في زمان العولمة و المغريات
الفتن تغريك من كل اتجاه ..!

آدمي و الناس دايم في شتات
بين خير وشر،، قلبك وش ملاه..!

قلب يفرح بالسفر و المنكرات
و قلب يفرح بالعبادة و الصلاة ..!

كل ما شفت الدروب محيرات
إجتنبها و امش في درب النجاة..!

أنت عبدالله على عز و ثبات
ما أنت عبد إبليس أو عبد الحياة..!

محمد بن شتير

البارحة يوم اختليت بحسرتي
طرقت بيبان القصايد و الشعر ..!

حبيبتي ما ادري حبيبة عبرتي
عيّدتي ب/جرحي قبل عيد الفطر ..!

طيفك معي لا جيت ابلبس غترتي
يسابق إحساسي على رش العطر ..!

ابسالك وشلون هانت عشرتي
ما مرك إحساسي و قلبي ينتظر..!

( أولم يحن هذا الأوان لنصرتي )
ام ان قلبك في الهواء لا يعتبر ..!

عن كبريائك حدثتني نعرتي
و تسألت هل أنتي من جنس البشر ..!

ف/أجبتها و الحزن يعلو نبرتي
أن المليحة في فراقي تنتصر ..!

أحبها حتى و أنا في كسرتي
و أحبها لو كان ما طقت خبر ..!

و أن شفتها مثل الغمام ، بنظرتي
ابنتظر يمكن يجيب الله مطر..!

محمد بن شتير

يا ال الوقاحة و يا ال القبح
دنيا رخيصة بدون إيمان..!

اللي يدور وراها ربح
أكيد يطلع و هو خسران..!

في ذمة الله وقت الصبح
و فالليل في ذمة الشيطان..!

محمد بن شتير

ما يموت الحب لو مر الزمان
و الغلا و الود باقي في محله..!

كل ما مريت من هذا المكان
أتذكر صورتك و أدعي لك الله..!

محمد بن شتير

ما وقف منك الشعر موقف محايد
و كنت فوق الكل يا نجم الثريا ..!

كل ما تطري عليّ جبت الفرايد
مير هذا اليوم عنك الشعر عيء..!

كيف وجهك ما تهيء للقصايد
و القصايد كلها لأجله تهيء ..!

محمد بن شتير

،


،

بعض الكتب تحتاج [تصحيح طبعة]
.. ماني مصدقها و أنا عندي إثبات..!

لو قالت أن المستحيلات سبعة
.. خصرك أشوفه ثامن المستحيلات..!


محمد بن شتير

كل جرح وكل موقف له حكاية
و أنت محتاج الفرح من بعد شدّه..!

شوف وجهك كيف شكله فالمرايه
والعمر لا راح ما تقدر ترده..!

بين وقفات البداية و النهاية
لا مع قلبك ولا وقفت ضده..!

و أنت ربي خالقك للناس ( آيه)
و نور روحك من بياضك تستمده..!

كم ردعت النفس عن درب الغواية
و البشر بالذنب كانت مستبدة..!

محمد بن شتير

كيف قلبي في هوانا يستميت
وخاطرك عندي ثمين و مرخصتني ..!


أرضك الهشة عليها لو مشيت
أتحمل غلطتي لو زلزلتني ..!

محمد بن شتير