غرق

[أحلام مؤجلة]

لاصار قلبك .. من ورق
................لاتقدح زنـااااد القصيد
ولاصرت مُب قد الغرق
................خلك عن حروفي بعيد






أحلام مؤجلة

[أحلام مؤجلة]

كل الحكايات تبدأ بذكرها
وكل الحروف تنحني لإسمها
رغم غيابها الأزلي إلا إنها مازالت تسكن الحنايا وستظل
أذكرها مع كل شهقة نفس ومع كل تنهيدة
ومع كل حلم
رحمك الله ياأمي 💔




أحيـااان ينبـت من ضلوعي فم
ابكم وحلقـي مابقا بـه صوووت

"يـمـه " وأجفـل مابقالي ... أم
واشرق بدمعي واعترض عـ الموت

وأبكيكِ وأدفن في الحنايااا هم
واموووت فيني والصبر تابـوت

شريـااان قلبي مابقـا بـه .. دم
ماغيـره اسمك داخلـه منحـوت

"يـمـه" يجاوبني الحنين بـ سم
واجـووع شوفك والمدامـع قـوت

يا كـم رجيتـك ترجعيـن وكـم ؟
وش يرجعك "يـمـه" وفات الفوت

أحلام مؤجلة

[أحلام مؤجلة]

تسألني ماتشتاق وشلووون ماأشتاق
............................أقسم برب البيت ذابت ضلووووعي

شفني عشانك كيف أوقف على ساااق
.........................رغم إنكساري للحنين وخضووووعي






http://www.ab33ad.info/up/uploads/images/ab33ad.info-1b5f2d890e.jpeg (http://www.ab33ad.info/up/uploads/images/ab33ad.info-1b5f2d890e.jpeg)

[أحلام مؤجلة]

تجي ننسا بأن الأرض فينا تدور
..................... نوقف عقرب الساعة على اللحظة

تجي نبعد عن الدنيا وأي شعور
.................... وأعيشك //حلم يغنيني عن اليقظة


أحلام مؤجلة

[أحلام مؤجلة]

ليه ضايق ؟؟
هات همك
لايهمك ...
انا عندي صبر اكبر
مااشتكي واتحمل اكثر
روّق ودايم تذكر
مهما ضاقت بك ظروفك
انا يمك
انت خلك دوم جنبي
جرّب اشكي لي واضمك
وشوف كيف ...
الضيق يصغر


أحلام مؤجلة

[أحلام مؤجلة]

ياليت مافي قلوب تعشق وتشتاق .....
................... ونعيش ماندري عن اللي يغيبون

💔
أحلام مؤجلة

[أحلام مؤجلة]

قولوا لها غاب البشر .. وتفرقت القلوب
مافيه صاحـب يتصل ويقوول لي وينـك

ولا عاد في ساعي بريد يجيب لي مكتوب
مختوم بانفاسـك دعـاا .. بلّه دمع عينـك

يمه وحق اللي خلقني احترق ... وآآذوب
من نار شوقي لك وأموت لـ لمسة أيدينك

أحلام مؤجلة

[أحلام مؤجلة]

على فكره
تجي بكرة على الموعد
وإلا ناسي تاريخه
ترا كان الوعد بكره
حلفت من الشتا اللي راح
اذا جانا الشتا ثاني
بنفس الوقت تلقاني
على العهد القديم اللي
حفرته وسط شرياني
ونولع له بميلاده
حنين وشمعة الذكرى
وانا جيته ولاشفتك
وش اللي اخرك مدري
كذا معقول تنساني ؟
او يمكن انا بدري
سبقت الوقت ملهوفه
على الشوفه
واطمن نفسي بعذري
"ترا الغايب له ضروفه "
ومر من العمر نصه
وساعات الزمن تسري
وانا للحين منتظره
تجيني بموعدك بكره


أحلام مؤجلة

[أحلام مؤجلة]

