون صغـار=وسميت الفضى جلدي وسميت الشجـر ذاتـي
لذا يممت وجهي عكس وجه الريـح والتيـار=نعم مادام ذيب الوقت عمـدا مطلبـه شاتـي
رميتك ياحطب ذكراي في برد المسافـة نـار=وشفتك ياحطب تخلص وأنا بـأول مسافاتـي
رمادك في يدي شلته سؤال وشوكة استفسـار=يجدد بـي حريقـة وأشتعـل تولـد بداياتـي
وكملت الطريق بحلم باكـر تنبـت الأشجـار=على أرض تسميهـا احتضاراتـي حضاراتـي
وباكر أضرب برجلي الصحاري تنفجر أنهـار=وأشق البحـر بعصـا مـن غصـن آهاتـي
أقول مسامحك ياللي رفض يدخل معي في الغار=وأقول مسامحـك ياعنكبـوت عـد خطواتـي
بعدها يرجع العشق القديـم لجمـرة الأسفـار=وأيمم وجهتي ومن ثانـي أفـرش مصلاتـي
أنا وش أطلبك خـلاص ماعـاد بـي أعـذار=ألا ياسمعـي أجمـل دروبـي درب زلاتــي
كتبت اللي كتبت ولا قصدت ألفت لي الأنظـار=ولكن قصدت ألفت لجـوع النـاس نظراتـي
وأنا عامد أوضح شي وأترك شي خلق استـار=ولا أقعـد ليلـة إلا وأغيـر قـاع مرساتـي
وأنا شفت الجمال يكون أجمل لو عليه أغبـار=لـذا لـف الغمـوض أوراق لفتهـا كتاباتـي

[محمد مهاوش الظفيري]

نايف صقر









خلص كل الكلام ولابقي غير القصيد اعتاب =نشف وجه الجراح ولابقي غير السهر راحه
سلاماتٍ تطولك لاتجيني خايفٍ مرتاب =ترى لك وحشه مثل الظلام ان مات مصباحه
ترى لعيوني اكثر من صديق وللخفوق احباب =اشوفك تختصرهم في خفوقي يااول جراحه
على هونك .. ترفق ياشتاي البارد الكاذب=تراها.. قفلتين .. الطعنتين ان قلت ذباحه
بشوفك .. بلمحك .. بتذكرك لاغابو الغياب=وأبا اصرخ من حشاي ورحله الغفران تفاحه
ألا ياكبرها وانتى وانا واثنينا الاغراب=على قلب خساير غيرته في ذمه ارباحه
رهنت لغيبتك ظلٍ نحيل ودمعتين وباب=على قلبي قفلته والوفا همه ومفتاحه
تفضل نعمه النسيان ما ابغي لاابتعدت اصحاب=عطاياك القديمه والجديد الياس وارماحه
بقي طيفٍ باحرسه في عيوني لك عليه اهداب=ولاني حاجبه ياوجهته لاهداك مرواحه
خلص كل الكلام اهديت لك لون الوداع واخضاب =مهر كفٍ دفاها من عذاب مصافحي راحه

[محمد مهاوش الظفيري]

فهد دوحان








ليت لي قلبٍ بليد .. ولي عيونٍ : تـنـام =كان ما والله لحـقـنـي على نـفـسـي عـتب
لابكيت احدٍ طواه الجفا تحت الـظـلام =ولاذكرت من الشجر حاجة ٍغير الحطب
مير لي قلبٍ.. تجمع به : الما والحمام=ممتلي صبحه : نخيل ومواويل و قصب
لو تمرّه ريحة الدمع في لحظة زحام =خلته من غير عـشـبٍ ندي .. ولا رطب
ايه انا من سلّم .. وردت الريح السلام=واطلق بجنحانها بعض الاوراق وكتب
عاشقٍ حاول يغنّي على هذا الـحطام =لانبت صوته .. ولا من خذا عنه التعب
باقيٍ للعشق في داخلة : رعشة غرام =توجعه .. لين يتراخى من الدمع الهدب
مابقى به شي .. ماكان باقي به كلام=كانت قـلوبٍ بـليـده .. قـلـوبٍ مـن خشب

[محمد مهاوش الظفيري]

