سافر واخذ قلبي شراع
وبـ لا قَلِب خلاني

,

,

على اساس اني قوي صرت ما ابكي ..
................لكن مع الأيام .. / دمعي تنثَّر ..

ما ابي مع احبابي .. عن احوالي احكي
................أخاف لا دمع المحبين .. يكثر ..

ـ
سلطان الحجّاج ..

قبل لا تنوي الفرقا أمانه لا توصيني
أنا من وين ما ودّك معاك و أمري بكيفك


وغلاة الزاد والعشرة واللي بينك وبيني
عهد مني لأخونك كل لحظة مع طيفك


* * * * * *


أنا وشلون أحس البرد وكفوفك تدفيني
ربيعي شوفت عيونك أذوب فبردك وصيفك


وصوفك آه يا وصوفك هي اللي لعبت فيني
يضيع الوصف كل الوصف من روعة تواصيفك


* * * * * *


عليك الله وأمان الله تكفى لا تجافيني
أنا ما عدْت أميّز مِنْ طعنّي الوقت أو سيفك


دخيلك لا تقول الآه لا تبكي وتناديني
أنا عونك بهالدنيا محد يكسر مجاديفك


* * * * * *


هلا بالوافي اللي طول عمره ما يخليني
هلا كلي أبشربها من اللهفة سواليفك


مدام القلب بآيدينك أنا وش عاد بيديني
تفضّل دارك عيوني ومنت الضيف أنا ضيفك



كــلمــات : عــلــي مـسـاعـد