يسعد صباحك تويّ بسيرتك كنت
............... ساهي واسولف عن غلاك لـ خيالي
وآآقول منهو يملك القلب غير أنت
................ غاااالي وتبقى لآآخـر العمر غالي

أحلام مؤجلة

[أحلام مؤجلة]

مايشبهك مخلوق ...بين المخاليق
نوعك فريد ... ونادراتٍ وصوفك

وحدك سكنت الجوف بين المعاليق
دايم معي .. موجود لو مااشوفك

حبك عسل موصوف مع فكة الريق
من ذاق طعمه صعب يقدر يعوفك



أحلام مؤجلة

[أحلام مؤجلة]

‏ودي اقول الحين "تصبح على خير
‏ لكن اخاف تغيب وآآحن واشتاق

‏خلك معـي نلتم في حلم .. ونطيـر
‏ لأبعد مدى بالكون من خلف الآفاق

‏نحيا ثواني الوصل من دون تفكير
‏ وان عاتبونا الناس بنقول "عشاق"

‏العشق ماهو ذنب يحتاج تكفير
‏ يحتاج له قلبين واحساس وعنـاق
‏
‏#أحلام_مؤجلة
‏

[أحلام مؤجلة]

http://www.ab33ad.info/up/uploads/images/ab33ad.info-fc341d6985.jpeg (http://www.ab33ad.info/up/uploads/images/ab33ad.info-fc341d6985.jpeg)

[أحلام مؤجلة]

أشـر بعيد وقال لي شوفي هنٰـاااك
كـن النجـوم قلـوب تومي بـ إيديهـا

تشبهك ذيـك وذيـك تعكـس حلايـاك
مثـلك تشـعّ النـوووور.. الله عليهـا

قلت بـ خجـل ياجعـل كلي فدايـاك
لو تدري هالنجمات من محتويـها ؟؟

صدرك فضا والكون داخل حنايـاك
وانت السمـا .. وأعيش في راحتيها

قلبك مـدار ونجمتي ضمـن الافلاك
كل مايجـن الليـل طيفـك يجيـهـا

يهديها شعلة نور من بسمة شفاك
وتشـع كـنّ الفرح .. في وجنتيهـا

يشـهـد علـيّ الله .. ماشـع لولاك
نجـم بـ سما الاحلام او دار فيها



أحلام مؤجلة

[أحلام مؤجلة]

تفعيلة قديمة من الأرشيف ☺


تدري اني صرت أغار من الحروف
لما تكتبها واشوف
هاذي الـ/تمدح قصيدك
وذيك تتميلح عليك
وهاذي تتمنى تصيدك
وذيك تلفت ناظريك
وعندهم زايد رصيدك
وآنا من قلبي اغار وفي خفوقي
يشب نار
واكتم الحسره وأقول ,,,,
مايخالف غيمه وتعدي وتطوف
وش أسوي شاعري شخص مْعروف

تدري إني أحسد حروفك عليك
لما تكتبها بايديك
أشعر أن الحرف مثلي دايمآ يوله عليك
وده زي ماهو بودي
يترك الدنيا ويجيك
ويطلبك ويقول تكفا شاعري بالله روف

لاتعلقني بحبك
وأنت تدري إني من ظلي اغار
وأنا أدري معجباتك بالألوف

أحلام مؤجلة

[أحلام مؤجلة]

بماااان الله ياحلم الليالي اللي مضا مكسور
بمااااان الغيب موعدنا هناك .. بجنة المولى

يمر العمر بـ غياااابك وادري لو يمر مجبور
اشيل الهم واتصبر عسا "بكرة" يجي احلى

عسا يعشب ربيع الوصل ورده بالاراضي البور
وتزهر من امانينا ... غصون احلامنا الخجلى


أحلام مؤجلة

[أحلام مؤجلة]

كثر مامنكسر فيني حلم وأصحاب
كثر ماقلت من قلبي ... مسامحهم

أنا لي خااااطر بـ بكرة ٱبد ماطاب
يجون أحباب مثل أول وأصافحهم

يجوون ورب هذا الكون قلبي ذاب
على معانقهم .. وشوفة ملامحهم


أحلام مؤجلة

[أحلام مؤجلة]

