منتديات أبعاد أدبية - تعال واكتب حالتك/لحظتك شعراً ..!

-

تعجبني الثقه :) ، اهنيك .. وبعد أذنك قررت
أجاريك :

هلا بك والوله وسمٍ على جال الرسوم يلوح !
... ... ... ... هلا باللي يلاعبني عشان اقصر الغيبه

تمثل صبرك وعينك بـ طيات الضلوع تبوح
... ... ... ... وراسك كل ماصديت عنك يشتكي شيبه

تقول اني اهذريبك وقلبك بالهوى مفضوح
... ... ... ... على ماقال أبونوره :به الغارق بأكاذيبه

ترى مالك من اللعبه معي ياصاحبي مربوح
... ... ... ... وانا من بعثر احساسك عشان يعيد ترتيبه

سعيد الموسى

07-01-2019 01:33 AM

تبتسم عين الغزال ..
‏والسما ..تخجل وتمطر..
‏آه من هذا الدلال !
‏لارمى الخصر ..وتغندر ..
‏قلت ..يابنت الحلال !
‏لامشيتي الأرض : تزهر !

شعور	07-01-2019 01:59 AM

الله يا ذوقك !

-

مشتاق لليل والشرهات و..الغيره
مشتاق لاسئلتك الي مالها داعي

صالح العرجان

07-01-2019 12:20 PM

الصبح بعيوني مهو طلعة النور
....................... ولاهو تغاريد الطيور بشجرها

الصبح والله طلة عيونها الحور
...................... الياقبلت شفت الشروق بنحـــرها

صالح العرجان

07-01-2019 12:24 PM

اقتباس:

المشاركة الأصلية كتبت بواسطة شعور (المشاركة 1121578)

الله الله عليك يا شعور
صح بوحك ونبضك بين القصيد شعور

صالح العرجان

07-01-2019 12:24 PM

ياتاج راس الحسن .. يزهابك التاج
............................ عزي لبياع الحلا .. وسط سوقك ..!!

عز الله ان اللي يبي يذوق الاحراج
......................... يلمع .. بليل ٍ فيه .. تسطع برووقك ..!!

لو للحـــلا دستور ثابت ومنهاج :
............................ ماظن به من جملة البيض فوقك ..!!

شعور	07-01-2019 01:24 PM

-
صح بدنك يا أبو عبدالله
كلك نظر :34:

-

سنين مرت ,ولا فيها سنه تسوى
... ... ... ... من يوم رحتي وأخذتي أجمل سنيني

انتي نسيتي الغلا ,والحب والذكرى
... ... ... ... وأنا ..؟ ذكرتك كثر ماأنتي نسيتي!

عبدالله صلال العساف

07-01-2019 01:52 PM

تجيبك اللهفه على سكّة البال
وماقدّر الخطّار ...عذر المعازيب

عبدالله صلال العساف

الساعة الآن 05:14 AM

صفحة 1099 من 1154