خليل الأحمد الشهري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] ظـلــم الـطـريـق ومعـمـعـة حـرّاســك=وانـفـاس صــدرك والـخـريـف الآتـــي

عطـنـى شـجـاعـة وأقـتـحـم أنـفـاسـك=خـذنـي مـسـافـة وأخـتـصـر مشـهـاتـي

اخـتـرت اســوّر باضـلـعـي احـسـاسـك=واجنـيـك صـرخـة فــي ربـيـع سكـاتـي

مـامـات بــردي والعـشـم فــي فـاســك=واللـيـل مـوحـش واسمـعـه فــي ذاتــي

اشـربـك مــدري انسـكـب فــي كـاسـك=اسكـبـك مـــدري اعـتــذر لـشـفـاتـي

ان قـلـت أمـوتــك حاسـبـونـي نـاســك=وان جـيـت ابـحـيـا مالـقـيـت أمـواتــي

الـمـوت صـحــوة لاغـشــاك نـعـاسـك=فــي عـيـن حــيٍ كاتـبـك فْ وصـاتــي

شبّـيـت ضعـفـي واحْـتَـرق فــي بـاسـك=وازريـــت اجـابـه سـارقـيـن رفـاتـي

الـحـزن مــارد فــي زجـاجـة يـاســك=لا جـيـت أبـفــرك مـاقــوت نـيـاتـي..

مـحـتـاج أطَـفّــي بالـبـكـا نـبـراســك=لا صـارنــورك حـالــك لْـظـلـمـاتـي..

والحـيـن شفـنـي مـيــت فـقـرطـاسـك=والـحـرف قـبـري والـمـسـا زفـراتــي..

[/poem]

مخلد الغنيم

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] حادي القيفان غنيت وايامك هجير=والاماني طوقت بالمعاني كل قاف

يامغني..نورس الفكر..مايارد غدير =والغدير ليا وردته يجوز الإرتشاف

والموارد..نبع من سيل والا جم بير =ماارضت الوارد مع الدرب واللي شاف عاف

كل خطوة لي مع العمر يقفاها العبير =دام ساقيها من الغيم يغتال الجفاف

اخصبت له جدب الافكار في وقتٍ قصير=بكرت في طلعها واستعدت للقطاف

تبتهج له كل نفسٍ وتفكير وضمير =لاكتست سود النوايا من الطيبة غلاف

كم تكدّس فكر بان لنهاياته نذير =كان في محراب حزنه يحب الاعتكاف

شح في مدة هقاويه للجمع الغفير =حاصره مجنون صمته..وميسور العفاف

لاح له ضفة من النور واسرع بالمسير=بعد ماهو باطرف الجانب المظلم يشاف

آه يامنذر طموحي وياحي البشير=كان توّج بعض الآمال باكليل الزفاف


في محيط الشعر وردت بالوقت الاخير=جيت مستدرك لماحل بسنينٍ عجاف

جيت لاني مستخير ولاني مستشير=يومي الغيت الادلة بحكم الاعتراف

ماخذيت براي متحيزٍ لو هو خبير =القلوب بها خلافٍ وبالراي اختلاف

والله اني مااتّبع راية القلب الضرير=للعواطف بعض الاحيان بالحق انعطاف

والهقاوي تزحم الروح وتسر النظير =سقتها بالشوق والصدق ..والهمة لحاف

من هجوسٍ تنتفض بي ومن قلب يغير =الامل يغري .. وانا محتزم لآخر مطاف

والمدى محفوف بالشعر .. والفكر الغزير =والعزايم ذخر والعمر عشته باحتراف

ارغب استيطان بالنور والمغزى خطـير=والمعاني لي مضافة وانا ماني مضاف

في ضفاف آمال عمري..تحريت البشير =عله يْتوّج لي النور في تلك الضفاف


[/poem]

فهد الصقري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يامساء خضر الغصون الطاهر المياله=وياصباح الورده اللي ساجده بخدودك