إيـــــــه أبكي
غرّق الصفحات من ديم الحدق
وحيل اشكي ,, دونك الطوفان
والمركب ورق
بلل يباس المحاني , والمشاعر , وصير شاعر
لو شهق حرفه وجع غص وشرق
ولو زفره جروح ذاب البوح , وبالهم أختنق~
إيـــــــــه خلك ,,
لا تحاول ترتقي هذا محلك
جزءك المفقود من عمر الأماني,
ذاب في هالليل وبالعتم انسرق .
وجزءك الموجود , والموعود ماله وجود ~
غير بأوهامك ولو عدّى وش يهمك
ولا حتى فرق .
صيح ,, لين الريح تنسفك / وتبعثرك / ويسيح
اشتياقك من مساماتك ,, وصوتك في لهاتك احترق
يـــووووه منك كنت أظنك
وللأسف !!
ماشفت منك غير ضعفك
يوم حرفك مات بإيديك وشهق ~
تشبهك باقي حياتي لا تحاتي ,, وقول هاتي
قلبي اللي غير حلمه ماعشق
اطلقي للريح ,, ساقي وشهو باقي ؟؟
ماتت أشجار المحبه ,,ياهي صعبة !
حين غدرتها السواقي ,, وجفت الأغصان
وأصفر الورق ~
قول رايح ,,,
ودعيني وأنطريني وإن حضر طيفي بحلمك أحضنيني
قول /رايح /
هذا عمري ,,,, في غيابك يشبه حضورك
وبابك كل ماجيته بوجهي رده الريح ,,,, انغلق
وكل عمري راح مني في انتظارك وإنسرق
قول رايح وش فرق ؟؟


أحلام مؤجلة

[أحلام مؤجلة]

لو صفت لك هاذي الدنيا ثواني
لايغرك صفوووها .. خلك فطين

كود تقلب ثم تجيك بوجه ثاني
مثل مازانت يجي وقت وتشين


أحلام مؤجلة

[أحلام مؤجلة]

http://www.ab33ad.info/up/uploads/images/ab33ad.info-8841a1fe03.jpeg (http://www.ab33ad.info/up/uploads/images/ab33ad.info-8841a1fe03.jpeg)





على ريف الحلم ... مريت بعد سنين
‏تبلل بسمتَـك يـابس ضلوعي العوج
‏.
‏اناديلك "من الماضي" تعاااال الحين
‏عشانك بأسكب عطوري وأحط الروج
‏.
‏#أحلام_مؤجلة

[أحلام مؤجلة]

ياكثر مالك خلف عوح المحـاديب
"زحمة مشاعر" يشهدون بـ غلاتك

ارسلت لك دقـات قلبي ،، مناديب
معهم سلاااام وورد ماخذ صفاتك

لبـاااا سواد العيـن حدر المهاديب
والبسمه اللي تستريح بـ شفـااتك

اللي لامرت ع الضلوووع المجاديب
تعشـب ربيع .. وتستظل بـ عباتك

العشق والله ( له امورن حراديب )
يحكم بموتك .... أو يجدد حياتك




أحلام مؤجلة

[أحلام مؤجلة]

رب صدفة جابتك ع البال بعد غياب وأدري
.................... الصدف أحيان أفضل من مواعيدٍ ... طويله
كل ليلة كنت احاول لو أنام شوي بدري
....................يمكن بحلمي تجي وتكون لي صدفه جميله
يمكن تدق بيدينك فوق باب ضلوع صدري
.......................قبل وقت الحلم يقضي والامل يذوي فتيله
وانتظرك تمر حلمي كني بجيتك مدري
................... واصحى ملهوفة وأضمك ضمة المهدود حيله
زورني لو ربّ صدفه دون موعد وانت تدري
........ صدفتك عن 1000 موعد و 1000 شوق و 1000 ليله



