بعد الليل
07-05-2006, 11:58 PM
قصيدة باللهجة المصرية
قرأتها في أحد المنتديات ولا أعرف من كاتبها/ كاتبتها!!
أعجبتني جدا
التكرار فيها جميل وذوأبعاد متعددة جدا نادرا أن نجدها
-----------
مافيش حاجة
مانيش عايزة خلاص حاجة
ولامحتاجة انا لحاجة
ولو عايزة صحيح حاجة
ما خلّيتوليش..
ولاحاجة!
عموماً بصوا فيه حاجة
حقولها بس محتاجة
عقول تفهم ولو حاجة
ماهيش مفهومة أو حاجة
نفسرها بكام حاجة
نوضحها بكام حاجة
وأهي حاجة مع حاجة
حتظهر وتبان لنا حاجة
وأنا..
ما بخافشي من حاجة!
مانيش مسنودة ولا حاجة
لكن ما بخافشي من حاجة
لكن فرضاً لو حقول حاجة
حيحصل إيه؟
ولا حاجة
حيعملوا إيه؟
ولا حاجة
وبعد الشر، بعد الشر لو واحد من القاعدين
من السامعين
من الطاّلين
فهم حاجة
حيعملوا إيه؟
أكيد برضه ولا حاجة!
فنتوكل على الستّار، لوجه الله.. نقول حاجة!
فيه ناس بتعيش عشان حاجة!
وناس بتموت عشان حاجة
وناس بتموت على الحاجة
وناس تتديلك الحاجة وتبقى ليها محتاجة
وناس تتديلك الحاجة تاخد قدّامها مية حاجة
وناس تكبر تكون حاجة
وناس تصغر عشان حاجة
وناس منظر ومش حاجة!
وتلقى كبير
حرس ونفير
عليه منظر.. وهو جبان وشيخ منصر
ولا يبانشي عليه حاجة!
كلامي يا خلق فيه حاجة؟
لحد الوقتي فيه حاجة؟
كلام عادي وبسيط جداً ولا فيهشي ولا حاجة
مانا ماقدرشي أقول حاجة
صحيح نفسي أقول حاجة ومية حاجة
لكن مش قادرة أقول حاجة
لأني لو حقول حاقة
حيجي ناس بتوع "حاجة"
وياخدوني ورا الـ "حاجة"
و"هو" لو سمع حاجة
حيعملوهالي مية حاجة!
عموماً بصوا لو واحد من القاعدين عايزيني أبلغه بحاجة
يقول ما يخافشي من حاجة..
نعم..
فيه إيه؟
لا لا لا ما فيش سرقة
ولا تهليب
ولا تهريب
ولا حاجة!
وبتقول إيه؟
ومصمصوا إيه؟
وخصخصوا إيه؟
ده كله كلام.. مافيش حاجة
قضية إيه؟
يا شيخ رووح
خلاص خلصت ما فيش حاجة!
***** إيه؟
ولكّح إيه؟
وهرّبوا إيه؟
شفافية.. ولا حاجة!
وبتقول إيه؟
لالا لا عييييب
لا فيه تدليس
ولا ترقيص
ولا تدبيس ولا حاجة
سمع مع هووس
أنا حاسة انه فيه حاجة
دقيقة سكات لا تبقى حداد
أنا حاسة انه فيه حاجة
زمنكوا يا خلق فيه حاجة
ولازمه كام ومية حاجة
أنا عن نفسي مش حاسة ولا بحاجة
ولا متضايقة ولا حاجة
سعاتك برضة مش زيي ما فيش حاجة؟
أهوه بيقول ما فيش حاجة
جنابك برضه مش زيي وعشان زيي ما فيش حاجة؟
أهوه بيضحك
وبيقوللي ما فيش حاجة..
مانا قلتلكوا م الأول ما فيش حاجة
عليه النعمة يا اخوانا ما فيش حاجة
ورحمة أبويه ويا أبوك على اللي جابوك
ما فيه حاجة
وعهد الله وعهد الله وعهد الله ما خلولنا ولا حاجة
وبقولك إيه..
خلاص خلّص. وفركش ياللا ياخوانّا..
مافيش حاجة!!
