معارضات وأخوانيّات

[خالد العنزي]

""

""

معارضة للشاعر والأخ الكبير \ موسى المشعان





يومن عرفت الماضوع , قلت بقلبي يـ خطيّه
..................... يـ خطيّه يابو محمد , جذفتّوه الصخينه

شنّو , ل أنّو , شايب , حبّوب ,, وراعي نيّه
..................... حتى لونّه يزعل , يرضى عليك بحـينه

كل البنات تحبه من ( هون ) ل سـوريّه
...................... الف اصم الله حواليه كامل ومكمّل زينه

الشوارب ,, خط اقلام , والهيبه , شماليه
...................... يا , ماحلا السكسوكه والقصه ع جبينه

بعد عيـني ياموسـى , يالبّـاس الردنيـّه
..................... من عانده ياويله ,, يشرب , مر الغبينه

عوذه منّك ياخلّوف , سيه وعلومه سيه
.................... كل يوم ,, مسوي دقه , يبلا بها خيـيـنه

يركب على السوزوكي , ويجمّع العفطيّه
.................... عارف متسفّط قدّام , وقايد يبحقه بعينه

والموعد خيمة سلطان خذها ذقها ليليّه
.................... ليليه ضحك وعشيات وابو محمد ناسينه

مايفطنون لـموسى كود ليا صارت هيّه
...................... تناطقوا , ينخونه , وين آبو محمد وينه ؟

الله يساعد هالشايب جاه البلا من خيّه
...................... اتلا حياته , يحبس !! والله ياربي شينه

[خالد العنزي]

برضو مسنده للشايب الأزعر

ياراكبٍ من عندنا فوق نيسان
__________ ددسن ، ركوب اللي على قد حاله

ددسن ولكن لونها سيد الالوان
__________ أسود سواد الليل .. لون الوكاله

تاعي حكم هتلر على دار الالمان
__________ يومٍ " تشرشل " بالرديه نوى له

خجمه ولكن بالسفر شانها شان
__________ تدحم صحيح ... وضاريه للرزاله

سواقها فقري ولاهوب فسقان
__________ لاشاف له عبري على الخط ، شاله

قرمٍ والى من حط له كرز دخان
__________ لو ترسله للبيت الابيض ... عناله

ياسايق الددسن أوصيك يافلان
__________ عندي رساله .. واحتفظ بالرساله

الين تاصل وسط مجلس بليهان
__________ ديوان ( موسى ) .. مايبيـله دلاله

مدهال طيب ، وللمناعير عنوان
__________ في مجلسٍ .. تعجبك .. صفة دلاله

من لابةٍ لا عدوا الطيب فدعااان
__________ اهل الكرم والجود .. واهل الشكاله

تلقاه في شوف المسايير فرحان
__________ ياحي فال ( العود ) .. ياحي فاله

والادمي وشو بلا قلب ، ولسان
__________ لو هو .. يحسّب .. بالملايين ماله

قله ترى وزير الاوقاف ، هويان
__________ على هنوفٍ .. تشبه ( البرتقاله ) !!

الجادل اللي مسكنه دون عمّان
__________ خشفٍ برى حالي .. برى الله حاله

ماهي مراقص راعي الذيب سرحان
__________ ولا هي سوالف صاحبي ( والبياله )

عجّل علينا بفزعتك يابن مشعان
__________ مادام .. فعل الطيب .. جاله مجاله

والا الجماله بس لشدوق سلطان
__________ ومستخطيٍ تكسب (بقرقط ) جماله

وش فايدة منصب ولافيه حلوان
__________ جتك القصيده .. واعتبرهاْ استقاله

[خالد العنزي]

رد على الأخ الشاعر بدر الحنيف



حييت , يالقرم , الأصيل ,, الشرعبي
........................ من قلب مخلص ,, مايغيّر نيّته

قلبٍ ,, يحبك ,, حب ,, يادين النبي
........................ لو يدركون الخلق , وش كميّته

ان كان يعذلني , بك ابن امي وابي
........................ ومن زود غلّه ,, تسمع بمرثيّته

وياصفوة القيفان فزي , واكتبي
........................ ردي على ابن حنيف في قافيّته

اللي لها مفعول ,, سحر المغربي
........................ تروي العروق اليابسات , الميّته

فيها من دروس الأمام " الثعلبي "
........................ واسلوب ابن مالك بنهج الفيّته

ويانصفي الآخر وبعضي واغلبي
........................ لا والله , الاّ , خالد , وماهيّته

لاشفت شخصك شفت من شخصي كٌبي
........................ لولا اختلاف الشكل , في كيفيّته

ابك انت تامر ياعضيدي وش تبي
........................ شرواك مندوبه , يسد , عن تيّته

البكري للبكري لاهاش التغلبي
........................ ويالايم البكري ,, على بكريّته !!