أحلام مؤجلة

[أحلام مؤجلة]

ناموا وغطوا نازف الدمع والجرح
‏دسوا هموم الامس تحت الوسادة

‏لو الليالي وجهها ماهو بسمح
‏خلوا الامل بالله .... فرض وعبادة

‏بكرة اذا الله راد نصحا على فرح
‏وغيم الدعا بالغيب يمطر سعادة

‏من رحم ذاك الليل يولد لنا صبح
‏مااحلى صباح الخير وقت الولادة

‏#أحلام_مؤجلة

[أحلام مؤجلة]

دقت على "الرقـم القديـم " وتمنّـت ..
لو صاحـب الجوال جاوب بــ صوتـه
.
"مغلـق " ومن هالـرد ياااامـا تعنّـت
و اتذكٌّـرت .. منهـو فجعهـا بـٍِٰ موتـه
.
دقـت وقااال القلـب فرصــة و تسنّـت
لو مااسمعت له صوت تسمع سكوته


أحلام مؤجلة

[أحلام مؤجلة]

ماجيت حلمي .... ولا طاريك بكانـي
........................... آآنا نسيتـك هنـاااك بـ سكـة فراقـك
‏وإن كنت عاجـز مع الأيااام تنسانـي
.......................... عني تلهـى مع التذكـار ... وأشواقـك
‏وان مر طيفك بـ ليل الحلم .. وأذانـي
.......................... اقسم مـ أنامه أخاف إن نمته اشتاقك




أحلام مؤجلة

[أحلام مؤجلة]

كل اخبـاااري تمام ...... وماعلي
. . . . . . . . بس مشتاقة وهذاا من الأخير

وكان تسأل عن جروحي هاذي هي
. . . . . . . . موجعتني بس مرتاحة ضمير

والظروف اللي تعنيني شوي
. . . . . . . . . وافيـة اكثر من الناس .. بكثير



أحلام مؤجلة

[أحلام مؤجلة]

نعم ...
كل ماأكتبه بقلمي وتحته توقيعي ....
لا أقتبس ..
لا أنقل ...
لا أنسخ ...


لمن يسأل 👆🏻





أحلام مؤجلة

[أحلام مؤجلة]

قٰم ننهمـر // غيمـة قصيـد وتعاليـل
لأعمـق مساااامات القلوب انتغلغل
.
ونسمّـع العشـاااق //جزل المواويـل
الليل طاااال .. ومن سِهِـره ايتململ
.
تدري "قصيد الليل" يحوي تفاصيل
لو تلمـس أركااان القلـوب .. اتزلزل
.
وأفتل وانا انقض لين تفنى التفاعيل
والقصد يوضـح والمعاني اتسلسل
.
عذب المواصل ... مع مرار المعاميـل
وعزف المشاعر بالضلوع ايتجلجل
.
يسكب جزيـل القاف مزنٍ هماليـل
ماينكسـر به "شطـر" وإلا ايتهلهـل



أحلام مؤجلة

[أحلام مؤجلة]

ضايقـووه بـكلمة .. إنه مايبيك
.............. وازعجوه بكثر ة اللوم وبكا

كم حكوا بالكذب بغيابك عليك
............. واجرحوه بحيل لكن ماحكا

كان ينتظرك تجي يوم ويجيك
............. يشتكي لك هم بضلوعه ركا

واثق إنه مالقلبك به شريك
......... ولا بعمره يوم من هجرك شكا

طالت الفرقا وبااقي يحتريك
.......... هو عطاك العذر وجروحه زكا




أحلام مؤجلة

[أحلام مؤجلة]

متى ممكن قدم حظي .... تشد الحيل
توديني لدرب غياب من راحوا

تعبت أصبر على الفرقا وأذوق الويل
وهم بدروب ودتهم لها ارتاحوا


أحلام مؤجلة

[أحلام مؤجلة]