-------------
ارجو ان تعجبكم وتستمتعوا بها
واذا عرفتم كاتبها ان تخبرونا به
تحياتي
قرأتها في أحد المنتديات ولا أعرف من كاتبها/ كاتبتها!!
أعجبتني جدا
التكرار فيها جميل وذوأبعاد متعددة جدا نادرا أن نجدها
-----------
مافيش حاجة
مانيش عايزة خلاص حاجة
ولامحتاجة انا لحاجة
ولو عايزة صحيح حاجة
ما خلّيتوليش..
ولاحاجة!
عموماً بصوا فيه حاجة
حقولها بس محتاجة
عقول تفهم ولو حاجة
ماهيش مفهومة أو حاجة
نفسرها بكام حاجة
نوضحها بكام حاجة
وأهي حاجة مع حاجة
حتظهر وتبان لنا حاجة
وأنا..
ما بخافشي من حاجة!
مانيش مسنودة ولا حاجة
لكن ما بخافشي من حاجة
لكن فرضاً لو حقول حاجة
حيحصل إيه؟
ولا حاجة
حيعملوا إيه؟
ولا حاجة
وبعد الشر، بعد الشر لو واحد من القاعدين
من السامعين
من الطاّلين
فهم حاجة
حيعملوا إيه؟
أكيد برضه ولا حاجة!
فنتوكل على الستّار، لوجه الله.. نقول حاجة!
فيه ناس بتعيش عشان حاجة!
وناس بتموت عشان حاجة
وناس بتموت على الحاجة
وناس تتديلك الحاجة وتبقى ليها محتاجة
وناس تتديلك الحاجة تاخد قدّامها مية حاجة
وناس تكبر تكون حاجة
وناس تصغر عشان حاجة
وناس منظر ومش حاجة!
وتلقى كبير
حرس ونفير
عليه منظر.. وهو جبان وشيخ منصر
ولا يبانشي عليه حاجة!
كلامي يا خلق فيه حاجة؟
لحد الوقتي فيه حاجة؟
كلام عادي وبسيط جداً ولا فيهشي ولا حاجة
مانا ماقدرشي أقول حاجة
صحيح نفسي أقول حاجة ومية حاجة
لكن مش قادرة أقول حاجة
لأني لو حقول حاقة
حيجي ناس بتوع "حاجة"
وياخدوني ورا الـ "حاجة"
و"هو" لو سمع حاجة
حيعملوهالي مية حاجة!
عموماً بصوا لو واحد من القاعدين عايزيني أبلغه بحاجة
يقول ما يخافشي من حاجة..
نعم..
فيه إيه؟
لا لا لا ما فيش سرقة
ولا تهليب
ولا تهريب
ولا حاجة!
وبتقول إيه؟
ومصمصوا إيه؟
وخصخصوا إيه؟
ده كله كلام.. مافيش حاجة
قضية إيه؟
يا شيخ رووح
خلاص خلصت ما فيش حاجة!
***** إيه؟
ولكّح إيه؟
وهرّبوا إيه؟
شفافية.. ولا حاجة!
وبتقول إيه؟
لالا لا عييييب
لا فيه تدليس
ولا ترقيص
ولا تدبيس ولا حاجة
سمع مع هووس
أنا حاسة انه فيه حاجة
دقيقة سكات لا تبقى حداد
أنا حاسة انه فيه حاجة
زمنكوا يا خلق فيه حاجة
ولازمه كام ومية حاجة
أنا عن نفسي مش حاسة ولا بحاجة
ولا متضايقة ولا حاجة
سعاتك برضة مش زيي ما فيش حاجة؟
أهوه بيقول ما فيش حاجة
جنابك برضه مش زيي وعشان زيي ما فيش حاجة؟
أهوه بيضحك
وبيقوللي ما فيش حاجة..
مانا قلتلكوا م الأول ما فيش حاجة
عليه النعمة يا اخوانا ما فيش حاجة
ورحمة أبويه ويا أبوك على اللي جابوك
ما فيه حاجة
وعهد الله وعهد الله وعهد الله ما خلولنا ولا حاجة
وبقولك إيه..
خلاص خلّص. وفركش ياللا ياخوانّا..
مافيش حاجة!!
-------------
ارجو ان تعجبكم وتستمتعوا بها
واذا عرفتم كاتبها ان تخبرونا به
تحياتي