ابي صدفة تجي من غير موعد
ما ابي موعد يشرّق بي و اغرّب..!

حبيبي كل ما قربت يبعد
ويوم ابعد عنه يرجع يقرّب..!

محمد بن شتير

الطريق اللي على قلبي يضمّك
امش و الباقين ممنوع العبور ..!

النظام اللي مطبق لا يهمّك
أنت عندك واسطة عند المرور ..!

محمد بن شتير

،

،

كيف من ذنب المحبة ب/اتبرى
و المحبة ذنبها بينك و بيني..!

انت في عيني و باقي الناس برّا
ويوم أشوفك، ما تشوف الناس عيني..!

محمد بن شتير

يا اللي تدور للسكينة و السلام
تغانم اللي فات من هذا الشهر ..!

جتنا من القبلة مرازيم الغمام
و نفوسنا قامت تباشر بالمطر ..!

محمد بن شتير

قلوبنا ملت من الحب و الشوق
و من سالفة ليلى و من امرؤا القيس..!

ابسالك ياللي من الطين مخلوق
وين الملوك و وين كسرى و رمسيس..!

تحت الثرى كم غمضت عين مخنوق
و فوق الثرياء حرز، رحمة و تقديس..!

طيروا على متن السماء و اصعدوا فوق
بالرغم عن انف الشياطين و إبليس..!

محمد بن شتير

الناس أعايدهم "صباحية العيد"
إلا أنت عيدك كل صبح و عشيه ..!

مال الفرح في شوفتك أي تحديد
أقولها و الشاهد الله عليه ..!

محمد بن شتير

أعشقك و أهواك في كل المواضع
ومن غلاك،، أعذرك في كل الأمور..!

أنت لو ما يدخل بقلبك تواضع
قلت أنا "فدوة" يحق لك الغرور ..!

محمد بن شتير

ماعشقت من العيون إلا عيونك
قبل أعرف العيد الأجمل والبهي..!

جيتني و الناس خلفك يتبعونك
و الغلا بيني و بينك عنجهي..!

من يدي بدري عليهم ياخذونك
و عن يدين الكل ب/ إيّدك ملتهي ..!

والله أن العيد لو عدى بدونك
أدري انه قبل يبداء ينتهي..!

محمد بن شتير