يحكى أنه ...
كان هناك بعض الباعةْ
في السوق قد عرضوا بضاعةْ
معهم أزهارٌ ومرايا ..وعطوراً حلوة وهدايا
معهم شمعٌ ومعهم دفترْ نُقش عليه قلبٌ أحمرْ
وعلبةُ مخمل تحوي ساعة صفراء اللون ولماعة
عرضوها للبيع وقالوا
أشياءٌ حلوةْ أصلية قد كانت ملكاً لصبيّة
لم تكتب من قبل وصية
ماتت قبل مساء الزفة
ويحكى أن ... بمحض الصدفة
مر بقرب الجمع غريبْ مشغول الأفكار مريبْ
لم يره أحدٌ في السوقْ يتنفس مثل المخنوقْ
حاول أن يرحل مبتعدا.. ثم دنا منهم مرتعدا
حمل الدفتر بين يديهْ... والدمع يغطي عينيهْ
قبّل إسماً كُتِبَ عليهْ
وحدهُ من يعرف دفترها قدمه في الماضي هدية
حين رآها آخر مرةْ .... وبلحظة صمتٍ أبديةْ
مد يديه بجيب السترة اخرج اوراقاً نقدية
دفع المبلغ ثم أرتحلا والحشد يحدق منذهلا
ثم إنه يحكى أن ..
عند الصبح رأوه هناكْ ملقياً بين الأشواكْ
يحضن بين يديه دفترْ ... مبلولاً بالدمع مغبّرْ
وهناك وتحت الاهداءْ ... بحروف الحزن السوداء
مكتوبٌ في أول صفحةْ
( إن متّي لن أحيا اكثرْ )
كلماتٌ قتلت صاحِبها لم يعرف أحداً كاتبها
حين انهمر عليها الدمعْ ذابت وانمحت الأسماء
ثم أنه يحكى أن :
كل الحشد هناك تحيّرْ .. ثمْ سمى بالله وكبّر
وهناك بهاذي الأثناءْ ... نادى منادٍ في الأرجاءْ
هبّوا نقتص من القاتلْ جاوبهُ بعض الأحياءْ
لو شئنا أن نأخذ ثأرهْ .. كيف لنا أن نشنق دفترْ
كيف لنا أن نشنق دفتر


أحلام مؤجلة

[أحلام مؤجلة]

أبوذية



على درب الوصل لك جيت عناي
عزفت الشوق من فرقاك ع الناي
تعـااال انشد يابعد الناس عناااي
فدااااا شوفتك كل غالي عليّه



أحلام مؤجلة

[أحلام مؤجلة]

راحوا ولاندري النوايـاااا على وين ؟
قالوا : لازاد الشـووووق فينا رجعنا

صوب الدروب اللي غريبـة عنـاااوين
شدوا الرحال ... وماشغلهـم وجعنـا

ليت الغياب االلي انقضا منه عامين
خذنا معاه ..... ولا عليهم فجعنـا

الله لنـاااا من اتركونا.... لهاالحيـن
لاطاب عيـش .... ولا بليلة هجعنـا



أحلام مؤجلة

[أحلام مؤجلة]

أيوذية

انا يابوي ..... فاقدته هوايااا
وذقت المر من شوقي وهوايا
ببعده صار لي طبع وهوااااية
احب الـ يشبهه واهوى سميّه




أحلام مؤجلة

[أحلام مؤجلة]

يقوم الصبح من نومه ويسأل .. فقت ؟
.....................وإذا شافك ضحك وجهه وفاض شعور
وانا ياضحكة الدنيااا بشوفك رقت
......................ورفرف قلبيّ بصدري مثل عصفووور
صباح الخير لك والله كثير اشتقت
......................من أمس البارحة لطلعة صباح النور





أحلام مؤجلة

[أحلام مؤجلة]

كلهم راحوا وانــا باقي بمكاني
………………………… أحضن الذكرى وله وابكي عليها

هو وجع ذاك الذي دكّ المحاني
…………………………… أو أثر خيبة عمر .. تبـّت يديها

ياغياب اللي رحل ما ردّ ثانـي
……………………………… وين فيه دروبك وانا أجـيها !!

