عقيل المنيس
05-16-2007, 06:32 PM
الإهداء للشيخ الدكتور جمعان بن الرقوش الزهراني والشيخ فهد بن بندر التمياط
بمناسبة توسطهم لدى عبدالعزيز بن عبدالرحمن الزهراني الوكيل الشرعي عن اخوانه بخصوص قتل والدة عبدالرحمن الله يرحمه وتنازله بلا مقابل ابدا جزاه الله خيرا وكان بدر بن عواد الكميان الشمري،،
قدر صدر به صك شرعي لكي ينفذ به حكم القصاص ولكن عبدالعزيز قدر جاهية الشيوخ بن رقوش شيخ عام زهران والشيخ فهد بندر التمياط احد اكبر مشايخ شمر ومن معهم من شيوخ زهران وشمر وباقي الوجهاء والذين لم اتمكن من معرفة اسماهم لعدم المامي بالقضية عند كتابة القصيدة .
((كما انني اعتذر عن الانقطاع لاسباب خاصة واشكر الجميع وخصوصا رئيس المنتدى على الاهتمام واعتذر منه شخصيا على تقصيري ولكن عذري الوحيد ان المنتدى غني باعضاءه الغانمين والمبدعين وانا لي الشرف بان اكون من بين هذه الأسماء ))
للهرج نقاده وللشعر نقاد = وأنا إجتهدت اخشى كلام المناقيد
لني ورثت الشعر من عند فهاد = خالي مورثني ومن جدي إفهيد
ودنيت ما يطوي بعيدات الأجراد = بنز.ن. صفيره مثل لاهب إجويريد
ومن دار اخو مريم نوينا للاسناد = لديار اخو نوره مشينا بتسنيد
حشمة لمن قدره من الشام لبراد =من ساس زهران الرجال البواليد
والطيب مثل النار يدعي بعواد = ما يفعله غير الرجال الصناديد
والعفو عند المقدره فخر وأمجاد = وأنتم عفيتوا يا وجيه الأجوايد
أرفع لزهران التحية بالاشهاد =وأشيّد البيضا بالأشهاد تشييد
بالطيب بيض وجيهكم جمع وأفراد =جميعكم من دون خصٍ وتحديد
وتجمعت شمر و زهران باوعاد = ممثله بشيوخها و المقاويد
جمعان مثل لابته قد وعماد = و فهد يملثنا بوقت المواعيد
وتسابقوا للطيب ذربين الأولاد = والطيب ما يزهاه غير الأواليد
ونصوا لهم رجل على الطيب معتاد =عبدالعزيز أضفى بعفوه بلا قيد
كسب تجارة رابحه كاش واقصاد = تجارةٍ ما هي بسوق المحيميد
يكسب بها معروف من بين الأعباد =وبالأخره يكسب بها الحور والغيد
وترى الكرم ساس المروه ومن جاد =بالعفو عن حقه خذا كل تمجيد
يشهد بطيبه كل من ينطق الضاد = وجميع من داسوا على صحصح البيد
ولا قدر الاجواد يا غير الاجواد = سامح بحقه ما سمع للمقاريد
والعفو يمحى ما تراكم من أحقاد = وابن كميان إعترف لك تراديد
بالطيب والمعروف والملح والزاد = والعفو يدمح ما مضى من تلاديد
ونقول لك تعداد ما حن رعاد =نشكرك ونجدد لك المدح ونشيد
في فضلكم ياللي على الطيب زهاد =و الطيبين بطبعهم دوم زهيد
وأثني على شيخٍ له المدح ينقاد = تزهي على مثله جميع التحاميد
سجّل له التاريخ هجري وميلاد = تاريخ ناصع في بياضة بتوكيد
تاريخ ما تحويه خانات الأحاد =وعجزوا يحيطونه جميع القواصيد
أبن الرقوش اللي حمى بر وبلاد = يوم المواقف في إخشوم البواريد
تشهد له النقعه سنة حرب الأوغاد =و ثروق يوم إيزبنون المطاريد
من دور راشد و إفتخاره بالاجداد = حتى وصل لعماد جمعان ورشيد
و بالوقت هذا بان جمعان ما حاد = عن فعل جدانه صدورن وتوريد
دكتورعلم وطيب ومعلّم أفراد = تحت أمر راية سيدي يعتبر سيد
جمعان حاش المرجله مال وعتاد = ما قصد المعروف والطيب تقصيد
