فرّح العالم معك باللي تحبه
ينعكس بوجيه خلق الله حسنك ..!

و خل حزنك في معاليقك و خبه
أنتبه لا تعدي العالم بحزنك..!

محمد بن شتير

اقسى على نفسي وأنا شخص حساس
و إذا جرحت انسان قلبي يعاني..!

آجيه في كلمة من الراس للراس
ولي وجه واحد ما معي وجه ثاني..!

صريح واحب الصراحة مع الناس
واللي على قلبي يقوله لساني..!


محمد بن شتير

.

دخلت قلبي بدون أسباب
و تركتني بالحزن غارق..!

ياليتني قبل افك الباب
سالت نفسي من الطارق؟

محمد بن شتير

اتعبت نفسي حيل جايي ورايح
ياليتهم عقب التعب قدروني..!

يحاربوني دامني شخص ناجح
لو كنت فاشل كان ما حاربوني ..!

محمد بن شتير

المظهر اللي كان عادي و مآلوف
بديت احس أنه ، تغير عليه..!

يمد عين ابليس لين اقطع الشوف
لضعيفة و الحين صارت قوية ..!

تدعس على الشارع بالاقدام وتطوف
مشيٍ يشابه مشي بنت العبيّة..!

خطواتها كانت عجوله مع خوف
واليوم تتمايل شويه شويه ..!

مقصودها في مشيها تحرق الجوف
واللي تدور عن ضحية ، ضحية ..!

و أنا ما ادور ذنب،، محتاج معروف
و مانيب ناسي فضل ربي عليه..!

محمد بن شتير

أحكم على الشي دايم من نهاياته
لا يخدعونك بعضهم يوم يبدون ..!

إبليس مؤمن كان بأول حياته
و تالي حياته صار كافر و ملعون..!

محمد بن شتير

خلف الظلام اللي تشوفه عيونك
نورك يغطي نور كل الصباحات..!

ما ادري حياتي كيف كانت بدونك
والأرض ما اردي كيفها و السموات..!

الله من شكلك و يا زين لونك
من يشبهك؟ يا ثامن المستحيلات..!

أشوفك أنتي غيرر ما يشبهونك
بينك وبين اللي نشوف إختلافات..!

المستحيل أن البشر يوصفونك
ياللي جمالك ما حوته الخيالات..!

يا روح أبوك الناس ما يعرفونك
قولي لهم حاجة كتبها الله و جات..!


محمد بن شتير

الله اللي خلقك و ما خلق مثلك
لو يقولون غيرك في البشر و اجد..!

كيف ابلقى أربعين أنسان يشبه لك؟
و أنت ما يشبهك منهم و لا واحد..!

محمد بن شتير