متعب المضعان
05-21-2007, 04:37 AM
بدون اي مقدمات
اليكم هذه المتواضعة التي انتقيتها
من ارشيف قصائدي
وهي للتواصل معكم من جديد
(( عشـق سـاره ))
البارحة جالس انا وسط ميشار*=والكل حولي قام وإشتب ناره
وأركز دلاله والأباريق بالنار=ونقى من البن والورق في مهاره
ودارت سوالف كلها حكي وأشعار=بين الغزل والفوز وأيضا الخساره
ورجعت أنا الذكرى أنطوت وقت الاسحار=في يوم ٍ أشعث أغبر ٍ يامراره
ومنها تهيض خاطري غصب و إحتار=ومنها طرت لي سالفةعشق ساره
بنت ٍ جميلة ولا على حسنها غبار=فيها مذاهب بدونا والحضارة
عشق ٍ بدى بالعين وفي داخلي سار=عشق ٍ عفيف ٍ مابدى بالحقاره
عشق البدو عشق الوفا عشق الاخيار=عشق العنود اللي إمتلت بالطهاره
ماهو بعشق ٍ ابتدى بوسط له بار=عشق الغبا عشق الندم والخساره
وأوااااااااه ياحب ٍ عليك الزمن دار=وأنهى وصالك بالهوى في قراره
وفي يومها كن مركبي بالهوى سار=مركب غرامي والهوى هو شعاره
وأدري أنا إن البحر دوم غدار=مهما تشوفه صافيات ٍ بحاره
ودخلت أنا في مركبي مثل الأغرار=وجتني أعاصير ٍ تلوح بدماره
ومنها تراخى مركبي وسط الإعصار=وضيعت مساري وإرتطمت بحجاره
ومن يومها وفكري عليل ٍ ومنهار=ياكيف يجي يوم ٍ عليل ٍ نهاره
كيف ينتهي حب ٍ بدى مثل الأزهار=كيف ينتهي حب ٍ زرعنا بذاره
كيف ينتهي حب ٍ على جملة أعذار=كيف ينتهي بالله قولي ياساره
ووجدي عليكم وجد من ضيع الدار=يبي دياره ولالقى وين داره
*ميشار : هو المنتزه الوطني بمدينة حائل
اخوكم
متعب المضعان
اليكم هذه المتواضعة التي انتقيتها
من ارشيف قصائدي
وهي للتواصل معكم من جديد
(( عشـق سـاره ))
البارحة جالس انا وسط ميشار*=والكل حولي قام وإشتب ناره
وأركز دلاله والأباريق بالنار=ونقى من البن والورق في مهاره
ودارت سوالف كلها حكي وأشعار=بين الغزل والفوز وأيضا الخساره
ورجعت أنا الذكرى أنطوت وقت الاسحار=في يوم ٍ أشعث أغبر ٍ يامراره
ومنها تهيض خاطري غصب و إحتار=ومنها طرت لي سالفةعشق ساره
بنت ٍ جميلة ولا على حسنها غبار=فيها مذاهب بدونا والحضارة
عشق ٍ بدى بالعين وفي داخلي سار=عشق ٍ عفيف ٍ مابدى بالحقاره
عشق البدو عشق الوفا عشق الاخيار=عشق العنود اللي إمتلت بالطهاره
ماهو بعشق ٍ ابتدى بوسط له بار=عشق الغبا عشق الندم والخساره
وأوااااااااه ياحب ٍ عليك الزمن دار=وأنهى وصالك بالهوى في قراره
وفي يومها كن مركبي بالهوى سار=مركب غرامي والهوى هو شعاره
وأدري أنا إن البحر دوم غدار=مهما تشوفه صافيات ٍ بحاره
ودخلت أنا في مركبي مثل الأغرار=وجتني أعاصير ٍ تلوح بدماره
ومنها تراخى مركبي وسط الإعصار=وضيعت مساري وإرتطمت بحجاره
ومن يومها وفكري عليل ٍ ومنهار=ياكيف يجي يوم ٍ عليل ٍ نهاره
كيف ينتهي حب ٍ بدى مثل الأزهار=كيف ينتهي حب ٍ زرعنا بذاره
كيف ينتهي حب ٍ على جملة أعذار=كيف ينتهي بالله قولي ياساره
ووجدي عليكم وجد من ضيع الدار=يبي دياره ولالقى وين داره
*ميشار : هو المنتزه الوطني بمدينة حائل
اخوكم
متعب المضعان