شارك بجاهيه على شان عواد = وشارك معه من يطلبون المصاعيد
شكري لهم والمدح صادر و وراد = يشمل لمن حلحل إشروك التعاقيد
باد الحديد و فعل الأجواد ما باد = يبقي يحصدون بعدهم حواصيد
واذكر فعل شيخي بعد ما الفكر هاد =وبمدحي التمياط مالي مقاصيد
غير الفخر بمنومسة كل قصّاد = وأفعالهم يفخر بها الشعر ويزيد
مدحي لاخو شاهه مضاعف وينعاد =على مسامع كل طيّب تراديد
فهد اليا صارت وجاهات وجهاد = هو ذخرنا يا صار بالوضع تعقيد
حلحل بجاهه عقدت الحبل وأوتاد = ثبّت مراسيها مثل ثابت الحيد
نعمٍ بابن بندر فهد سيد الاسياد = حلاّل عقدات الحبال المعاقيد
هذي فعايلكم قديمات وجداد = عسى لكم بأعلى المراتب مجاويد
من دور مقحم و إمتدادا منه غاد = ودونه لهذا اليوم للطيب تجديد
فخرٍ لشمر يوم هي سرج وشداد =يا طيور شلوى مبعدين الملاكيد
للسلم سلم وللعدوا سم الأكباد =خطلان الأيدي صاملين المواريد
حموا ذرا دوجات من حمر الانفاد = لاقصى حدود جلاعده مع جليعيد
تتليهم التومان في سلم وطراد =ونعمين باللي ينتخون المساعيد
وقلته وأنا من لابةٍ فعلها كاد =يوم الفعايل في ظهور المعاويد
نلنا الفخر في فعلنا سلم وعناد = فضلان ما نحسب لعنتر وابا زيد
وباسم خوالي قلت زينات الانشاد =وأفخر بهم يا صار حرب وتهاديد
صفران يوم الطيب ينقص ويزداد = حازوا على كاس البطوله بتوكيد
ترعى بهم حم الذرى طلق وقياد = من غربي الأجفر لشرقي تخاديد
وختامها نرجع على شكر الأجواد = بإسمي وإسم شمر وكل القواصيد
يستاهل البيضاء مع العود والكاد = جميع زهراني من العيد للعيد
عقيل سعود المنيس المفضلي الشمري
بمناسبة توسطهم لدى عبدالعزيز بن عبدالرحمن الزهراني الوكيل الشرعي عن اخوانه بخصوص قتل والدة عبدالرحمن الله يرحمه وتنازله بلا مقابل ابدا جزاه الله خيرا وكان بدر بن عواد الكميان الشمري،،
قدر صدر به صك شرعي لكي ينفذ به حكم القصاص ولكن عبدالعزيز قدر جاهية الشيوخ بن رقوش شيخ عام زهران والشيخ فهد بندر التمياط احد اكبر مشايخ شمر ومن معهم من شيوخ زهران وشمر وباقي الوجهاء والذين لم اتمكن من معرفة اسماهم لعدم المامي بالقضية عند كتابة القصيدة .
((كما انني اعتذر عن الانقطاع لاسباب خاصة واشكر الجميع وخصوصا رئيس المنتدى على الاهتمام واعتذر منه شخصيا على تقصيري ولكن عذري الوحيد ان المنتدى غني باعضاءه الغانمين والمبدعين وانا لي الشرف بان اكون من بين هذه الأسماء ))
للهرج نقاده وللشعر نقاد = وأنا إجتهدت اخشى كلام المناقيد
لني ورثت الشعر من عند فهاد = خالي مورثني ومن جدي إفهيد
ودنيت ما يطوي بعيدات الأجراد = بنز.ن. صفيره مثل لاهب إجويريد
ومن دار اخو مريم نوينا للاسناد = لديار اخو نوره مشينا بتسنيد
حشمة لمن قدره من الشام لبراد =من ساس زهران الرجال البواليد
والطيب مثل النار يدعي بعواد = ما يفعله غير الرجال الصناديد
والعفو عند المقدره فخر وأمجاد = وأنتم عفيتوا يا وجيه الأجوايد
أرفع لزهران التحية بالاشهاد =وأشيّد البيضا بالأشهاد تشييد
بالطيب بيض وجيهكم جمع وأفراد =جميعكم من دون خصٍ وتحديد
وتجمعت شمر و زهران باوعاد = ممثله بشيوخها و المقاويد