نايف صقر








يقولون الشعر وصل القلم والصفحه الطرقى=وانا اقول الشعر قدح الخيال ونار صوانه
حبيبي والبحر سور التراب ودفتر الغرقى=لو اني ماكتبتك لامني ملحه ومرجانه
حبيبي لاهمت حبر العروق الغيمه الزرقا =على رمل الورق دمي سحاب هل هتانه
حبيبي كل ماذعذع جفاك وناحت الورقى =يتل البال قلبي واهدي السجات جنحانه
حبيبي وانت مرقاب الشجون وهاجس المرقى=ترى كلٍ يموت الا الوفي بعيون خلانه
حبيبي والجروح اللي سببها ليلة الفرقا =ضما يدها الوصال اليا ظما المحروم حرمانه
حبيبي لو يسامحك البحر وتبيحك الغرقى=أنا ما اسامحك لو لامني ملحه ومرجانه

[محمد مهاوش الظفيري]

خلف الكريع










الفقر : عرش الحزن ؛ والجوع : تاجـه=والليل : عرشي ؛ والقصايد : رعايـاي
يا كثر ما تقصـر ثيابـي - لحاجـه -=ويا كثر ما تثري الحياري عطايـاي !!
وجذع النخل ’’ محدٍ يعيـب اعوجاجـه=وانا ’’ بعد ما عابنـي ضيـق مخبـاي
والصبح - لا فض الظلاااام انبلاجـه -=يفتح : شبابيك الأمـل ؛ فـي زوايـاي
واتعلّـم مْـن الريـح معنـى المواجـه=واستلهم مْن نْقـاط ضعفـي / مزايـاي
واطوي دروب الخوف: طهر وسماجـه=واكسّر رماحك بصدري : يـا ذكـراي
والحزن : ينبت فـي عروقـي خراجـه=يجثم على صدري ... ويكسـي محيّـاي
والهـم يعلـن فـي عيونـي رواجــه=والآآآآه : تحرق كل غصـن بحنايـاي
والضيـق لـو طـوّل علـي انفراجـه=لا زلت اشيل احلامي ل/عمري الجـاي
لعيون : صالـح / ودْلَعَـهْ / واختلاجـه=وخدوده اللي - طهرها - فـي شفايـاي
لا قال : ( بابا - وهو يأشـر لحاجـه -=أمانه اشترها لـي ) تضييييـق دنيـاي
ولا قال - والحسـره تكـدّر مزاجـه -=: (كم عيد مر ،، ولا فرحت بهداياي ؟!!)
وارخي تعب رمشٍ لظـى الهـم هاجـه=وتسولف العبره بجفني - تقل نـاي - ..
.. كِنّـه بفضفـض للجفـون انزعاجـه=يسرد تفاصيلـي ،، ويعـزف حكايـاي
لبيـه ياللـي قطـر فـمّـه مُجـاجـه=لا من نفخ فـي كاستـي يْبـرّد الشـاي
في لثغتـه سكّـر / ودبـس / ولزاجـه=لا تمتم لسانه - وهـو يسكـب نـداي -
علّمنـي ان الحـزن : طيـش وسذاجـه=لا ناااام باحضانـي ؛ وصحّـى بقايـاي
وعلّمني ابكـي بـس ل/اجـل ابتهاجـه=وعلّمني اضحك بس لا صـار ويـااي
وعلّمته ان قِصـرتْ ثيابـي - لحاجـه=كيف اثري عيون الحيارى بْعطايـاي !!

[محمد مهاوش الظفيري]

خالد المسعودي









لا يا صباحي ،كثير وجيه مرتني= تسأل ؟!،ولا أدري طريقي وين وداني!
وعصفورةٍ من على الشباك نادتني=بين المواسم تذكّرني ،وتنساني!
بين الكتابة وبين الحلم شافتني!=أجمع عيون ربعي وأرسم أوطاني!
يا حنجرة ما بقى ذنبك على متني!=ظلت حروفي ،عناي ،ودلّت أخواني
مرّت قصايد من ضلوعي ، وفاتتني= كأنها تحتفل بموادع لساني!
لا يا صباحي كثير وجيه... لامتني!=ما عدت الأول وضعت بوجهي الثاني
وأشيا صغيرة من الماضي تولتني= أهرب وأكابر...وتسبقني لعنواني
الذاكرة .....آه ودّتني ، وردّتني!=ورجعت أبيض، مثل ما كنت لأخواني!
كرهت أنا الباب، والخطوة تمنتني=أكره هاك العالم ،اللي وسط شرياني
عمري محطة ، وناسي لا تعدّتني=أحزن وهي تحزن، إن عاشت على شاني!
وعصفورتي من ورى الأيام ،زارتني=ضحكات ودموع ،وأجمل صوت ناداني
يالله على اليوم أبمشي ،يوم لاقتني=يمكن يهون التعب ، لعيون خلاني!
يمكن تموت المسافة ،،يوم نسّتني=وشلون أسافر مع العصفور لأوطاني!!