صاحبك ضامه خفوقه يصطفق في جاله=ينتظر لحظة لقاك ولا وفيت وعودك

اه لوتدري من اللي مشغل له باله=غيمة راحت وراك وتنتشي بورودك

بس أخيلك كل مامال الشجر لظلاله=ترقص انفاس الهبايب لا تثنى عودك

مل صبره سبّـة غيابك وشانت حاله=كل همه يرتجيك وطامع في جودك

يقطع جرود الفيافي متعبه ترحاله=مارعى زرع الضمير الا دبشك وذودك

جيت بهديك الوصال وقلت هاك حباله=مااتحمل ياملاذي غيبتك وصدودك

جيت ابتنفس ربيعك والبشر زواله=جيت أقول إن الليالي نورها بوجودك

جيت مغرم فيك ياجمر الغلا يالداله=قلت والله هايمٍ بك.قال هات شهودك

قلت مثلك ياجنوني عارف منزاله=وش ورى قلبي مكانك والعروق حدودك

[/poem]

بركات الشمري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شاعر أنا ياحنين الأمس محتاجك =أبغاك لامن طرقت الباب .. تفتح لي !

مشتاق والله كثير لراحة إزعاجك =مشتاق أحسّك مثل ماكنت تفرح لي

ماتذكر الحلم يوم ينام بـ ادراجك =تعال فسّر غيابه ليه !؟ واشرح لي !

مشتاق أداعب بحرك وألمس امواجك=مشتاق ألامس عميقك وانت تسبح لي

تعال واشعل بصمتي كلمة سراجك =تعال لكن إذا ماجيت لك ... رح لي !!

ماجيت أجمّع جروحي قاصد احراجك =جيتك أببكي وابيك الحين تسمح لي !!

بـ بكي على الناس والإحساس لاماجك=بـ بكي على الموت يوم إنه يلمّح لي !!

بـ بكي على الجوع والموجوع لاداجك=بـ بكي على الكون والمدفون في وحلي !!

بـ بكي على الروح والمجروح لا هاجك =بـ بكي على الحب يوم الحب لوّح لي !!

ياخطوة الحلم نامي وسط ديباجك !=وإلا اتركيني .. وخليّ الدرب .. وارتحلي !!

الموت لامن بكيت وجيت .. محتاجك !=وطرقت بابك .. ولابه ناس .. تفتح لي !!


[/poem]

عبد العزيز المالكي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خيّل لِيْ هـذا الوقـت يـا صاحبـي شـي= إن السُحب /. عصفور /. واصابعي ريـش
حتّى نبَت في دفتري . . هـالشعـر حـي= واسرفت تأويله ولا شفـت بـه ./ عَيـش
جيتك تعب / . فـي هيئـة انسـان للفَـي=وارتاح جُهـدي بيـن حائـط /. وتهميـش
سِرحان /. دخّن وأنفـث الليـل يـا خَـي= جدة في حالة سُكْر /. تحكيك /. عن وَيش ؟
سِرحان /. تكفى قلت لك شـف لنـا شَـي= ينفض صغار الجوع عن ضيق هـالخَيـش
طفران / . لين الهم لَـنْ مـا معـي لِـي= مخنوق كثر المعمعة /. لا تقل /. ليش . ؟!
مَلّيت / . امُـرّ البـال فـي ذاكـرة مَـي= والقى العطش في حاوية ( فَمّ ) / درويـش
شِف هـالرصيف النيّ في شـارع الحـي= والعابرين اطلال /. واحيـان /. تشويـش
خلّك / . من الإحساس يـا صاحبـي بِـي= ودّي ..! أحس انّي بلا قلـب / . وآطيـش
أملا فراغ الكون / . ثم / . اشعـل ايـدَيّ=عند الكتابـة لا امتلَيـت / . ابـ/خرابيـش
يمكن أكِنّ الضيـق وازفـر / . كـذا أيّ .!=ريحٍ حزينه تعـوي ابصـدر هـ/. العيـش
محتـاج أقـول: إن البحـر مغـتـرب زيّ= حلمٍ دعيته /. طفـل / . واتعبنـي تطنيـش
[/poem]

عادل العسيري

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تخيلني أجير بلا وطن مجحوده أتعابي=تخيلني صغير وهالزمن مايحتمل كبره