جمعان مثل لابته قد وعماد = و فهد يملثنا بوقت المواعيد
وتسابقوا للطيب ذربين الأولاد = والطيب ما يزهاه غير الأواليد
ونصوا لهم رجل على الطيب معتاد =عبدالعزيز أضفى بعفوه بلا قيد
كسب تجارة رابحه كاش واقصاد = تجارةٍ ما هي بسوق المحيميد
يكسب بها معروف من بين الأعباد =وبالأخره يكسب بها الحور والغيد
وترى الكرم ساس المروه ومن جاد =بالعفو عن حقه خذا كل تمجيد
يشهد بطيبه كل من ينطق الضاد = وجميع من داسوا على صحصح البيد
ولا قدر الاجواد يا غير الاجواد = سامح بحقه ما سمع للمقاريد
والعفو يمحى ما تراكم من أحقاد = وابن كميان إعترف لك تراديد
بالطيب والمعروف والملح والزاد = والعفو يدمح ما مضى من تلاديد
ونقول لك تعداد ما حن رعاد =نشكرك ونجدد لك المدح ونشيد
في فضلكم ياللي على الطيب زهاد =و الطيبين بطبعهم دوم زهيد
وأثني على شيخٍ له المدح ينقاد = تزهي على مثله جميع التحاميد
سجّل له التاريخ هجري وميلاد = تاريخ ناصع في بياضة بتوكيد
تاريخ ما تحويه خانات الأحاد =وعجزوا يحيطونه جميع القواصيد
أبن الرقوش اللي حمى بر وبلاد = يوم المواقف في إخشوم البواريد
تشهد له النقعه سنة حرب الأوغاد =و ثروق يوم إيزبنون المطاريد
من دور راشد و إفتخاره بالاجداد = حتى وصل لعماد جمعان ورشيد
و بالوقت هذا بان جمعان ما حاد = عن فعل جدانه صدورن وتوريد
دكتورعلم وطيب ومعلّم أفراد = تحت أمر راية سيدي يعتبر سيد
جمعان حاش المرجله مال وعتاد = ما قصد المعروف والطيب تقصيد
شارك بجاهيه على شان عواد = وشارك معه من يطلبون المصاعيد
شكري لهم والمدح صادر و وراد = يشمل لمن حلحل إشروك التعاقيد
باد الحديد و فعل الأجواد ما باد = يبقي يحصدون بعدهم حواصيد
واذكر فعل شيخي بعد ما الفكر هاد =وبمدحي التمياط مالي مقاصيد
غير الفخر بمنومسة كل قصّاد = وأفعالهم يفخر بها الشعر ويزيد
مدحي لاخو شاهه مضاعف وينعاد =على مسامع كل طيّب تراديد
فهد اليا صارت وجاهات وجهاد = هو ذخرنا يا صار بالوضع تعقيد
حلحل بجاهه عقدت الحبل وأوتاد = ثبّت مراسيها مثل ثابت الحيد
نعمٍ بابن بندر فهد سيد الاسياد = حلاّل عقدات الحبال المعاقيد
هذي فعايلكم قديمات وجداد = عسى لكم بأعلى المراتب مجاويد
من دور مقحم و إمتدادا منه غاد = ودونه لهذا اليوم للطيب تجديد
فخرٍ لشمر يوم هي سرج وشداد =يا طيور شلوى مبعدين الملاكيد
للسلم سلم وللعدوا سم الأكباد =خطلان الأيدي صاملين المواريد
حموا ذرا دوجات من حمر الانفاد = لاقصى حدود جلاعده مع جليعيد
تتليهم التومان في سلم وطراد =ونعمين باللي ينتخون المساعيد
وقلته وأنا من لابةٍ فعلها كاد =يوم الفعايل في ظهور المعاويد
نلنا الفخر في فعلنا سلم وعناد = فضلان ما نحسب لعنتر وابا زيد
وباسم خوالي قلت زينات الانشاد =وأفخر بهم يا صار حرب وتهاديد
صفران يوم الطيب ينقص ويزداد = حازوا على كاس البطوله بتوكيد
ترعى بهم حم الذرى طلق وقياد = من غربي الأجفر لشرقي تخاديد
وختامها نرجع على شكر الأجواد = بإسمي وإسم شمر وكل القواصيد
يستاهل البيضاء مع العود والكاد = جميع زهراني من العيد للعيد
عقيل سعود المنيس المفضلي الشمري