[محمد مهاوش الظفيري]

سليمان المانع







يا دلو بوحي، جذبتك !جيتني شلقا!=تارِدْ ، تصدّر،ولكن ما أنت لا قيها!
وقَفَتْ"أهنّيا"، ولا تحوِّل ولا ترقا=أدنى السواني ،حبال الرمش تقصيها
نهار الأحزان ،ليل أشرب ظما الفرقا=يوم المسافات ،تطويني ،وأنا أطويها!
أقَلّبْ أوراق تاريخ العطش وألقى!=أشياء أبيها،،وبعض أشياء ما أبيها!
الله عطاني جناحيني عشان أشقى!= أقرا فضاها ،وأنا أجهل سِر أراضيها
شف وجّنَة الشوق من خنق الزمن زرقا=ناظر عيونه يتيمة ،كيف أبكّيها؟!
كانت سحابة! ،ولا هي معذرة ، أنقى=أخاف تزِعل !،ومن يقدر يرضّيها؟!
كانت فلانة !،تسافر للسـمـا ،،طرقا=تمشي وحَدَهَا،،ولا بـنـتٍ تـبـاريها
هدية الله !!،،وربي، لا بغى ينقى!= يدري الهدايا ...على مقدار مهديها!
مرّتْ أغاني ،،وضجْ الجمع ،يا "عنقا"!=لا واهنيّه حبيبك!،،قلت أسميها!
ومن باق عهدك يا علّه يوم ما يبقى!=يا ركعتين،"......." ،وجيت أصليها!
لعيونك أثني،وإذا دلوي رجع شلقا!=أبـــ أجدِّل حبال ،خادمها وواليها

[محمد مهاوش الظفيري]

صالح الظفيري












ستين ليلة ،والطعون أستباحن!=قلبٍ تعذر بالغياب،وطونّه!
ستين ليلة ،غافلني ....وراحن=يسبّنْ بقايا ضحكةٍ مرجهنّه
لو ما دموعٍ صدقني ...وساحن!=كان العزا بالصبر لو ما حكنّه
هزيت به جذع القوافي ،وطاحن=حفنة سنين،وذكريات ومظنّه!
هزيت أبي عذرا القصايد،وشاحن=عن دفتري ،كل الجهات ورمنّه!
صاحن ثلاثين ،أنتخن ثم صاحن =جرحك أنا يا شاعرٍ،وأنت غنّه!
قلت أتغزل في هواكن....وناحن!=نوح الغريب،اللي دروبه عونّه!
كم عذربنّي...مقبلات أستراحن!=في مهجتي ،حتى الضياع عشقنّه!
مرّن ..فرادى،مجفلاتٍ وزاحن!=عن وجهي الحلم الجميل ،وبكنّه!
يا معذرب الروح البهية ..صباحن=أثر الأغاني ،رقصهن ودعنّه!!!
حنّيت أنا ستين ليلة ولا حن!=جرحٍ تعذر بالظروف ...وخذنّه

[محمد مهاوش الظفيري]

سعد الحريص









البارحة غنيت يا حادي العيس=واليوم صمتي عن عيونك حداني
اليوم تلعبي رياح الهواجيس=ولا ادري عشانك ضيقتي أو عشاني
ما بين لوعات الجفا والوساويس= البرد ساكن ..في ارتعاش المحاني
وانا حبيس الصمت ...سجن الأحاسيس= ضاق الزمانولا وسعني مكاني
والنور طعمة في عيون المحابيس=مرٍ مثل طعم الكلام بلساني
متى بصوتي يزهرن الكراريس=ومتى بقلبي يمطرن الاغاني
ليت الشعر ما هو كلام بقراطيس=ليت القصايد فالدفاتر مباني
والله ليفرق شعر من يرجي الكيس=عن شعر من ينحت صخور المعاني
ويبان فرقي في اختلاف المقاييس=حتى تحس بصدق وش كثر اعاني
والإ الاماني راس كل المفاليس= عزي لمن كانت جداه الاماني

[محمد مهاوش الظفيري]

