http://www.elbader.net/marsam/big_images/2.jpg
خذاك الموعد الثاني نويت تغيب وتنساني مشت بك خطوتك لبعاد وتركت لدمعتي ميعاد مثل ذا الوقت تلقاني وخذاك الموعد الثاني أحبك كلها كلمه ونظرة شوق خداعة عطتني بالأمل دنيا غريبه يومها بساعه خذتني غصب عني لك حسبت إني قمر ليلك واثر شوفك تعداني وخذاك الموعد الثاني صديق الليل لو تندم على جرح تركته لي لا انسي قلبك المسكين حبيب جرحك قبلي ولكن سكتك تحتار ابد بين الندى والنار والى منه قضى المشوار بدا مشوارك الثاني |
ما هو زمن مرزوق مرزوق.. الشايب اللي .. كله عظام عروق .. ولد .. يوم الليالي بروق .. يوم النهار اعشاب .. وغدت باقي السنين المجدبه .. ترسم تجاعيده .. في وادي الطلح .. طفلٍٍ حبا .. فوق الصخر والشوك .. مرزوق .. ومر الصبا .. وهاذي السنين بروك .. مثل الجمال بروك .. ومقيده .. مد الايادي .. وفك الحبال .. اطلق الجمال الباقيه .. السنين الباقيه .. ورحل .. مرزوق .. من زمن النخل والطين .. دخل مغارة التنين .. في ومضة اللحظه .. اولحظه النار .. كان اللهب ازرق .. يوم احترق مرزوق .. وجه الصباح اشرق .. عليه غيم .. غبار في كل الصحاري الاوله الوقت سيارةٍ تجري والدنيا في الشارع .. ماهو زمن مرزوق .. كيف يقدر يصارع .. هذا الحديد .. الناس .. لاهو يَعرْف يسوق .. ولو يقطع الشارع .. يخاف لاينداس .. فجأه وقف مرزوق الشايب اللي .. كله عظام .. عروق .. مات .. وما في الليالي بروق .. مافي النهار اعشاب .. ومن يدري الاسباب .. يمكن .. ماهو زمن مرزوق ... |
هنا للشعر والأحساس قيمة ميرال شكراً ويزيد |
يسعد مساء الذوق ياريم
مري علي مري علي قبل الرحيل .. مري علي مثل الوفا .. مثل الجميل .. مري علي .. ابكي حياتي وارحلي .. مري علي .. من بعد شوفك ما عليّ .. مري لو الفرقا قهر .. قولي قدر .. يمكن زماني اللي بك غدا .. ظنك غدر عذر العيون السود .. دمعه ما تفيد تمحي الظلام وتجود يا امل الغريق مري علي .. ابكي حياتي وارحلي .. مري علي .. من بعد شوفك ما عليّ .. وش في الــ الجفا غير الجفا غير الوفا لك والحنين .. كان الامل انك تجين .. وتسألين.. الله يعين الصابرين .. الله يعين .. |
|
http://www.elbader.net/marsam/big_images/128.jpg
وعلى الجدار الثاني .. وأمثال .. وأغاني مكتوبة بكسرة فحم .. وصندوق خشب .. مزخرف بغير الذهب .. غير الجواهر .. تحت الكتابه نافر .. فوقه ظلالٍ عريق .. مثل العنيد .. من الجروح .. مثل السيوف اللي مقابضها حديد .. أسرار من ماتوا بعيد .. وما خلفوا حتى الورق |
مقطع يختصر المسافات التعب
العشق العشق .. هو خال .. وزمام .. والا العيون اللي .. محاجرها ظلام .. وقبل السلام .. وبعد السلام .. يابنت أنا أحبك .. والسلام .. واناظرك وانتي بشعرك تلعبي .. باصابعك كل الحديث اللي أبي ما تعبت ليلي أناظرك .. ومااظنك إنتي بتتعبي با بنت أنا أحبك .. والسلام .. |
الشمس اللي تغيب أركض ورا الشمس .. اللي تغيب .. ابي النهار .. وينتحي .. أخاف أنا وجهي الى طاح الظلام .. فوق الملامح .. ينمحي .. كافي سواد العين والظل الحزين .. وشمسٍ تبين .. وماتبين .. ورا السحاب .. كافي بَعْض ليلٍ يجي .. قبل الغياب .. عن ليل الغياب يا موقد الشمعة .. وجهي أنا .. أو نور ذا الشمعة .. قاسي الشحوب .. في رعشة الضي العليل .. وتكبر مسافات الهروب .. يا صاحبي الشمعة غروب .. به قريةٍ .. تحت الظلام .. مريتها ماجيتها وبنيةٍ .. تحت الظلام .. ورسالةٍ في الليل .. خانتها الحروف .. من القهر شقيتها .. كلي عيون .. وماتشوف والناس .. ياظل .. وطيوف .. والظلما .. نسيان .. الحبيب .. لحبيب .. أركض ورى الشمس اللي تغيب .. |
الساعة الآن 08:51 AM |
Powered by vBulletin® Copyright ©2000 - 2024, Jelsoft Enterprises Ltd.