وانت العرندس مايجفّلك الظبي
........................ خل الظبي مبسوط , في محميّته

لن الغبي يبقى على قولك غبي
........................ دون الصداقه ,, تفضحك , نديّته

لاتقربه , وان جاك يحبي لك حبي
........................ ولايشغلك , وان ساق عدوانيّته

ولاتحسبه رجّال لو ذب , العبي
........................ ولايخدعك , بعقاله ,, وكيتيته

ولا تلتفت للنمل , لو يدبي دبي
........................ لاصار عارف , مستوى , عقليّته

بعض البشر , خيره يعم الأجنبي
........................ وبعض البشر , مافيه خير لخيّته

وانت اللبيب ابن اللبيب اليعربي
........................ افهم من , الدكتور , في كليّته

ولا انته بحاجه , يالشجاع لمخلبي
........................ مخلبك يكفي , لا افترس ضحيّته

لكن , نصيحه , من ثوابت مذهبي
........................ مذهبك , لايفقد , مدى فوقيّته

الخلق هذي , مايسنّعها , نبي
........................ والصدق فيها فاقدٍ ,, عذريّته

هذي نصيحه , يالاصيل الشرعبي
........................ من قلب , مخلص , مايغيّر نيّته

وكان الفجيره , ناشبت ابو ظبي
........................ على طريقٍ , جاهله , بـ آليته

ياعل تلحقها , على الضيعه دبي
........................ ابو ظبي , ماهي عليهم , ميّته

[خالد العنزي]

رد على الأخ الشاعر خالد صالح الحربي


حييت ,, ياقافٍ , خطف ,, كل الأنظار
......................... من شاعرٍ ,, دايم ,, معانيه ,, ذربه

قافٍ ,, يصب النار ,, في ,, ميّت النار
......................... يودع ,, براكين الحسد ,, تستعر به

الهافي ,, اللي قلبه ,, اسود من القار
......................... اللي يتخبّط ,, بين شرقه ,, وغربه

سوسه ,, حقيره , لكن ,, علومه اكبار
......................... الله يغث السوس ,, واللي حضر به

" جارٍ على ,, جارٍ , بختري ,, ونوّار "
......................... وجارٍ ,, يغثك ,, دب الأيام ,, قربه

وبعد انفراج الوضع مع حصر الأضرار
......................... اخذت ,, اميّز ,, بالبلد ,, وافتكر به

شفت البلد ,, كنّه غدى ,, صالة اقمار
......................... واهل البلد ,, من غير ذنب , تخسربه

وشفت الخلل واااضح بتوزيع الأدوار
......................... العب ,, دفاع وخانتي ,, راس حربه

لنّي عطيت الدار ,, مع صاحب الدار
......................... عهدٍ ,وثيق ,, ومستحيل ,, اغدر به

بصبر على شوك الزهر , لجل الأزهار
......................... ولاني بحال اللي ,, بلاني , بحربه

وان كان ماشفت الخطا ساق الأعذار
......................... اقسم ,, برب البيت ,, غير انتحر به

:

بتصرّف نظراً للأحداث الأخيره في شرم الشيخ

[خالد العنزي]

مسنده للأخ الشاعر خلف المشعان

ياراكب .. اللي .. لا شلع .. مركبه .. جخ
____________ مايركبه ... ياكود ... شيخٍ ... ولد شيخ



راعيه .. وان .. طال السفر .. مايقول اخ
___________ لو ... كان .. مشواره .. الي ديرة السيخ



ياراكبه .. أسلم .. وسلّم .. على .. الأخ
___________ خلف .. عضيدي .. من قديم .. التواريخ



قله .. رفيقك .. واقعٍ .. داخل .. الفخ
___________ والقلب .. من زود الهوى .. خازقه صيخ



من سبّة اللي .. طخني .. بالهدب طخ
___________ شلّخ .. خفوقي .. كاحل العين .. تشليخ



الصاحب .. اللي شوفته .. تلحس المخ
____________ رحت .. وخطبته .. مير .. عيّا به الذيخ



ياجعل ابوه .. لشلةٍ ..تشبعه .. لخ
____________ مثل .. القطو .. لا طاح بيد .. الطبابيخ


"

[خالد العنزي]

رد على الأخ الشاعر بدر القمشوعي


ان مال وضعك ,, ياعريب الساس عقلك لايميل
...................... اصبر وصابر ,, واترك الأحلام , لاتشقى بها

برّمج طموحك وازبط السستم على الدخل القليل
...................... وابعد عن ,, دروب التجاره , لا يكظك نابها

( الحوسني ) لو جاب حيله ماوصل ( فتحي كميل )
...................... وبعض المناوي يابعد راسي , تضر اصحابها

وفي عالم الأعمال ,, والأموال ,, ( مايخدم بخيل )
...................... جتك النصيحه وادفع المعلــوم ,, للي جابها



"