تخيلني من الاحباط عيني تخاف أهدابي=تخيلني من الاحزان مالي وجه من بكره

تخيلني من شكوكي أخاف جيوب اثوابي=اخاف تخبي أقداري وأكون بهالزمن عبره

تخيلني كذا وحدي معي حزني على ترابي=معي (اللاشي) وافخر به واعده شي واعتبره

تخيلني ونا اكثر شي فيني كثرة اصحابي=ادورهم فكومة قش والعن ضيعة الابره

تخيلني وهذا البرد وحده واقف ببابي=تخيلني وانا قلبي فتح له ابواب من صدره

عتب ياعَتْبة أبوابي اذا مروا هنا احبابي =وقالوا اللي يحب دايم قدر قلبه هنا يكره؟

سوالف ناي وغصون الشتا وتْطير اسرابي=واغني حلم كان اش كان والله صدق مفتكره

على خبره وانا ذاك النحيل ان طول غيابي=بعد وان طول غيابي نحيلك هو على خبره

كثر مااتنفس غيابه كثر ماتتلف اعصابي =كثر ماحيلي المهدود يشكيني على ذكره

هنا كان ارتحاله صعب واصعب منه يبقـى بي=هنا كان الزمن شامت يردد لي على فكره !!

ترا من حب له حلم وخيال العالم الغابي=مثل من راهن لمسك السراب بحفره لقبره

كذا يعني بغني الاه لاول سطر ف كتابي=كذا و فـْ اخر كتابي بجف وينتهي حبره

تخيلني بلا موطن غريب وسقفي ترابي=تخيل كيف بتخيل كذا بدونك يجي بكره ؟؟
[/poem]

عبد الله سماح المجلاد

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رحل حلو المنام وما طرق باب الجفـون انعـاس=نسيت النوم بعـدك والسهـر يستوطـن اجفانـي
وحَكَتْ عين الغرام وسال دمع الحبـر بالقرطـاس=يسولف عـن غيابـك يالخفـوق اللـي تناسانـي
أقول امحاك يكتبـك الشعـور بدفتـر الإحسـاس=واقول انساك لكن مايغيب اسمك مـن ال(سانـي)
رحلتي ليه وانتي للجسـد روحٍ تفيـض انفـاس=رحلتي ليـه وانتـي ربعـي وناسـي وخلاّنـي
وحشتيني كثير( وذبت) شوق ال(سودك)( النعّاس)=وانا من يوم غبتـي ماسقـى الهتّـان ريضانـي
تهيجن لك جروحي والشعور المغتـرب عسّـاس=وَلاَ بان الربيـع وماتـت مـن الجـدب قطعانـي
وربي من رحلتي وانقطع جذر الوصـل بالفـاس=هرج ليل العذاب وصاحبـي ضيقـي وحرمانـي
(نعم) بَعْدِكْ وحيد(وطبع عيني) ماتشـوف النـاس=(نَعَمْ)(بَعْدِكْ) غريب وموطنـي ترسانـة احزانـي
(نعم) بعدك جريح (تَعْبَثْ) اب(فكري) يَدْ الواسواس=بليـلٍ فيـه همّـي يفتـرش طراحـة اشجانـي
يِسَرِّيْنـي لِوَجْهـك والـدروب الهـمّ الهوجـاس=وفيها اطرد خيالك والوهـم لـه صـوت نادانـي
تسافر بي عيونك يـوم تسرقنـي مـن الجـلاّس=وتكتبني غـرام وترجـع مـن الشـوق تقرانـي
وانا الطفل الفقير اللي رسم وجهك على الكـراس=رصيدي صدق حبٍ يجري ابْ(دمـي وشريانـي)
فقير المال (لكن ) كُنْت / مُرهف/عاطفي/حَسّـاس=ثري جـداً بمخـزون الشعـور وقلبـي الحانـي
عطيتك مـن كنـوزي دون تحديـد وبلامقيـاس=مـن البحـر الغزيـز وقلـت ذا درّي ومرجانـي
زرعتك من صباي وكنتي النبتـه وانـا الغـرّاس=أساقيـك الغـرام وينهمـر لـك مـزن وجدانـي
وكُبَرْتي بالفؤاد وما افترق غصنك عن النسنـاس=وِمشت معنا الظروف ونَسْمِتِكْ تستعذب اغصانـي
وبِدَتْ وردة جمالك تَزْدِهِرْ ويِغِيْـر عقـد المـاس=من الخصر الرهيف ان ميلتـه الريـح واغرانـي
معي كنتي قريبـه مثـل عينيـنٍ بهـذا الـراس=وانا استوطن عيونك مامعاي مـن البشـر ثانـي
كذا كنت الْمُرَفّه قبل ما اشـرب لوعتـي بالكـاس=قبل (جُرْم) الوداع وقصّة المجنـي مـع الجانـي
لو ايعوّض غيابك ياذهب بيض السنيـن انحـاس=ماكان الورد ماتـت بسمتـه فـي ثغـر بستانـي
(تركتي لي غلاك)( وجرح فرقاك) وخيوط اليـاس=وتركتينـي شماتـه تتضـح بعيـون عـدوانـي
[/poem]

