غصن !

[نواف الدغيّم]

تجي بعد المعاضل معضله أو حل؟
.......... ترد مْـن العمر عمري معك؟ موتي؟

انا .. لو وجهـي اللي بالدموع ابتل
.......... أحس دمــوع عيني .. بلّلت صوتي

[نواف الدغيّم]

كم خطوه فدرب نسيانك، وكم به حصى؟
............ يا ليـت لي قدره اقفّيك .. و ارد صوبي

خايف من الخوف، تايه ما لقلبي عصى
............ انا ارتكبتك .. وسالت توبتي فوق ثوبي

[نواف الدغيّم]

مــا فــيـــه ذرّه فقلبــي لك مــــن الحقد
......... بس انت غالي وانا اشره لاجل حبّي لك

من كثر ما اشعر بغربه واشعر بفقد
.......... فقـــدت صوتـي فصوتـي يـــوم انادي لك

[نواف الدغيّم]

جمّـال .. وجـروحـي ثقال
....... كم قلت يا حظّي تهون

لــو كانــت أحـزانـــي طوال
....... لله فــي صــبـــري شؤون

عاشق وإذا جا لي مجال
....... أجـي علـى قــد الشجون

مـرات .. عنـدي ما يقال
....... مـرات .. تعبيــري يخون

أوادع .. بـ كف الوصال
....... أواعد .. بـ دمع العيون

[نواف الدغيّم]

يضج المكان بريحة الخوف .. والتذكار
............ يظلّلني ويدمح خطا جرحك و صبري

انا كل ما حاولت نسيانك انت .. احتار
............ تأصّلت في ذاكرتي وفي ققص صدري

[نواف الدغيّم]

انا الحاضر
وانا بكره

انا الذكرى

انا اكبر عيال الحزن
وانا آخر اللي من سلالة جرحها باقي

انا الهاقي

انا الاطلال والصدفه
انا اللي ينتظر حتفه

وانا اللي من حمول الصبر واشواقي
ما اطاوع تعب ساقي