نايف الجهني







هز الجدار ..وكان ظله شمالي=تحت المطر يبني أساطير وحروب
هز الجدار..وقاسموه أرتحالي=في ثلج مفتوحه لأعاصيره جيوب
تشقق الرمل القديم بخيالي=وأرخى لحبل الطين بعيونه الثوب
كل المسافة..كل ما بانذهالي=الريح الأول..والتجاعيد والكوب
الـلـي قريته في متاهة ســؤالي= نسيان شاعر ياصل الذنب ويتوب
على على ما فيه جمر وأهالي= تخيط لبروقه مع العشب مكتوب
بالصمت وجهه لا تلاشى بدالي=خلف المرايا ذاكرة غيث مسلوب
وان حدثوهم ..حاصرتني رمالي=بسهام رجفه نْسَيتْ الخيل بدروب
يا ظلها وان ظل عنك احتمالي=قم غنّ لاعراس التلاميذ مسحوب
الهجن عادت بالرحيل الخيالي=والليل لاجراس البدايات مسحوب
احيا لبرده كل ما فاض بالي= فجر يلاطم بالمدى حلم مثقوب
مثل الوهج مثل الفراغ اشتعالي=لا غمت يكتب حيرة الشمع ويذوب
هز الجدار وكان ظلّه شمالي=حاول يحرك باصبعة ظل مكتوب!!

[محمد مهاوش الظفيري]

ميسّر الشمري










تأكدي.. ما بالزمن شاعرٍ حي =اموات نكتب بالدجى سيرة اموات
نشعل اصابع ليلنا للمدى ضي= ونبكي على اللي مقبلٍ ما بعد فات
الشي، نفس الشي،صرنا ولا شي=تحطمت وسط الضما شرفة الذات
للظلم اهلنا كانوا القوت والمي= يستحلبون افكارهم تحت الاهات
يرضون باللي زل, وان زل في غي= يرضون بالحلم الهوى يجمع اشتات
ويا انتي دخيلك ما بقى غيرها في =شمسٍ تظلل مدمع الشعر لا جات
ان قلت ابن لعبون تستحضرن مي=وان قلت يا عنتر, غدت عبله اصوات
وتأكدي ما بالزمن شاعرٍ حي=اموات نكتب بالدجى سيرة اموات

[محمد مهاوش الظفيري]

فهد دوحان











كبرت من غير ما أدري والعمر توّه= هي صورتي ذي أو أحدٍ واقف خلافي
الشيب عشبٍ نبت وسمه قبل نوّه= ولا عاد يمدي المرايا تدفن الخافي
ليت الولد كمّل الدنيا على الدوّه =ينبت عليه الندى والعشب وهو غافي
وإن غمّض عيونه ونام وطفى ضوّه =تلعثم النور فـ نجوم السما الصافي
عذبٍ تشيطن ملاكه وامتلا جوّه = وارتجت الأرض فيه وردّ لأطرافي
ما ظل له حول في جلدي ولا قوّه= ترك لي البير يملا دلوه السافي
يلعنك عمرٍ معك ما تكمل الخوّه= خليتني لليباس وقلت لي كافي
هذا انت وما تقدر تسّويه بي سوّه= انا فتيلٍ وهذا عالمٍ طافي
للريح جلدٍ طرٍّي وكان متشوّه= في دم هاك الصغير اليّن الحافي
العمر ما عاد ينفع ليته ولوّه= وكاد ما هو غطاي ولا هو لحافي
صار العصا .. في جميله راعي مروّه= ياما تسنّد عليه من التعب وافي
كبرت ورد الولد غير وكثر سوّه= بعضه غدا شيب وبعضه كان بي دافي!

[محمد مهاوش الظفيري]

ريميه









لا.. ما أنت ذيب وماني الجنيّه=والكون..ما هو مقفر ..وله والي
ماني على اسمي ..لا لويت.. النيه= كبد الخيانه ..طعنها ..يزهالي
هالقلب نمر.. وضحكته ريميه =واليا.. تجهم ..ما يعرف ..الغالي
والملح الأسود ..كم عطته ..ايديه = قدم القصاص بطلقة ..ما تبالي
وأنا ..بدم..حكايتك.. معنيه= كل الليالي ..يشهدن..لوصالي
يوم "الحماد" مخيرٍ.. في غيه =والحزم ..شوري..والنقا ..مدهالي
سجّيت وجه وناحت القمريه= من نزف..روح ..فيضت ..مقيالي
والليل ..فاع ..وضفني في زيه=والنجم .."الأوحد".. كفّنه ..مرسالي
زل السماح وقالت الشبريه=كل الكلام اللي..يدور ..ببالي
والدم الأخضر..حلّني وسميه= من جدب..دمعي وانكسار ظلالي
شدّي.. ركابك واعقدي .. يا بنيه= ذنب الذبيح يحلّه ..الحلاّلي
والمس ضلوعي ..تقل كان .. هنيّه = قلبٍ ..بموته ..هيجنوا.. عذالي
الذيب مات وظلت ..الجنيه =تلعب ..بظلٍ ..في يديه ..حبالي