من رحلت توقّف حساب الثواني
………………………… والزمان يبيع فيهـا .. ويشتريها

ياغريب الروح لو مثلي تعانـي
……………………… … تعرف ان الروح لو باحت حكيها

قالت ان الحلم مثل العمر فانـي
………………………… ليه روحي تحلم بمن يحتويها !!

ياغريب الروح ..لاتبكي عشاني
…………………………….. وفـّر دموعـك لصدمـة تحتريها

مابقا لأهل الوفا غير الاماني
………………………… اودعوا (احبابهم) في راحتيها"

وكل ذكرى عاثت بصبر المحاني
………………………… ماأبيهـا ... ماأبيهـا ... ماأبيهـا


أحلام مؤجلة

[أحلام مؤجلة]

يطول الليل وشعووور الوجع يكبر
‏واشيد صرح للخيبة على انقاضي

‏وأجيك اتسوّل النسيان .. لو تقدر
‏عطيني ربع مـ اعطيتك وانا راضي



أحلام مؤجلة

[أحلام مؤجلة]

عصفورة الصبح ماعاد الوضع عادي
ماراح يرجع من اللي كان محبوبك

ولاعاد ينطر على مفرق ولا وادي
شربل خربها وقطّع دونه دروبك


صباح الإبتسامة 🥰😘

أحلام مؤحلة

[أحلام مؤجلة]

على جال العشِقْ حنا ورَدنا
ذبل من ناره ... صغيّر ورِدنا
خذانا وراااااح ماطوّل ورَدنا
عطاشى والعشِقْ كله أذيّـه


أبوذية
أحلام مؤجلة

[أحلام مؤجلة]

ضايقـووه بـجملة .. إنه مايبيك
.............. وازعجوه بكثر ة اللوم وبكا

كم حكوا بالكذب بغيابك عليك
............. واجرحوه بحيل لكن ماحكا

كان ينتظرك تجي يوم ويجيك
............. يشتكي لك هم بضلوعه ركا

واثق إنه مالقلبك به شريك
......... ولا بعمره يوم من هجرك شكا

طالت الفرقا وبااقي يحتريك
.......... هو عطاك العذر وجروحه زكا


أحلام مؤجلة

[أحلام مؤجلة]

نام الكلام الا " احبك " ماغفت تسأل عليك
تشعل لك شموع الوصال فـ ليلة الفرقا اسف

ياصاحبي ليه السهر ياخذني بيده واجيٰك
والقا مواعيد اللقا مع موعد حضوري اختلف

لو كنت تدري وش ورا كلمة " احبك أو ابيك "
ماكان سنيت الفراق ودنيتـك ... دين وسلف

أحلام مؤجلة

[أحلام مؤجلة]

ماعاد يرسل رسايل ود
ولا عاد يسأل عن الأخبار

اول تجينا وحنا نرد
نختار لجله من االأشعار

والحين وصله طواه البعد
لاعاد يرسل ولانختار



أحلام مؤجلة

[أحلام مؤجلة]

أبوذية


كثير اللي اغدروا بيا ... وعادوا
وقالوا عني ماقالوا .... وعادوا
عجب وشلون يوم الحين عادوا
اسامحهم وانا ذقت الأذيه



أحلام مؤجلة

[أحلام مؤجلة]

عصفورة الصبح ماتدرين عن غالي
راح ونساني ولاجتني مراسيله
.
من عقب عينه وحيدة مالي الوالي
ياشيب قلبي على فرقاه ياويله

ياليت مرة دروب الحظ تصفالي
يمكن يجيني ويمكنّي أنا اجي له

.
غايب ولكن خياله حاضر ببالي
حاضر بكله ولاغابت تفاصيله

يازين لحظة لقاه وشوفه قبالي
ويازين ضمه ويامحلى مواصيله



أحلام مؤجلة