أنا معك ياما .. تسابقت ظني ! __ حتى اني اتعذّر على شي مااخطيه ! تدور الغيبه .. بلا ادنى تجنّي ! __ تلوي ذراعي بالهجر ؟ وفرّ الـ ليه ! ثوبي " وهو ثوبي " إذا ملّ مني ! __ ماعاد يلزمني ، ولاني براعيه ! - للنطق : حتى اني = تُنطق / حتّني |
مالت .. مالت : معها الأرض ! توقف .. توقف .. معها الأرض ! حطّت يدها [ فوق الخصر ] أصبع ثابت - أصبع مايل ! أصبع : والله ماهو عاقل ! يعني هذا - وهي تتأفف ! بنت النكبه - لو تتلطّف ؟ شالت يدها .. من مشتلها .. قامت تفتح .. في شنطتها .. قالت : وينك أنت الثاني ؟ قلت أهلاً .. منهو ناداني ؟ قالت : خير ؟ أبحث عن روجي ! أنت أشفيك مسوي زوجي ؟ قلت أتأسف .. ثاير موجي ! - لفّت ثم تقفل شنطتها حطت هالروج بشفّتها ! أحمر - وأحمر ؟ ماهي جايه ! يعني أستغفر ربي .. آيه ! ذي أنسانه - كيف إنسانه ؟ زي الناس - شلون ؟ الناس ؟ هذا أنثى ؟ حاجه أسمى ! حاجه أعلى ! فتنه كُبرى ! قلت بنفسي .. بنت الـ … ! هذي ماتنحب بقلب ! هذي قلب فـ داخل قلب ! هذي النظره فيها تقوى ! لو النظره فيها " ذنب " هذا اجمل واطهر ذنب ! هذي لو ينظرها ابليس ! يصبح قيس ويصبح هيس ! هو يفضى .. يصبح خنّاس ؟ مايفضى يوسوس .. للناس ! هو مشغول .. بهالاناناس ! فجأه : قامت قالت تسمح ؟ قلت اي والله [ كلي أطمح ] ! قالت : ثوبك .. شايف .. ثوبك !؟ قلت ببسمه : يسلم ذوقك .. قالت : ركز مال الكوب سال .. وبلّل .. نص الثوب .. ! |
جتني وهي مستعجله .. ينده لها : صوت الفراق ! قالت .. عسى صدرك يطيب ؟ قلت أكتمل : عجزه مهيب ! كتفي كفيل " ويوزنه " قالت : وإذا ؟ عادي .. كذا !؟ قلت إيه - وألقى قافيه .. فيها الموسيقى " باقيه " قالت : كذا ؟ مافي لقى ؟ طيب إذا ممكن .. أعود ؟ قلت : اللقى ماله وجود ! بس نلتقي بين السطر في أي فكره تحتضر في بحر له شاطي وعر ! في أي ترميز .. أنتهى من قبل يبدا .. واختفى ! قالت : وانا .. وش موقعي ؟ قلت أول .. أسفل أصبعي شطرٍ بديته .. بااضلعي ! قال ليديني .. أهجعي ! نامت .. ومن نامت : رحل ! |
أتذكّر المشتل ..
وأتذكر وروده .. أتذكره .. مغري جنبه نهر .. يجري مليان بالفتنه .. يذهلك في حسنه .. أتأمله كل يوم من نافذة صدري ! والنافذة " تأذي " تجرح بعض يدّي ! قلت أقفل الشبّاك .. توجعني الأشواك ! خسرت هالمنظر .. لكن كسبت إيدي ! |
هذا المساء .. ناقص ماينقصه شمعه .. بس ينقصه " عطرِك " مرّي أتجاه الريح .. ياللي أكسجينك شيح ثم أزفري النسمه … بتنفسك " بشويش " وأحبسك في صدري " - تتنفس الإحساس .. وتوزعّه .. للناس ! هذي " وهي أنفاس " وشلون لامالت ؟ يارب .. هذي بنت ؟ مو مثلنا .. مِن " نبت " أحنا نجي .. من طين هذي تجي .. بتلحين ! شفت الوتر لامال 🎶 وقوفها … ال يامال هذي " أغنيه حيّه " مو كائنه حيّه ! |
___ أنا أحتجتك .. بهذا الفجر .. يجيبك .. مثل نسمة عطر ! ولكنّه يصّر الصبح ! يجي يحمل ملامح جرح ! عساكِ بخير .. ؟ وأنتي الخير ! عسى صدرك بعد آمِن ؟ وهو موطن سما .. ثامن ! حزينه ؟ خاطرك كيفه؟ يزول بهالشتا .. صيفه .. أحلفكِ برب الما .. أبد .. لايدخلك ظلمى وإنتي الضي .. والأضوا .. تخافين الظلام .. أدري ! يخافك أكثر .. ويمضي ترى روحك تشّع النور .. وتشعل بالمسا .. ديجور إذا مرّك سواد الليل .. تصير إيدينك .. القنديل ! واذا مرّ الحزن .. وجهك ! ترى حسنك .. غلب حزنك واذا همّك .. غدا تايه توّضي أقري كم آيه ولا تشكين " هالوِحده " ترى الله يكفي .. لوَحده ! بيوت الناس " مقفوله " وباب الله .. مايُقفل ! - |
— الجمال موجود دائماً [ فتّش عنه داخلك ، غُص في أعماقك وأخرجه ، الجمال غالباً يختبئ ] لابأس ببعض السواد هذه بشريّة الإنسان ، ولكن المهم الجوهر لأنه هو المنقذ دائماً ومايعيدك لطبيعتك .. يحدث أن يغطي الذهب بعض الغبار ، ولكن بمجرد أن تزيحه وتنظفه يعود بريقه كما كان ، لأنه ذهب ! تأكد أن الفطرة جميلة ورائعة " ولكن السواد يشوهها ثم تهرب للعمق لاتبقى على السطح ، غص في أعماقك وستجدها حتماً " |
- لاأريد : 1: ثقافتك : إذا كانت أخلاقك رديئة 2: صداقتك: إذا كنت تُسيء الظَنّ في كل شاردة وواردة لأنك ستجعلني مع الوقت مثلك أو سترهقني بالتبرير ! 3: معرفتك: إذا كنت ثعبان لايُؤمن خُبثه ولايُرجى أمانه 4: سلامك : إذا لم يسلَم منك أحد وتقذف بنات الناس ثُم تأتي لتباهي بذلك 5:رؤيتك : إذا كُنت متسلّق وتستغفل الكرماء متمسكاً بالمفردة الأولى ولم تُدرك معنى الكلمة الثانية .. " الكرم فطرة " والكريم يكرم حتى أعداءه " 6: نصيحتك : التي تكون أشبه " بصيحتك " يسمعها القاصي والداني لذا لاأريدك ولاأريدها .. خطأ مستور ، أفضل من صواب تدخل به المنّه ! - نقطة. |
الساعة الآن 01:08 AM |
Powered by vBulletin® Copyright ©2000 - 2024, Jelsoft Enterprises Ltd.