عبد الله الحميدي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
باقي عطر : (كـارون) .. ذكـرى بعيديـن=هو, وملامح وقـت.. ترجـع مـع الوقـت

هـدايـا ناس.اتـذكـرك نــاس ثانـيـن=كنّـك : كذبـت اتسلّـي نفسـكْ ..وصدّقـت

صديق راح..ابعد من : منين؟ .. ولـ: وين ؟=وإن راح لـك صديـق .. كنّـك تفـرقـت

مـا اهدانـي الا /افكـار ضيقـات ناسيـن=بعيـوب طبـعٍ ..ومـن طبوعـي تشققـت

صرت ورقـه بيديـن عابر..مشـى سنيـن=لا..والله الاّ..صــرت طـفـل /وتعـوّقـت

لـه عـام رايـح.. عام..وتقـول يوميـن=وضميـري يدفعني..لـو انـي له..انسقـت

لامـن هـرج تسمـع سواليفـه العـيـن=مـن لمحـه وحـده فيـه / تلقـاك دققـت

عليـه قلـبـي مـاهـو محتاج..تحنـيـن=احنّ لـه..واذا سلـى هـو .. انـا اشتقـت

احـسّ فـي ممشـاي له..تحتـي الطـيـن=واصلـت/ ماوصلـت ... ابرجـع/ توهقـت

دريـت عقـب مفارقـه إنّــه : اثنـيـن=الثاني / مظلم ..مهما انـا جيـت واشرقـت

والاول .. يغلـي فينـي الزيـن والشـيـن=والثانـي خـلانـي مـعـه.. ماتوفـقـت

يعـرف مـزاجـي زيـن..واقـدّره زيــن=من بعـده ان ناظـرت باحوالـي.. اشفقـت

صعبـه..إذا تصعـب علـى نفسـك بحيـن=والاصعب انـك وانـت فـي ضيقتك..ضقـت

وشلون اعرف الذنب..والوضـع تخميـن ؟!=كـلّـي هروج..وبالمـلامـح تنـاطـقـت

ساكت ويبقى الحكي..من عيـن الـى عيـن=يحكى ونيـن ..ولاغشـا السمـع/ عرّقـت

ارثـي صـديـق..ولازم اكـتـب بعينـيـن=لاصـدت الاخـرى.. بـالاخـرى توايـقـت

ولاصار بإحساسي له ..احسـاس مخطيـن=وين النظر ..وانا مـن اقصـاي /دنقـت؟ !

يذبح احسـاس ( اللـي امسّويـن ساليـن)=الذكـريـات الثابـتـه كنّـهـا : الـوقـت

وبعـض الاغانـي.. ذكـريـات المقفّـيـن=وبعـض العطـر لاسال..كـلّـك تدلّـقـت

مبعـد .. وكنّـه : ديـرة اقصـى بعيديـن=حتى لـو انّـي مـزن ... دونـه تفرّقـت !

[/poem]