كل طيف يمرّ هـَ اللحظة مَعِك ..
ما هو مَعِك ..
و كل صوت ٍ مرّ و أحيا مَسْمَعِك ..
ما هو مَعِك ..
كل جفن ٍ تغمضينه للأخير ..
يعزل الدنيا سراب ..
و يجمَعِك ..
ليت لـ الأحلام سور ..
ما يدَكّ ..
و ليت لـ الأوهام نور ..
و ليت لـ الإحساس ..
شكّ ..
كان حلم إنك عشقتي ..
كان حلمك ..
بس أفقتي ..
و ليت في الأحلام ..
شكّ ..
قبل جفنك تغمضينه للأخير ..
يعزل الدنيا غياب ..
يعزل الدنيا سراب ..
وْ يدمَعِك .!

[POEM="font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وين غابت هالملامح ما دريت=كل طيف ٍ مرّ في جفني سرى
قد ما للحزن في بالي طريت=قد ما غيري على بالي طرى
يا حنين الأمس و الله ما نسيت=الكثير اللي على حالي جرى
وين غابوا؟! خفت لا أدري لو حكيت=خفت لا أرجع في سنيني للوراء
كل ما سافرت فـِ سنيني و جيت=كل دمعة تنبت بعيني ثرى[/POEM]

وِ يْطِيْحْ ..
من حزنك / جسد ..
يغْرِسْكْ في سجنك ..
وَتَدْ ..
تتورّق جفونك مرار ..
تِتْثمَرّ الدمعة ..
و تطيح ..
وِ يْطِيْحْ من حزنك ..
بلد ..
يستقبلك ..
منفى طريح ..
.
.
حبيبته ..
لا تدمعين النسايم ..
و إنتي ذبحتي الريح .!

يسلك العتمة في دربه ..
تجمعه لـ الظل ..
غربة ..
توّه راجع بـ انكساره ..
بعدما ظنّ انتصاره ..
في كل حيلة ..
أعياه قلبه ..
.
.
و مّا تحبّه .!

ينظرون الضيَ .. و إلا ينظرونك ؟!
يسكبون الميّ .. وإلا يمطرونك ؟!
دام هـَ الدنيا عيونك ..
تزهر الدنيا سلام ..
تزهر الدنيا عيونك .!

يحبسون الغيّ .. و إلا ينشرونك ؟!
يعزلون الفيّ .. و إلا يشْمِسِونك ؟!
دام هـَ الدنيا عيونك ..
تمطر الدنيا سلام ..
تمطر الدنيا عيونك .!

شيح النظر عنها ..
يا عم ّ لا تسأل .!
( أنثى ) فـْشَلَتْ تحيا ..
وِ تْعَلِّمَتْ تذبل .!

يا عيونها ..
فيك العجب ..
يا ظنونها ..
كلك عتب ..
لو لك منادي بـِ يِسْمَعِكْ ..
ولو لك شعور بـِ يِدْمَعِكْ ..
ولو بك بقايا من حزن ..
يبقى معك ..
دامه معك ..
حبيبته ..
طال العتب ..
لا تعذّبيه ..
إنتي كذا من رقّتك ..
أصلاً حزينة بلا سبب .!

في ليلة لـْ عشاق ..
ليلة ألم و فراق ..
شارع ملاه البرد ..
يابس غصونه ..
ورد ..
و كرسي بلا أشواق .!

صاحبي دون الصَّدِقْ ..
و فوق الكِذِبْ ..
.
.
تبغى تِحِبّ ؟!